駱克美食

營業中

休息中

講到灣仔區兩餸飯，你一定無可能唔識<駱克美食>既兩餸飯😜呢間鋪仔細細，未到12點15分已經有一條龍餅係駱克道🤣你會發現佢價錢唔平，但全部排隊都係fans，個個打工仔西裝長裙都會為左佢既兩餸飯而停留🤗⭐佢個餐單好吸引，圖文並茂，不過實際菜式要睇返當日供應!有一D受歡迎既就日日都有，好似肉餅，蒸水蛋，椒鹽豬扒，辣子雞同水煮牛肉呢D。好多食物選擇😆所以飯都會配例湯，唔飲例湯都可以加錢轉凍檸茶或者凍奶茶既飲品👍留意返佢價錢比坊間兩餸飯貴，但無論味道同份量都蒐得住個價錢。佢好食到我公司有差唔多一半人都係食佢既兩餸飯🥰證明真係好好食👍⭐我必食既菜式一定係辣子雞同水煮牛肉，蜜糖薯仔牛柳粒，肉餅蒸水蛋都好好食。佢既蒸水蛋唔係好水，可以用筷子夾起。留意返其實我留意到無論叫三餸定四餸，份量都係差唔多。咁叫三餸會抵D😆不過我成日想食多D唔同款，可以同同事share，好多時候我都會叫四餸，哈哈🥰🤣🤣🤣如果你係附近返工，真係可以做飯堂架🥰

喺灣仔食lunch如果講到兩餸飯，我第一時間就會諗起駱克美食，佢有差唔多成30個餸任你選擇，而我今次就叫咗蒸水蛋同鹹蛋肉餅，份量十足，價錢都只係$42，仲有湯送，簡直係平民恩物，所以每日都勁多人排隊，佢夾餸嘅速度都好快㗎，所以其實都方便！當你以為佢只係一個普通嘅兩餸飯，食物質素未必好好嘅話，咁你就大錯特錯啦！就好似我呢兩個餸為例:肉餅勁大舊，咬落去又juicy，又鬆軟，而蒸水蛋又唔會水汪汪，用筷子都可以夾得起就知佢幾足料啦！

我啲朋友成日話我食啲嘢好貴 其實我都有成日食平嘢嘅時候 我好鍾意食兩餸飯 因為屋企成日都唔煮飯咁咪唯有試吓啲住家野 但係其實我唔係住港島 因為嗰日做完嘢都已經好晏 諗住買個飯盒返屋企食 經過見到呢間兩餸飯 佢個Menu望落好吸引 不過價錢好似比附近貴少少 不過算啦佢都幾多選擇 見份量都好多平時我最鍾意食兩餸飯嘅黑椒蜜糖薯仔牛柳粒所以我就試吓佢個蜜糖薯仔牛柳粒另外，仲叫咗川味辣子雞 有驚喜唔錯喎 啲牛肉一啲都唔硬都好入味 另外辣子雞超好食下次都會幫襯嘅 後尾朋友講原來晏晝呢間餐廳好多人排隊 兩餸飯真係打工仔嘅恩物

最近香港各區多左唔少兩餸飯灣仔都唔例外軒尼詩道果邊都新開左兩間只係$30兩餸相比之下 駱克美食$42兩餸飯嘅價錢顯得相當進取但午餐時間嘅人絡繹不絕所以決定試一試 睇下係咪咁好味大慨12:30黎到，人龍跨越左幾個舖位😵‍💫等左15分鐘先買到睇到餐牌見到有唔少其他兩餸飯店少見嘅餸菜例如酸菜魚 辣子雞 水煮牛肉等等今次簡左水煮牛肉同魚香茄子水煮牛肉唔太辣，辣d會惹味d牛肉片份量都唔少 有8-10小塊口感鬆軟，食到少少梳打粉味，冇咩牛味不過只係幾十蚊兩餸飯唔要求太多😌魚香茄子就正常發揮，雖然見到少少辣椒碎但完全食唔到辣味包一碗例湯，淡淡地冇咩特別可能因為價錢比附近兩餸飯貴，味就冇咩驚喜 同埋又排左咁耐 期望高左d可能其他餸會好食d? 見手撕雞望落幾嫩味道唔差嘅但未必會再幫襯

今日晏晝第一次食久仰大名嘅三餸飯。可能因為我一點半先去到，啲餸有啲凍。不過整體嚟講都算ok啦。48蚊，送一碗湯，性價比高。嗰度有電視機，可以一路食飯一路睇新聞。

住得近近地見到早餐有腸粉諗住去試吓，佢寫住7點到10點提供早餐啦9點左右去到啦，門係開咗等咗5分鐘人都冇個….冇咁早開門個牌就唔好寫咁早啦，嘥晒啲時間，第二次去10點出少少又話賣晒。加埋！！25蚊一盒份量好少！！幾啖就食完女仔一盒都不夠食唔好話男仔啦，之前食過其他腸粉既鋪都唔會咁少，但系講返味道還算OK嘅

腸粉好食，但份量好少，完全唔夠食。食完要食麥當勞。老闆娘整就一定少，份量好似酒樓一條腸粉咁，牛腸收$25。唔係食一次少先講，但早餐腸粉份量真係男仔至少要食3盒先夠。街坊生意都係靠附近客仔，如果啲咁嘅份量長期會流失客量。

灣仔住家雙餸飯記錄 呢排晚市冇咩選擇 又唔想食老麥 又搵咗間雙餸飯試吓.呢日大概夜晚20:00去到 已經冇咩人叫左4餸 店員話冇晒湯 收左我$46（見到餐牌四餸要$53 平左小小）👍🏻川味辣子雞 🔥有小炒feel 香口 肉質都唔錯👎🏻炸豬扒 得兩三舊 小硬👌🏻排骨 幾入味 好食 又係住家feel👍🏻蒸蛋 幾大磚 而且幾滑 住家feel.整體雙餸飯水平來講 唔算平每個餸份量唔算多 佳記性價比高啲🔥辣子雞有小炒feel 挽回唔少分數可能會因為想食辣子雞再番黎.#hkfunfoodrecord窮遊香港#hkfunfoodrecord_灣仔.#駱克美食 (灣仔)地址：灣仔駱克道123號地舖.⭐️評分：味道：3/5環境：-/5 外賣 堂食位置唔多服務：-/5 抵食：3/5.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #灣仔美食 #雙餸飯 #三餸飯 #平價 #兩餸飯

習慣了早餐午餐在駱克美食除左美味既食物亦少不了老闆和員工的人情味尤其欣賞腸粉大師傅全哥手勢完全體現出廣東式腸粉既味道同精粹另外就哥和其他店員熱情好客亦都留下了深刻印象

早餐成日食麵包飲奶茶真係會食到好厭，間中食下啲中式早餐都係一個幾唔錯嘅選擇。轉下口味冇咁悶今次第一次嚟食，嗌咗個雞蛋豬肉腸粉 （原先想加芫荽，但職員話冇晒貨）唯有下次先試。睇住佢哋即叫即整，首先係打個麵粉漿落個腸粉機到，之後再加啲肉碎，菜，同埋打一隻蛋落去搞爛。唔使幾分鐘，一盒腸粉已經完成。落咗甜豉油，唔係好鹹，用黎點腸粉岩岩好🤤個職員有問我要唔要跟杯餐飲，我怕佢沖得唔掂既關係，無嗌到，去左7仔買杯即磨咖啡💁🏻‍♀️💁🏻‍♀️💁🏻‍♀️總結：食完呢盒腸粉，再飲多杯咖啡，飽到晏晝都食唔落野🤣🤣🤣