影片
港鐵上環站 A2 出口, 步行約6分鐘
繼續閱讀
營業時間
星期一
12:00 - 16:30
星期二至三
12:00 - 21:00
星期四
12:00 - 16:30
星期五至六
12:00 - 21:00
星期日
全日休息
公眾假期
全日休息
以上資料只供參考, 請與餐廳確認詳情
位於中環歌賦街的「魚蝦蟹」，顧名思義係一間主打魚蝦蟹的餐廳🍴店內裝修簡約，溫馨舒適二人套餐餐廳設有二人套餐，兩位用$498，已經包括小食、主菜、鍋物及飯麵。最近仲有限時優惠，凡惠顧此套餐，即可獲贈大海蝦兩隻蒸魚肉燒賣配自家製蝦油及時蔬熱騰騰又飽滿的魚肉燒賣配上自家製蝦油，增添鮮味；伴碟有新鮮翠綠小棠菜，健康美味蒜泥青瓜配雲耳口感爽脆的青瓜及雲耳，表面沾上蒜泥，充滿蒜香，好好食蒜蓉粉絲蒸大海蝦勁大隻新鮮海蝦，厚肉鮮甜～經典簡單的蒜蓉粉絲蒸，體現出蝦肉本身嘅鮮味！底下嘅粉絲吸收晒蒜蓉同蝦肉嘅精華，勁惹味鹽焗馬頭魚跟餐加$40可以升級店員推薦的時令鮮魚：鹽焗馬頭魚🐟魚肉超級鮮嫩，鹽焗方式烹調充分保留了魚油及肉汁，勁好食！配上自家製醬汁，加咗檸檬葉及香茅，清新開胃又滋味鮮濃蝦湯鍋餐廳推薦的招牌鮮濃蝦湯鍋，豐富材料包括有：魚片、墨魚餅、海蝦、豬頸肉、金菇、肥牛及雜菜。以鮮蝦熬製的濃蝦湯，每啖都滿載着鮮蝦味，當中嘅材料都吸收咗濃蝦湯的鮮味，正呀香蔥蒜油撈麵粗麵條煙韌彈牙，加入蔥花及蒜油撈勻一齊食，邪惡又美味蝦籽蝦油撈麵撈麵加咗蝦油及蝦籽，味道濃郁，滿載鮮味
繼續閱讀
早幾日同朋友去咗中環一間專食fusion海鮮的小店，主打全無味精湯底，店內環境走簡約風格，有好多魚、蝦和蟹的畫做主題，我哋見到二人餐好抵，就叫左個二人餐試下啦🩷🩷☀️小食x2 蒜泥青瓜拼雲耳望落去以為無味，點知食落口好入味，青瓜非常爽口😋☀️炸物拼盤有4種小食，有選擇困難症可以食到唔同嘅嘢，好滿足，拼盤有炸魚肉燒賣、吉列和牛薯餅、酥炸日式餃子及吉列炸蠔，炸物都酥香脆口，內裡鮮嫩多汁😍☀️鹽焗香茅檸檬馬頭魚由烏頭魚升級加$30至馬頭魚，以為鹽焗會又鹹又乾，點知好清甜又好滑，師傅特製香茅檸檬汁好鮮味，仲即場為我們据開，魚油流哂出來😍☀️特濃無味精濃蝦湯泡菜鍋🦐個湯好鮮甜，好重蝦味🦐，完全冇落味精用蝦烹調，啲湯比我飲哂一滴不漏，另外亦有好多餸，海蝦，魚片，墨魚餅，豬頸肉，肥牛，金菇，什菜，非常豐富食材新鮮😋😋☀️蒜蓉蒸大虎蝦(惠顧2人套餐店主送🦐🦐)好好食好大隻海蝦，將中式混合西式元素，用蒜蓉清蒸十分入味❤️☀️面食x2蝦籽蝦油撈麵 好多蝦籽，蝦油勁香🩷香蔥蒜油撈麵蔥蒜油好香，麵條好彈牙🩷☀️甜品 泡芙x2店主十分細心，知道套餐會好豐富，所以甜點唔會太大份❤️套餐好新鮮又好大份，店主非常好，會同客人傾下計，會知道我哋食唔晒，會準備外賣盒比我哋帶回家，非常窩心😍😍😍
繼續閱讀
