黑木亭居酒屋 (金馬倫道)

家人為我慶祝生日，自己選了去黑木亭晚飯。到店才知道一星期前展開Cinnamoroll期間限定主題，所以店內有不少親子食客，候位的人也好多，幸好我們提前了訂座，訂了7:30pm的時段。餐廳提供期間限定菜單，本人對玉桂狗並沒特別鍾愛，從一般餐牌點餐就是了。火焰鵝肝和牛青蘋果卷，以和牛包裹飯卷，面層鋪上鵝肝及魚子醬，口感及味道好豐富！軟嫩的和牛、細滑的鵝肝、微微鹹鮮的魚子醬，各有其味道，又不會太過突出，配合得很好。刺物盛 寶藏。八點の覓食，有八款刺身及三隻生蠔。法國St. Martin生蠔，蠔肉飽滿，帶淡淡海水味。刺身都是常見款式，每款都算鮮甜。海膽份量不少，味道甜而不腥。沒嚐過的是飛機魚薄切，口感柔軟的白身魚刺身，味道清甜。流心芝士玉子燒，玉子燒面層灑上大量木魚碎，加上紫菜及醬汁，猶如御好燒的風味。玉子燒富蛋香，加上流心芝士，夠滋味。真燒蟹甲羅，用蟹蓋形的器皿盛載的甲羅燒，底下的蠟燭令甲羅燒保持微暖溫度，蟹膏上鋪滿蟹肉、蟹籽及蔥花，拌勻後可塗抹於多士上吃。略嫌調味偏淡，不夠濃郁。三味鐵板A5和牛鵝肝，熱石上有厚切和牛、大蔥蒜蓉和牛及鵝肝，和牛比起鵝肝出色。 半熟的厚切和牛充滿油脂香卻又不會

之前黎過呢間黑木亭食晚餐 估唔到依家轉咗做放題形式 人氣更加爆燈 當晚平日都坐滿食客 食到8點都仲排緊長長嘅人龍 真係好耐冇見過咁嘅畫面講返食物質素同選擇都真係對得住個價錢 香港人識飲識食 難怪咁多人刺身 除咗一般大路野 仲有多款貝類選擇 馬刀貝 象拔蚌 北寄貝 同榮螺 全部中上水平 食得出嘅新鮮 性價比最高當然係吞拿魚 大拖油脂滿滿壽司方面就推介以下兩款A5宮崎和牛火焰壽司和牛輕輕燒過油脂勁香時令海膽軍艦 以放題黎講 海膽質素算唔錯呢度仲有充滿fusion 特色嘅薄脆Taco點咗兩款海膽魚子同雞尾酒醬汁吞拿魚蓉 我就更喜歡前者以下都係我推薦必點嘅食物秘製磯煮大根鮑魚 清酒煮蜆厚切鵝肝多士黑豚荔枝卷燒菠蘿最黎當然唔少得食埋馬來西亞D24榴槤 一舊接一舊 食到停唔倒口

呢間餐廳最近開始做日式放題，喺網上同電視都有介紹，睇完覺得幾吸引，就試吓佢哋嘅午市放題。首先佢啲座位都幾迫，張枱都幾細，所以叫食物嘅時候都要就住就住，叫多幾款張枱就唔夠位放食物。佢嘅放題主打A5宮崎和牛同拖羅，不過唔知係咪因為我食午市嘅原因，呢兩款食材嘅質素真係麻麻，和牛冇乜油脂味，拖羅亦冇乜鮮味。另外其他魚生水準都好一般，連榴槤亦冇乜香味。比較好嘅有串燒牛舌芯，另外佢嘅薄脆TACO同和牛海膽牛角包都幾特別，味道都唔錯。整體而言食物質素都真係好一般，同預期相差都幾遠，有啲失望，之後選擇要再小心啲先得喇。

