鴻興茶餐廳

營業中

休息中

我喺呢度嘅熟客～經常都會幫襯但今日真係一肚氣事緣我嗌意粉，嚟咗碟飯俾人隻隻聲～好似怪我唔要碟飯咁轉頭佢肯換我都覺得算啦我見枱面冇晒紙巾～得返袋裝紙巾袋咪見員工順路送菜問佢可唔可以比包紙巾用？點知佢就同我講～點解唔一早講啊？跟住就周圍大聲唱呢個又攞紙巾，嗰個又要攞匙羹～點做啊？嗰時個心已經谷住氣點知轉頭又有人又問佢紙巾～佢問都冇問我用完未就拎咗包紙巾去隔離枱～仲大大聲講唔係張張枱有紙巾～最後同老闆娘比意見佢係挺員工的～仲話可能做得辛苦所以發脾氣我而家食飯，我唔係要受你哋氣㗎嘛如果要自備紙巾，你禮貌啲就可以了

經過附近試下，茶餐廳黎講價錢較貴🙉，但西營盤都係呢啲價位🤷🏼‍♂️～------------------------------蔥油雞飯+凍奶茶走甜（$63+11），送湯，烚菜：------🐔份量好多（腿+冇胸），肉係滑&稔既，配菜都好夠，但鼓油冇咩味，🥣係正常例湯味，少少冬瓜，椰菜純水烚，超健康😝------凍奶茶普通偏淡------附近茶餐廳不多，平時每星期都有一日係附近做野，呢間都可以接受。

鴻興近來易手，不過招牌，裝修沒有改變，所以店內陳舊桌椅依舊污糟，牆壁依舊發霉鋪塵。外賣自取由8折變成9折。早餐很抵食，粥餐$28，包一碗粥，一大碟炒粉麵或腸粉，一杯中國茶。炒粉麵有頗多配料，即場新鮮炒，所以比一般粥店好味。扒餐$35，扒餐包括一塊扒，腸仔，蛋，火腿，薯餅/薯條/多士，份量足夠，味道都係一般茶餐廳的質素。可惜今日買了早餐外賣，一打開就見到陰毛一條，大佬點食得落呀？希望餐廳由內到外改善衛生情況！

我屋企同呢間食店都係喺同一條街，而呢條街其實冇咩野可以食，加上佢嘅質素真係唔錯，所以成日都嚟呢度食。呢度有幾樣野我都好鍾意嘅。第一，就係佢下午茶既炸雞髀，佢啲炸雞比真係冇得輸，住開西環嘅人都會知道佢嘅炸雞髀係number one。佢嘅雞髀真係即炸，唔會凍冰冰亦唔會返炸，極度邪惡。另外就係佢晚飯嘅土魷蒸肉餅，啲肉餅醃得好入味，而水份同肉餅嘅比例又啱啱好，所以蒸出嚟唔會太硬亦唔會林，加上d土魷又好惹味，所以送飯簡直係一流

各西環街坊應該都知道呢間茶餐廳嘅雞脾架啦！呢到炸雞脾係生炸架，唔同出面個d煮好再炸，所以有心理準備係要等一等先有得食！Size都有返咁上下架，唔似連鎖店個d咁細隻！食過呢隻雞脾真係返唔到轉頭，其他都覺得唔好食！下午茶餐$35跟飲品，轉汽水只係加$2咋！

我本是熟客,  老闆也很好人.   然而,  今天下午一個下午茶餐完全改變了我關於這家餐廳想法. 下午茶叫了乾炒牛河, 下單大約20分鐘後,  後下單者已到, 追問後意識到我單仍然未炒,  賴廚房積累很多單.  欲轉星洲炒米, 老闆娘甚至說改單要重頭排過.  我堅持改變後仍再過幾分鐘給我乾炒牛河!當我離開向老闆娘再次提出投訴, 她說不是下單問題, 這是廚房處理單的問題.  我請求她改善, 她叫我跟廚房說.  她這個老闆娘說這種話, 有無攪錯???老闆不在鴻興老闆娘伙記就亂來, 呼喝食客???

