影片
港鐵旺角站 E2 出口, 港鐵旺角東站 B 出口
繼續閱讀
電話號碼
93666489
開飯介紹
此火鍋店是馬祖台灣養生湯麵館的副線，供應優質肉類，並按級別設有不同價位的無限時任食火鍋套餐。另有自助食品區自選肉類、蔬菜、飮品及甜品。
繼續閱讀
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
*新年期間正常營業
以上資料只供參考, 請與餐廳確認詳情
有關獎賞計劃
❣️馬祖無限畤台灣養生涮涮鍋任食和牛盛宴❣️今次同爸爸去咗旺角馬祖養生涮涮鍋喪食😋揀咗Set D任食120分鐘，鴛鴦鍋底要咗「台灣麻辣牛肉湯」同「藥膳椰子雞」雙拼，個麻辣湯底正到爆！用台灣直送香料熬成，淥牛肉零舍夾🌶️椰子雞湯就清甜到震，落羽衣甘藍索湯超正🤤食肉獸必攻極上Prime Grade霜降牛小排，雪花紋靚到癲，入口即溶！SRF極黑和牛肩脊肉肉味濃郁，安格斯牛頸脊爽嫩有咬口，仲有西班牙伊比利亞黑毛豬，每款肉質都keep到水準🌟海鮮控要mark實生猛海蝦🦐同花膠片，蝦肉爽彈，花膠厚身膠質爆燈💡配料驚喜位係手打牛肉丸勁爆汁！同自家製Shake Shake地瓜條，熱辣辣脆卜卜，配海苔粉同香辣粉食到停唔到口🤤飲品櫃勁多選擇，罕見有玻璃樽梳打同熱薑母茶，仲有齊晒港人至愛紙包檸檬茶🍋最後甜品係全場高潮位🍦Movenpick同Haagen-Dazs已經夠殺，Dreyer’s開心果脆筒先係隱藏大佬😍堅果香mix朱古力脆皮😚！呢個價錢任食咁高質，絕對係抵食到震，牛魔王必食🤗
繼續閱讀
三五知己約埋一齊食飯，好多飯題都係限時間㗎 ！食得切嚟又傾唔切計，成日都好似覺得時間唔夠！咁啱又俾我搵到馬祖。呢間嘢可以無限時任食，雖然佢比其他任食貴咗少少，但最起碼就係我可以傾幾耐就坐幾耐，上個星期五我就由7:00坐到11:00！一路傾一路食真係好滿足㗎！而且佢嘅肉都唔差㗎，尤其係佢嘅黑毛豬肉🐷，超嫩滑！佢依度嘅飲品我最鍾意嘅都係佢嘅茶飲，唔會太甜，又多選擇仲要係樽裝！其實最覺得特別嘅係佢竟然有一個紙包嘅熱飲區，滿足咗一啲唔飲凍嘢嘅養生人士！雖然雪糕唔係任食，但係佢提供咗一啲貴價嘅雪糕都好好味㗎！開心果味嘅雪糕🍦有好濃郁嘅開心果味依一間嘢絕對係有下一次嘅！
繼續閱讀
馬祖無限時台灣養生涮涮鍋地址: 香港旺角彌敦道628號瓊華中心11樓好多湯底款式俾你揀 醉雞 蕃茄湯 藥 蟲草花膠湯 沙茶牛肉等等我揀咗沙茶牛肉湯底 食B餐 飲品選擇都好多 佔地面積夠大好 多卡位坐從自家製嘅樽裝無糖茶 梳打水 韓式汽水 可口可樂系列等等 特別推介 泰國獅牌無糖果水 碳酸飲品 檸檬同橙汁都勁好飲四大肉類極級Prime Grade安格斯牛頸脊Prime西班牙伊比利亞黑毛豬Grade美國安格斯牛肉西班牙無激素豬肉片海蝦 帆立貝 魷魚仔 任食仲有豬大腸，牛柏葉等等 丸類係冇蝦丸之外，其他都有 最後甜品 雪糕每人揀一款，食完作結
繼續閱讀
成日聽朋友介紹，今日終於同老公一齊專程黎食台灣養生涮涮鍋吃到飽套餐SET D ！我地揀左藥膳椰子雞同埋番茄濃湯豆腐雜菌，湯底好足料好濃郁，藥膳椰子雞湯好清甜好好飲真係好正！尤其係我地都好鍾意食牛肉！我老公最鍾意食極級Prime Grade安格斯牛頸脊，肥瘦比例啱啱好，而且牛肉味好濃郁！而我就最鍾意食極上Prime Grade 霜降牛小排，真係好高質，肉質鮮嫩，食落口有豐富嘅油花同埋肉汁，好正西班牙伊比利亞黒毛豬同埋西班牙無激素豬肉片都好好味，我鍾意食西班牙伊比利亞黒毛豬多啲，因為脂肪分布比例好平均，油潤甘香，豬味好濃郁！仲有得食shake shake 黃金地瓜條，可以配搭唔同味道嘅粉，包括海苔粉、麻辣味、蕃茄味同埋甘酶粉，真係好惹味仲有勁多火鍋配料，有唔同嘅肉類、海鮮、手工丸、手工餃同埋蔬菜！海鮮方面，海蝦、帆立貝同埋白鱔片都好新鮮，鮮味十足！甜品再食埋Movenpick同埋Dreyer's雪糕，真係好豐富，食到好滿足！飲品種類都有好多！好鍾意佢地有自家製飲品，我同老公都好鍾意飲愛文芒果茉莉花茶，甜度啱啱好，飲落口仲好清香🎀餐廳舒適寬敞，乾淨企理！上菜速度快，餐廳店員服務態度好友善，抵讚
繼續閱讀
三個人去食，挑選咗$508最貴個餐，週五晚上要加$10，最後 計埋加一，總數$1709，冇記錯系三款牛肉，睇圖感慨時候同到你面前完全係兩個花紋，但係食牛肉落又冇鞋口，所以冇特別再去問點解有啲唔同，牛肉豬肉鱔片，全部都切到薄到透明,兩男一女,只係叫肉類,都叫咗15 碟，另外一坐低送咗一客好似梅粉炸薯條,食落去係不夠熱,暖暖 地咁樣,又唔覺得特別好食,再睇睇餐牌，個薯條再要另外$48一份，薯條都唔值錢，咁小家好心就唔好送啦！講返啲肉類先，因為每一碟都係得幾塊同埋好鬼薄，之後叫咗 其他墨魚丸同手打乜乜丸嗰啲，總共落咗兩次都冇嚟到，第三 次先見到，個啲什麼手打墨魚丸手打丸，全部一粒骰仔咁大，冇錯，係你平時去酒吧玩骰盅嗰啲骰仔咁大粒，應該要將五粒一齊放入口，先等於平時嘅一粒正常丸嘅大細，如果鍾意丸類嘅，一個人食四，五十粒完全無問題， 食物款式同飲品選擇比較少，酒精類全部另外加上錢，雪糕 每人只得一杯，價錢同食物質素不成正比，唯一可取的選擇是 任坐，如果再去選擇一次嘅話，會去其他地方散叫，大家都係任坐，但係應該需要去個價錢
繼續閱讀