出左全新放題！任食海膽，拖羅，和牛。呢個放題超級多客 😆 記得book位！去到8點仲勁多人等緊位，佢有成120分鐘食！鍾意呢間放題夠多款，好多創新既食物，出面放題冇既！例如麻辣乳鴿、鹽焗乳鴿，紅燒出面放題都有，但麻辣第一次食！小小辣，幾特別！taco有好幾款，叫左2款黎試，鵝肝牛肉薄脆TACO，海膽魚籽薄脆TACO，個味調得好惹味，出面放題未見過有！ 最重要好多回本位！和牛、海膽，榴連，蠔，鵝肝拖羅….數之不盡呢到落order 叫野食多到你想食都食唔晒！出面仲有飲品，雪糕，酒 ，小食任飲任食! 難怪人氣咁旺。另帶一提，呢到係要比左錢先再入座架～

朋友生日，訂左7點至9點時段，入座要先付款，問左話訂位已經注明想要安排係甜品度寫生日快樂，佢話你睇到我地嘅甜品ok先，我會幫你安排蠟燭，之後拎左d 馬卡龍小蛋糕，佢又話佢地無再做呢d, 蠟燭全掉，一支蠟燭都揾吾到喎........好失望，臨時臨急，吾通得返半個鐘先走出去買蛋糕咩☹️☹️☹️☹️☹️食物方面，剌身一般，清酒煮蜆最好味。榴槤都吾錯。主打嘅和牛就真係吾得囉，完全無一塊係嫩，有1，2塊仲好韌。串燒都係一般，都係有部分燒得好乾。甜品係靚，但味道吾太得。 雪糕有Häagen-Dazs、雀巢，Dreyer's.梗係食Häagen-Dazs， 但雪櫃得返芒果同咖啡味，但都好好味。另外特別想讚梅酒，好好飲，酒精濃度應該吾高，因為我飲左2杯，都吾覺有咩，＜我係吾太飲得嘅人＞。我地點左嘅有d都無送黎，但我地無追啦。8點半就吾可以再點，8點55分就要你還枱。二人要856蚊，我覺得吾算貴，但亦吾算抵，比大喜屋貴，但質素選擇都差 吾多。

黑木亭居酒屋（Tsim Sha Tsui）好耐無食日式串燒💭 聽聞尖沙咀有間性價比唔錯嘅串燒放題 見收工去開果頭買嘢🛍️ 夜晚就試試佢～😛😛⌖ 一人串燒放題（平日）+啤酒/指定無酒精放題🍢🍺💰 $198 + $98 /人一共有21款串燒同埋燒蠔選擇 想再食多幾款壽司、熟食同埋甜品 加上食串燒好難唔啤下🍻 所以都追加埋嘢飲放題～ 小編特別推薦以下幾款串燒：👉🏻燒汁牛肉金菇卷🐂 經典搭配 調味啱好 超juicy💦👉🏻薄切牛舌🐂👅 唔會燒過頭 鎖到肉汁 小編無限encore😂😂👉🏻厚切豬頸肉串🐖 肥美爽口 可惜好快售罄🥹🥹👉🏻黑豚荔枝卷🐖 爆汁嘅超甜荔枝 意外地同豚肉幾夾✨👉🏻鴛鴦翠玉瓜🥒分別有明太子醬同埋芝士醬🧀 都係食落多汁 唔錯嘅😌☻ 回頭指數：7/ 10

哇哇哇，呢間人氣餐廳踏入五週年決定轉型！由居酒屋變成日式放題店，緊貼潮流，兩小時任飲任食多款刺身、海鮮、特色料理、D24榴槤、自助區一系列中西式菜、前菜小食、甜品、飲料、全日供應，低至六折優惠，仲唔快啲約埋班朋友仔過嚟吹水食返餐勁嘅？！講明係A5宮崎和牛拖羅放題，呢兩樣一定主推，和牛入口即化，油花四溢，味濃但唔膩、日本直送拖羅，鮮甜可口，帶魚油香。Shake Shake牛油海鮮桶有驚喜，集合鮑魚、虎蝦、青口、蜆、魷魚圈，即叫即 Shake，打卡able又好味。仲有九肚魚、魷魚仔、吉列蝦等，外脆內鮮😆另外推介燒汁牛肉金菇卷、雞軟骨串、黑豚荔枝卷、新派薄脆TACO、鮑汁花膠海參、帶子蟹中寶、黑松露薯條、全部都有Encore。唔好忘記出面自助區嘅D24榴槤薄餅，外皮酥脆，上面鋪上滿滿榴槤醬，奶油口感，特濃甜味，忍唔住一啖接一啖，會話好食過原粒榴槤... 太誇張。

