鳳鳴居

營業中

休息中

堂食雞肉與花鵰酒非常夾且入味、大件且份量足。小食款式多、檸茶柚子蜜都好濃好香。雖然等位時間需時可能會較長，但食物質素較高，服務質素同樣唔差。在午市、晚市常常出現爆場情況，可見一班。唯一美中不足之處是外賣的份量比堂食少。

鳳鳴居 ଘ(੭ˊᵕˋ)੭ #米線控出沒啦📍 上水馬會道154號地下💛招牌醉香雞湯米線💸 HKD 50呢個米線店好出名身邊住新界北既朋友都會極力推薦佢所以我就決定一試佢個米線食米線最重要就係佢個湯底呢個醉雞米線 重酒精 巨甜 我覺得好特別米線上面除咗雞件之外 仲有紅棗同雲耳加埋酒 所以咪超甜🐣然後舖頭仲會比一碟仔既辣椒豉油你點雞食下次我想去試佢既火鍋 聽講都好出色～價錢：💛💛💛💛🤍回頭嗎：👁👁👁👁🤍

好多年無去上水，最近聽朋友介紹而專程去上水食。對上一次覺得好食嘅醉雞米線 應該都起碼十年前 仲要唔係香港 今次終於係香港搵到食完會再想食嘅醉雞米線。湯底嘅酒香味 令我成碗連湯都飲晒 加上雞嘅份量夠多 最重要係 超～嫩～滑 （我好怕食鞋口雞）食完個人好㷫烚烚，叫多杯凍啡，絕對飲得出佢杯啡係有落心機，咖啡味濃厚，一凍一熱，都咁有水準 爽呀！工作人員都係後生仔多，快手得黎係有禮貌，個場係有播歌，有時會成班係到唱歌，好有小店嘅風味。

鳳鳴居長期都好多人響門口排長龍，除咗餐廳夠💛之外，當然食物都有返咁上下水準啦！而佢最出名就係佢嘅醉雞湯麵，🐥醉雞係用生滾，所以整嘅時間比較耐，因為要即焗，但係等待嘅時間係有回報嘅，啲雞的確係會滑d 同keep 到個鮮味🥳醉雞湯係我最常食嘅，所以今次試試新口味，叫咗個姬茸菇雞湯麵，菇味都算幾香，雞湯仲好好飲，唔算話太油。係略嫌啲雞多骨咗少少，同埋唔太夠熱（不過d 雞好似可以揀部位的，下次可以試試😉）食完無乜口渴嘅感覺，應該都無乜味精嘅😇順帶一提，是侍應哥哥都非常之幫得手，態度好，有禮貌速度快，見到有 人 抄牌即刻通知大家，抵讚👍🏻

同家人一齊食飯選擇了這間店因為大家想嘗試一下養生好彩一去到就有位唔洗等我地入到去坐定之後就叫左野食我叫左鰻魚飯鰻魚汁香濃蘿蔔爽脆鰻魚肉香甜美味可口辣豉油爽脆鵝腸想像中唔算太辣鵝腸新鮮唔算太老鵝腸下面配芽菜一流估唔到味道都幾夾凍百香果夏天解暑一流

身為米線關注組既成員，之前已經見過有谷友推介呢間鳳嗚居既醉雞米線。加上我之前都係住上水粉嶺呢邊，對呢間餐廳有種特別既親切感。今日襯住返屋企探爸爸媽媽呢個機會，決定約埋我2個家姐同男朋友一齊試試佢。除左較出名既米線，原來仲有好多麵底同飯類揀。平時食得米線陰，今日就叫個花膠醉香雞湯飯試下。呢個花膠醉香雞湯飯真係無得頂，未食剩係聞到陣味都流晒口水啦。個湯底好濃郁既藥材同酒味，雞件肉質都算滑，最正係啲花膠，係真係有花膠既魚味，滿滿既膠質感。我地小食叫左碟辣豉油爽脆鵝腸一齊食，辣味唔算太重，但十分惹味。另外加左啲芽菜都幾爽口，而且份量方面都唔算少。咁我就叫左杯凍百香果飲，飲落酸酸甜甜，岩晒解渴，唯一有小小既缺陷就係唔夠凍。價錢方面唔貴，以後會再黎食，加油💛

