麵包司

營業中

休息中

今日係荃灣行街比我見到荃新天地開咗間新麵包舖，我呢啲對包冇抵抗力嘅即刻忍唔住大掃一推同朋友當lunch食。一望就望到佢啲牛角包好靚仔，於是就揀左開心果醬、士多啤梨忌廉、海鹽焦糖同埋芝士火腿四款。其中開心果可頌最得我心開心果夠味，個醬就杰身啲，好濃郁。可頌就始終我返到屋企先食，過左咁耐仍然仲有鬆脆感。士多啤梨就正常，個忌廉唔會好甜。海鹽焦糖就甜度適中，我幾中意，而個焦糖醬都偏杰身。芝士火腿個款我就略覺得個芝士可以再多啲，而家個味有啲比火腿冚過。除咗可頌之外，我都有叫其他麵包試下。芝士箭豬包個樣就好得意，有兩隻朱古力整成嘅眼仔。本身以為係得外邊嗰層有芝士，原來入邊亦都係有忌廉芝士嘅，食落去好滿足。蒜香多士就同平時麵包舖嗰啲多類似味道，不過不失。日式芝士條份量十足，係平時嘅兩倍。除左正常面有烘過嘅芝士，佢仲有層海苔粉，幾特別。黑糖麻薯包入邊有好煙靭嘅黑糖麻糬，麻糬做得好出色甜味啱啱好，如果包外面就咁樣朱古力粉就中和返黑糖味，都幾唔錯。開心果流心菠蘿包亦都係見到舖頭推薦嘅，菠蘿包外面嘅脆脆係有少少開心果香，入邊的確係有留心嘅，整體感覺好特別，開心果味都有，但係未至於好濃郁，可以一試。開心果扭紋

荃新天地二期近排旺返啲，ground floor 開咗個乜嘢 一門町 俾好多餐廳進駐。Pan’yasan 標榜日本麵粉，價錢又唔貴。佢款式多，好多都係用開心果做主打、又有我哋熟悉嘅蛋撻、croissant，款式多之餘又唔花巧，啲包唔會做到古靈精怪雕龍繡鳳阿茂整餅咁。見到咁樣真係忍唔住 要大手購入 試多幾款。- 開心果扭紋包。鬆軟香噴噴嘅牛油味上邊鋪滿香口嘅開心果。- 士多啤梨忌廉croissant。今日嘅士多啤梨偏少少酸，剛剛好同忌廉好balance。佢哋個croissant做到好輕盈、外脆、內棉。好高質。- 黑椒bacon croissant。仲有少少嘅芝士。口感好好。- 提子丹麥條。做得好有Danish pastry 偏甜、殘留一種特殊酵母 嘅味道。- 開心果鮮奶球。好大份，好似個枕頭咁，好香軟綿綿的。開心果同埋奶香配合得天衣無縫。買咗咁多款，已經試咗一半。全部都好實在，高級麵包滿滿幸福嘅滋味。

Weekend約埋一班朋友來屋企玩，準備買d面包大家下午茶一齊share，經過荃灣尼間麵包店，買幾款招牌麵包試下。首先係長法包，外皮脆卜卜，咬落去有啲韌性，但係越嚼越香，麵粉味好濃郁，如果可以配埋牛油或者果醬就一流。芝士吞拿魚包真係好正，包身鬆軟，吞拿魚餡料足，芝士香濃，口感豐富，食落去好滿足，值得一試！至於芝士箭朱包，芝士味濃郁，麵包質地軟熟，中間仲有啲芝士流心，啱晒芝士控。蝶豆花包，外觀微微藍色，味道清甜，帶淡淡花香，食落好舒服。提子丹麥條就係經典之作，酥皮鬆脆，提子乾嘅甜味同牛油香完美結合，每一啖都係享受。芝士火腿可頌，酥皮層次分明，芝士同火腿嘅鹹香完美融合，食落唔會太膩，熱辣辣出爐嗰陣真係無得輸！再嚟係海鹽焦糖可頌，尼個真係驚喜！焦糖嘅甜味同海鹽嘅鹹味互相平衡，酥皮鬆化得嚟又帶啲焦糖嘅脆感，食完仲想再食。士多啤梨忌廉可頌，外層酥脆，忌廉滑溜，士多啤梨嘅酸甜令成個包更加清新。宇治抹茶紅豆包，抹茶味好濃，紅豆餡唔會太甜，兩者搭配得恰到好處，抹茶控必試！

