鮨德

營業中

休息中

中午同同事想食日本野，發現附近食開既舖頭執左粒，就黎依度試下。我地12點半來到都滿座了，等左陣位！食物價錢都尚算合理，環境都算舒適。我叫左北海道魚生飯，個餐仲有前菜沙律同日式蒸蛋一份。食完都幾飽唯一有待改善的地方係員工服務吧！

黑口黑面無乜禮貌，野食ok但服務態度認真麻麻，打風唔開黑雨唔開，呢啲都算得上係好老闆，但點解員工咁大怨氣？上openrice 都有人講過，入面既女侍應西口西面，係咪應該改善下？入嚟食野唔係受你氣架

串燒 一定要試 會有驚喜火喉時間控制得合適壽司及刺身 新鮮 魚油香餃子亦可一嘗小店有生啤供應,十分滿意環境舒適潔淨是日推介亦有好多選擇唯座位相隔比較近全程聽着隔籬坐對答另有一番意境

🍽️食物方面：🍱鮨德刺身壽司便當💲1085件🍣加刺身 玉子 中華沙律 牛肉餅 唔使加烏冬都夠飽😆🌸櫻花角切魚生飯💲78溫泉蛋加魚生粒唔會乾爭爭但超多飯🙆🏻‍♀️唔食生嘢嘅可以叫鮨德和食便當💲108有刺身煮物小食炸物 好多🍚➕🐮➕🥟Lunch set會送甜品 當日係蕨餅📷打卡方面：鐘意用兜兜裝🤣坐房好影啲 🔈環境方面：唔夠人手 staff唔記得俾紙QR code落單 等咗陣 壽司師傅要送埋餐😂💬其他資訊：鮨德 📍美孚寶輪街1號曼克頓山商場(曼坊)1樓101A號舖

間嘢啲服務無一樣做得啱1.唔識過黎幫客人加水，每次要自己出聲2.一坐底一嘢qr code落單丫車埋黎，其實入得黎食貴嘢已經係門口menu睇定大概食咩先入黎幫襯，好就睇吓仲有咩小食啊其他嘢揀，點知間嘢個menu唔係好多嘢食揀，好啦禁完qr code完全無人印番張單比我，qr code落完單坐係度等等等，真係好驚其實有無落到單3. 食食下拎張單黎話埋數要比錢先（收我錢果時9點半間嘢門口大大隻貼住寫10點閂門），都算，仲要匆匆懶底句收現金就走咗去？食緊嘢已經唔想中途掂錢，最嬲係我擺低左錢之後就聽到隔離枱收錢係比銀聯！仲未完找錢果陣找232蚊，個2蚊係特登分兩個1蚊銀找比我！仲咩事？咁嘅服務仲想博我比貼市？cs4.佢個廚房又係日式開放式廚房，唔知係未啲廚師趕收工，佢地係度一邊執嘢洗嘢一邊切嘢，兩三個都唔帶口罩，唔帶無問題，但佢地係戴住個口罩但拉底哂落條頸果隻！仲要個個都係咁戴法！好唔整潔！間嘢又有冷氣，拉番上口罩洗死？其實你唔帶我都ok。咁嘅情況仲要比我見到廚師隻手無戴手套切嘢，個口罩拉哂落嚟，我點知你會唔會無拿拿又搞個口罩㗎！感覺有啲唔乾淨。5. 間鋪係有播啲日文流行曲，但聽聽下竟然比我聽到

是日嚟咗呢間日本餐廳食午餐，點咗佢哋嘅Lunch set, 有壽司拼盤又有烏冬，整體感覺都好出色，味道好好，份量適中，價錢亦都合理。壽司拼盤有唔同種類嘅壽司，例如三文魚、帶子、甜蝦等等，每款壽司都好新鮮，賣相精美，味道鮮美，而且每款都有啲不同嘅風味，令人回味無窮。烏冬煮得恰到好處，有啲Q彈嘅口感，湯汁味道鮮美，加埋啲牛肉，味道好開胃，非常滿足。餐廳嘅環境都好舒適，裝修又靚，而且服務員都好有禮貌，服務好好。總括而言，日本餐廳嘅壽司拼盤、烏冬都好好食，味道豐富，份量適中，價錢亦都合理，環境舒適，值得一試。如果你鍾意日本菜同壽司，一定要嚟試下呢間日本餐廳啦！

