影片
港鐵土瓜灣站D1出口, 步行約10分鐘
繼續閱讀
營業時間
星期一至六
07:30 - 15:30
星期日
全日休息
公眾假期
全日休息
以上資料只供參考, 請與餐廳確認詳情
招牌菜
相關文章
事隔十年再到訪，食物質素進步不少，突飛猛進食得過。舖面偏細，檯櫈放得密密麻麻，食客件件肥獅大隻，隔離個健碩肥嬸已撞到我幾次，背後個笨重肥佬批我兩次踭！真係食都唔得安樂，燥底火火地！舉五次手叫五次先有職員招呼，是否只有一位職員專責落單呢？其他不準嗎？必須準時衝出門口及在 3 分鐘內到逹，否則大量食客湧現就有排等咯。包場食餃子，食清一點，食輕一點，留力今晚食大餐！火腿炒蛋叉燒意粉，不用鮑參翅肚，不用山珍海錯，都可以發揮米芝連 5 粒星的殺傷力！火腿炒蛋，炒蛋嫩滑帶蛋汁，蛋味甘香濃郁，調味恰到好處無可挑剔，跟咸香火腿融合，使出合體攻擊戰無不勝！叉燒湯意粉，叉燒沒有真正燒過都美味可口，鬆化溢出豬肉醇厚甜味，只有讚好的份兒。特濃高湯襯著彈滑完整長長意粉，滾熱辣燙住嘴不停連湯吸啜，色香味爆燈使我停不下來！半滴不漏全部灌入，清得乾乾淨淨，好食到心裡邊食邊講粗口！火腿煎雙蛋，就算係平凡煎都可以做到米芝連級數！蛋白香脆可口，蛋黃流心滴滴，最緊要有心！滑滑咸香火腿，搭著煎蛋齊齊食更美妙。叉燒湯通粉，嫩滑通粉浸在濃郁雞湯灌入，無話可說，滿分！醉轉灣，點解係海灣個灣，不是彎曲個彎呢？點解係雞中翼，個轉彎去左邊？不是應該係雞中翼同雞翼尖之間骹位個彎咩？涼浸浸的冷盤，乾乾的，鞋鞋的，輕輕醃味少少酒香，非常一般的。拍青瓜，醃味偏淡，帶少少澀，時間不足，去水不足，拍得不足，只食其爽不是食其味，微辣有少少麵豉味道。玉豆豬肉餛飩上海麵，都話走蔥咯！講兩次都唔理我，不幸中之大幸，蔥花鋪在雲吞上，湯汁沒有受到污染。餐牌寫著玉豆我都不明所以，咬開檢查一下。睇落都係菜，食落都係菜，清甜樸實爽爽的。多多菜少少肉，菜汁肉汁互不相讓，在舌尖上不停翻騰。上海麵雪白曲曲沒怎樣的期望，難得拖著甜清新湯汁啜入口，有點不錯的味道，而且微彈略有嚼勁帶米香。湯底似曾相識，再呷多三四啖都硬係諗唔起是什麼。隊兩羮辣椒油點綴，居然跟大埔許記一樣麻辣辣椒油，刺激興奮，越飲越過癮！成隻碗拿起連上海麵一齊掃入嘴仔，不經意成碗湯飲咯。洋蔥豬肉餃子湯麵走蔥，記得走蔥真有我心。原來湯底有加入櫻花蝦餚製，所以有種獨特的鮮甜味道。餃子大大粒充滿洋蔥甜味，而且還保留少許辛辣味道，搭上豬肉鬆格外可口！整粒啪入不讓精華有半點流失，滿意滿意。豆瓣醬屬咸類不是辣類，強咸而辣弱，混上湯汁再大大力吸啜，添味提鮮許多，亦使味道豐富多了！蒜泥白肉，各施各法，不同食店有不同的傳承。厚厚黏黏的黑醬油混著蒜蓉，讓五花腩肉捲著，肉質嚥韌結實，食得到的肉甜肉香，加上蒜味辛甜開胃，轉眼被我全部消滅。五香牛腱，估不到會係冰凍的，嚥嚥韌韌黑醬油濃烈，不過不失。食幾塊牛腱補一補對膝頭哥，新傷舊患。韮菜豬肉餃子麵，即煮有誠意，不是煮定麵底，求其倒個滾湯就出貨。所以請耐心等候，只需要 5 分鐘左右便好。韮菜餃感覺比其他兩款餃大一丁點，餡料塞得脹卜卜，大量韮菜少少肉碎，落味清淡而韮菜甜味突出。熱豆漿，極高溫難得一遇，比凍的更香更醇。全場食客都係阿嬸阿姐阿妹，只得我一位男士喎，莫非阿伯阿叔全部確診武肺被隔離？臨食完有個阿伯衝入黎，心感高危！急急食完埋單即閃。滷蛋豆腐，入口即聯想到豬腳薑，糖醋雞蛋全熟，我還以為會係溏心蛋。豆腐蜈蚣？盤龍豆腐？皮香口，肉嫩滑，豆香出眾，糖醋味豆腐怪怪的。紹菜肉絲上海湯麵，竟然跟老媽自家炸春卷餡料一樣，但老媽係客家婆，唔係上海婆喎。何解有股草青味既？話知您照食可也！正常份量比輕食多兩三倍，實在使得我太飽咯！麵條捲著爽脆菜葉嚥韌肉絲不停吞噬，最終都能完美地消滅。