本身見open rice咁多好like，都想嚟試吓。book咗夜晚九點半，入到去望到人其實唔係好多，甚至有大檯係冇人坐，樓面阿姐按排我哋坐細檯。本身冇發現張檯原來未抹，諗住用剪肉刀嘅時候，就發現黐曬蟹肉，一啲都冇清潔過嘅行跡，之後就見到檯面其實仲有兩三噠漬。我自己用濕紙巾係抹得甩，感覺已經差差哋。一入座嗌咗嗰蜆肉，但係食到一半等咗好耐都未嚟，以為漏咗我單，諗住都係放題唔梗要就嗌多次，十點嘅時候又嗌多次，一直都未有。喺last order前問阿姐係咪漏咗？跟住佢覆我:「唔好意思，因為last order咗師傅都收咗工。」成餐飯漏咗幾次嘢食，畀張未撚抹過嘅檯我，咁樣收我$860連加一，真係唔知除咗遞嘢畀我，服務咗啲咩？朋友嗌咗嗰刺身，點知行到去tst mtr嘅時候話好肚痛。整體嚟講嘢食冇乜特別，想食呢間嘢嘅自己睇路，都唔知呢間鋪頭靠咩仲生存到😂 垃9圾！

見好耐冇食過放題～一search尖沙咀區就搵到黑木亭原來最近新推左限定放題😀‼️以呢個價位食到居酒屋質素嘅和牛拖羅放題🍶要試啦😍-🐟刺身類先點咗一盤刺身，上枱時非常之有驚喜！刺身都好新鮮～最重要每片都係極級厚切！赤蝦大大隻啊！松葉蟹腳·拖羅·池魚·油甘魚·象拔蚌·馬刀貝·北海道帶子·大赤蝦·三文魚·希靈魚etc-🍣壽司類都有幾多款壽司選擇！連海膽軍艦都可以無限order!!可以瘋狂食海膽～A5宮崎和牛火焰壽司·火焰左口魚邊壽司·海膽軍艦·三文魚籽軍艦·蟹膏蟹肉蟹子軍艦-🍲熟食/炸物類熟食種類非常之多元化～由中式花膠海參連乳鴿都有⋯到日式和牛壽喜燒都有～A5宮崎和牛壽喜燒·秘製磯煮大根鮑魚·清酒煮蜆·蒜蓉燒鮮蠔·鮑汁花膠海參·鵝肝多士-🍢串燒類全部串燒都不錯～但相對其他熟食冇咁多款選擇·牛舌芯·蜜糖燒雞翼·免治雞肉棒·黑豚荔枝卷·燒菠蘿-🍧甜品/水果類·冰條·雪米糍· haagen-dazs雪糕都有！仲有水果自助區 ～都有好多款水果選擇加一後最後人均4百幾～都算okay👌🏻盤刺身都已經值回票價

最近俾我搜索到尖沙咀有一間任食串燒，有成21種串燒任食🥰仲有燒蠔😍餐廳仲有自助區有甜品水果壽司同埋熱葷仲要加$98就可以飲品+啤酒任飲😬😋老火湯-椰子雞湯好重椰子🥥味之餘，而且相當清甜😋巨峰青檸藍蝶花茶、覆盆子紅茶自家製飲品，配搭好清新，值得一試甜度適中😊😋串燒：沖繩黑糖燒菠蘿、鴛鴦翠玉瓜、粟米、黑豚荔枝卷、雞皮串、雞軟骨串、燒汁牛肉金菇卷、雞翼（蜜糖、鹽燒）、薄切牛舌、脆燒豆腐當中嘅菠蘿我係encore再encore🤭燒菠蘿真係好甜冇得輸🥰雞翼亦都係煎得好香脆，特別係鹽燒味一定要試🥰😋燒蠔：煙肉🥓粒牛油燒蠔、黑松露白汁燒蠔味道好特別，而且啲蠔都算大粒☺️😋自助區：蒜蓉粉絲值得一試，每次一fill就會即刻比人拎哂😂好搶手😆好多款式嘅壽司同埋沙律水果仲有我鍾意嘅中華沙律同埋螺肉🥳