呢間日本餐廳入口好似好貴，但坐低見到manu 有lunch set, 價錢都好reasonable. 我叫左個櫻花角切魚生飯，定食有味噌湯，茶碗蒸，魚生新鮮而且唔少，個蛋好滑，成set都係$78當日我地有8個人，仲有得一齊坐一個房仔，環境好好，性價比高！

假日去咗美孚食個午餐，見個名「鮨德」好似唔錯，而且午餐多選擇價錢有$78至$288不等，一於試下。入到去應該餐廳唔夠人手，所以等咗一陣安排入座。坐低之後QR code落單，落完單一段時間都無茶，睇嚟唔問都唔會有。之後就詢問店員叫佢比杯茶我。揀咗餐牌第二貴嘅壽司十貫（廚師精選十貫、甜玉子）餐$158，覺得應該都會唔錯掛。壽司上枱賣相還可以，有熟蝦、三文魚腩、帶子、吞拿魚、油甘魚、吞拿魚蓉、三文魚子軍艦，海膽軍艦、兩件白身魚（大概應該係池魚/鰤魚）。竟然有熟蝦，都較少壽司拼盤有熟蝦🫠 海膽軍艦臭的、白身魚兩件都係非常腥🤮 三文魚蓉好似你喺急凍店買一包咁🤡 嘩…… 唯一有幾件係覺得算唔錯，帶子雖然細但鮮甜、三文魚子軍艦鮮味，吞拿魚油脂都唔錯。雖然呢個價錢唔係貴，但係個質素係可以好啲😐另外叫咗三文魚子吞拿魚蓉丼，啲三文魚子真係少到可憐🥹 好似一件壽司軍艦咁多度🤣 吞拿魚蓉唔再講，就好似上面壽司嘅感覺。跟餐嘅麵豉湯味道偏淡，蒸多太水，冇湯味。甜品嶡餅夠Mochi~ 餐廳食物質素有極大進步空間。

早前行經曼克頓山商場，在一樓盡頭內見到一間低調的鮨店，從狹縫中見到進入店舖前還得穿過一條長長的走廊，似進入日式庭園，好有神秘感。是日特意過來吃午飯，門外走廊簡潔有格調，燈光柔和溫暖，二人被安排至吧檯位置，坐得闊落。魚子蔥吞拿魚腩蓉飯 $98魚蓉味道鮮甜不腥，底下的飯略作調味，有少少冬菇和芝麻，混入鵪鶉蛋後質地更滑身，魚蓉份量和飯量比例一比一，吃得過癮。鮨德和食便當 $108汁煮牛舌有五六件，大大嚿份量多，煮得入味軟腍；本以為吉烈豬扒是來貨，望落薄身不寄予厚望，一吃皮脆口，不膩有肉香，應該是自家出品，驚喜。午市套餐還包茶碗蒸和甜品，定價七十多至三百多不等，確實豐儉由人，味道中上，省回搭車出尖沙咀的時間金錢，會回頭。

海膽什錦魚生飯。又黎到我出黎搵野食時間。幾fd出黎lunch …美孚附近⋯好似冇咩邊間日本野就黎左呢間餐廳，平日lunch 都少人不用排隊Lunch set ,每人都會有 日本蒸蛋，麵豉湯，沙律作為頭盤，因為要用app落單， 沒有Menu, 都吾知什錦刺身係咩刺身，所以最好問問侍應我就叫左 海膽什錦魚生飯，本身入面係甜蝦我加左錢轉牡丹蝦，另外魚生有4塊三文魚同油甘魚⋯個飯有埋少少紫菜碎，都好好味我朋友叫左吉列豬扒烏冬定食，韓式泡菜豚肉鍋，牛肉鍋。試食過吉列豬扒，好鬆脆，幾好食。最後每人都會送番一舊抹茶蕨餅甜品，好味😋

曼克頓山高質日本餐廳刺身拼盤A吞拿魚 油金魚 三文魚 帆立貝 甜蝦刺身新鮮 厚切 口感十足晚市定食套餐我地叫咗兩個套餐🥣碎蔥油金魚茸井期間限定🍜炸雞烏冬本身好鍾意食白鱔叫左個白鱔串燒🍢厚身鱔肉 煙煙韌韌 完全鎖住肉汁