Panyasan (荃灣） 荃灣荃新天地入面呢間低調麵包房，每日出爐十幾款手工包，用日本面粉，定價貼地到嚇親人！今次試下佢啲人氣款式～🥇千層酥蛋撻 ($7)酥皮薄脆過威化餅！蛋漿滑溜唔死甜，$7蚊做到酒店級鬆化感～ 🍓 士多啤梨忌廉可頌 ($15)牛油香撲鼻！夾住大粒鮮草莓+自家打忌廉，爆漿效果一流，甜度克制唔膩喉。 🧂 海鹽焦糖可頌 ($16)咬開蜂巢紋理超療癒！焦糖醬混海鹽粒鹹甜交織，表面脆糖片加分，配美式齋飲夠晒邪惡。 🍠 紫薯包 ($16)紫薯餡綿密到似食緊芋泥，包身軟熟帶淡淡黑糖香，阿媽都讚健康得嚟好味！ 🌰 開心果扭紋包 ($20)開心果醬濃郁帶果仁碎，堅係誠意之作。 用料同層次感係超值，經過荃灣記得袋定零錢掃貨！

之前喺呢間店買過麵包食, 家人鐘意個 抹茶紅豆包, 同埋網上見到紫薯包, 所以今次衝住佢地💚🍠而嚟！去到見到有靚靚嘅 麻薯葡撻💛, $10 就有一個！咁就試下啦😁返到家 用焗爐 焗熱下, 熱辣辣嘅🔥, 先食面頭3粒 白雪雪麻薯, 軟滑！正！咬開, 酥皮層次分明、唔油膩，酥皮鬆化！驚喜係裏面仲有麻薯, 滑口到好似 日本蕨餅咁, 再配上香甜嘅蛋漿, 十分鐘意個口感！而個紫薯包🍠, 超級有誠意, 唔係紫薯蓉, 係條狀, 第一個我返到家切片食, 紫薯味十分濃烈, 好味！第二朝焗熱食, 口感好似食緊餵蕃薯咁, 仲好味！$15 呢個價錢, CP值高！抹茶紅豆包 如上次好味, 抹茶同紅豆好 balance, 又唔會太甜😊芝士箭豬包🧀 除了外形有趣之外, 佢裏面嘅芝士唔係一般連鎖店嗰啲芝士味, 係好似cream cheese 咁嘅味道, 唔錯！而黑糖麻薯包, 菠蘿麻薯包同埋 芝士吞拿魚包 有别於平時一般嘅 style, 有新意！整體上, 麵包入口 唔會好似食風咁, 食得出真材實料！而賣相都有心思！

荃灣這家麵包店新開不久 用的都是日本麵粉～店裡好多開心果口味的麵包🍞每個都想試一試價格也不算太貴 試了幾款推薦這幾個：🌟開心果菠蘿包菠蘿包的外皮炒雞酥脆 圓鼓鼓的一大個開心果的香氣在口中瀰漫，甜度適中吃起來覺得還好不會讓人覺得膩🥰🌟開心果可頌烤得外皮金黃酥脆，餡料細膩順滑帶著濃郁的堅果香氣～這味道太香了！🌟麻薯蛋撻蛋撻很嫩滑吃起來好濃的奶香味麻薯QQ的口感好豐富 關鍵一個也不貴🌟紫薯抹茶核桃包抹茶面團清香撲鼻，核桃下了好多～一大個吃幾口就感覺很有飽腹感了😋

