影片
更多
2013-05-19
1698 瀏覽
以前從不知道灣仔這小巷子內有這麼一間韓國料理。都好彩以前唔知，因為有日小弟約一班兄弟飯局，R爆頭之下上openrice搵到呢間，而其中一位友人係極力反對既，原因係"我以前食過，港式韓燒，好曳架喎"無論如何我地最後黎左，就覺得唔同晒，唔知係咪轉過手? 現在既韓國館，佢比我既感覺係：1. 傳統韓國食物，味道中上的2. 價錢公道，呢個級數出面食起碼過350，佢通常200落樓(飲酒就另計了，如今晚我地唔飲酒，將會係每人200左右)3. 唔使等位，小弟係呢幾個月入面來過不下5次，無一次超過半滿...首先，韓國籍總經理朴先生，其服務態度是十分好的，而且不停地送野比我地食，包括炒粉絲，韓式泡菜(唔係前菜果8碟果d，呢碟真係辣的)，醃青瓜，烤紫菜，石頭鍋煮雞蛋(呢樣因唔知真名係乜，只好老作了，請各位看倌原諒則個)，總之就好多野送，有次甚至送真露比我地飲添!! 當然我地亦識做，次次都叫好多野食，食到捧住個肚走。本先打算唔寫佢既食評，係因為小弟自私的心...希望唔好太多人識呢間野，咁次次我地黎就唔使等位喇，可是黎左幾次發覺真係無乜客，又怕佢做唔住...所以決定無私分享比大家!...講左咁耐，都未入食評正題
都好彩以前唔知，因為有日小弟約一班兄弟飯局，R爆頭之下上openrice搵到呢間，而其中一位友人係極力反對既，原因係"我以前食過，港式韓燒，好曳架喎"
無論如何我地最後黎左，就覺得唔同晒，唔知係咪轉過手?
現在既韓國館，佢比我既感覺係：
1. 傳統韓國食物，味道中上的
2. 價錢公道，呢個級數出面食起碼過350，佢通常200落樓(飲酒就另計了，如今晚我地唔飲酒，將會係每人200左右)
3. 唔使等位，小弟係呢幾個月入面來過不下5次，無一次超過半滿...
首先，韓國籍總經理朴先生，其服務態度是十分好的，而且不停地送野比我地食，包括炒粉絲，韓式泡菜(唔係前菜果8碟果d，呢碟真係辣的)，醃青瓜，烤紫菜，石頭鍋煮雞蛋(呢樣因唔知真名係乜，只好老作了，請各位看倌原諒則個)，總之就好多野送，有次甚至送真露比我地飲添!! 當然我地亦識做，次次都叫好多野食，食到捧住個肚走。
本先打算唔寫佢既食評，係因為小弟自私的心...希望唔好太多人識呢間野，咁次次我地黎就唔使等位喇，可是黎左幾次發覺真係無乜客，又怕佢做唔住...所以決定無私分享比大家!
...講左咁耐，都未入食評正題，是晚我地食左燒醃牛肋骨，燒醃豬腩肉，一個部隊鍋，同埋朴先生送左石鍋煮雞蛋，醃青瓜，烤紫菜比我地。
送的東西全部都好好吃，尤其係醃青瓜，呢樣小弟覺得值得比錢叫添! 唯需注意既係唔知係咪因為跟足韓式做法的關係，係比較辣的...各位好辣之徒應該很喜歡吧?
醃牛肋骨，鬆軟香甜，醃豬腩肉，香口彈牙，兩者皆美味非常。
部隊鍋小弟第一次叫，原來入面有香腸，午餐肉，茄汁豆，豬腩肉片，皇帝菜，金菇，秀珍菇，椰菜絲同埋大量泡菜煮成的湯汁，上面再加上一片卡夫芝士，芝士溶入湯裡面之後，有點點759阿信屋買得到的芝士麵影子，係一個畫龍點睛之舉!
再來一支韓國hite 啤酒，以3:1 (記住係啤酒3，真露1，不然你會死得很慘)的比例撞入真露裡面喝，既消去了真露略嫌刺鼻的酒精味，又減低了啤酒的苦味，極為易入口，而且酒精度很高，簡直是自殺之選!!! 聽說這種喝法在韓國也很流行，大家不妨試試!!
話說胃袋容量有限，今晚只吃了以上食物，但綜合小弟咁多次黎食野，可供推介美食真是很難想出來! 因為基本上沒有不好吃的東西，只好盡量想出特別好吃的，下面將會一一道來，請看推介美食一欄~~~
張貼
