陸陸雞煲火鍋 (已結業)

我之前一路都想食 但係呢一間實在太full booking啦 同埋雞煲都係要多啲人食先開心 所以都係新年之前先約咗一大班大學同學食到😎😎·陸陸雞煲（大）$228呢個入邊都有幾多雞😏😏係真係食極都仲有😂佢啲雞都幾嫩嘅 不過我覺得冇太多肉 但係數量上取勝 同埋佢個調味都做得幾好 唔會太辣得黎又幾惹味🤤·手打墨魚滑 $72呢一個我覺得好好食呀 佢係真係手打 你會食到入邊有啲墨魚塊 超有口感😂😂同埋佢整得好靚佢係將D黑白色既墨魚滑砌到好似個企鵝形狀咁 好可愛🐧不過因為我地一大班朋友一齊食嘢 所以我掛住吹水冇影相🤣🤣·炸魚皮 $42呢個我都超級推介😋😋尤其係將佢擺落個雞煲到 超好食 佢索完湯嗰魚皮口感仍然係超好食 仲保持到個脆口感得黎唔會太熱氣 而且索曬啲湯 超惹味🤩·#rbyeat#rby港式#rby旺角·📍旺角白布街16號

今次黎到旺角食雞煲，全因聽聞呢度係好出名一行6人揀咗小辣雞煲，辣度同出面差唔多，聞落好香，但唔會話好咸好濃。雞唔會話煮到好老，反而要煮多陣先，所以食落都嫩。另外啲洋蔥都幾好食幾甜，叫做煮得「林」身，好易入口同想encore再食。//不過雞份糧唔算多，大家有機會唔夠喉再叫多份，基於我地好想試佢其他餸，就冇再追加。黎到豐富既火鍋食材部分，我地叫咗：【男士最愛】滑打牛肉，同枱男士食到津津有味，表示牛味出配搭滑蛋再嫩啲，個種滑同牛味唔係一般既脂肪味，係真係「牛味」【主角】小辣招牌陸陸雞煲【海鮮promotion】食嗰陣咁啱做緊promotion，追加咗鮑魚海蝦。目測鮑魚都洗得幾乾淨，食落彈牙鮮味，海蝦新唔新鮮就更易試，蝦肉「實正爽口」唔痴殼。呢度海鮮睇黎都唔錯﹗【個人推介】敢話呢度既手打魚滑同丸係用心之作，墨魚味濃郁，味道啱啱好﹗而且好彈牙，係就係貴咗少少，不過真係好味高質【必食之選】平時食牛柏葉最怕大份厚身又難咬，呢度既牛柏葉超極薄，切既份量剛好，好入味，用冰鎮住keep得幾好，食落好爽口，好頂癮﹗

6點開鋪坐低，等左整整一個鐘 ，問呀姐仲有幾耐，叫我俾D耐性，請問我等既一個鐘不是耐性？隔離枱遲過我到，仲快過我食到，真係成肚氣，吾會有下次,俾錢買難受大家預左食就俾耐性

Delicious and fresh chicken tgt with spicy chilli. 雞滑肉嫩，辣椒惹味。食完雞煲再落肥牛，飲埋杯青檸梳打，人生極樂不過如此。4個人埋單六舊水85折完500蚊都唔洗，抵呀!!

昨晚我是第一次幫襯呢間食店！(冒著吃TG風險)辣雞煲手切牛肉都不錯！那個花膠雞湯可以不用試…感覺上很淡…六個人還送了三隻大閘蟹！地方都很闊落…飲品都真的很特別！我點了紅豆冰不過整杯好像搞爛了紅豆溶好不好味真是見仁見智！我朋友點的青檸梳打非常淡好像是在開水加入青檸一樣！最不滿是大家抱著是吃三百幾那個套餐…但是他們說要訂位時說要套餐才有！我朋友訂位時食店同事又沒有跟他說！我們第一次吃可會知道！結果散叫了幾樣食物六個人埋單吃了差不多$1800價錢不算貴！不過吃不到套餐就不太值

