麥記美食

營業中

休息中

食過麥記好多次，住在采頤的朋友都話係鎮園之寶，每次去開戈頭都會想食，招牌菜當然係口水雞！！口水雞食過好多間，但麥記個汁真係好好食，夠香，而且辣度適中，唔算太辣，d雞夠嫩夠滑，雞皮正，回味無窮，諗起都留口水，配油飯一流，唔食辣嘅朋友可以揀海南雞飯，另外唔少得係米粉，佢隻米粉係曲曲地戈隻米粉，同平時直身戈隻唔同，有好多味揀，番茄同酸辣係我最愛，但配菜唔算太多，就係普通的牛丸、芝士腸、菜、豬紅等等，同朋友一齊叫兩碗米粉，加個口水雞就食到lam lam脷，可惜地方好細，得4-5張台，午餐時候要等，晚餐好快就賣晒。

早已聽聞麥記嘅生煎包好好味而且價錢係全香港數一數二嘅平呢日同男朋友喺斧山道做完運動嚟彩頤花園醫肚目標其實都係生煎包生煎包十蚊四個店員姐姐態度好落醋前會問咗先我地唔知落定唔落會好食啲不過都加咗先啦個皮有咁上下厚不過呢個價錢嚟講係意料之內而且已經比一般食到嘅薄個底煎得夠脆入面嚿肉冇咩特別但最緊要係熱辣辣呢樣真係估唔到男朋友覺得啲醋有啲苦我食落覺得冇問題整體嚟講呢個價錢合格有餘食晒四個應該會飽飽地做下午茶一流

星期日，我去采兒花園附近睇裝修。係百佳附近有間買小食物竟然排長龍。門口貼滿阿蘇食評相，我相信不會太差。我叫了三樣東西外買：酸辣湯,生煎包和鍋貼酸辣湯真係好足料，冬菇、豆腐干、雲耳絲、雪耳等配料令碗湯很豐富。味度調較好，酸中帶小辣又不會太結身。一碗好酸辣湯真不易做，so that good生煎包同鍋貼都做得好味。香噴噴有肉汁，十元四粒都幾平呀，簡簡單單又一餐。🤗所以我要支持小店可繼續經營。下次要試埋其他野食。

收工口痕睇下有咩食，見門口有好多蘇施黃介紹，買左廿蚊窩貼試下，（10蚊4個），窩貼熱辣辣，雖則肉汁唔算得上好多，但皮算薄，肉質鮮嫩，最鍾意佢個底煎得岩岩好，金黃鬆脆真係好好味

返屋企必經采頤花園轉小巴早左返屋企既話，都會忍唔住入采頤花園覓食每次都係幫襯麥記佢有賣魚蛋燒賣，腸仔呢啲傳統掃街串仲有生煎包，鍋貼，酸辣湯呢啲上海小食我每次都會忍唔到口嗌小籠包雖然要等8至10分鐘因為即叫即蒸但係非常值得一份$22有6粒以呢個價錢食到高質素既小籠包係好抵食皮尚算薄，會爆肉汁，所以唔好貪心咁熱放入口肉既調味都好味，少少喊，就算唔點醋都夠味另外之前都有嗌過生煎包$10有4粒包就厚少少，無乜爆汁，味道係ok但$10我真係唔會再多要求啦😅所以最推介係小籠包😍😋

生煎包(4個) $10小籠包(6個) $24擔擔麵 $16菜肉水餃(6隻) $16見到ig有人介紹便膽粗粗去尋找這間上海小食店，第一次去竟然休市十多日，當下真的十分失望。但心不甘的我們，前兩日再去探險，遠處見到它有營業真的興奮死了，走到店外竟發現這家小店只能買走，因為店鋪太小了，沒有空間放桌子椅子，那惟有買外賣吧！先叫了小籠包，生煎包和一碗小辣的擔擔麵，由於小籠包是即叫即整，所以店主叫我們十分鐘後才拿走。拿著三樣小食到附近的椅子坐下品嚐，先是試生煎包，竟發現紙袋內多了一粒鍋貼，但由於鍋貼不是我吃的，所以不能評論。説説生煎包，包皮頗厚的，內裏的肉多汁，美味。然後試小籠包，小籠包當然要襯熱食，但包皮裏的湯仍是滾的，快要燙死我了，小籠包的皮都是薄的。所以，當我吃完小籠包再吃生煎包時，有些錯覺產生了，誤以為生煎包的皮太厚，但其實包的皮的確是如此。最後便是擔擔麵了，由於我怕辣，所以便叫了小小辣，誰知太小的辣竟令擔擔麵的質素下降。其實麥記的擔擔麵是頗正宗的，因為它不會太稀，又多花生粒。可惜的是，它有點兒太小辣了，但都是我的錯。剛食完這三道小吃認為有點不夠，便再回麥記買菜肉水餃，菜肉ham其實肉有很

食左好多年，每逢回港都一定要食過麥記生煎飽貼窩點先心滿意足！當然你唔可以同出面高檔一二線個類上海餐廳比，但麥記整既生煎飽同窩貼絕到唔會比商場中三四線級數既上海餐廳差，佢好味在皮唔厚，函料既味特出, 皮底又脆得均衡，大小又剛好一"擔"食曬，仲有價錢非常平宜近人！所以係最好既小食推介之一！

