青椰

營業中

休息中

啟德體育園全個區域都好靚好chill 算有個新景點行下 幾個商場都叫幾多野食 唔少都係其他地方冇見過嘅新品牌 所以都幾有新鮮感 今次黎到嘅青椰特別在有齊泰式越式新加坡菜式 可以食勻曬東南亞風味 而且價錢合理 平日夜晚都滿座😗咖也班蘭多士($28)首推呢個咁抵食嘅多士 四舊 多士脆 班蘭甜 係個好值得食嘅小食🙃泰式醉貓炒手工卷粉($98)醉貓本身預期多啲酒味 但比較似乾炒牛河 卷粉口感幾特別 份量幾大 兩份食都好飽😗娘惹椰子雞湯($88)有香茅一齊煮 似泰式椰奶雞同港式椰子雞嘅混合版 都有唔少雞食 濕下口又可以補充蛋白質 仲有火煲住保溫 抵飲😝新加坡海鮮喇沙摻摻($86)晚市黎講算幾抵食 海鮮都有蜆同蝦 微辣 份量又係幾大 湯底都惹味 合格😎

最近我去咗啟德體育園走走，玩到攰就去咗呢間餐廳-青椰。呢間餐廳嘅環境真係令人驚喜，座位寬敞，仲有唔少卡位，適合朋友聚餐或者家庭聚會。而且餐廳嘅佈置舒服整潔，讓人一進去就感受到輕鬆舒適的氛圍。✨鹽焗原條野生鱸魚我點咗鹽焗原條野生鱸魚。員工會幫手開埋條魚，魚肉鮮嫩，鹽焗的方式令魚肉的鮮味更加突出，外皮脆口，內裡卻保持著多汁。搭配少許青檸汁，口感更上一層樓✨泰式五彩手打蝦餅蝦肉鮮甜，外脆內嫩，口感非常好。餐廳仲特別用五彩的配料，令整體菜色不單止好味，仲好靚添！✨香茅烤豬頸肉這道菜係我今日最有驚喜的！烤得恰到好處，肉質柔嫩，帶有淡淡的香茅味，配上醬汁，辣辣地十分開胃。✨椰青最我點咗椰青作為飲品，清爽又消暑。

啟德區越嚟越多嘢食，零售館開咗間馬來西亞餐廳。裝修以淺綠色為主，加上好多木製嘅裝飾，成個人都感覺到好寧靜。座位寬敞、食物質素都好好👍我哋叫咗以下菜式：❤️咖也班蘭多士多士外脆內軟，搭配香甜嘅班蘭醬，味道濃郁。❤️軟殼蟹米紙卷用新鮮嘅軟殼蟹，包入米紙中，淋上特製醬汁，口感清新又有海味，令人一試成主顧。❤️烤豬肉檬（奧巴馬粉）用美味嘅烤豬肉配上細滑嘅米粉，香味四溢，滋味無窮。❤️河内手切牛柳牛丸湯河牛肉丸彈牙，配上香草，口感豐富。湯河（河粉）用上熱騰騰嘅清湯，配合滑嫩嘅河粉，簡單而美味

今日去左啟德站搵食，而家發展得好靚，地方又大又多人流，真係要好好行下，行到累比我地發現左呢間餐廳，地方都好大，就入去試下。首先點左個小食咖也班蘭多士，呢個賣相都十分吸引，每次食東南亞餐廳都一定會點既，呢道都唔會令我失望。有一層厚厚既牛油配咖也醬，外脆內軟，而且呢道既更加特別，連塊方包都係有咖也醬整既，特別好味😋。主食方面就點左泰國青咖哩軟殼蟹，再加$15蚊配白飯，呢道既青咖哩真係有辣味，識食辣既朋友仔一定要試下，咖哩汁配白飯非常滿足。滿滿既幸福感。第二款主食係馬來炒貴叼，呢款都係有辣粉可以配埋食，但係呢道既辣真係真材實料有辣感，識食辣既朋友仔一定喜愛。

約老友逛啟德零售館，宋皇臺站D出口行五分鐘就到，開左很多食店、商舖，逛至有點累坐低嘆下午茶。《青椰》餐廳裝修新族明亮乾淨，座位舒適，店員服務周到。我們點左青椰海南雞飯 $68加$8芒果冰配芒果雪糕，無骨雞肉嫩滑啖啖肉好味，油飯甘香，蔥花蟲草花雞湯有雞香味好好飲。👍芒果冰配芒果雪糕好香又滑好好味😋小食拼盤$82配香茅鮮橙茶，有蝦、雞串、春卷、魚皮，超大碟確抵食，蝦好新鮮，雞肉嫩滑，春卷香脆可口，薄魚皮鬆脆美味。香芒大蝦米紙卷$52配桔仔話梅水，口感清新爽口健康，醮芒果醬汁甜甜地真不錯。