今日同老公舊地重遊，去返我哋以前相識嘅餐廳食飯，原來餐廳已經改革，變咗成日式放題。平日晚市好旺，walk in碰碰運氣，等咗一陣就有得入座，太幸運了。QR code 落單，菜單有好多名貴嘅食材，包括海膽，和牛，鵝肝，鮑魚…食放題梗係唔少得刺身環節，刺身嘅款式基本都好齊全，三文魚厚切超肥美，大蝦爽口鮮甜，整體都好新鮮，冇腥味。超開心，鵝肝多士任點任食，件件都厚切，爆曬油。海膽嘅菜式亦都好多，呈現海膽自由！！！海膽壽司海膽份量夠多。仲有crossover菜式，海膽配和牛牛角包，牛角包好鬆脆，細細個一啖一口。唔記得咗呢個叫咩名，好彩早叫，過咗一陣已經售罄，配搭有 鵝肝 鰻魚 海膽。不得不提有我最愛嘅凍榴槤，軟綿綿，夠甜夠香。串燒都好多選擇，燒雞翼老公非常欣賞，而我就鍾意牛舌。磯燒鮑魚好入味，又夠彈牙。整睇嘢食選擇非常多，除咗自助落單嘅嘢食，前台吧位都好多熟食可以選擇，煙三文魚任食，回本冇難度。當然嘢飲同雪糕雪條都係任食啦，最後食到捧住個肚走。晚市平均$4XX/人，呢個價錢係接受的。

今日食夜晚時段9至11，$361一位，加一後$794兩位。9:10分已經落左第一轉單，期間嚟過刺身同一串串燒，去到9:30嘅時候問侍應，話除咗以上食物其他嘢一樣都冇到，侍應同我講嚟緊㗎啦，去到9:50，同一位女侍應行過嚟同我講last order，我答佢啲嘢都真係未到，佢叫我重新落過，女待應嘅態度都係好嘅，起碼都有跟進返之後落嘅食物有到。跟住last order其實已經得返10分鐘左右，已經係要瘋狂點嘢追進度，因為其實冇乜食過啲咩，變咗要夾硬係咁叫，好難預份量。但係10點開始有一位男待應開始執枱，基本上佢每執一張枱都係將啲餐具掟落餐車，不停發出大聲聲響，而除咗我哋之外都有其他客人望佢，有其他侍應提佢唔好咁大聲，但係佢都係話: 有咩所謂，話咪話囉。去到得返我哋係最後一台，佢好大聲咁話: 終於走晒啦，然而我哋係未走嘅。雖然話食到11點，但係我哋已經忍唔住10:30走啦。其實都冇期望放題嘅服務有幾好，不過咁樣真係非常趕客。

黑木亭5週年日式放題：海鮮控同肉食獸嘅天堂！黑木亭今次轉型真是一個字——豪！佢哋主打任食日式料理，重點係食材質素超高，絕對唔係普通放題嗰啲貨色！日本直送鮮拖羅 🐟拖羅控有福啦！黑木亭用日本直送嘅新鮮拖羅，入口即化，油脂香濃，食一件已經回本！每次拎到手上，簡直係幸福感爆棚～松葉蟹腳 🦀蟹腳控點可以放過？松葉蟹腳鮮甜又彈牙，啖啖肉，仲要任食，唔使同朋友爭，慢慢歎都得！Shake Shake牛油海鮮桶 🦐🦑呢個真是一個創新嘅亮點！你可以自選鮑魚、虎蝦、青口、蜆同魷魚圈，店員即刻幫你用牛油Shake到香噴噴，熱辣辣端上枱，香到隔離枱都偷望！😜A5宮崎和牛 🥩和牛迷注意！A5宮崎和牛係放題界嘅稀有物種，油花分佈完美，燒一燒入口即溶，簡直係肉食獸嘅終極享受！坊間放題好少有咁高質嘅和牛，呢個真係必試！D24榴槤甜品 🥭甜品控同榴槤愛好者有福！黑木亭仲提供D24榴槤甜品，香濃又creamy，食完海鮮同和牛再嚟一份，完美收尾！

