閒日小屋

營業中

休息中

放工路過，嘗試新嘅韓國菜小店🥰睇Menu菜式選擇多，價錢唔係好貴，所以都忍唔住嗌咗幾款🤤韓式牛肉壽司（$46）韓式壽司喺必點😎 開盒香香的麻油味，飯軟餡料簡單好入口，最愛嘅牛肉、蛋皮、菜、蘿蔔等等，經典搭配。韓式牛肉粉絲（$48） 亮晶晶的粉絲.呈現出半透的色澤，吃下煙韌彈牙😻有豐富又健康的配菜：紅蘿蔔絲、雞蛋絲、青椒等.色彩鮮艷，有口感層次😽泡菜豬肉蓋飯（$50）泡菜豬肉，真的太下飯了，一點點就可以來一大碗飯🤭因為有泡菜，不太膩! 一口能吃到我最愛的五花肉泡菜米飯和韓國辣醬🥰簡單而言，都係性價比高的一餐，鍾意韓國菜嘅可以試吓💓

最近經過新蒲崗，發現有間韓國餐廳，有我想食既炸雞，於是入去試試~先叫個2人餐$88，有成6-7件雞，1客小食同2罐汽水。真心啲雞好正，外皮炸得好脆，入面既雞肉超嫩滑，我仲揀左蜜糖芥末醬，估唔到又幾MATCH wor。小食揀左泡菜, 又凍又辣又好食！另外我地仲點左個牛肉炒粉絲，主要材料為牛肉、洋蔥、紅蘿蔔、蛋等！韓國粉絲用番薯製作，口感煙韌，超好食，必試~overall 價錢真心親民，唔怪得咁多外賣order 啦=]

鋪頭細細，但都有幾多人叫外賣，而隔離嗰啲餐廳就冇乜人，應該穩陣，所以入去試下。兩個人叫咗個韓式炸雞2人餐$88：有六-七件炸雞、一個小食 & 兩罐汽水。啲炸雞好好食，外皮炸到好脆，裏面雞肉仲係好嫩滑好juicy，有幾個醬汁可以揀，我哋叫咗芥辣，個醬甜甜地，點埋啲雞好鬼夾。$88真係好抵！！！叫多一份吞拿魚韓式飯糰 $45。飯糰好多料，好好食，食曬啲嘢夜晚飯都食唔落飯。最後想講個女仔waitress 好有禮貌，服務態度好好，抵讚！

新蒲崗出名多好多隱世好食嘅餐廳， 肥雞有日路經呢一間韓式炸雞店同小食店， 發覺價錢又平分量睇落去都大所以決定打包一啲返屋企試下。 肥雞嗌咗一份炸雞，佢嘅炸雞外皮非常之香脆，肉質鮮嫩， 每一口都充滿咗油脂香味同埋鮮嫩嘅雞汁。肥仔再嗌多咗個烤牛肉紫菜包飯， 同埋吞拿魚紫菜包飯， 佢哋味道非常之正宗，拍得上一般嘅餐廳 。而且所有材料出手都非常之闊綽嘅比例非常之好。 而佢嘅辣炒年糕拼魚餅非常之香辣可口，配埋飲品一流 。

近日因為看了幾套韓劇的關係，勾起對韓國食品的回憶，所以透過外賣網站，嘗試一下這一間小店！美味程度實在讓我意想不到！真的好像在韓國吃的味道一樣！絕對要留言點讚！👍👍👍我們點了一份二人炸雞套餐，雖然是外賣，但是還是脆度十足！而且相當嫩滑。醬汁分量十足我們把炸雞吃完之後醬汁還有很多剩下來呢！紫菜卷是我最欣賞的！他的麻油味十足，跟我們在韓國吃的，根本是一模一樣呢！我們還另外點了一份蟹餅小食，味道也相當好，外脆內軟，美味！下次一定會再幫襯