半年前，食過佢既蒸車同椒鹽豬扒飯，正！椒鹽豬扒用左好多炸蒜同蔥，好惹味好香，仲有豬扒好脆！尋晚在港島區一心坐車過去食！失望了因為上次食過佢蒸魚係唔錯，咁唸住試下其他啦。見到佢既晚餐好多人食，所以就叫左個粟米龍利柳+我地最想再食既椒鹽豬扒飯+凍檸茶（少冰）一黎就係凍檸茶（少冰），多冰都不得了，同伙計講即換，不過再黎過就。。完全無味，加$9一杯凍檸茶我地完全無飲粟米龍利柳，賣相好唔錯！但係一咬一啖就。。。。。好硬同成舊都係炸粉。。。好明顯一早炸定之後一有人order就倒汁落去！最期待既椒鹽豬扒飯，竟然變左「孜然粉豬扒飯」。。。豬扒唔脆服務還是不錯，可惜食物差了，離開前男朋友有反應一下，希望會改善

餐上時，蛋已燶，點會滑，中伏。第一啖，蝦好似食擦膠咁。蛋又燶。食多陣，食到膠袋。點解會差咗咁多。見食評幾好，咁啱呢幾日喺西環就試下。中曬伏啦。。。。。。。。。。

雖然今日打風, 但係返左一整日工真係唔想煮飯，所以打電話去問今晚set dinner 睇下啱唔啱食, 嘻嘻, 好明顯今次係好啱我口味, 所以又出去食今晚有: 老火湯：青紅羅白豬骨湯小菜有6款, 有蒸魚有雞有班腩煲等等, 而最愛小朋友餸的我地叫左以下2個：1) 滑蛋炒蝦球（真係大隻蝦球，唔係蝦仁喎, 仲要有鮮味, 又唔會死咸, 仲有好多韮黃, 蛋又滑, 大大啖塞舊蛋入口, 又香又滑, 好幸福唷!!）2) 蒜香雞翼併南乳一字骨 (呢個雙併餸好少見, 好夠味, 即叫即炸好好味, 外脆內嫩! 最特別係南乳一字骨, 南乳味道是慢慢滲出的, 調味不錯)菜係椰菜, 可惜是涼的, 可能打風冇咁多人, d菜放耐左d食完再加杯消脂茶（係茶包）以$44一個set來說, 這個餐真是十分抵食, quality也拍得住附近的酒家呢又是滿足的一餐

成日都會黎鴻興, 原因好簡單, 因為係我屋企附近而另外既理由, 就係平.靚.正.~~!今日星期六, 公司無飯食, 放左工返到西環都四點幾, 就決定去鴻興TEA一TEA啦!!平時會食炒粉面, 但今日唔想食咁飽 (下午茶價錢, 正常午餐份量, 仲要即叫即炒, 真係唔係講玩笑架!! )咁就決定要個炸脾薯條餐啦~~細個果陣食炸脾, 有得食已經好開心, 邊識咁多野喎不過人大左, 對食有左少少要求, 大家有食開其他茶記既炸脾, 好多都係鹵水脾再翻炸味道係點, 大家好清楚, 唔洗多講 !!而鴻興一直堅持生炸雞脾, 仲要好大隻, 無雪味, 仲好JUICY !! 水準KEEP得好好 ~~ 而薯條係粗身既波浪薯條, 好多薯仔肉~ NICE飲品叫左凍啡, 都係一般水準, 係無敵生炸雞脾既照耀下, 飲品變左雞肋..哈哈會再來的!! 支持有心做好每一樣食物既餐廳~PS: 鴻興晚市又係另一景象, 有機會再分享比大家知

