馬拉Go

營業中

休息中

📍土瓜灣濃郁足料喇沙‼️·值得更多人知道嘅小店🥰 — 馬拉GO🇲🇾•#pigfoodiexhk_土瓜灣#pigfoodiexhk_馬拉菜==============================前排同@neverfullhk去咗土瓜灣啟岸，呢個商場位置少少偏僻，人流唔算多🫢估唔到呢到隱藏一間誠意滿滿嘅喇沙小店😍餐廳應該係家庭式經營，得幾張檯，放滿figure裝飾🤣店主係one man band，所以要耐心等候呢！——————————————————————⭐️滋味二人餐 $268小食拼盤一客小食有蝦多士、炸排骨、鳳尾蝦春卷，款款新鮮炸起，好香脆😙‼️·香蒜時菜店主知道我地係share食，好貼心將用兩個碗分開上👍😍🥰招牌雜錦檳城蝦麵蝦湯係用蝦殼蝦頭煲出嚟，非常鮮甜，飲完都唔口渴！！👍大蝦爽彈，仲有章魚仔、魚蛋等等😙·😆檳城什錦椰香喇沙椰香同香料味濃郁，有一定辣度，雖然我唔係好食得辣但都接受到🙈鍾意食辣朋友仔更加唔好錯過！豆卜索滿湯底嘅精華，仲有大大隻鮑魚🤩油麵煙韌有咬口，掛汁力強，好滿足‼️·甜品斑蘭椰絲卷幾特別嘅甜品，卷皮煙韌，帶斑蘭天然嘅香氣～咬開係滿滿嘅椰絲，甜度亦唔高👍————————

今日同我嘅先生盼Open Rice先發現屋企附近有呢間馬拉菜小餐廳。去完完全無後悔！我哋掛住享受食物，無影相。因為我地本身就係諗住普普通通食一餐。但真係估唔到啲野食咁好味，老闆又親切友善仲俾好多遊戲我地玩！又有漫畫睇！講番啲食物：- 椰香喇沙（老闆話係自己用雞浸個湯底出嚟）我哋真心飲曬啲湯！- 南乳炸雞翼（必食之一，好香南乳又夠脆，單邊骨，啱懶人食）- 咖吔多士 （必食之二，麵包是馬拉來的，真係好鬆化，好好食！）最重要係老闆好友善，好難得搵到一間好似去左朋友屋企食飯咁招待你。所以我決定為佢寫個好評！

小店夜晚去沒什麼客人 衝著好評去的蝦面的蝦膏味道比較濃小食中規中矩甜品烤的很松脆老闆態度很好第一次來啓岸這裡 感覺兩層的商鋪都沒什麼人氣好多店一個客人都沒有 世道不好吧

呢間隱世馬拉餐廳喺市區，不過位置有啲隱蔽，餐廳由老闆一個人經營，一腳踢，上菜會稍微耐少少，但等嘅時間絕對值得。當時餐廳唔係好多人，老闆仲親自過嚟問我哋有冇咩唔食，然後跟我哋嘅喜好整咗幾個特色小菜。首先，呢度嘅咖喱真係好有驚喜，味道層次分明，香濃又好食。炒飯炒得好香口，粒粒分明，配料豐富，真係停唔到口。而甜品就更加出色，精緻得嚟仲充滿驚喜，為成餐飯畫上咗完美句號，食完真係好滿足。份量方面都好足夠，幾碟小菜已經令我哋飽到唔得再飽。老闆嘅細膩手藝同貼心服務，真係令人感受到佢對每一道菜嘅用心。香港真係需要呢啲隱世小店，無論係味道定係誠意，都遠遠超過好多主流餐廳。毫無疑問，我哋一定會再嚟，呢間店真係值得一試再試！

有人情味小店，食材新鮮，味道唔錯。芽菜雞河粉好多料，雞好滑好入味。小食拼盤新鮮整，好香口。餐廳擺設好有特色，好多figure同書。老闆好有人情味，送多了嘢飲同小食。值得推薦！

