麥當勞 (東薈城名店倉)

營業中

休息中

麥當勞cafe 有甜品下午茶套餐， 絕對啱哂鐘意食甜品既我，而且又平下午茶$32可以選🧀蛋糕、千層蛋糕、牛角包或者多士🥪等等而飲品可以揀多款芝士奶蓋飲品( 要加錢)☕🍵

最近又出番珍寶餐熱香餅可轉奶醬，其實糖漿都好岩食既，不過每次有新咪試下lo!Le間東涌人流好旺，除左有上班族學生，仲有旅客，經常拖喼出入，但le間都有兩張bb椅，雖然其實都唔夠，不過好過無啦、我成日都要揹住個細仔食，因無bb椅真係放唔到落黎住，不過黎親都係速食架喇，因為人真係太多，而且經常排哂長龍，對上麥記個裓餐堡又係好好食～試過叫麥麥送揀多醬真係有多醬到，好唔錯！所以都食左好幾次！因而家東涌逸東分店裝修 變左全部東薈城le間出餐，但都速度幾快既

朋友勁讚最近新推嘅麥當勞蝦堡，話超好味！麥記推出3款口味: 滋味蝦堡，菠蘿蝦堡同埋魚柳蝦堡。今日我想食得豐富啲，所以就買咗魚柳蝦堡試吓。包裝紙寫住"海老", 香港人對呢個名一啲都唔陌生，海老喺日文解作蝦🦐，佢深得港人喜愛！打開包裝紙，見到嗰包同平日食開嘅漢堡包唔同，包身質感似bagel, 但較鬆軟。兩片包之間夾住生菜，1件炸魚柳同1件蝦堡，仲有勁多醬汁。魚柳比起平日食嘅魚柳包較薄， 所以炸完之後零舍覺得乾同硬， 唔多食到魚肉！惟有寄望蝦堡，佢都算大塊，啖啖肉，粉紅透明，但冇乜蝦味，口感雖然彈牙，但有啲怪？！結論: 食物各有喜愛，但不是我杯茶！🤔

The higher you expect, the greater you are disappointed, 早餐來說麥當勞算做得幾好，十多元 就能夠買到一個即制的麵包還配飲品， 味道十年如一日, 算是不錯吧！

前幾任有個老闆說過，你去吃廉價的食店，吃蛋有蛋殼就不出奇，其實我不怎麼同意，因為作為食肆，無論收費廉宜還是高昂，都應該要盡善盡美。難道你給我的薪水很低，我就要每天狂揸流攤🤔？這次再去麥當勞，果然，接近一時的時候，人流極多，夾雜了旅客或是學生。薯條好新鮮，可能因為人流很多，甚至乎會供不應求吧，因此薯條新鮮即炸，又脆又香，亦都吃到內裏豐富的薯仔肉，不會好像比較凋零的麥當勞，薯條竟然是冷冰冰。再次吃了最便宜的玉子牛堡，首先看看賣相都已經不太吸引，但竟然蛋厚過牛肉，但為了省一點錢吃便宜的，就沒法子。想不到，第一口咬下去，竟然感覺好像有骨，究竟是看到裏邊的碎骨，肉筋，定還是什麼？（看看chef手位置那白色）結果拿出來看看，竟然是有半條細薯條那麼大塊的蛋殼，你說是雞蛋的蛋殼碎都勉強說得過去，但這麼大塊的蛋殼，就難以接受。坐最近玻璃那邊，都可以看到近期大熱的港珠澳大橋旅客。

隨便點了一個板燒雞扒包，因為碰巧是特價套餐，但是，當麥當勞將雞腿包列為特價餐時，汁醬又少，包亦都很細個，好像比平時乾。另外，薯條的份量也覺得很少，很少會看到，麥當勞的薯條，竟然沒有突出薯條盒那麼少。另一次，去吃個早餐，就發現，早上質素好得多。這個叫做芝士脆雞，芝士，上面有塊雞扒，其實這塊雞扒，跟以前的麥香雞包的製作方法差不多，亦跟麥樂雞的質感差不多。你看，連這大薯條，竟然混入一件薯角在裏邊，多糊塗。麥當勞的珍珠奶茶，我會形容是，台式遇上港式，再用西式呈現。因為，珍珠奶茶理論上是台式飲料，但是來到香港的麥當勞，本應可以弄一個像港式奶茶味道的珍珠奶茶。但是，由於麥當勞畢竟是西式餐廳，用那些西式紅茶，然後就用上西式奶，再加入自家製作的珍珠，成為珍珠奶茶。珍珠跟貢茶那些已經有點不同，比較軟林，而且外皮容易落下，沒有那麼嚴謹，但是味道帶甜，僅屬一般。