星期六晚好夜先去食嘢，即刻諗到食陸陸！半夜12點幾去到，仲有好多客，開到2點，1點last order! 用pad嗌嘢，好方便！店員好好人，服務一流！去得太夜，已經冇海鮮餐，得番散嗌，叫咗bb辣雞煲，但已經頗辣，唔食得辣嘅人記得一黎到就揀走d辣椒！雞煲好味，越辣越想食，停唔到！肥牛: 見到d花，都知唔係渣嘢，有牛味！墨魚丸: 黑白墨魚丸，彈牙爽口，好味，一定要試！白鱔片: 打邊爐白鱔真係一流，好新鮮！畀cash 每人送6隻蝦，蝦夠新鮮，一流！總括黎講，勁滿足一餐，服務態度好，嘢食好味，有咩理由唔幫襯！😏😏陸陸加油！

前排去個陣做緊優惠，打邊爐送雞煲，用現金比錢再送海鮮，覺得好抵食🤤 另外都見到牆上面貼住個優惠係買套餐既話，某部分食物係任食的！不過因為諗住散叫所以用唔著個優惠😹 其中有碟花之戀係將啲黑豚肉砌成玫瑰花，外形勁靚！雖然冇影相，但個帆立貝好大隻，煮完再點汁真係好出色😭 然後我自己野飲嗌咗杯66 colada同埋6 luck，前者有好香椰香味，後者係提子香，兩杯都係酸酸甜甜勁開胃解渴的好選擇！♥️ 之後都試咗淡朋友叫既香蕉冰，超好飲！！！不過野食選擇偏少，如果有多少少種類就更好了！環境就都幾乾淨，坐得都幾舒服，店員態度都好好✨ 不過建議大家最好book咗位再去！因為長期都好多食客去幫襯～ 之後應該都會再去食

去到鋪頭門口已經唔少人等緊，上到去仲爆晒場tim.由於做緊期間promote,一坐低兩個人就送左半隻雞。離晒譜，唔知點圍皮食完之後就開爐打邊爐，我地另外叫左本地滑牛，好嫰，好好食仲加埋蛋之後黎埋咸牛肉油炸鬼同鵝腸，再黎生菜籃d野食就齊晒。滑牛同油炸鬼真係一絕好食到爆（不過都要睇自己手勢祿太耐唔脆，牛肉鞋晒）野飲叫左檸賓少冰，甜度好啱唔會太甜最後想講環境氣氛，全場滿座，同聲同氣簡直一流後記，早一日突然心血來潮想支持下，messager問下鋪頭1830仲有無枱。竟然仲有位但要2000離開。即刻留兩位同老婆去食當日由於交通原因估計會遲到，早半個鐘拿拿聲打電話去同鋪頭講鋪頭都好體諒留比我地，2000遲左少少又無出聲講咩（我地都知遲左，盡快食完交枱),支持👍

早前相約幾位朋友去旺角食雞煲😋有朋友提意食😋 “陸陸雞煲”🐥去到先知原來食"海鮮套餐"係要係book 時講🙈🙈所以冇得食🙈* 提下名位朋友，如果想食 " 陸陸雞煲火鍋海鮮套餐" 記得係訂枱時講明，因用膳時間比食單點雞煲會吾同，時間會長d 😉（我記得個套餐係每位$338)最後只可以食雞煲，如果吾食得辣既朋友就吾好叫禁辣，因辣度都算偏辣😉🌶推薦：西瓜汁（500ml ) 解辣必備🌶🤣

點止雞煲咁簡單，又有質素又有良心，緊係要幫襯九月食左兩次，一次食夜晚九點，一次食六點九點個次個場勁爆，都要等到九點四先入到去六點個次就時間尚早，可以直入，不過兩次都勁多人想walk in無位，所以大家要早d 訂位用ipad落單，好方便，雞煲叫左小辣，因為大家唔太食得辣，小辣對我地黎講就啱啱好個手切牛好正呀，好香，唔會臊仲有呢個墨魚滑，造型好cute如果埋單用現金，每人仲送海鮮添，有半打海蝦/兩隻鮑魚/兩隻螺揀，可以人人唔同如果bk到就最好八點打後食，氣氛會好好多🤗💪🏽💪🏽

行過門口，好大個招牌話現金俾錢可以送鮑魚或海蝦，就膽粗粗入去試吓，好評都很多，因為都食得唔多所以就冇叫套餐麻辣雞煲小辣，偏油😓😓食到一半已經頂唔順要加湯先食到，其他食物就一般啦！