【中西區】【魚蝦蟹】中上環九如坊一向美食林立，除咗啲名氣好大嘅老店之外，附近亦都進駐咗一啲新餐廳。同羶鹵獅嚟到呢頭做嘢，本來諗住食啲老店，但羶鹵獅都係一位好接受到新事物嘅上司，最後決定試間新啲嘅餐廳。因為呢間「魚蝦蟹」標榜自己係無味精，好吸引。一場嚟到我哋就試 $498 嘅「二人套餐」，小食揀咗「蒜泥青瓜拼雲耳」同「酸甜開胃話梅車厘茄」，前者唔會得鋪濃味，本身唔多好呢啲嘢食嘅我都一件接一件咁樣係咁食，自己都估唔到。後者係「手工菜」，車厘茄係脫咗皮嘅，話梅味入晒，酸酸甜甜好正。主菜本身想叫烏頭，但係點知老細話冇貨，加 $50 試「鹽焗黃立䱽」，非常好食。鹽嘅鹹香加上檸檬同埋香茅獨特嘅味道，加喺魚肉入面相當合適，即使唔點秘製醬汁都已經相當好食。而魚嘅肉質係剛剛好，唔會滑到好潺而又唔會鞋，絕對係成餐嘅驚喜。鍋物我哋加 $20 試「鮮濃蝦湯泡菜鍋」，將海蝦、魚片、墨魚餅、豬頸肉、肥牛、金菇、雜菜混埋一個鍋裏面，有少少似高階版嘅部隊鍋，但係佢個底係雜菜，索晒啲汁，好正。飯麵方面我哋試「蝦籽蝦油撈麵」同「香蒜蔥油撈麵」，兩者都好邪惡，好好食。我上司羶鹵獅喺度我就唔知啲嘢幾多錢喇，因為之後散叫咗「清蒸大海蝦」嚟試，都係鮮味十足，正。嘢飲方面我哋試咗「羅漢果茶」，唔係勁濃嗰隻，不過冇咁大陣味就易入口好多，配埋新鮮而不加味精嘅美食，就係一個好好嘅輔助，令到餐飯非常完美。。。（地址：中環歌賦街45號地舖）
繼續閱讀
中環歌賦街「魚蝦蟹」主打無味精湯底，菜式都混入左新鮮既海鮮食材，小店形式經營，卑人有種親切感鮮濃蝦湯墨魚餅薯粉先喝啖湯頭，無我想像中咁濃郁，換來係淡淡既蝦味同海鮮味，枱上有兩樽分別係蒜蓉醬 & 辣醬，建議兩款醬都加入湯底更能突顯蝦既香味，薯粉爽滑，墨魚餅彈牙，仲有d木耳絲同粟米鮮濃蝦湯鮮魚片薯粉換上鮮魚片，份量都唔細，配埋個鮮濃蝦湯，鮮味十足，鍾意食魚既朋友岩晒地方雖小，但坐得幾舒服，不過等食物既時間也未勉太耐，入座後差唔多30分鐘先上枱，午餐時段真係唔太接受到，秘製鮮濃蝦湯味道上好似同”濃”字唔係好扯得埋，整體都較淡，不過無加味精係不妨一試的
繼續閱讀
【魚蝦蟹】位於中環歌賦街，半山不規則街道殖民地色彩濃厚，餐廳就像一家隱世小店，店員熱情招待，很有家庭式溫暖感覺。 我們點了二人套餐，包括小食、主菜、鍋物、主食和甜品。
小食
【酥炸日式餃子拼時令沙律】餃子炸得又脆又香口，細細粒易入口，食完唔會太飽滯。【酸甜開胃話梅車厘茄】
話梅和車厘茄的酸甜完美結合，食落又開胃又涼透心。主菜
【鹽焗馬頭魚】鹽焗使魚油在烹煮後仍然保留在魚身，魚肉極滑。蘸泰式醬汁吃別有一番風味。 【鮮濃蝦湯鍋】濃濃蝦湯我至愛，配料有海蝦、魚片、墨魚餅、豬頸肉、肥牛、金菇、什菜、溏心蛋，非常豐富。
二人餐還奉送兩隻【蒜蓉粉絲蒸大蝦】，粉絲吸收了蝦的鮮味格外香甜，大蝦也的確又大又鮮又爽。飯麵
我們點了兩客撈麵，【蝦籽蝦油撈麵】比較特別，外面比較少機會吃到；另一客【香蔥蒜油撈麵】則十分香口，也是相當不錯。麵條口感煙韌，吃著挺有滿足感。 值得推荐的小店。
繼續閱讀