Lady平時都較少食快餐嘅~不過見支付寶喺麥當勞有優惠，24蚊就叫到個蝦堡套餐，就去試下啦 😊今次Lady叫咗個漬物蝦堡套餐，汽水同薯條就唔多介紹啦😌即刻見下個主角先~Lady幾欣賞呢個包裝嘅設計，方便一打開就可以即刻食，唔駛要打開張紙又hi曬啲汁勁狼狽🙈蝦堡個 sauce 比較一般嘅沙律醬清爽可口，值得一讚👍 但係d醃蘿蔔食落就唔太突出，無咩味喎。。。講返主角中嘅主角~蝦扒🎉如果你一啖咬哂成個包各樣餡料的話，其實你唔係好食得出個蝦扒係咩味😌但係如果你淨係咬嗰塊扒，你就會發現裏面有一粒粒蝦肉粒，絕對有個小小嘅驚喜~

有陣子，當自己一個人吃飯的時候，想來想去，也不知想吃什麼，當然，我不是不理解自己喜歡吃什麼，問題在於儘管愛吃，也不是每天都吃，如我喜愛吃拉麵，總不可能每一個下午都吃一碗拉麵吧！就算是不悶，錢包也負荷不來。獨個兒吃飯，我不會要求太多，省一點更好，正所謂好又一餐，不好又是一餐，吃便宜一點，簡單一點，到日後吃到美味，那就更是滿足多一點。這個下午，一個人走到東薈城的麥當勞來，買了一個六號餐吃。東薈城的麥當勞，大部份時間都有很多食客，然而人多，相信食材將會較為新鮮，至少食材快來快去！排隊，就是排了近五分鐘來，但更討厭的是，對於麥當勞改了先行付款，然後再走到隔離一行取食物的安排，感到非常混亂和不便！這種安排真的是會為食客省點時間嗎？我不覺得是囉！坦白說，個人對漢堡扒沒有特別的興趣，亦從來不會欣賞，就算是賣過百元，以日本和牛做的漢堡扒，也不會讓我提起興趣，不過，每當一個人到麥當勞時，也會吃這個「雙層芝士孖堡」餐，主要是因為只售二十四元，貪其便宜是也！麥當勞的漢堡扒，也不會很難吃，至少結合了芝士後，聯乘起來的味道不錯，縱使牛味不太濃，但肉在芝士保護下變得不會太嚡，吃起來不用乾哽！而麥當勞的薯條，廿多年

大家都知越多人幫襯既m記d野食就越新鮮架啦所以我黎機場之前一定會食m記因為呢度最多人流所以d雞翼一定係新鮮炸出黎 今次嗌左既當然就係脆香雞翼既全翼識食既一定係嗌全翼食因為啖啖肉得黎又飽肚今次大約等左10分鐘就有一拎上手就知係勁新鮮因為仲係好熱的一打開見到四隻飽滿既雞翼仔一咬去勁juicy同d油咇哂出黎勁正!! 最正係佢仲好熱辣辣點埋d泰式辣醬一冷一熱兩溝無得彈不過近機場食都有代價就係CITYGATE OUTLET超多人淨係搵位都要時間

喺東涌麥當勞食咗呢個情人節買一送一嘅雪糕，個名叫做紅豆多啤梨脆脆，價錢係13元二杯。東涌個麥當勞係面積10分大，佢有啲位係有貼近窗，有落地玻璃嘅卡位，中間有一張長枱。講返個雪糕，之前都有食過佢嘅力新地趣趣，所以對今次呢個士多啤梨脆脆雪糕感到十分之有趣興趣。製作方法去將紅豆脆pie分成兩半，然後再加新地雪糕上去同埋加士多啤梨醬，個醬有得揀係係朱古力定士啤梨。個雪糕係紫色嘅紙裝，不過我覺得紅豆脆好似比較甜，朱古力味好似好啲。