因為近來嘅社會運動奶油包認識咗呢間食雞煲嘅舖頭 奶油包嘅朋友其實已經幫襯過佢哋幾次 而且個個都話好食推介奶油包嚟試 所以一行五人就決定嚟試試陸陸雞煲到底有幾好食奶油包嘅朋友一早已經訂咗位 但係因為陸陸雞煲實在太過旺場我哋要等咗十分鐘先至有枱 另外因為奶油飽嘅朋友定位時冇講明要食火鍋所以今日就要散叫食雞煲同埋散叫其他先唔到佢嘅蒸海鮮係有啲可惜 不過奶油包喺門口見到張poster 話用現金付款有海鮮送 睇落都唔錯坐低之後我哋就決定先呢一個雞煲我哋要咗bb辣因為奶油包唔食得辣嘅關係要咗bb辣其實食落去實際上都係有啲麻嘅感覺但食下食下都覺得幾過癮五個人食一隻雞其實都唔係好多雞肉係確實幾嫩滑 而且真係好入味 同埋上枱之後店員會喺你面前即刻幫你去搞一搞隻雞 當個煲蓋一打開嗰一刻香味四溢 係流曬口水 當然五個人食一個雞煲係唔夠㗎啦 所以我哋就嗌咗其他配料之後加湯打邊爐 我哋分別嗌咗手切牛肉 仲有豬肉捲同埋蘿蔔配金菇菜 魷魚 仲有佢送嘅鮑魚同埋海蝦 仲有必食嘅超薄土豆片 唔好講笑牛肉好味豬肉都唔錯 蘿蔔金菇菜土豆片吸收咗本身雞煲嘅精華 超級入味超級好食仲有朋友超級推介嘅花膠 唔好講笑花膠吸咗雞煲嘅汁

一班朋友話要去食雞煲，見近排好多人推薦呢間！Book 來試吓啦！一上個雞煲，感覺已經麻麻哋！唔知點解好黑，可能太多醬油嘅關係！另外真係好油好油，食到一半已經有半cm一層油其他火鍋配料就冇乜問題嘅！不過應該好耐都唔會再來😂😂

事緣係呢間鋪係最近社會大事下值得表揚之前已經有聽過旦人大左都唔係好想食雞煲尼d油野尼到一黎到就要等一陣位因為預訂已經full左要等無人黎先可以補上入到去用電子點餐然後有料俾自己加自己想要既調味料用現金俾可以獲送海蝦 或 螺本身鮑魚都可以送 但係晚上十點才去吃的關係已經冇晒鮑魚可以揀送上既蒸蝦好新鮮爽口 免費質素都唔差1. 雞煲送上黎好香 好多料好似好多肉專人會幫你炒一炒之後先吃得入面調味太多關係 每一啖吃到d料就麻麻但係份量都幾多百幾蚊例牌應該都半隻雞雞煲反而唔係特別好吃 面頭反而有好多油2. 美國肥牛薄薄一片咁 但好香牛味3. 雙拼餃雲呑啖啖肉 只嫌未夠大粒但整體係好味大大杯雙檸梳打 爽！4. 蠔尼到啲蠔係雪藏，雖然成舊冰咁但係好大粒 飽滿 正整體來說其實偏貴火鍋料比雞煲好吃但良心小店點都要支持下今次吃不到海鮮餐下次要再來！

3個人夜晚8點幾去到唔駛等位。餐廳有兩層。安排上左2樓。同另一枱share一張有兩個爐嘅枱。上層個侍應姐姐態度非常一般。搞到都唔敢問佢野。有海鮮套餐或者散叫。問左另一個侍應話3個人套餐雞煲係例牌size。一心想食雞煲所以決定散叫。叫左個大雞煲bb辣少麻。雞煲等左一陣就到。侍應會幫手睇火。焗多陣就食得。大雞煲份量有一隻雞。雞件係炸過再煮。食落有少少脆嘅口感同好香口。啲雞好入味。雞肉都滑。醬汁好濃。不過見到層油好厚。食完都幾口渴。食到差不多就加湯打邊爐。配料叫左魚皮午餐肉牛肩肉雲吞釀油條響鈴生菜。雲吞有驚喜。雖然唔算大粒。不過啲蝦新鮮爽口。響鈴都有驚喜。浸完湯雖然快淋。不過好爽口。牛肩肉有牛味。入口算鬆化。其他配料就正正常常。自製飲品味道偏淡。食物同飲品定價都偏高。值唔值就見人見智啦。