老闆用心製作極之推介qp值100分非常非常用心嘅小店嗌＄200尾嘅二人餐除咗小食拼盤之外，仲有埋燒魚、豬頸肉，逐碟逐碟上老闆仲要勁細心，見係兩個人，分兩細份蛋炒飯同埋香茅豬扒喇沙麵個餐牌寫蒜香時菜，最後有鮑魚喺上面以前嘅老闆係馬拉人成日話香港啲新加坡同馬來西亞嘢唔好食，冇靈魂我諗呢間嘅馬拉菜就係有嗰種靈魂！食物固然好食，而用心製作客人係食得出呢間餐廳要走上一樓，唔叫顯眼，但絕對值得二百幾蚊嘅餐，就算賣$400都值！

黎到要有心理準備要等一等因為成間舖都係得老細一腳踢但野食真係好用心製作，足料有心思又好食嗌咗2個晚餐set:1) 肉骨茶+菜 肉骨茶非常足料 藥材味香，胡椒唔會太重2) 咖哩牛+拼盤 蛋炒飯非常好食 咖喱汁好香撈咗3碗飯******************************全晚見到老細所有野都一腳踢一晚最忙可能只係服侍得幾枱客本先去果時好肚餓仲嫌要等得耐但食完之後就好想再黎多次希望依啲用心製作既小店唔好比貴租扼殺🙏🏻會再黎食，加油！

朋友的一次介紹，令我和老公大開眼界。店主熱情款待，忙碌不停。馬拉菜omakase 店主拍板，會為你制作最合時的美食。這家小店細細，不論佈置或是食物制作，處處睇到老闆對食物嘅堅持。老闆一個人努力的身影，一直感謝每個前來吃的食客，解釋每項食物嘅入貨，安格斯牛肉，又加上魚是夠鮮！肉骨茶非常有味道，有藥材味，肉入味叻沙亦是一絕！麵🍜令人難忘！炸物特別是脆香，炸蝦多士不常見。已經第三次支持。希望你嘅努力會有更多食客留意！

Lunchtime 專登過嚟呢度食👀叫左雜錦椰香喇沙同招牌蝦麵😆老闆分左兩小碗俾我同朋友一人一碗，可以一次試到兩種😬蝦湯蝦味濃郁，我同朋友飲晒啲湯🫣🫣椰香喇沙呢，好惹味🤤😋我諗因為咁，老闆先上蝦湯麵👍🏼兩款都好好食，唯一唔夠好就係啲麵唔掛汁🫣小食同麵嘅餸另上，蜆好鮮甜，豬頸肉唔錯，蝦多士同魚炸得好香脆，蝦就一般，無咩味，但蝦肉都幾彈牙飲品叫左薏米水，暖暖地，好多薏米，檸檬無澀味👏🏼之後仲有甜品～脆皮雪糕粒😆食到好飽😆😬會想再黎食😗😙支持小店💪🏼💪🏼💪🏼

短短一個lunch但好滿足！喺香港食到喺新加坡食嘅喇沙味道：湯頭濃郁、材料十足。好好味，好開心。跟餐小食每樣都香脆可口，連個奶茶都好香濃，不得了。同朋友亦讚不絕口，一定要回訪😍老闆one man band 一腳踢，食物飲品都高質，（仲好有人情味收平咗我哋）可惜商場人流不多⋯ 所以第一次寫食評，希望多啲人支持有心的小店，老闆可以長做長有，我哋又繼續有好嘢食🤝🏻食物即叫即整的確要啲時間，附近返工的朋友（包括本人lol）都可以考慮叫外賣🍜（好似仲有折）

香港不斷在變遷但遇上依種有人情味嘅小店令我好開心！已經想再次光顧了一人經營餐廳嘅老闆好親切亦非常非常慷慨 在這麽低迷嘅經濟會免費送上小菜和俾咁多折扣實在尤其難得 - 佢幫我地將個一分嘅椰子雞湯麪分成兩碗，一人一碗- 又話菜唔收我地錢- 男朋友近餐叫野飲，佢順便問我喝咩，免費整埋俾我🥲🥺- 最後仲話當小食係叫麪追加嘅小食，計少我地好多錢大家一定要幫襯 希望佢可以長做長有!!叫咗：沙嗲串燒雞 6串 菜椰子雞湯燒豬頸肉檸檬薏米水 x2老闆因為一人經營餐廳而且食物現場新鮮製作，所以會一碟一碟上菜。我沒有等太耐就有野食^ ^ 不過老闆仍然好有歉意話唔好意思要等一陣先會上曬d菜，仲不斷話依樣唔收我地錢又俾折我地，所以我地真係超級唔好意思佢收少咗錢，一定會再幫襯！所有野都好好味～ 推薦沙嗲串燒雞丶燒豬頸肉同檸檬薏米水！