同老婆嘅週末串燒放題夜：黑木亭驚喜爆汁體驗！我同老婆趁週末偷閒，去咗尖沙咀金馬倫道嘅黑木亭居酒屋。一上到去，木系裝修掛滿日式燈籠同畫，真係有種「秒飛日本」嘅感覺！暖色燈光幾啱兩公婆慢慢食、慢慢傾。串燒即燒上枱，熱辣香口最驚喜係佢哋嘅 「黑豚荔枝卷」 — 豚肉薄薄哋包住粒荔枝，一啖咬落去，荔枝甜汁爆出嚟，同鹹香嘅豚肉撞到啱啱好，老婆直頭話「仲encore咗三串！」。我至愛嘅 「牛」 燒得夠晒功夫，邊位脆脆哋，中心軟嫩仲帶炭火香，點少少檸檬汁已經好夠味。「厚切豬頸肉」肥瘦啱啱好，咬落彈牙唔油膩，灑咗七味粉更惹味。其他串燒都冇失手：「燒汁牛肉金菇卷」 嘅金菇吸滿醬汁，夾住牛肉食夠濃郁；「雞軟骨」 燒到金黃脆身，送啤酒一流。仲試咗 「黑松露白汁燒蠔」，蠔肉大隻飽滿，黑松露香得嚟唔搶蠔鮮，creamy得嚟幾高級！甜品必點「黑糖燒菠蘿」，焦糖脆皮包住熱辣辣菠蘿肉，酸甜解膩。服務同環境加分！當晚全場爆滿，但店員收碟同添茶都好快手，仲會主動問「要唔要加單」。雖然人多，但枱同枱之間唔逼，坐得舒服。最窩心係串燒都係逐輪即叫即燒，上枱熱辣辣，唔似一般放題攤到凍哂。總結：平實有心思嘅放題黑木亭嘅串燒放題唔係得

今晚約了朋友去尖沙咀「黑木亭」食串燒，點知去到，店長告訴我們，公司5週年轉型!! 現在居酒屋已變身成新派日式放題店。朋友說＾來都來了＾，於是……放題包括有自助區和手機點餐，有多款刺身，必食回本日本直送鮮拖羅🍣、A5宮崎和牛🥩。今晚實測最新點餐系統，整理出這份**終極點餐清單**，全部親測好食！  **🔥 必點串燒類**  ▸ 牛舌芯（厚切多汁）  ▸ 蜜糖燒雞翼（皮脆蜜香）  ▸ 雞軟骨串（爽脆下酒一流）  ▸ 黑豚荔枝卷（果肉爆汁超驚喜）  **🌮 創意TACO**  ▸ 鵝肝牛肉薄脆（入口即化）  ▸ 原條鰻魚薄脆（鰻魚控必試）  **🦪 海鮮霸主**  ▸ 秘製碳煮大根鮑魚（軟嫩入味）  ▸ 蒜蓉燒鮮蠔（蒜香爆棚）  ▸ 常滿海鮮桶（自選虎蝦+鮑魚+魷魚圈）  ▸ 松葉蟹腳（鮮甜拆肉超方便）  ▸ 帶子蟹中寶（蟹肉滿滿）**🍣 刺身精選**  ▸ 日本直送鮮吞拿魚（油脂甘香）  ▸ 北海道帶子（鮮甜厚切）  ▸ 池魚王（清爽帶油香）  ▸ 極品大赤蝦（蝦腦超濃郁）  ▸ 象拔蚌（咬落「嗦嗦聲」超脆爽）**🍚 主食驚喜**  ▸ A5宮崎和牛壽喜燒（雪花紋路靚）▸ 鮑魚蟹粥（深夜暖