剛剛同朋友係CityWalk2期睇完戲，順便就係附近搵食，我記憶中地下以前係先施百貨，宜家已經變成Food Court，咁我哋就巡吓有冇啱食嘅餐廳，行下行下見到角位有間日式麵包店，麵包種類多，造型又可愛，最吸引係佢採用日本麵粉製造而價錢大眾化，非常抵食，所以我哋諗住挑選幾款明天返工做早餐，點知夾下夾下不知不覺連下午茶都預埋😅🤣1-開心果鮮奶球 $20/排2-開心果流心菠蘿包$153-抹茶紅豆包 $124-紫薯包 $165-黑椒培根可頌$156-日式芝士條 $107-紅莓合桃包 $208-芝士吞拿魚包 $159-年輪蛋糕 $12各款麵包都各有特色而且好味道，紮實得黎又唔會硬梆梆，我特別喜愛開心果流心菠蘿包，保留包面上嘅脆脆再加入開心果軟滑流心，好特別。另外想讚下芝士吞拿魚包，唔好以為得上面少少吞拿魚，中間包住勁多吞拿魚，食完都好飽。紫薯包裏面有條紫薯，咬落又香又綿又冇渣，又係好好食👍今次食住咁多先，下次再試埋其他。

一家大細都係麵包控，見到荃新天地2開左間新麵包店，仲要主打用日本麵粉，就每人揀左小小黎試下🤩🥐🍮海鹽焦糖可頌呢款可頌中間冇餡，只有表面一層焦糖海鹽味嘅cream，但一d都唔會dry，而且佢個cream既味調得好適中，焦糖嘅香加上少少海鹽既鹹仲有少許朱古力粉既甘味👍🏻🥐🍓士多啤梨忌廉可頌可頌牛油味香濃，中間既忌廉唔算太甜，整體唔會顯得油膩，仲要士多啤梨既係甜甜的🍍🍞開心果流心菠蘿包菠蘿包本身已經無得輸，再加埋濃郁既開心果醬係中間，推薦👍🏻🍵🫘抹茶紅豆包包身軟熟，紅豆味甜而不膩，同淡淡既綠茶味非常夾🥛🍞開心果鮮奶球一條6個既鮮奶球，上面有少少開心果碎，食落更加香口，我隔左一晚用氣炸鍋180度3分鐘整返熱黎食，個皮仲脆脆地，而且一條都係$20，抵食又好味😋🥚🥧千層酥皮蛋撻撻皮酥脆，蛋味香甜嫩滑，而且價錢親民！🥚🥧千層麻糬酥皮蛋撻係千層蛋撻中間加左一層麻糬，多咗份煙韌的口感，非常特別👍🏻📍麵包司 (荃灣)荃灣楊屋道18號荃新天地2地下一門町市場內J31號舖

最近班兄弟做嘢都好辛苦，經常要開OT；食無定時。女朋友真識做，特登去荃灣呢間 麵包師 買d靚麵包，幫班夥計醫下肚兼打打氣。女友話呢度麵包好多選擇；價廉物美。佢幫我揀咗幾款佢最鍾意嘅包括：宇治抹茶紅豆包：抹茶味啱啱好襯埋紅豆，典型日本風味。另外黑糖麻糬包：黑糖味唔會太多啱啱好襯麻糬，兩樣味道好配合。仲有佢推介嘅開心果菠蘿包：菠蘿包之中加咗開心果，既有營養，味道亦豐富。牛角包之中佢最鍾意就係士多啤梨同埋海鹽焦糖，如果講造型就有芝士箭豬包；未食見到都開心。

