影片
營業時間
今日營業
10:00 - 21:00
星期一至日
10:00 - 21:00
公眾假期
10:00 - 21:00
以上資料只供參考, 請與餐廳確認詳情
招牌菜
星期六放假，阿仔突然好想食日式飯，但係兩個又懶吾想郁，阿仔提議叫外賣，於是即管開個apps 叫外賣送，我其實好少用，意外驚喜新用戶免運費。慳家嘅我緊係揾有優惠推介啦，最後選咗呢間外賣店，點餐時發現原來點飯仲包一個飲品，而且消費滿$150再全單有八折，感覺好抵。阿仔點了《青芥末炸雞平吉列廣島蠔飯》（$75）、我選了《日式蒲燒鰻魚拼牛舌飯》（$90），再加一個小食《泰國炸雞軟骨粒》（$48）。兩飯一小食包兩盒飲品，八折後埋單二百蚊有找。預計30-45分鐘送到，結果準時送達，飯仍熱辣辣。急不及待立即開動。《青芥末炸雞併吉列廣島蠔飯》，伴菜配有中華沙律、粟米及甘筍絲。炸雞五粒同兩粒吉列蠔，炸雞粒出色肉質嫩滑，有肉汁吾乾身，配上芥末醬更好味；吉列蠔鬆脆有蠔鮮味。整體來說食材新鮮，烹調得恰到好處。《日式蒲燒鰻魚拼牛舌飯》，汁煮牛舌有四片厚切，肉質偏淋滑，不過我個人偏好較有咬口；鰻魚肉厚大條，足足蓋滿大半盒飯，同樣配有伴菜，至於飯軟硬適中，阿仔十分欣賞。《泰國炸雞軟骨粒》，炸得香脆而份量可以，可惜少了粒檸檬，否則就更完美。送啤酒一流。
繼續閱讀
典型無骨頹飯。係白飯上面加五塊炸雞，一粒西蘭花，再加啲三色豆，落啲芝麻同埋蜜糖芥末醬即成。炸雞唔會話好硬好鞋，但係就講唔上酥脆，炸漿偏厚，勝在夠熱。蜜糖芥末醬幾惹味， 配埋啲三色豆食感覺冇咁油膩。賣單43蚊， 貴咗少少。
繼續閱讀
［日式咖喱吉烈豬飯］.呢間店專做外賣主打日韓式外賣專門店試過一次呢個豬扒飯之後每次經過灣仔諗唔到想食乜嘢我都會買呢個吉列豬扒飯價錢合理而且都真係幾唔錯幾好食.吉烈豬扒定食 ($43）午餐仲免費送一包紙包飲品吉烈豬扒都算大件厚切食落吾算太乾身吾太油膩仲好有肉感。而個咖哩都好正常吾辣但又吾會太甜有小小薯仔紅蘿蔔添======= =========================環境： 專做外賣，都有少少bar 枱位置可以堂食。服務質素：正常。價錢： 合理正常。食物質素：都好食，份量足=============================賣相❤️❤️❤️價錢❤️❤️❤️好食程度❤️❤️❤️環境❤️❤️服務質素❤️❤️❤️==============================
繼續閱讀
今次又係OpenRice外賣自取度搵到呢間餐廳，有時D地點太隱蔽真係需要OpenRice度先搵到啲外賣小店。呢間主要係外賣專店，堂食兩邊只有幾個對牆位，所以都係拎返Office食唔洗同人逼。日式咖喱吉列豬扒飯 $43日式咖哩都應該係預先整左一大盤再筆起用，所以有少少澀塌塌，而吉列豬扒真係即場即炸，外皮夠熱非常之脆，大大塊口感又唔錯，剛剛豬扒既飯量夠送飯。見佢仲有好多食物選擇，Menu多到任均選擇，整體黎講四十幾蚊係灣仔區都算合理價格。
繼續閱讀
Staycation住平時番工既灣仔真係幾悶😂，都懶得去太遠所以openrice搵左間黃店💛近近地就算。經openrice叫定夠鐘就去拎好方便，慳番啲時間🏻。🔅白汁三式芝士海鮮雜錦扁意粉配紙包飲品 ($63)呢個意粉好足料，有蜆肉、帶子，蟹柳等等，味道都好大路，可惜芝士凍左就硬左一舊，比較難食到意粉，不過咁既價錢都唔錯👍🏻。🔅茄蓉蜆肉吉列魚手指飯配紙包飲品 ($45)茄蓉就麻麻，蜆肉都ok多，魚手指都夠脆。🔅炸薯條 ($15)薯條幾大份，炸得幾香脆，粗薯會加分😍。🔅日本牛肉薯餅 ($13)同出面既牛肉薯餅都差唔多味，炸得外層都好脆。🔅經典鹽酥雞粒 ($18)雞粒唔錯，$18都好大份，夠抵食，最鐘意呢個😚！🔅吉列蝦餅(2件) ($15)蝦餅好少食咁細舊(大炸帶子少少…)，可惜個邊燶燶地，大舊啲就好。🔅炸帶子(3件) ($12)味道怪怪地，又唔似雪味，唔推薦☹️。💬雖然呢間係小店，食物係有極多選擇！最鐘意係多小食😂，大大份但價錢都唔算貴，味道就普普通通，不過勝在💛同多選擇，灣仔區黎講價錢相宜。
繼續閱讀