燻魚，少少脆，少少乾，少少甜，嚥嚥韌韌可以的。售 $22 蚊條乾爭爭硬掘掘既燻魚，我真係唔識欣賞。雪菜肉絲上海湯麵，自家炒雪菜咸鮮爽脆，嚥韌拉麵夾著大啖啜，仲有濃郁上湯緊隨，沒有挑剔的份兒！非常出色。糖醋排骨，排得靚靚整齊三大舊。突然腸胃炎，疴到菊花也謝了，填充一下再繼續疴。不正常肚瀉唔似食錯野，感冒菌入腸？全部都係豬軟骨，方便慳功夫全部沒收！鬆化瘦肉甘甜脂肪搭著脆卜卜軟骨，趙得過癮。甜甜帶輕輕醋味，感覺撈飯會更暢快。洋蔥豬肉餃韮菜豬肉餃上海湯麵，嘆完兩大重口味餃子，口氣都大唔少！蠔油生菜，烚到成堆紙巾一樣，帶著苦澀味，雖然熱辣辣，但不鮮不甜完全唔想食，失敗！腸胃炎第 4 日疴足 4 日，菊花都出血，要食清一點，上海湯麵應該清好多啦。玉豆豬肉餛飩拼洋蔥豬肉餃子湯麵，嬸嬸稱係豆瓣醬？明明係辣椒醬黎喎，露餡了﹗雖然講著流利廣東話，但唔係香港人黎。雪菜肉絲湯意粉，居然失手！湯汁依然可口濃郁但溫度不足，爽脆雪菜炒得未透徹有少少宿味，意粉腍了一點點，感到黏口不順滑。
繼續閱讀
每次補習前諗唔到食咩，都總會返到阿芳既懷抱裏，呢日都唔例外😯頻頻食輕食餐，可以揀淨食六粒餃子配小食，或者係四粒餃子加年糕配小食，餃子有四款選擇，而小食就有約十款，帶黎無限個配搭可能性🤫▪️ 輕食餐 細韭菜豬肉餃子年糕配醉轉灣 + 豆漿 💲46呢日要左細韭菜豬肉餃子年糕配醉轉灣，自家製既餃子結實飽滿，皮厚薄適中，內餡既韭菜豬肉足料🤗不過年糕同湯底都好似退步左，前者無以往咁煙韌，後者既麻油同櫻花蝦味亦都無咁突出了😣醉轉灣其實就係將雞翼浸落花雕度，酒味依舊香濃，除咗層皮之外，底下啖啖肉都夠味🐥豆漿會有凍熱之分，不過不失🔎 整體評分（7/10）
繼續閱讀
欣賞 : 1, 店內最吸引我係枱面鋪上頗吸引嘅綠色枱布.2, 點咗個洋蔥豬肉餃子麵, 洋蔥同豬肉好夾, 好味!3, 餃子除咗好味, 足料! 另外如果淨食十隻餃子, 麵就六隻, 唔似馬頭圍潮豐噤偷工減料, 叫淨食同麵食餸菜材料份量係一相同!4, 另外點紹菜肉絲湯年糕, 用嘅係豬骨湯底, 豬骨湯底夠香濃入味, 好味!失望1, 豆漿太淡.2, 洋蔥豬肉餃子麵湯底用清雞湯, 湯底太淡, 令到個麵都淡淡無味, 搞到個麵我食得一半就停手, 轉用豬骨湯底相信更理想.3, 餐牌無寫明有兩款清雞湯及豬骨湯底提供, 分分鐘重有其他湯底選.4, 餐凳坐得好唔舒服.
繼續閱讀
同事帶我行遠少少食lunch，原來崇潔街依邊咁多野食，行左個圈隨便咁入左間話食餛飩專門店，但只有賣一款餛飩 😂😂好彩有雙拼，仲有3款水餃可以簡，仲可以簡淨食就有10粒餃子 或 配年糕or粉麵就得6粒餃子，再送多杯豆漿（凍/熱）我叫左 玉豆豬肉餛飩 ＋ 韭菜豬肉餃子 米粉；米粉一夾起就散，非常碎😑碎到要用 匙羹食。而且店內非常熱，麵又熱食到全身成個人都濕哂🤮價錢其實紅磡區黎講唔算平，又唔太好食又熱又焗，好難再黎了
繼續閱讀
一早去紅磡開會，先去買早餐，已食怕咗茶餐廳，所以揀咗呢間水餃店，去到門口已放咗餐牌，店內平實麵店格局，枱面放咗餃子皮及餡，睇到係即包，先去收銀處落單，有八達通比錢方便！我想要收據店員好好寫比我（因為呢間店落單紙寫比廚房出菜，唔會比客）玉豆豬肉餃跟年榚早餐（$32）跟凍豆漿，賣相幾靚，水餃🥟浸咗一陣，皮無可避免有啲泡，幸好夠滑，喜歡水餃皮夠大塊，索湯嫩滑，餡豬肉同打爛嘅豆一半半，豬肉唔乾，豆味無草青腥味，好味！年榚略薄，索湯微煙韌，湯味幾香濃，應該加了麻油，開胃！凍豆漿（跟餐）夠凍有豆味！微甜好味！韭菜豬肉餃早餐（$32）跟凍豆漿，同事食店員幾nice，我問佢玉豆係乜野豆，佢好親切地答我係四季豆！仲比埋外賣紙，我話一個餐都送外賣，我攞外賣走仲同我講bye bye!可以一試
繼續閱讀