雍明冰室

營業中

休息中

餐廳對著海濱長廊，風景唔錯，擺位寬敞，坐得幾舒服，叫左滑蛋虾仁飯，味道正正常常，唔特出亦不算差，但奇怪在上面灑了很多生葱花，一般會落葱都是煮滑蛋起鑊前放入，生葱放面都係第一次見，而且份量幾多，食時有一大陣生葱味，要扣分，例湯普通，凍檸茶正常，餐牌見有牛腩雲吞麵之類，就加單叫左1碗牛腩雲吞麵，雲吞正常，麵是一般平價麵店用的一類麵，但都爽口好食，牛腩質素麻麻，但調味唔錯，成碗麵都算合格有餘，整體OK，可以再去。

餐廳位於河畔，景色優美，但可能因為人流較少，餐廳內嘅客人都唔係好多，可以直接入餐廳就座。餐廳環境非常一般，衞生麻麻，地下都仲有好多垃圾未清理…我地叫左兩份常餐，都係普通茶記會出現既野。叫完餐3分鐘就有嘢食啦，真係好快！雪菜肉絲米有d淡，火腿正常，煎蛋唔記得叫熟蛋🤦🏻‍♀️，餐包一般唔熱的，檸茶個茶底都係偏淡。沙嗲牛肉米粉一般，火腿奄列都幾多油。進食期間有職員走埋黎收嘢，好似唔係幾好…同埋…隻蛋有蛋殼留低…餐廳最好嘅地方係：可以用八達通付款…其餘地方都有代改進！

下午茶由下午兩時開始，叫了個炸雞髀餐，周末假期的話價錢是四十二元，除了雞髀，還可叫兩款食物，再加飲品，十分抵食。叫了薯條及西多士。食物都是新鮮即炸，所以味道都很香脆可口。雞髀很大隻，咬起來啖啖肉，肉質嫩滑。薯條有些切得太小塊，因此炸過後有點過硬。西多士雖然是配菜，但味道反而是最好。保持乾身脆口，不會有油膩感。可以走牛油，以免太多油份。配上少許糖漿吃，亦吃到當中西多士的蛋香味。另外值得一讚餐廳的環境，向海，很舒適。地方也乾淨衛生。

新開張嘅茶餐廳，禮拜六日驚見到好多人喺度等位，見今日早咗仲未有人等位，所以入咗嚟食個早餐。早餐選擇都算幾多，叫咗個沙嗲牛肉通心粉配腸仔煎蛋跟餐包。沙嗲牛肉都夠林但係個味就普通，通心粉OK唔會煮到林晒。但可惜條腸仔煎到好鬼乾，大家見到張相都應該感受得到。咖啡不過不失。餐廳待應都足夠，態度都算唔錯，以新開張餐廳嚟講，佢係我心目中都係一間正正常常ok嘅茶餐廳，但就未必會排隊食喇。