荃灣和風式麵包店✨麵包司✨ @panyasanhk 標榜使用日本麵粉▶️荃灣荃新天地2期地下一門町市場內J31號舖✅麻糬蛋撻批皮香脆，蛋味香濃，配上煙煙韌韌麻糬，口感特別✅牛油軟包食落軟綿綿，好軟熟，滿滿牛油香✅芝士箭豬包賣相CUTE CUTE，滿滿芝士餡好足料，夠哂芝味✅可頌有幾款口味，有甜有鹹，各選了兩個❤️士多啤梨忌廉可頌同海鹽焦糖可頌，士多啤梨忌廉配上牛油香可頌，口感清新❤️芝士火腿可頌同黑椒培根可頌，可頌外層酥脆配上芝士火腿超夾✅麻薯菠蘿包菠蘿包金黃圓潤，菠蘿酥皮香甜，軟熟包住軟糯麻薯✅年輪蛋糕~原味同楓糖味各有特色，口感綿密紮實我仲買左✅軟法包，日式芝士條，蒜蓉多士

荃灣荃新天地開咗美食廣場，最近行下搵下有咩食發現呢間麵包司！採用日本麵粉整麵包🥖而且價錢合理，唔怪得咁多街坊幫襯啦呢到多款特式牛角包都係20蚊樓下，好抵啊！芝士火腿就超正，芝士經火灸半融加上脆卜卜牛角包🥐開心果牛角酥外酥內軟，明天仲有開心果醬開心果迷絕對唔可以錯過抺茶紅豆超級可愛似mario既做型，清香抺茶與甜美紅豆的完美結合，麵包軟熟紅豆都唔會太甜芝士箭豬芝士箭豬造型可愛，入面粒粒芝士好香濃紫薯包色彩繽紛，切開麵包可以見到大大舊紫薯，營養豐富另外試咗仲有多款人氣健康麵包！大大個牛油軟包都唔洗$20，開心果扭紋包成個頭咁大都係🥹呢個市道呢啲良心，又好食嘅麵包舖可以邊到搵Panyasan 荃灣楊屋道18號荃新天地2地下一門町市場內J31號舖

位處荃新天地2期地下，地點方便易搵，舖內附設工房，喺玻璃度見到師傅好努力咁整緊麵包，新鮮出爐加分呀👍🏻重點係價錢親民！買多幾個都唔肉赤😌標榜採用日本麵粉，有誠意，而且夾起麵包已發現相當有重量，有好多麵包舖望落去好大個，實際入口一啲重量都無，好快就肚餓，此麵包店唔會有呢個情況，真材實料👏🏻款式算多，樣樣都想食🤣最後買咗幾款返屋企個人推薦開心果系列：💚開心果流心菠蘿包菠蘿皮口感香脆，裏面有濃郁清新嘅開心果醬，口感綿滑又有開心果香，好食！💚開心果紐紋包好大個夠晒份量，包體鬆軟綿密，撒上開心果碎口感豐富💚開心果麵包裡面亦係有開心果醬，好滋味😋💚芝士箭豬包造型可愛，芝士味好香！💚紫薯抹茶合桃包紫綠雙色拼埋一齊未食睇見都開心☺️淡淡自然紫薯香加抹茶香，唔錯呀另外仲試咗麻糬菠蘿包同提子丹麥條，都值得一試～

放工經過見到人頭湧湧，馬上行埋去睇下，原來新開了一間麵包店🧑‍🍳🍞🥖🧁🥯。買下買下買左好多，食完就知點解咁多人爭住買，等我同大家分享一下😍😍。全店採用日本麵粉，麵包非常鬆軟。款式超多之餘，價錢仲好實惠，食落每個飽也不是空氣包，餡料超足🤩真的大推🙌🏻🙌🏻✨牛角包✨見到有多款口味選擇，忍唔住買了士多啤梨味、海鹽焦糖味同芝士火腿。口感非常鬆軟，海鹽焦糖味非常特別，微微的甜味和鹹味達到很好的平衡，味道豐富。✨開心果系列✨呢期開心果大熱，他們有多款相關款式，買左開心果流心菠蘿包及開心果扭紋包食。開心果味濃度恰到好處，同菠蘿包都幾夾。扭紋包大個，外面稍脆，內裡柔軟，食落香氣十足😍。✨$10-$12✨超多款麵包都係$10-$12，令我難忘的有芝士箭豬包，造型超級可愛😍仲要餡料十足，芝士🧀味濃，食完決定下次必須再買🤣仲有黑糖麻薯包，內裡麻薯煙韌，甜甜的，幾好食😋質素高、款式多，佛心價，難怪如此受歡迎🤩想睇更多介紹，馬上Follow我啦😁。#荃灣 #荃灣美食 #big_big_foodie #big_big_foodie食勻荃灣