📍閒日小屋 (新蒲崗)新蒲崗好多抵食小店！呢間餐廳以外賣為主，都有大約十個座位。人均$60左右已經夠飽，味道仲唔錯。✨韓式飯卷（原味蟹柳） $38飯卷即叫即做，包得夠扎實。配料有蛋餅、蟹柳、紅蘿蔔絲、青瓜。用料樸實但味道清新，仲有少少芝麻香。✨韓式炸雞二人餐 $88一份有六至七件炸雞，一份小食，同埋兩罐汽水。炸雞外脆內嫩，除咗翼尖外都係無骨，比起想像中出色。每份炸雞可以配一份醬汁。我哋揀咗蒜味醬，蒜味好香，唔會太辣太濃。小食係泡菜、蘿蔔乾、大豆芽之類嘅韓式前菜。我哋揀咗韓式魷魚醬，香辣又惹味。📍閒日小屋 (新蒲崗)新蒲崗康強街32-34號康強洋樓地下4A號舖

新蒲崗好多小店，呢間韓國餐廳唔單止高CP，而且全部食物都幾好味😆店舖話炒粉絲係即叫即整㗎！不過都唔係等好耐，大概10分鐘就OK！ 小店無咩位置，就買返公司食😆✅個人最鍾意食韓式燒牛肉飯卷 $46裡面配菜好脆口，層次豐富，而且牛肉味香✅另外牛肉炒粉絲 $46 都好多配料，有青椒🫑牛肉 紅蘿蔔 雞蛋 芝麻 等，粉絲彈牙，有香濃芝麻味，又唔會好鹹，調味岩岩好✅辣炒年糕 $30 甜辣嘅年糕比想像中辣，裡面有泡菜同魚糕，份量都好多，我地2個人完全食唔曬，好抵食！另外加錢可以要醃蘿蔔$8同埋要飲品$5。夏日炎炎當然要飲凍飲啦！💕

住附近既朋友介紹，呢到有間韓式小店，味道好唔錯，今日嚟探開佢就順便嚟食下☺️門口望落似家庭形式經營嘅小店平日時間黎真係可以享受下休閒嘅店舖，座位唔算多但好舒適，員工們都好nice🥰🍤日式咖喱天婦羅蝦飯 $45一送餐嚟就嚇親左😯價錢唔貴但有4條天婦羅蝦，口感鬆脆，裏面嘅蝦彈牙，配埋日式甜咖喱，好岩送飯🍢韓式炒年糕雜錦 $30雖然好鍾意食炒年糕，但成日好怕食到好硬身，我朋友話呢到係煙韌架🤩即刻點嚟食，果然冇介紹錯，醬汁微甜微辣，好啱香港人口味，推薦👍🏻🍡香芋番薯波波 $20/6粒又係鍾意煙靭口感之選，咬落外脆內軟，好香香芋味，鍾意食炸嘢可以過下口癮🥤柚子茶梳打特飲 加配價$9整體嚟講，性價比好高，埋單$120有找就食飽晒我哋兩個，野食時間等候多少少，但送到上嚟野食熱辣辣，唔係翻炸🤩最緊要好味，見到其他人都嗌炸雞，下次要嚟試埋佢嘅炸雞先得

給我的下午茶時間文清裝修的小白屋兩位可愛的小女孩推門而入。雖然正在休息卻馬上進入營業狀態。等待⌛️期間一點都不沉悶，韓國的歌在播放。韓式壽司卷(原味) 南瓜,牛蒡,甘筍,雞蛋,黃 瓜、 蟹柳 $40.00韓式通常吃的時候都是冷凍狀態，小店即點即整，材料非常豐富，手卷七彩繽紛的，完全是營養滿滿的。推✨韓式壽司卷(吞拿魚) 牛蒡,甘筍,青瓜,黃瓜,雞 蛋,吞拿魚沙律 🥗 $47.00豐富得來帶有濕潤的口感的口感，是日最愛，媽媽吃過之後都在研究🧐怎樣製作。韓式壽司卷(牛肉) 大豆芽,甘筍,雞蛋,青瓜,香 菇肉碎,生菜 🥬 $47.00等待期間傳來的香氣，就是炒牛肉，三份當中最有口感的，第一次吃有牛肉的壽司卷，非常之夾。忍不住一口接着一口，比平時還要開胃。下次想試炸雞🍗

去過2次，店舖細，坐得10個人。但野食真心唔錯，佢d泡菜係好夠重口，正！炸雞好新鮮，價錢上比一般食韓式炸雞都平一d，真心唔錯其他飯、小食都幾好食，食過佢的香菇豬肉飯，量夠，味足，價錢就... 算叫正常價位吧

