點多多餐廳 (已結業)

今日經過順利紀律部隊宿舍樓下商場，與友人共聚午餐，商場內選擇唔多，求其入左呢間餐廳。海南雞飯配例湯，味道一般，賣相都幾唔吸引。豬手飯還可以，醬汁比較多。熱朱多泡，杯角稍崩。蒜蓉包烘得唔夠乾，滑蛋都唔夠滑，味道還可以。總體來說裹腹是可以的，唔要求太多。

首先一定要講 呢間嘢個位置係好偏僻嘅喺順利邨紀律部隊宿舍商場入面除非你有仔女喺附近讀書朝頭早喺度停一停 食個早餐咁還可以。 順利消防局喺隔離有咪錶位朝頭早八點幾通常都有位。 呢間嘢最大嘅問題有兩個第一就係冇wi-fi而商場入面接收好差， 第二就係老闆娘十分冷漠十問九唔應。 不過個 地方 係乾淨企理 坐得好舒服又有電視睇 早餐嗌過面可以配三文治有得配傳統搶蛋又得 個歐陸早餐都係三十幾蚊價錢屬於可以接受。 而且隔離係超級市場順手買埋餸又幾方便。

今日經過順利邨，去咗順利紀律部隊宿舍商場入邊嘅點多多食個午餐，幾個人帶咗三個飯分享，點左滑蛋牛肉飯、馬來炒貴刁、瑤柱菜粒蛋白炒飯，整體來講佢嘅炒野都有質素，有鑊氣，滑蛋牛肉嘅牛肉亦都易咬口，佢仲有好多唔同款式，下次有機會再試下