啟德體育館新開無耐，但係附近嘅食肆選擇好多 當中就有一間叫做青椰嘅餐廳，佢嘅湯河真係超級好食河內手切牛柳河粉質感綿滑，配上豐富的牛柳，入口嫩滑，湯底清甜可口非常好食，強烈建議大家都要叫呢一個。而青椰小食拼盆就可以一次過滿足你食小食嘅慾望。雞肉串、燒大蝦、越式春卷和鹹蛋黃魚皮擺放得整齊，色彩繽紛，口感多變。而泰式醉貓炒手工卷粉，又比較重嘅檸檬味，而且佢嘅卷粉非常透薄可愛。佢地嘅飲品都好正，芒果冰配芒果雪糕清新怡人，芒果的酸甜滋味瞬間融化在口中。再搭配一杯藍莓巨峰梳打特飲或美綠哥斯拉，清涼怡人，甜度適中。

今日攞完渣馬選手包 就同朋友喺啟德行吓 第一次嚟啟德零售館 估唔到入面咁大咁多嘢行 行到攰就入咗呢間越泰餐廳食返個下午茶有下午茶套餐好抵食 又多選擇🔆青椰小食拼盤🔆香芒大蝦米紙卷🔆古順化湯檬🔆香茅鮮橙茶🔆桔仔話梅水小食拼盤好有驚喜😆炸蝦好新鮮 蝦肉唔會梅串燒雞醃過再攞去燒 香口好味米紙卷點醬汁好清新解油膩感 古順化湯檬有齊牛丸、牛展、牛腩 下午茶呢個價錢仲配埋餐飲 飲品有多款選擇 養生健康又有 邪惡飲品又有 呢個價錢同質素嘅下午茶好不錯 希望餐廳keep到水準

環境ok,服務無問題。惟食物溫度有改進空間。粉及豬頸肉都只是微溫。粉的味道未至推介級數。豬頸肉口感ok,個醬似辣不辣。。。咖也麵包及牛油都是常溫。飲品都沒特別。可再加以改善。

呢間餐廳叫青椰🤓入面座位寬敞都有唔少卡位 而且佈置好典雅坐得好舒服我地叫左個咖也班蘭多士做輕食🥪多士係烘焙過的 好脆口咖也醬同牛油比例都恰到好處🧈配埋陣陣既斑蘭味非常可口🫶🏼青椰小食拼盤拼盤入面有四款小食🍗🦐🌮雞肉串、燒大蝦、越式春卷同鹹蛋黃魚皮每款都整得好好雞肉嫩滑 大蝦彈牙 春卷足料最特別係鹹蛋黃魚皮 好香口同脆身但都唔會好膩好似食薯片咁食到停唔到😋泰式醉貓炒手工卷粉睇到個名就吸引左我去試下點醉貓法🐱原來佢係類似炒粉皮卷 煙煙韌韌入面加左好多泰式香料同肉碎特別係香茅味好出眾 好惹味🌿最後加左杯寒天米線椰汁冰🍹🥥椰汁唔會太甜 啲冰好綿密 唔係碎冰飲完非常滿足😌呢度服務都好好 環境又新又乾淨值得再三幫襯！

啟德主場館睇波，搵地方速食，最後揀咗零售館2呢間，不過3間零售館冇標明123，所以去錯咗3。電梯上到4樓都好麻煩，建議地下搭𨋢上會快d，皓彩朋友一早搵咗大枱，叫嘢食share，泰式生蝦$78，新鮮，個泰式汁正，香草燒羊架$128，燒得皓香口，咖央斑蘭多士$28，綠色吸睛但冇乜斑蘭味，凍馬來拉茶$28，解渴，甜度茶味適中，河內椰青慢燉扣肉，原隻椰青上，打卡able，中間扣肉，多肉但可惜冇乜肥肉，同埋冇乜椰青味，香茅烤豬頸肉$78，燒得香口，泰式醉貓炒手工卷粉$98，唔夠入味。埋單加一，可簽卡