鴻興對我來說絕對是一個值得懷念的地方，因為它是我在讀大學時其中一間最常光顧的店子呢，我們常常一大班同學開完會做完野就落黎叫餸食飯，對我們來說絕對是大學的另一飯堂。畢業後，只有我依舊在港大這個地方工作，今天便來這裡吃個午飯好了。不是太多人呢，有頗多的空位，即刻可以坐下。它午餐也算頗多選擇，可惜也不太合我的胃口，最後我還是要了一個芙蓉蛋飯再加一個中湯。它的中湯絕對不是普通例湯味精湯，我們從以前已經常喝的了，真的是夠火喉煲的呢! 今天是粉葛赤小豆豬骨湯，真的和我在家喝的差不多，很夠火喉，又多料，最適合我這些不是常常有住家湯飲的人。之後芙蓉蛋飯來了，我已經三叮四囑絕對要少飯，不過來到的時候依然是很大碟，但我相信它已經真的少了飯的了，因為吃到最後我剩下的餸是遠超白飯的。蛋煎得稍為乾身了點，而且有點地方有些燶呢! 不知是否太多材料，它的材料全部散開來的，蝦仔周圍都係，哈哈，不過好在味道剛好，不會過鹹或過淡，如果再多d叉燒就好啦! =)說到底，還是覺得晚飯更好，有機會再搵返D同學仔來再吃過。

下午茶 炸脾薯條+飲品 $24炸脾---大 ,多肉汁 即叫即炸 最緊要係生炸嘅薯條---好粗,唔係空心薯條 同樣係即叫即炸整體來講係區內最正嘅炸脾薯條btw我都食其他嘅野,都幾好食所以我極力推介呢間餐廳

鴻興茶餐廳不嬲都幾好食, 西環咁多間茶餐廳, e間算係幾平又好味道.平時多數食炸雞脾, 因為又大隻又多肉汁, 最啱tea time 食.不過今日早咗, 唯有食個lunch 啦, 每日都有唔同"set lunch", 今日揀咗E餐, 係黑椒牛扒腸仔火腿意粉, 加杯凍奶茶. 心諗咁多嘢食, 件牛扒唔方大件, 點知個意粉嚟到, 有大大塊牛扒, 大大塊火腿, 同埋一條炸腸仔, 又幾豐富喎! 今時今日廿幾蚊食到個lunch, 邊度搵丫, 真係抵食夾大件! 個黑椒汁都唔錯, 啱哂我e d 鐘意食辣辣哋o既人.

如果住係第1,2,3街或搏扶林道近呢頭都知這頭早餐最出名就係鴻興、款多其一,價錢平同質素穩定亦係要素,我二哥最中意食佢雞扒,加旦,火腿,腸仔,仲可配薯條或薯餅,加餐飲都係22元,我自己中意沙爹牛肉面配火腿旦,連牛油方包飲品$20媽咪中意食佢個粥餐,一大碗粥再加喋炒面連杯中國茶$17..飲品方面..水吧手勢都唔錯佢間店幾大下(有包廂,如果開埋全店可至50人),但有時都爆場..午市我食過干炒牛河,略油,冇乜味,牛肉得5∕6片柱候蘿白牛腩飯則好好味,蘿白多水多汁入口甜冇渣,牛腩亦炆得夠腍夠鬆化,推介之選

27-4-2009晨咁早就要「開工」,「馬拉松式」「寫字比賽」前先食個「雙併」麵早餐 ($20) 補充體力腦力. 先0黎沙爹牛肉 + 火腿公仔麵, 賣相 hea 到無人有, 食味亦麻麻 -- 牛肉唔算太梳打, 不過亦頗韌, 沙爹汁仲要稀得近乎無味, 難吃 火腿係「金妹」味; 公仔麵淥得太耐, 可幸未至於腍 bad bad /「發水」, 不過配上無味滾水湯底 (點解唔俾 MSG 粉就算?), 仍然頗難食.奶茶亦唔好得好多 -- 茶底幾稀, 但飲落連奶味都好淡, Orz 呢度唯一好處就係光猛乾淨, 阿姐阿叔亦算友善, 不過食物「咁樣」, 下次都係食返新生記好了.P.S. 店名「江湖」味都幾重 @_@"