點心堂 濕地公園路

營業中

休息中

今日入嚟天水圍探婆婆👵，帶左佢落樓下飲吓茶，食返盅😀,鋪頭款式都幾多，中午時分過來大概都要等20分鐘才可入座，入座後都有限時的。呢間點心舖除咗有點心之外，亦都見到佢哋晚市有小菜，煲仔菜，各式炒粉麵飯。點心全部都係即叫即整：📌椒鹽鮮魷唔會好厚醬，即叫即炸，熱辣辣夠晒惹味。📌蟹籽燒賣大大粒，蝦🍤新鮮爽口，味道不錯📌 XO醬炒蘿蔔糕食得到有條狀的蘿蔔絲，唔會剩係得啲粉。📌點心堂蝦餃王粒粒晶瑩皮簿📌醬王蒸鳳爪味道不錯。📌籠仔馬蹄章魚肉餅飯荷葉墊底，啖啖荷葉香味再配好香章魚味，肉餅新鮮，唔會死實。🙏整體味道不錯，但服務員的態度有點囂張，需要改進。

今晚放工返去食晚飯行左成條街見呢間應該係最好質素既一間其他餐廳係無人講緊七點幾都無人係門口見佢嗰set好似好抵有湯有餸有飯一個set 98大洋 門口無寫收茶錢收加一心諗價錢算公道既 不過擺係天水圍嚟講其實係偏貴98大洋 有燉湯有菜有飯咁公道咁入去試下入到去坐其實都係無乜招呼就咁比個qr code我落單比左套餐具同一壺水比我無耐就點完餐野食嚟到其實都算正正常常唔係太差不過最激氣一定係埋單嗰下同我講要收茶錢收加一我真係祝你生意興隆飲左成壺滾水你先同我講收茶錢係公道的 唔一早講定收茶芥同收加一埋單比錢先講夾夾埋埋以為食98蚊變左120不如去搶仲好咁樣做生意抵你生意興隆同發達總知 嫌錢多既食呢間啦

米粉攬埋一舊，入面係多料但格格不入，要星味無星味，$48根本不值一提值得讚係個蝦有蝦味，似酒樓蝦，彈牙爽口其他真係唔建議食，好伏，下次希望比啲誠意，大份啲，集中個粉

有個短髮留斜陰阿姐啲態度好差好悔氣，對客人起哂鋼咁，要service儘可能搵其他人，免得受氣，真係前所未見過咁差坐張大枱，我屋企人剩係叫唔該收走一張櫈，佢竟然話：我一早都話要收架喇，跟住西面，仲要眼藐藐好似得罪咗佢咁

蒜蓉芝士蝦春卷上台好靚，好香口，蒜蓉味濃。青瓜超爽脆，清新多汁別有洞天脆皮腸咬落真係好脆口，餡料有多樣野 mixed 一齊，多重味道及口感，幾特別竹笙上湯鮮竹卷餡料嘅肉比較少，反而幾鍾意個味道薑汁千層糕千層好靚，好有光澤感；味道夠薑味，唔會好甜，口感軟熟，煙靭度啱啱好招牌流沙包包夠熱，裹面好流沙整體嚟説，環境舒適，食物又幾好，服務都ok

濕地公園點心堂朋友話好食, 今次就去試下, 門面又唔似普通酒樓咁樣, 似茶餐廳格局, 依家飲茶唔再侷限酒樓, 我地嗌佐好多嘢食, 鮑汁鳳爪有啲瘦弱, 不過味道唔差, 蟹鉗肉唔多, 無睇落咁好食, 燒賣味道都可以, 好多炸物餡都係蝦, 好大隻, 同時食物够熱, 呢樣嘢好重要, 馬拉糕顏色靚味道好食. 可以再黎食.

兩個人平均食咗每人$100（連埋加一）叫咗都要等一段時間先上枱，我諗係即叫即整，幾有誠意XO醬菜苗餃入面有蝦，呢個幾好食，推薦，XO醬都好食，但係同個餃唔係好夾，有種分開好食嘅感覺鮮蝦腐皮卷外脆，但係個餡就麻麻哋好食，感覺唔係好知食緊咩，唔特別推薦，都有啲蝦係入面嘅蟲草棉花雞賣相好普通，但係食落唔錯，啲雞好滑，都入味， 棉花吸晒啲雞油雞汁唔錯原盅椰皇鮮奶燉燕窩，唔好睇佢細細個，一個人食唔晒，要兩個人食好啲，面頭有啲燕窩，同埋要趁熱食，可以一試，但唔算好吸引茶芥8蚊一位，環境唔錯既，都乾淨