鍋貼係最出名好食, 值5分作為街坊, 頭件尾件都推薦你們試頭件剛剛煎好多汁最好食, 但很多人喜歡吃尾件, 因為這檔的鍋貼特色就是包底厚, 煎得越久, 水份乾身脆口太脆小心生Cancer頭尾都好食, 小龍包也好吃啊

許久之前到過北角堡壘街的"麥記"吃她的生煎包及窩貼，甚是欣賞。可惜只因地方太隔涉，所以一路以來沒法子再吃得到。想不到最近得悉她在九龍開了分舖，故此馬上前來再與她會上一會...從家裡走到來采頤花園，路程絕不太遠，起碼比起過海到北角是好得多了。來這分店，最大的好處是不用排隊，付十大洋買五個生煎包，即叫即做即吃，不用等，實是妙事....依舊是細細只的，一口一個，就算吃盡五個也不會太飽。咬一口，肉汁仍存；肉餡仍然新鮮；皮也薄；但底就不及本店的脆及帶焦香....對自己而言，好吃的生煎包一定要"脆底"，不然風味就大打折扣....＋分懷念總店老伯的出品。看來真要的起心肝，去吃一趟了....

上次在北角店吃過鍋貼，今次本來想試他們的生煎飽，但去到的時候未有得賣，結果買了$20鍋貼來吃。熱騰騰的鍋貼，底部煎到脆脆地，都唔錯呀! 下之經過時一定會試生煎飽。

在這區住佐10年，樓下開佐間上海小食店都唔知，真失敗，休息落樓下食中午飯，遠見有人在等外賣，百卦去看下，原來是上海煎餃子和小籠飽，好香即賣：煎餃子餃子底部好脆.生煎菜肉飽上軟、下脆唔油.小籠飽多汁.菜肉雲吞湯水有麵味，好正宗.再來一客：酸辣湯麵可能是外賣，到食用時的麵淋佐.總結是：好食低食，我會再來

在北角堡壘街賣生煎包,賣到出名的"麥記",原來已在新蒲崗采頤花園開設分店.與老店賣的東西一樣,窩貼,生煎包,荵油餅,小籠包等等,門外更貼上蘇施黃推介的screen capture,我一向當此人,與貴網某位殿堂級食家一樣是"明燈".十間讚好,起碼有八間"瀨野".剩下有兩間已可還得神落了.不論是寫食評,做飲食節目,個人感覺一定有,但如果感覺蓋過食物本身的味道,而將本來平平無奇的味道美化誇大,將幸福大減價而引你落疊,寫到好像間店自己有股份一樣,又或者心情不好時吃一頓美食,事後因心情差而給予劣評,那就有點欠缺理智,到時你寫什麼,也沒有人再信你.窩貼與生煎包一律$10五隻,煎好在熱窩上待用,窩貼細細隻,新鮮熱辣,外皮如北方風格般厚,底部煎得夠香,內裏香甜肉汁滿溢,豬肉有鮮味.生煎包同樣地小巧,外表鬆軟,餡料新鮮,一樣有香甜肉汁.二十塊錢吃十件飽點,平均$2一件,在百物騰貴的香港,絕對是窮鬼之苦海慈航.至於蘇施黃口中讚好的食店,這間麥記是少數對辦.所以,吃著熱騰騰的生煎包,也還得神落.

食完晚飯, 諗住買d小食拎返屋企做宵夜, 順便買埋比屋企人,個頭有好多間小食店, 都唔知揀邊間好 經過麥記, 見到有呀蘇既相 哈哈咁就決定左試食下呢間,打算只係買10蚊生煎包, 之後呀姐話要山門啦送多兩個比我地 返到屋企, 打開黎食, 仲有d暖暖地,落左喼汁一齊食 , 生煎包個底好脆, 肉汁都好好味成個包好有咬口 抵食之選 下次經過呢頭一定要再黎食!!!!

屋村仔新開左間麥記，架勢咯！門口貼哂 蘇施黃踩場讚好既訪問；佢專買d上海既飽點啦，好似生煎包鍋貼蔥油餅小雲吞水餃等小食。果真名不虛傳，十蚊有五舊鍋貼真係物有所值；ｘ翠既鍋多貼肉汁要用鮮嫩，呢間過之而不及；平人地一半，佢既價錢對得住佢既質素有餘喇，個皮好煙un得黎有咬口，ｄ肉汁流哂落個包皮度，仲有果個煎到脆脆既底，十蚊夠掂我既早餐//下午茶新屎坑每日都勁多人排隊，rush hour都要企定定等出爐！有次rush hour等即場既，個包收得唔夠乾身，唔脆唔好食不過之後平日就真係超脆超好味，間唔中都去幫襯下；個姐姐認得我仲送多舊比我食添呢d先係街坊生意嘛^^一定要試秘製辣汁，唔太辣但勁惹味；香口得黎唔膩，好香濃同埋開胃通常我係唔加醋直接要呢個，記住叫佢跟埋呀！佢d蔥油餅，三蚊大大塊好吸引！小籠包價錢係同類野之中偏貴，下次再試龍與鳳！