成日都唔明，點解美孚咁多人住連一間正常少少嘅餐廳都無😭絕對比馬鞍山嘅美食沙漠更沙漠喺美食沙漠入面好彩有鮨德，每個月至少一次要黎食一次lunch☺️未食過嘅可以黎試下lunch，午市套餐最平$70幾蚊起，已經有齊前菜、沙律、湯再加主菜。我哋嘅最愛係壽司飯同壽司套餐，今次我地就食三文魚親子彩之飯同壽司10貫，厚厚嘅三文魚刺身加大量三文魚子，味道鮮味，飯入面仲加左好多配料，唔洗驚食到最後得白飯咁dry。壽司方面賣相都唔錯，款式有帆立貝、三文魚、甜蝦、蔥吞拿魚等，雖然都係啲大路款式，但味道一樣無揸流攤。兩個人飽到飛起，埋單盛惠$277✋🏻CP值非常高

同朋友食飯，揀咗鮨德，地點有啲唔就腳去到餐廳，居然比咗間房我地😍我地一行四人，餓鬼投胎咁瘋狂叫野食刺身拼盤 刺身好新鮮，大吞拿魚腩超肥美，牡丹蝦好鮮甜，仲可以叫餐廳幫我地炸蝦頭，炸完卜卜脆，送酒一流我地仲叫咗當日新鮮貨1.金目鯛四切 （爽口彈牙）2. 沙甸魚卷 （估唔到咁好食，同啲菜好夾）3.立貝 （好爽，同黑松露醬一齊食，好正）壽司拼盤樣樣都好新鮮好味叫咗4 隻當令日本蠔好大隻，鮮甜灸燒大吞拿魚腩壽司一咬即溶😋😋超大舊既醬油飯團🤣🤣我地仲叫咗2 個海膽飯牛油果軟殼蟹手卷超大件，炸到卜卜脆😋，$48 蚊抵到爛其他仲叫咗好多串燒，例如雞皮、牛舌最特別係一個叫做提燈既串燒，可惜唔記得影相紙括來講，我地食得好開心盡興價錢公道，一再encore 既餐廳👍🏻👍🏻

今日午餐來都曼克頓山嘅鮨德，先嚟睇睇佢哋嘅menu，有個特別推介嘅汁煮牛舌定食。但因為我都係第一次過嚟食，就先試試佢日常嘅menu先，選擇款式都幾多架。價錢範圍非常之廣，由平過$100蚊至$300蚊以下不等。每款午餐，都會跟一套前菜，包括麵豉湯，蒸蛋，沙律，坐定就上枱，速度一流。蒸蛋配搭上菌類等材料，滑身之如味道香口。麵豉湯，喺正常味道之上多咗一份鮮甜，我估計係加入咗蜆汁，鮮甜味道令人想一飲再飲。今次我就揀咗壽司定食，配牛肉細烏冬，價錢係$98蚊，要收加一。先嚟講講細烏冬，牛肉上枱仲係略帶粉紅，浸落個湯就啱啱好。雖然只係細碗但份量都唔算少。再嚟主菜7件壽司，件件大件足料，新鮮有質素，件吞拿魚茸size更加係觸目。壽司過後隨即仲有甜品，食完絕對係肚滿腸肥，滿載而歸

午餐預祝朋友生日本來大家想食刺身餐，點知她落錯單 。現在好多餐廳轉晒自己scan QR落單，即將責任推番俾顧客，落錯單不是待應的問題。另外，全球講緊big data, 電子落單是容易收集數據，做分析。幸好，除了牛蒡，其他食物都食估唔到牛脷大大嚿，好冧，唔太甜或咸白羅白好冧三文魚刺身厚切，肥美玉子燒的甜度恰到好處我唔太喜歡餸吉列豬扒，不過這個吉列漿唔太厚，可接受。每一個set, 包沙律，麵鼓湯，茶碗蒸日，甜品好飽！下午茶時段不收加一。下午茶是3點至5點，即要食early dinner星期六 ，日都可食到！要帶cash找數