入夜嘅#天水圍 ，都好多餐廳😜，而我哋就去到靠近#濕地公園 🏞️嗰邊，搵到間日頭☀️有點心，夜晚🌙有小菜嘅餐廳！餐廳喺天水圍、#火炭 都有分店。餐廳嘅裝修幾靚🤩，坐位間隔闊落💕。天水圍呢邊路燈比較疏，整體街上面都比較暗⬛️，望落去間餐廳就好似喺黑夜中發光💡咁樣。今次我哋就嗌咗🔴豉椒炒鵝腸($118)、🟢西蘭花炒鮮魷($118)。兩碟都炒得好靚仔，而且上碟個樣都好乾淨，有用心放靚啲🥳。豉椒炒鵝腸🌟🌟🌟🌟入面除咗有鵝腸，仲有洋蔥🧅、燈籠椒🫑。鵝腸處理得幾乾淨👍🏻，食落無異味，口感好爽脆🔥！！豉椒汁嘅調味亦都啱啱好，聞落夠香，食落夠重，非常適合用落送飯🍚！西蘭花炒鮮魷🌟🌟🌟🌟西蘭花🥦望落顔色好靚，食落口唔會有草青味，口感腍得嚟又有爽脆嘅位🥳。而鮮魷食落口彈牙，餐廳仲額外配多一小碟蝦醬比人點鮮魷😝。點完之後，蝦醬濃郁嘅咸香味令鮮魷嘅味道生色唔少💕！！

今日去濕地公園參觀，順便去咗點心堂同家人食點心，味道好正！我叫咗蝦餃、流心奶黃包同埋炸腸，每款點心都好鮮美，啲皮薄脆，啲餡又夠多又夠鮮甜，啲蝦餃嘅香味都好突出，奶黃飽荔枝造型好特別，炸腸都好香好脆。餐廳嘅環境同服務都好普通，啲服務員都好忙，要等好耐先有人幫你處理。不過，價錢都好親民，好適合一家人一齊食。整體上，我覺得點心堂嘅點心非常好味，價錢又合理，係一個好值得推薦嘅食肆。總括黎講，我好鍾意今日嘅用餐體驗，啲點心都好好食，環境同服務就唔算太重要啦，重要嘅係食物好味同價錢親民。如果下次再去，我一定會再試下其他款點心，不過蝦餃一定會再食返啦！

之前朋友推介過一次亦同佢食過一次覺得真係唔錯今次就帶咗老公去試試XO醬蘿蔔糕 $38XO醬完全不吝嗇份量都幾多蘿蔔糕 炸到脆完全做到外脆內軟不過 有心理準備多油別有洞天脆皮腸 $38我覺得同大陸嘅紅米腸有點相似綠色部份 我開頭以為係生菜😆其實唔係 應該係脆皮嚟嘅這點心 比起蒸腸粉 出色很多沙嗲金錢肚 $26我食唔到有沙嗲味但重甜味 不encore小鮮肉小籠包 $29第一次同朋友嚟食見到佢叫咗小籠包我就話佢 好多地方都整得唔好食佢話這間好出色一上菜嘅時候就驚艷到我皮薄汁多 一流今次我同老公KO咗兩籠這間無加一 屬於中價位可以再encore

點心堂 濕地公園路話說有一日突然之間好想食點心堂啲點心然後約咗個朋友夜晚7:00鐘專登入到天水圍 原來夜晚係冇點心食㗎 So sad😢 唔去都去咗， 唯有食 小菜🥘🥘🥘當日揀咗三個餸鮑魚雞煲瑤柱 豆苗梅菜扣肉每個餸嘅份量都好足夠!價錢方面，貴大排檔少少感覺食材都比較新鮮服務方面呢就正正常常啦🫢🫢叫咗兩個白飯好耐都未有再叫多一兩次就會有㗎喇 🫣當日 唔小心 俾個煲 辣到隻手證明佢個煲拎埋入去煮 火氣充足 👍🏻