每次去這間店，都必食醉雞湯米線和蔥油雞飯，今次一於轉下款，叫咗這兩個外賣👇🏽沙薑雞飯$50雞和汁分開，砂礓汁唔會好咸但唔夠香，雞夠滑，但雞本身無乜調味，要靠點汁先食到味，個人覺得麻麻地。喇沙湯底配紅薯粉跟3餸（豬大腸、豬紅、牛柏葉）$56見到個喇沙湯好紅，但食落只有少少辣，覺得唔係太香；豬紅普通無乜特別，但起碼一夾唔會散；豬大腸夠濃味OK；牛柏葉幾爽；紅薯粉黐埋一舊，要用啲時間分開，都算幾煙韌。整體來講，這兩款味道都可以，但沒有驚喜。之後都係繼續食返醉雞和蔥雞😄

來到上水不得不介紹呢間黃店，北區人心目中嘅最愛, 亦係我嘅最愛，這間粉麵店以食雞主，究竟呢間粉麵有乜吸引之處，就係藥膳雞湯底喇，講講吓都流口水添麵類：醉香雞湯、姫松茸雞湯、蟲草花雞湯、芫荽雞湯、喇沙雞湯、麻辣雞湯、花膠雞湯、花膠醉香雞湯、清雞湯、蘿蔔清湯腩、蕃茄濃湯雞，粉麵可選擇米線、油麵、米粉、河粉、公仔麵等⋯⋯如果唔鍾意以上嘅，又唔想食雞，可以自選湯麵同湯底，配料就係車仔麵嘅餸，豬紅丶蘿蔔丶豬皮丶芝士腸丶乜丸物丸、雞翼尖、牛腩、豆卜，仲有其他⋯⋯⋯⋯唔食粉麵，其實呢度都有飯或者湯飯嘅選擇，醉香雞湯飯丶花膠醉香雞湯飯、蘿蔔清湯腩飯丶沙薑雞飯、蔥油雞飯、口水雞飯、鰻魚飯㗎⋯⋯醉香雞湯米線 $50湯底好香嘅花雕酒味，仲帶少少甜味，我好鍾意，雞都幾嫩滑㗎，配上米線正呀喇沙雞湯米線$50喇沙湯都一樣咁好味，喇沙唔會好辣，啖啖椰香味配上米線又係好正。自選蕃茄湯底 $50如果有小朋友唔食辣，蕃茄湯底都唔錯㗎，大人小朋友都啱食。生意實在太好了，當日晚上六點左右，都要等10幾分鐘先可以入座，繁忙時間就可能要等耐少少喇。

平時行過呢度都會見到好多人享門口等位，唔想等位所以開咗咁耐都冇食過，今次專登早少少去試下係唔係真係咁好食。我大約12點半去到，只係等一個籌號就有位。唔食辣又唔想大熱天時食醉雞，所以叫咗碗清湯雞米線，嚟到見到係白切雞，正，白切雞係最難做到好食的，因為雞本身要新鮮先有肉味，煮的時間同火喉要準確先會滑。今次啲雞係好滑同有雞味的，宜且啲米線亦爽同滑，另外雞湯的味道啱啱好，不太咸，飲完唔會覺得口渴。飲品方面，加8蚊有杯湅檸檬茶，味道係正常嘅。完

在上水舊墟這個新界區，真係未見過有人排隊等一間食店開門食午餐，未食就估到佢一定唔普通😎本人特別愛醉雞湯，見到佢招牌菜是這款，唔係唔試吓丫😄買咗4個外賣回家慢慢嘆👇🏽醉香雞湯麵$52（外賣分湯，所以加$2）主角是個醉雞湯，真係好有酒香味，但又唔會好油膩，都算多雞件，肉質不錯，不會鞋口，幾入味😋還有紅棗和雲耳，見到都足料；米線口感剛好，不會過琳或硬。👍🏻👍🏻👍🏻蔥油雞飯$51食蔥油雞飯除了雞是主角，蔥都好重要，一打開盒蓋，即聞到勁好蔥油味，蔥絲粗幼切得剛好，配埋白飯一齊食，簡直無得輸！雞的口感件件都勁滑，好似食緊海南雞咁，雞件算多，仲要有雞髀位，好正🤤雞絲粉皮$41正常雞絲粉皮的味道，粉皮都滑的。碗仔翅水餃$41一碗有3隻水餃🥟食得出不是雪藏嘢！水餃饀和味道都唔錯，唔會太濃，配碗仔翅一齊食都幾夾，而碗翅是正常碗仔翅的味道，個羹口感唔會太稀，調得剛好。整體來講，本人非常欣賞這間店的醉香雞湯麵和食蔥油雞飯，好有驚喜！其他兩款食物其實都唔錯，但唔好意思，因為前者實在太好食，變咗有比較😅我會繼續回購😊食客心聲：希望能繼續保持水準💪🏼💪🏼💪🏼

