魚鱻魚湯專門店

營業中

休息中

幾年前食過覺得好味， 鮮甜。所以昨天介紹朋友去幫襯，但湯及材料已經大不如前，味道淡，價錢貴咗好多， 招牌煎魚餅味道差，好腥，不新鮮。湯底亦不濃郁，嘗一大匙羹，亦一點也飲不出是魚湯底。朋友食嘅鯇魚魚尾飯，多尾但少魚肉，魚肉份量亦不足，部分魚肉部分亦未能熟透，以後唔會再想去幫襯。

放工去到荃灣，男朋友仔帶我食魚湯飯。我們點了一碗魚較湯飯，一碗魚滑米線，一份小食炸魚片。魚湯飯好清甜，好好味，食唔晒飯飲湯都正，推介 魚滑都OK，但相比下魚湯飯正啲。炸魚片小食有點似淋左既薯片，都幾好食

今日工作不太順利，收工有點晚了。沒甚麼胃口，就同同事行去路德圍食鱻魚湯米線。點我最愛的炸魚餅，其實不太熱氣，餸另上，魚餅不會濕濕的。同事點鯇魚片，對她來說骨有點多。這裏的魚湯鮮甜沒加味精，食完米線，把湯也喝完，不會渴。還有一點就是掋食，41元一碗。

今日黎左荃灣想食下湯麵 就諗起好耐冇食鱻以前返part time好鐘意去食一於就食佢啦我地6點左右去到唔洗3個字 好快就入到座我記得以前有個勁暴躁阿姐但今次見唔到 感覺良好左我就叫左豬扒魚湯米先講佢嘅炸豬扒真係好一流 味道係好入味而且肉質脆得黎好好食真係大力推薦 黎到必試至於個米線質感偏粗有d滑身 就普普通通 我鐘意幼身同林少少個魚湯底真係精華黎 超正係飲得出真材實料煮出黎飲完唔覺有味精嫁總結黎講如果有時食厭左重慶個隻酸辣米線可以試呢間

魚魚魚係荃灣屹立左好多年，經常行過但都無入去試，今日諗唔到食咩一於去試下。呢到主打食魚湯泡飯同粉麵，餸菜都係以魚肉同原條鮮魚為主打。奶白色嘅魚湯底清甜唔腥，無咩味精味，所以唔怕多飲幾啖。叫左魚滑湯飯同炸魚餅米線，價錢都係40幾蚊街坊價，唔算太貴。魚滑食落無泥味，雖然口感唔算滑但勝在爽口彈牙，好有媽媽整嘅住家魚滑味道。另外，餐廳用嘅米線偏軟腍，個人都係鍾意食返有咬口嘅多啲。炸魚餅大大件好抵食，炸起上嚟完全唔油膩，入口彈牙好咬口，食落有魚肉鮮味。舖頭比較老舊，夏天嚟食飯就比較辛苦，因為冷氣唔太夠，食完湯飯成身都出哂汗，所以快快手食完就離開了。

塞翁失馬，焉知非福。被客放飛機，所以被早放工。走到路德圍，選擇困難症又發作，不知不覺行到鱻魚湯，大好機會不能放過，事關正常用餐時間，這家店是要排隊的，店內沒有很大，大約10張枱吧。今天由於被早收工，還可以享用5點半截止的自選套餐。招牌魚餅米線是必吃的了，配菜選了牛丸和貢丸，再加一杯凍檸茶。魚餅和米線是分開上的，吃的時候才夾著魚餅，沾滿魚湯，這樣保持了魚餅的香脆。同時魚餅外層很薄，就像沒剪過，但能吃到脆脆的感覺。配菜就放在米線中一起上，還有豆腐皮和少量菜，這樣也沒影響魚湯鮮甜的味道，餸吃完了，湯也沒剩下。配的飲料指定是凍檸茶或凍檸水，這個天氣之下簡直是歡迎至極。

好耐之前來這裡吃過一次魚湯米線，當時舖頭好似大一些，但舖面裝修又好似冇乜變。今天飲了一個川芎白芷燉魚頭湯，這個湯好不錯，一開湯蓋便有濃濃的藥材味及魚湯味好吸引，這些燉湯是6時後才有得供應呀。講返個湯，湯頭好甜，藥材份量足夠，燉的時間夠因大魚頭的骨已變得粉粉的，夠熱夠味，足夠二人份量。叫了兩款魚湯米線，招牌魚滑米缐，魚滑爽口 彈牙，還有紹菜 豆卜等，魚湯也合格，但好像冇之前的濃。另一個是枇杷豆腐加鯇魚片米缐，枇杷豆腐好像是剛剛炸好，味道鮮，𥚃面的豆腐還是滑有質感。今天的晚餐可算是健康之選，份量剛好，不會太油膩和太飽。

路德圍真係一個好多美食嘅地方，最吸引我嘅鋪頭，首選一定係魚鱻魚湯專門店，雖然店舖殘舊，但係就有老店嘅風味，而且員工非常勤力又好行，每次去都會推介當日新鮮嘅魚類。今日，我就食咗個椒鹽鏈魚扒，揸得金黃鬆脆，上面仲充滿椒鹽，非常嘢味，而且油脂充足，甘香可口。而當然唔少得叫返個魚湯飯啦，今次我加咗魚標，補充骨膠原，再落埋番茄，但湯真係鮮甜到不得之了。如果鍾意食魚嘅人士，我真心推介依間魚湯專門店，包保會令你一試難忘