今次同大家去下💥👍🏻高評點心店中國人最鍾意食既餐廳～ 飲茶而家喺香港 無論早午晚三餐都可以去飲茶今次帶大家食嘅 叫 點心堂📍位於天水圍濕地公園路我之前呢 係喺元朗到食嘅但係佢而家改左名同已經搬咗去天水圍Wetland Seasons Park啦店舖入邊 所有點心-即叫即整全部都係 新鮮出爐 熱辣辣呢間真係我最喜愛嘅點心店推介俾大家- 真心正🫶🏻必食💥 - emoji 流沙奶皇包佢係真正嘅流沙奶皇包啲蛋黃奶黃係真係識得流出來同埋小心燙嘴👅除咗好食之外佢就可以用黎影相又睇得又食得👍🏻👍🏻P.S. 啲emoji個樣係隨機嘅有時有兩個唔同嘅公仔 有時 全部一樣💥必食 🌯- 春風得意卷其實佢就係蝦腸入邊再加炸兩包埋一齊成為一道新菜外邊係腸粉皮再包住蝦同 炸兩腸粉滑口 炸兩係超脆賣相同口感都極佳🦐🦐-奇趣蝦多士顧名思義佢就係非常之脆舖頭入邊所有雜物都係用大機炸全部都好香好脆第一次食嘅時候腸有啲油而家諗返 係好回味好想再食呀！💥必食- 炸大蟹鉗🦀🦀🦀我的最愛蟹鉗 有成隻拳頭咁大因為我冇擺到隻手落去影唔到個效果俾大家睇但係真係好大粒同你平時喺街度食到嗰啲係完全唔同佢應該係自家工場特製超好食 好想食呀咁

行完濕地公園，經過一間吃點心的餐廳，其實每次經過，都算多人等候，今次不用排隊就可以入座了。和酒樓不一樣，店的裝修簡單，坐位亦有限，放心設搭枱🤣，唔喜歡都要接受。洗杯碗的流程仍是需要的，始終飲茶嗎。點心都係正常的酒樓系列，欠特色點心。比起酒樓的味道確實差少少，淡味少少（健康d掛）。印象最深：奶皇飽是傷心的樣子，吃完都唔會開心d。最難吃：牛栢葉，漂得太入味。份量最少：一般腸粉是3條，我第一次見到收正常價而比兩條你囉...（沒有問是否比少咗）鳯抓排骨飯如果用盅頭飯就會讚啦，現在大蒸籠又淺，兩口子吃幾啖完了，沒有加辣，味道唔夠香，建議叫碟飯算了。飲茶都係茶樓比較好🤭

見到啲人話態度差，野食又凍。但暫時去過兩次都冇呢個問題 覺得幾好！餐廳內外設計都偏向新穎，好現代感，打破對點心酒樓嘅刻板印象🫖✨招牌流沙包 ($26)心心眼嘅包見到覺得好得意，好開心😚 個包熱辣辣，咬一啖啲奶黃流晒出黎，係流沙嘅感覺！奶黃流沙充滿晒成個包，每一啖包都有奶黃，好足料😍✨金玉滿堂蘿蔔糕 ($29)呢個煮法嘅蘿蔔糕第一次食，表面有木魚絲同千島醬，係個新食法🤩 蘿蔔糕外包住炸皮，而炸皮又唔會太厚，外脆內軟，好好味！連埋千島醬同木魚絲一齊食，成個感覺昇華咗👍🏻✨別有洞天脆皮腸 ($38)個名好特別，嗌個陣正係知係腸粉，唔知入面有咩🤣 黎到個陣比外表驚艷，好特別，未見過～ 口感好豐富，入面蝦肉、粟米、生菜、脆皮，表面仲有一大堆蟹籽，食落外滑內脆😗✨XO醬菜苗餃 ($29)餃入面有一粒大大粒蝦🦐 菜苗鮮甜加埋蝦，口感好好，夾埋表面XO醬做點綴，再一齊食，成個層次升級咗😋✨原隻蝦燒賣 ($32)每粒都大大粒，表面仲有一粒完整大隻嘅蝦，食落口感豐富同埋爽口🤪☕️去嘅時候係中午時段，同晚市會有唔同———————————————————————🌼評分：5個🌕為滿分🫧味道：🌕🌕🌕🌖🫧環境：🌕🌕🌕

價錢同大型商場一樣，食物凍，員工服務態度差。叫咗兩碟包，系統顯示之後加單一碟。同員工講，表示唔可以唔要。食咗3碟包⋯⋯⋯員工仲話食唔哂可以加錢要外賣盒同外賣袋。咁既服務態度太唔人性化，唔會再黎🥶🥶🥶🥶🥶🥶🥶