放假悶悶地想食下韓國野，X八又食到悶，開外賣app見到呢間小店見到佢平平地，二人餐200蚊左右就有雙味炸雞八件、一盒年糕、牛肉飯卷、漬物同埋野飲，即管試下，點知一試就有驚喜！炸雞賣相幾靚仔，飯卷同漬物大讚！同過江龍有得揮！年糕個汁好夠辣，正！唯一缺點係無辣味炸雞揀，得甜辣！希望以後會有辣味可以選擇最窩心係食店有張貼心memo 支持！

有日同朋友行街經過見到呢間韓式鋪頭，又見到價錢唔算貴。忍唔住要試下，我地叫左個韓式拌飯同炸雞外賣，一入到去店員都好nice同我地介紹。番到去打開個袋聞到陣炸雞味都忍唔住好想食了。店員都準備好手套方便食炸雞好體貼野食方面，炸雞佢一共有幾隻醬比我選擇，咁我地就簡左甜辣醬。食落有驚喜，因為拎番去個過程都一段時間 但食落口感幾好，外脆內嫩仲有肉汁。而個伴飯份量相當足料，以呢個價錢黎講真係相當抵食。 值得回頭再幫襯下次會想試埋個壽司卷

閒日小屋🇰🇷原味蟹柳韓式紫菜飯卷🥢($38) 7/10味道正常麻油味幾重幾香，但因為冇肉類，所以味道偏單調，如果粒酸蘿蔔大粒啲，會有口感好多🙌🏻韓式牛肉炒粉絲🍜($45) 7.5/10份量裝到落個盒一半，唔算好多但都好夠食，味道正常鹹得黎未over，啲牛肉係甜嘅，所以食落多少少層次😋炸物拼盤($35) 8.5/10啲炸物全部冇伏，而且Keep到脆卜卜又唔油膩👍🏻 可以係佢推小食list 揀4款，每款兩隻，我哋揀咗炸芝士條、蕃薯波、紫菜粉絲卷同埋洋蔥圈。個蕃薯波🍠做到外脆肉軟，而且料好多🤤 ，芝士條做到拉絲效果🧀韓國蜂蜜檸檬蜜🍯(+$5) 6/10其實佢個蜂蜜底幾好飲，但佢冇係熱水嘅時候搞渾佢，所以冲凍之後檸蜜keep咗係底，搞極都唔渾🙈韓國甜米露🧃(+$6) 7/10罐裝甜米露，飲落甜甜地，有啲米粒🍚口感，幾特別👍🏻Extra Comment🖍•見佢有個炸雞二人餐都係88蚊，下次再去試下🍗•餐廳真係小屋，得大約兩三張枱🙈

好耐無食韓國野呢間小店開左唔耐 第一次係仲有堂食時當時得我地一枱堂食 期間見好多人買外賣早2日夜晚想買地道館但關左門 就去左附近呢間韓式紫菜飯卷-燒牛肉 ($45)食過一次後心心念念🥰燒牛肉依舊多汁嫩滑一小時之後食 都唔會柴左醬汁濃味 配飯岩哂☺️韓式紫菜飯卷-原味蟹柳 ($38)原味就清淡 材料都好豐富米飯壓到好實 食食吓其實好飽😂好喜歡呢種韓國菜卷韓式辣豬肉炒粉絲 ($45)呢個好惹味 粉絲彈牙呢個辣醬配豬肉好夾😳唔會話勁咸 調味做得幾好不過都幾辣🥵 唔食得辣嘅朋友諗清楚先好叫甜米露 ($8/罐)Btw雖然餐廳細細最欣賞擺盤有心思🥰就算外賣 賣相都好吸引食嘅時候都會開心啲仲igable添😜

叫咗一份二人炸雞餐，炸雞好明顯係唔靚。試咗一啖，有浸「宿」味，完全食唔到落肚。甘我捻緊會唔會係個別一件雞唔靚，於是乎我每舊都咬一淡。結果就係，全部都有個浸「宿」味。雖然呢個價錢，都應該要求甘多。但起碼應該要食得落肚。而且都唔肯定佢係米即炸。我7點55分落單，8點鐘就話攞得。返到屋企嘅時候，亦都係凍冰冰。所以已經判斷唔到係攞啲壞左個肉去炸，定係翻炸又翻炸。我捻冇人會expect炸雞係甘嘅樣。希望貴店可以改善下以上問題。