M記新出阿華田雪糕 有新地筒同麥旋風幾款識食一定要揀麥旋風載滿阿華田雪糕後 灑上阿華田粉再加入機智豆高速搞伴後完成特別中意阿華田粉 就好似飲美祿恐龍 口感十足仲有而家好少食到既機智豆 好懷舊丫

一早去到東涌，匯合其他朋友一齊攪活動！活動前先攪個早餐，麥當勞又快又方便，去到門口已經排滿食早餐嘅人龍！先去內圍搵位，原來店內好大地方，樓底又高，落地大玻璃窗好光猛！所以雖然人客多！好快搵到個4人枱！排隊落單好快手，未試過新出嘅菇菇早餐，好快食物已齊！烤菇炒蛋早餐套餐（$31.3）個蛋黃哥嘅盒蓋好靚，可惜一打開，賣相認真失望，亂糟糟一片！同參考圖片相距甚遠，蘑菇片無炒過，只係烚過，淡茂茂！炒蛋仲衰，好濕好淡，煙肉係啞色嘅！鹹鹹地，得鬆餅係正常！搽提子果醬好味！薯餅：雖然個蛋黃哥紙套好得意，可惜淋嘅！平時最正常嘅都整到咁！紫米豆漿（$1）紫米味道頗假，豆漿偏甜！士多啤梨乳酪（$6）士多啤梨肉唔多！乳酪幾滑，味道偏甜！講真好失望，食番普通早餐好過！

這家老麥門口時常許多人，幸好內裏也夠大，座位不少，坐在冷氣間看外面人們避雨，悠閒有趣😌。噱頭多於一切，飯作麵包皮，我這代人早在九幾年代😏在大快活吃過rice burger ，當時還是初出道的謝霆鋒作代言人，有創意我鍾意😍。老麥的米飯漢堡，米飯包皮，又乾又硬，整塊米飯黏著一起，雖不易散落，但顯得非常乾而硬😩，味道口感均一般而已。沒汁沒醬，乾米飯、乾牛肉，所謂的肉醬蛋牛飯tastic，只是少許蕃茄碎醬😨，蛋也是全熟的乾蛋😨。親子蛋飯tastic的雞還好，像大件版的麥樂雞一般，但沒甚麼醬；😔蛋是全熟，但加入粒粒粟米我不喜歡。蛋黃哥漢堡，噱頭多於事實，試一次後即刻食番特價餐👎🏿

跟朋友由東涌行山到大澳後，由於時值假日，大澳每間食店都人頭湧湧，所以大家就決定搭巴士出東涌再尋食。知道麥記的新地蘋果脆和新地芋頭脆都有買一送一，就跟朋友一人一個，反正其實不太肚餓，只是想找個冷氣地方坐坐。新地芋頭脆($13/2個)第一次試芋頭批，芋頭偏硬不夠粉，還是蘋果批好吃點。新地份量感覺比平常一杯新地少，如果正價買，比分開買蘋果批/芋頭批和新地只便宜一元五角就不太划算了，現在買一送一都可以吃吃。

麥記廚師早餐， 雖然流水作業生產，但賣相總算唔錯。炒蛋，無蛋味，又無落油，沒有炒蛋命中註定的油香，這不算是炒蛋，只能是...混蛋。茄汁豆，跟那兩片火腿一樣，凍冰冰，而且鹽份頗高，腎病人仕不宜多吃。半片白麫包上有粗略焗過的痕跡，但咁係呃我唔到，無論從外到內再食到外，佢都稱不上半片多士，他只能稱作半片污糟左嘅白麫包。同All day breakfast九唔搭八嘅豆漿，總算為消費者帶來一個新選擇，可惜豆漿無豆味，只有甜，就係一杯白色糖水，糖份拍得住汽水。