青椰這個主打東南亞菜式的餐廳，價錢偏貴，但勝在坐得舒適，服務上好！最近終於有機會欣賞到體育園主場館的精緻建築，適逢其會也可以到附近看看，順道測試下附近食肆的運營能力！這間青椰，裝潢十分好，金光閃閃，十分吸晴！至於餐牌，也是經過精心設計，文字配上圖片，很快地令人找到想吃的菜式，令人滿意！最後我和老婆選了1）E02 古法巴生肉骨茶$88（+15白飯）（8/10）2）J06烤豬肉檬（奧巴馬粉）$86侍應們其實很好，很快地便主動遞上兩杯開水和兩個碗，這些待遇看似正常，但在香港其實很少機會遇到！另外，很快便上菜了，肉骨茶，從外觀上來看是很特別的，一個火爐在底，一邊滾熱，一邊滲出肉骨茶的香氣，配合油炸鬼，口感很是豐富！這個肉骨茶有3塊大肉骨，配菜有兩粒冬菇仔，份量適中，唯獨略嫌肉骨茶的味道不夠濃，不像新加玻的胡椒味味道濃烈，感覺是馬來西亞風味！另外一點是這個肉骨茶不含白飯的，這點令我覺得性價比不高，不過如果讀者的食量相對不大的話，不額外點飯也是可以的！另外奧爸馬烤豬肉粉，感覺怪怪的，那些紅蘿蔔切得長長的，很難入口！另外，主食配合一個油淋淋的湯，湯入面有數塊豬肉，但湯喝入去酸酸的，而豬肉跟想像中不同

剛好是填補啟德欠缺東南亞菜的一塊，始終是新開中的新開，清一色卡位舒適度無可排剔。雖說要直奔頂層4樓，唯13:20已要gulu 取票，預等10分鐘左右坐坐吓，有點似曾熟悉，醒起似樂富那家蒲羅，甚至餐牌的排版、選項也類近，同時又帶點蘇山的feel。抱持觀望態度，所以點難以失敗的海鮮摻摻。模樣、味道幾乎在蒲羅吃的一樣，3隻沙白蜆、2隻蝦均屬新鮮，半隻烚蛋輕微溏心，介乎微辣至小辣之間。辣肉碎煎蛋飯需要改良，好處是肉碎頗多，與白飯是3比2份量，2片大生菜墊底；壞處是似乎炒不均勻，鹽份下手太重亦呈現部份肉碎作咸，而整體肉碎調味不算辣倒偏酸，還好那隻脆邊太陽蛋未至於失色。未及蘇山，貼近蒲羅。

新開嘅商場無咩嘢食，唯獨呢間大放異彩！環境舒服，有空間感，職員貼心提醒卡位有一級樓梯要小心，服務態度好好。生蝦刺身好新鮮，第一件連辣椒蒜片食，雖然好味但辣椒太辣，所以只好我就飛走片辣椒淨係食蒜片&生蝦。雞肉串燒大大串，配合沙嗲汁非常惹味。牛柳牛丸湯河，呢個牛柳超有驚喜，大片同埋牛味好香，又唔韌，河粉都煮得剛剛好，有啲彈牙。咖央多士，呢個就一般，多士有斑蘭味幾香，可惜牛油無夾滿片多士，同埋上臺已經唔熱，失色。整體黎講食物質素高，坐得舒服，會再黎！

服務整體係ok 冇問題 但啲食物真心差 肉骨茶似用豉油加水開 菠蘿炒飯就得3-4啖但成百幾蚊仲要食唔到有菠蘿肉 食咗人均百150左右但每樣食物都係平均地難食 可能我唔好彩 就當交智商稅 唔會有下次

隨住啓德體育園準備正式啟用，啟德零售館已有吾少連鎖食肆進駐。小編今次就帶大家黎到啟德，同大家介紹其中一間連鎖星馬菜一 青椰🌟古順化湯檬 $72一碗有齊牛展、牛丸、扎肉、扎蹄，份量都算比得幾大方幾扺食🤤👍🏻🌟斑蘭咖哋多士 $32斑蘭多士炸得幾脆身，帶小小咖哋醬香氣🤤👍🏻🌟娘惹炸鮮奶 $22炸得金黃酥脆，鮮奶餡亦幾香甜🤤👍🏻📍青椰地址：啟德體育園啟德零售館2 4樓M2-403號舖#啟德 #青椰 #留港消費 #覓食啟德 #食在啟德 #為食關注組 #啟德食乜好 #娘惹炸鮮奶 #古順化湯檬 #啟德體育園 #香港美食地圖 #斑蘭咖哋多士 #九十後行到邊食到邊#HKIG #HKIGER #HONGKONGFOODIE