上水馬會道既呢間鳳鳴店，日日都勁多人排隊，一入到門口已經聞到好大陣醉雞味。呢到主打食醉香雞米線，我仲叫左個黃金魚皮。醉雞米線好大碗，雞件都有5-6件，大件得黎食落又好滑，呢個份量食落飽肚又暖身。相對黃金魚皮就無想像中咁好食，下次可以唔試都得。

之前已經食過呢度嘅一次醉雞米線🍜今次試吓蟲草花米線（$60）同埋清湯牛腩米粉（$53） 佢除咗有米線可以選擇之外，你亦都可以選擇米粉，仲有其他面類和湯飯。今日星期六lunch hour 去，好多人喺出邊等緊你，出邊仲要落緊大雨😅 我哋都係預早嗌定外賣返屋企食 蟲草花雞米線好多雞件， 仲要有雞髀位置，好滑溜，不過就冇乜味，配埋佢嘅辣豉油食一流。好欣賞佢嘅辣味豉油，去咗配燒賣食應該都幾好味😋白蘿蔔好甜冇揸，牛腩份量都算多，但係唔係好「林」， 湯底都算幾好味😋 呢個價錢來講食到藥膳米線真係好開心😃 不過我仍然覺得醉雞米線最好食😋

住上水既應該一定食過鳳鳴居💛 係由兩位後生仔主理💪🏻 平日晚上黎食都足足排左一個鐘🙈可見受歡迎程度🤪 大家唔想等咁耐都可以考慮外賣醉香雞湯米線$50一上枱已經深深比湯底既酒味吸引住🤩飲落係好清甜而且順喉🥰唔會口渴！湯底用料十足，無加味精！配料有紅棗、木耳等等，好似好補咁😗雞件係另上既，仲有提供秘製辣椒豉油幾match🤤雞肉就不過不失部分少鞋，弱弱的我食完個米線之後塊臉紅哂😂🙈 住附近既朋友都可以黎試下

今日同阿爸🧑🏻去到上水覓食，行咗一陣，發覺🧐有一間餐廳有幾多人等緊，證明好受歡迎，於是我哋都去試吓依間😙！好在唔使等好耐就有位置。餐廳會有部電視📺，播放一啲電影比食客解悶，好貼心💛。-🍴醉香雞湯麵🍜(米線)($50) - 幾推👍🏻！會有2粒紅棗、一啲雲耳同雞件🐥。食麵當然要飲吓個湯底先啦！湯底幾出色😆，好香醉香雞味，無得頂！雲耳都幾爽口，仲要都幾多舊。雞件反而味道會比較清淡🤭，所以店家會附有一小碟辣椒豉油比食客，幾惹味。-🍴蘿蔔清湯腩麵🍜(米線)($51) - 依碗有少少失望😔。有三舊大大嘅白蘿蔔同一啲牛腩。同樣，飲咗一啖湯先，比較清淡🤭。再試吓牛腩，有啲瘦同柴😢。好在白蘿蔔都幾淋，不過都係好淡。總括然而，都係醉香雞湯麵好食啲。-🍴蜂蜜百香果茶🥤(+$8) - 只能說同照片相差都幾多😂。飲落甜甜哋，幾解渴。有少少百香果籽係底部。

—上水又黃又好食嘅頭幾名嘅位置非鳳鳴居莫屬午市長期都多人等 友人話想試個醉蛋勁耐但從未見過有得賣hahaa🐔醉香雞湯米線($48)湯頭入口香甜 酒味唔太濃但好似冇之前食咁多雞件而上水普遍出名食雞嘅餐廳雞肉都較嫩滑同有雞味d lol辣椒豉油係必備嘅!!好煮意對我嚟講 酒精濃度較高食完好鬼眼瞓💤 💤 期待冬天可以去高佬明食椰子雞煲———————————————————鳳鳴居 Feng Ming House上水馬會道154號地下