最近去荃灣行山，行山前過嚟買啲麵包當個簡單的lunch同行山snacks,經過商場見到有間幾靚同日系風嘅麵包店，麵包款式都幾精緻同多，有個位仲可以見到師父喺度整麵包，幾得意我哋五個人都買咗唔少嘅麵包1. 菠蘿包點少得叫菠蘿包，家人至愛，外皮鬆脆，入面柔軟香甜2. 開心果菠蘿包菠蘿包都未係特別，開心果菠蘿包真係第一次食。呢個菠蘿包好有驚喜，上面嘅脆皮配上開心果仁好脆，亦都充滿着滿滿嘅開心果味，最特別係入邊仲有開心果醬，口感好正，值得不斷encore3. 開心果可頌呢款又係另一款經典之選，我覺得舖頭嘅開心果全部都好唔錯，可頌正常，好鬆脆，上面有好多嘅開心果cream，超甜超好味。好match croissant鹹鹹地嘅味道。4. 士多啤梨忌廉可頌呢款賣相好靚，不過個人冇咁鍾意呢一款。個cream甜甜甜地咁，冇話太特別，我覺得都係開心果好食啲5. 抹茶紅豆包呢款都好唔錯呀，成個包咬落都好鬆軟，入邊有紅豆都真係食落幾surprise，不過抹茶味可以再重啲6. 開心果扭紋包（我嘅最愛！）呢款開心果扭紋包絕對係我嘅心頭好！外層嘅扭紋設計唔單止靚同特別，內裡更包住令人驚喜嘅開心果醬，上面亦有好多開心

今日行經荃新天地二期地下，這間麵包店香噴噴，忍不住走埋去看一看，見到麵包店麵包款式相當之多，而且仲標榜是以用日本麵粉製作。麵包款式又多賣相又靚，而且價錢合理，忍不住便買了一些回家與家人及小朋友開心分享。麵包舖仲有很多不同，以開心果為主題的麵包款式，啱晒家中的小朋友，有時要氹小朋友吃東西又點難，難得有這麼多款的開心果，看到又豐富又爆餡非常好。又有開心果鮮奶球，又有開心果扭紋包，又有開心果可頌，超級多款多選擇。而且仲非常欣賞有超多不同款的牛角包可頌，口味有甜有鹹總有一款啱自己。除此之外，芝士系列都不少，又有芝士牛角包、箭豬的芝士包、日式芝士條等等款式多，而且香噴噴。我還買了麻糬蛋撻，看到十分之特別，第一次看見麵包舖內有麻糬蛋撻賣，吃起來口感豐富麻糬煙煙韌韌，蛋美香濃批皮香脆，口感不錯而且價廉物美。開心果鮮奶球，$20有一排六個，超級抵吃。鮮奶球吃起來超級軟熟，而且上面鋪滿了開心果醬的。每一啖都有濃郁的開心果香氣。開心果扭紋包，切開麵包後，看到入面有滿滿的開心果果醬。這款麵包的質感較為挺身，帶有開心果香味，正。開心果可頌，超美味的一款可頌，開心果味必定要試。爆醬的開心果醬和果仁滿滿的鋪在可頌