見間鋪無乜人，諗住入去包場，老闆好好招呼，問我哋有冇啲咩唔食，同鍾意食啲乜。因為我哋唔食牛同魚，最後叫咗個沙嗲豬扒菠蘿炒飯，同埋芽菜雞椰子雞湯粉。沙嗲豬扒菠蘿炒飯沙嗲汁惹味，配合埋炸得鬆軟彈牙嘅豬扒真係好味，炒飯粒粒分明又夠味。老闆仲好有心，啲炒飯用蛋糕形嘅模同玫瑰花形嘅模，倒模落隻碟度，隔離枱見到都望多2眼🤣芽菜雞椰子雞湯粉雞味好香，肉嫩，同勇記有得fight!湯稍淡，粉嘅粗幼係類似金邊粉, I like it☺️老闆仲送咗碟炒白菜同班蘭卷畀我哋😊嘢食都未上，已經陸續有客入嚟，到我哋走時，係坐滿晒，大家記得早啲去，因為老闆one man band, 上餐要啲時間嘅，無計啦，食好嘢要有啲耐性同時間😂

屋企人之前去過已經讚不絕口趁今日放工有時間就同屋企人再去馬拉go食dinner，雖然細細間人手不多，但老細人非常之好，送我哋一個4人份的小食，叫咗兩碗嘅喇沙，佢幫我哋分成三碗，又送炒麵比我哋試，我哋就好似食緊私房菜有專人幫我哋安排， 十分之貼心，而且好有禮貌，馬上介紹俾朋友希望多啲人幫襯小店👏🏻👏🏻👍🏻🤝🏻💪🏻

我見到網上有唔少正評，又冇乜負評，所以特登同朋友搭車過嚟試吓呢間嘅喇沙，結果只可以話，食完令人感到意氣難平，食物質素只可以話正常，唔可以話特別出色，湯頭比較稀，味道都可以接受，但係一個Lunch set 分成兩個細碗係咩玩法？兩碗就分咗四個碗仔+一碟餸比較難理解呢個上菜方式。如果話本身一碗麵筋一隻蝦嘅話，咁我叫兩碗你比兩隻蝦我可以接受，但喺隔籬枱三個人叫咗兩碗麵，一碟豬扒撈麵定唔知炒麵，佢哋有三隻蝦，咁似乎係跟人頭上菜，令到我哋有少少混淆，到底係有啲咩配餸？我明白成個商場租金都唔平，我lunch set $90來講其實都唔算平，如果真係個成本做唔到咁平價錢，其實可以調高啲，唔係我比百幾$200，好似食緊試食咁，個碗就好似平時去大快活加$6一碗麵果啲size咁，有少少似緊食omakase ，食完又好似唔係好知食緊啲乜嘢，跟餐杯野飲，好似飲完仲飽過食嗰兩兜麵。就算個份量真係咁少，都可以俾返個正常嘅碗俾我，如果我要同人share，我會主動要多個碗仔自己去分，而唔係你幫我分配好，但係其實份量又同一碗麵正常size嘅份量有相距。我覺得唯一可以讚嘅位係，一開始好細心咁樣俾咗一杯水同浸住咗嘅餐具餐品

晚市有一人套餐，$108/$118包炒時菜/小食拼盤+主菜+餐飲，同埋兩粒朱古力雪糕，咁啱又無人等位，坐得舒服。喺星期六晚上可以食到，好滿足。老闆人超好，服務貼心，知我地想食多啲菜但又想試下小食拼盤，最後話會比大碟啲菜我哋😍雖然係套餐包埋，但一啲都唔馬虎，菜係蒜蓉炒白菜同菜心，小食拼盤有蝦多士、沙嗲串燒同炸丸，非常豐富❤️主菜我哋叫咗雙味雞翼撈麵同招牌喇沙。雞翼好貼心咁剪做單骨雞翼，分別有南乳同香茅味，炸得好香脆。最喜出望外係佢嘅喇沙湯，香濃椰香帶絲絲蝦味，夠晒豐富惹味，連我平時唔太喜歡喇沙都忍唔住不停飲個湯😋絕對值得再訪😃