鳩沖

營業中

休息中

經過大角咀無意中見到呢間鋪，離遠望一望佢裝修幾特別；今日下午又咁鬼熱於是就入去飲杯野。入到去叫左杯鹹檸柒同兩餸飛碟，個老闆又幾好傾同幾nice,一路吹吹下水，乜都傾下咁就整好左野飲同飛碟。鹹檸柒又唔會太甜，味道對我來講岩岩好；一飲落去勁涼快同潤喉，夏日佳品👍👍兩餸飛碟我叫左芝士同炒蛋唔會好咸恰到好處，芝士入口即溶感覺好舒服； 配埋老闆火候適中，香噴噴既炒蛋簡直係best match。而且飛碟外層整出來唔濃又有脆口感覺。如果下次再經過大角咀都會再幫襯，支持香港特色小店👍👍💪💪

餐廳幾有心機設計餐牌 包括港式元素係珍珠奶茶裡🧋呢種配搭我第一次見 試過佢地個奶茶睇都幾正！就連室內設計都好有心思🤩 會多多支持！💪🏼香滑奶茶（$25） 佢地個奶茶真係好經典傳統茶記會飲到既味道😋茶底好濃郁 撞得好香 奶茶好滑 奶同茶既比例剛剛好👍🏻即使有冰都唔會溝稀左個杯飲品！夏天熱辣辣拎住佢真係覺得好幸福🌞

這間香港本地奶茶店充滿懷舊香港的特色，讓人彷彿回到了過去的時光。店面設計充滿傳統元素，讓人一踏進去就感受到濃郁的懷舊氛圍。打卡必到。老闆待人親切，讓顧客感到賓至如歸。這就是小店的好處，老闆與客人有種快樂的溝通。他們的奶茶是真正的經典！濃郁的茶香和豐富的牛奶味道完美融合，每口都帶來濃郁而令人愉悅的享受。老闆每天都一大早親自煲茶，這種就是與連鎖店的不一樣。所以無論是熱奶茶還是凍奶茶，都能帶來絕妙的口感和滿足感。最重要，奶茶價格實惠，絕對是一個值得光顧的地方。推薦給所有喜愛香港傳統風味的人！

無意見到廣告，小店既名，裝修，飲品杯設計，都帶有濃濃本土特色，又近我屋企附近，順道去幫襯＋打卡。叫左杯“阿叔奶茶“，其實無咩特別，唯一覺得D冰唔夠凍（唔通外面太熱？！）店員有禮貌，好細心問我“要唔要走甜“，小本生意，值得支持一下。👍

行過見到間店名幾特別，原來係一間茶飲店，一入去就好有懷舊香港feel，似80-90年代風格，可以買杯野飲打個卡。🍹正宗凍0茶 $20凍0茶好濃茶味，好有以前茶餐廳正宗凍0茶味道，好fresh，可以選擇少甜/少少甜，價錢合適，可以一試。其實menu有各式各樣飲野，有一款蛋糕波波奶茶好吸引，可惜食得太飽飲唔到，下次再試試下。如果諗唔到飲咩，可以try try 三叔公發辦 ($39)🥰整體係一間幾有噱頭茶飲店❤️

意外見到呢間手搖，覺得店名好大膽，所以就入去望下。環境佈置好復古，好有香港feel，似去到80年代嘅香港咁。menu上嘅飲品名都好特別，搞笑得黎又好港feel。由於去嗰陣仲試緊業，無乜人。老闆好好人，好有耐心同我講解每一杯飲品嘅分別，因為佢哋選項都好多下。最後決定落一杯珍珠奶茶。真心好港式，加上珍珠好有嚼口，同普通嘅台灣珍珠奶茶好唔同，係適合香港人嘅味道。下次想試下「9沖」，睇下有咩驚喜先。

充滿香港特色，係香港人開嘅小店🔥好有懷舊Feel，好多打卡位👏🏻老闆真係充滿創意，啲嘢飲名完全估佢唔到，哈哈哈，我今次嗌咗杯姣婆奶茶，唔會好甜好啱香港人口味，我朋友嗌咗杯蛋糕奶蓋佢話超好味😋係我會想再嚟試晒佢啲飲品嘅舖🤩