門面感覺好混亂.... 擺滿東西店內牆上已有餐牌，抬頭一眼已可清楚睇晒有乜選擇這個貎似蝦片的就是將魚片炸成，質地沒有蝦片般鬆脆，感覺將魚片炸乾有點浪費..... 吃幾片便夠了 (因為真係好熱氣)蕃茄肉碎加魚滑米線除了蕃茄肉碎加魚滑，還有些大白菜，湯是滿滿的，淡淡魚湯沒有鯹味，不錯 !用上新鮮蕃茄來製作，真材實料，魚肉都好大舊，眼見同檯食客是淨魚肉米線，魚肉份量很多很多，好羡慕把整碗湯也喝下，沒有口渴感，沒有味精。

星期一晚上，9成滿，環境好迫唔太舒適，冷氣夠人多都唔會焗叫左一碗吉烈豬排蕃茄魚湯米線，吉烈豬排幾好，外脆內軟，蕃茄魚湯好淡，冇乜魚味另一碗係餃子米線加紹菜，韮菜餃子唔錯，菜同肉都新鮮，湯底一樣係好淡，冇味加左一塊炸魚餅，都幾好食物嚟講其實可以，雖然唔係好好食，但價錢唔貴，本身係可以接受嘅但服務真係太差，有一個四眼格仔衫女待應幾努力去有禮貌，但其他阿姐好唔掂，例如叫極扮聽唔到，寫完單好似掉垃圾咁掉落張檯比你，知道客人不是大晒，但基本尊重都要有

味道：以前既湯底魚味濃好多, 而近幾次除左湯底淡之外, 食完會口渴! 服務：奉勸拎住一袋二袋或者攞住大袋千祈唔好去幫襯！話說上次去食既時候因爲隨行既物品較多, 我位置牆上既掛鈎都已掛滿左, 而枱與枱之距離又唔係闊, 為免背囊會阻住職員送餐, 所以就攞左張櫈黎放, 而當時附近至少有十幾個吉位. 點知個四睇短髮阿姐見到就即刻叫我攞返起, 佢話牆有掛鈎掛野! 跟住我同果位阿姐講我掛滿左la wor, 而且又家陣又無人坐擺住先都唔得？佢既回覆係.....”一陣” 就會有人坐! 佢既然咁巴閉, 咁我咪邊拎返起背囊邊講”櫈一張唧! 你真係有客要坐咪比返你law!” 果位阿姐邊怒睥邊好快心咁攞返張櫈! well, 原來呢d 就係佢地既待客之道!致老闆：你地生意咁好! 就唔好咁弧寒, 買多幾張櫈la! 但如果 貴舖連櫈都唔可以擺多張的話, 咁建議你地仿效日本某些餐廳咁改為立食! 不過講真! 果位員工咁既服務態度, 就算你地係米之蓮一星餐廳都唔會再黎”貼錢買難受”!

一入去食嘢好似得罪成間鋪啲人做外賣嗰啊叔 唔俾餐牌我哋最差係著直條圍裙個阿姐掉杯檬荼 係枱 之後掉碟 大大力之後比我鬧佢八婆未試過食野食到閙人食物方面一般 不能說好食凍檸茶先係最垃圾荼濃渾濁 連茶底都唔識整糖水要自己加 加極都淡 環境尢如街市 破舊荃灣區最呃錢食店

之前上網見到好多荃灣人都推介食米線既餐廳 咁岩我又好中意食米麵 難得放假去荃灣果邊行山 所以黎試下佢既魚湯米線 裝潢十分簡陋 但行到入去幾乎滿座 嗌左佢既豬扒金茄米線 雞翼牛肉米線 額外仲叫多左份炸魚餅 份量十分多 湯底十分鮮甜 而野食就無乜特別 坐我附近既人大部分都飲到d湯無哂咁濟 如果好中意食魚既你一定要叫佢既成條魚既米線👍👍

員工態度十分差，一碗冇餸麵上枱10分鐘都未嚟豬扒，問兩咗兩次都冇反應，仲話未炸好點俾你呀小姐，未炸好就唔好上齋麵啦，凍晒都未有餸，過分。湯底比以前淡好多，冇魚味。以後都唔會幫襯

今日一起身好想食下啲非大集團連鎖店嘅食肆 諗起荃灣呢間食魚米線嘅小店 真係無睇錯 呢到有成條魚上嘅米線同個啲譚x唔同架 唔鐘意食米線 仲可以揀做湯泡飯 一樣咁惹味 每日供應嘅魚都唔同 可以問下落單姐姐們今日有咩揀 賣完就無架啦 同以前食落嘅味道差唔多 條魚同湯底都好鮮甜 好似講廢話咁 但真係魚有魚味呀！ 同埋份量超級大 男仔食完都話好飽 對於我呢啲本身好驚食魚 因為怕腥味嘅人黎講 呢間鋪頭真係我呢種人嘅恩物！ 如果食唔落成條魚 仲有平啲之選 可以揀魚球 係佢地將啲魚起咗肉 無晒骨 咬落啖啖肉