鼎王麻辣鍋 (The LOHAS) (已結業)

位於將軍澳康城商場裏面的鼎王麻辣鍋是一家台式火鍋餐廳，最近我和三個朋友在晚餐時間來到這裡用餐。進入餐廳後，率先收入眼簾的是各種火鍋配料的台式配料吧枱。這個配料吧枱上擺滿了新鮮的生熟蒜蓉、辣醬和白飯等等配料。另外火鍋鴨血和豆腐是無限添加的，不用就住就住吃。我們點了鴛鴦鍋作為湯底，口味小辣、小酸，另外一邊是養生清湯。在配料方面，我們點了牛舌、手切牛黃喉、鵝腸、排骨酥、珊瑚蚌、老油條、蜂巣干層凍豆腐、高麗菜和日本黑豚腩肉等。其中，牛舌和手切牛黃喉非常爽口，鵝腸和排骨酥也很有嚼勁，鮮味十足。珊瑚蚌的肉質鮮嫩，老油條和蜂巣干層凍豆腐口感有趣，令人過足口癮。日本黑豚腩肉則肉質鮮嫩，入口即化。酒水方面，我們點了鼎王戰鬥碗暢飲set和支336ml的台灣啤酒，是非常之地道的配搭。除了以上的配料，我們最後還打包了鴨血，沒有另外收費這個待遇，實在令人感覺良好。餐廳的裝修和食物風格都非常之接近原本的台式設計， 很是正宗。侍應態度殷勤。因為冷氣比較凍，餐廳還預備了披肩給女士保暖，整個體驗無可挑剔。

同女友睇完戲諗唔到食咩，經過見到鼎王唔洗排隊就去食。嗌左個鴛鴦鍋，一碟牛頸脊、豬肉片、萵筍、炸豆皮、綜合丸。牛頸脊黎到覺得好細碟同好碎，但都算啦，預左出街食一定係無自己買嘅好。而重點係碟丸綜合丸入面有手工蝦丸、手工花枝丸、芝士丸、貢丸，每款各兩粒，首先祿左花枝丸，女友食個陣話有陣酸味 (我地係放麻辣個邊)，但佢自己又無為意係變壞，以為隻丸係咪酸酸地? 成粒食左跟住我一咬，就肯定係變壞嘅味道!! 我地同侍應講，問佢地啲丸本身係咪有酸味? 佢地話本身啲丸唔會有酸味，之後佢話一係換過兩粒其他丸比我地，我地就話要返雪藏丸隱陣啲，揀左牛丸。咁佢地都好識做，比返4粒牛丸我地。跟住我地問個侍應，隻蝦丸會唔會都有機會變呢? 個侍應好有信心咁答我地唔會 (那裡來的自信?)我地祿埋兩粒手工蝦丸，今次女友叫我試食先，一咬落去又係酸左變壞了!!我地同返侍應講，佢都無話換返啲咩比我地，淨係無奈話唔好意思。其實就算佢地再話換返啲咩丸比我地，我地都唔食啦。講真，都食到無癮。本身仲諗住嗌海鮮，但佢地處理食物嘅情況咁惡劣，仲點敢食海鮮? 嗌一碟丸8粒，有4粒都變壞，太差了!!!整體環境其實坐得幾舒服，可能因為都無乜人嘅

有位長頭髮矮嘅女職員態度極差，食過好多次入座之前都係講90分鐘內無限加鴨血豆腐，食嘅期間加咗一次鴨血，之後再叫嗰位女職員加，佢加咗兩舊俾我同我講：小姐我見你入邊仲有好多 不如你食住先 但係我之後就睇返個火鍋，入邊只係得兩舊，但係我有五個人。嗰位女職員態度惡劣，好似唔想做咁。之前食其他職員都會主動過嚟加鴨血豆腐，但係可能嗰日冇乜人啦，基本上只係得嗰位女職員喺度。之後我哋埋單同佢講拎走個鍋，返到屋企發現佢一舊鴨血豆腐都冇加過，但係之前食有職員同我哋講如果我哋拎走個鍋，佢哋入到廚房會再加鴨血。

食過台灣嘅點都要試埋香港嘅鼎王. 好多野都同台灣做到好足嘅， 咁當然香港係貴過台灣啦😆😆都食到台灣個種feel.但唔會話好似，叫做有多個選擇咁😅間唔中食下都可以嘅

下午茶忽然想食火鍋，即刻諗起鼎王下晝有$328/2位火鍋餐好抵食，已經食過幾次，個餐其實好夠食，因為豆腐同鴨血任添，其他單點食材係唔平嘅，甚至可以拍得住貴價火鍋店，但食材新鮮，白饍、牛小排同去皮雞脾肉好正。可能俾人感覺性價比唔高，每次去都冇乜人，但呢個二人火鍋餐真係抵食的，真心推介。因為店內真係唔多客，服務好好，店員會主動睇睇客人需唔需要添加鴨血同鹵豆腐，鴨血又大件又滑，超好味，小朋友去食都啱，小辣其實唔算辣，只係少少惹味嘅感覺。

半年前吃過一次，之前疫情去過好多次，辦了會員卡，一直覺得味道唔錯。週末商場人超多，唔想排隊，好耐冇去過呢家，決定試下。去完之後真的大跌眼鏡，決定再也唔想去了。價錢方面：6個蝦$168、4個帆立貝$158、蔬菜小小一籃$98、食材方面：烏冬煮過就斷⋯ 酸菜鍋底只有酸味⋯服務態度：服務態度極差，要個碗仔都唔樂意比⋯價格雖然唔緊要，但與半年前相比味道真係天壤之別。食物極其唔新鮮，難以下嚥⋯千祈唔好去！！！

住咗咁耐第一次去食麻辣火鍋，諗住火鍋材料唔會點出錯，點知超中伏😞中午去食咗個二人鴛鴦火鍋: （特價388，原價599😱）以為好抵，酸菜鍋裏面全部係肥豬肉，湯底得酸味我哋冇乜食酸湯底，麻辣鍋底好啲，有好多鴨血同豆腐可添，老油條硬得嚟咬唔落，豆皮街買仲好，豬肉丸細細粒冇乜特別，娃娃菜普普通通，另外叫咗個鹽酥雞以為係熱食，原來係凍冰冰㗎，火鍋材料一啲都唔好味，簡直貼錢買難受😞，五百幾唔知食咗啲乜😡😡😡

When paying the bill, initially a wrong credit card has been given to the service lady. I noticed the error immediately and said "that was a wrong card". The lady ignored it. And I repeated three times, she continued ignoring it. And then only after I said that "I repeated three times already", she then only realized it and tried to cancel the order but failed. I have never seen such ignorant servants before. Totally disappointed

鼎王麻辣鍋相信大家都唔陌生👍🏻去過台灣都應該會去試！而鼎王其實都黎左香港一排，一直都無去試，係因為身邊劣評如潮😨😨不過呢排真係好想去打邊爐，就一於去試伏！其實整體上食物都新鮮，而身邊劣評如潮都唔係因為食物質素，而係因為價錢💰🥶同父母，一共三人成餐飯就係叫左圖中的食物，埋單要HKD$1000+😶‍🌫️呢個價錢可以係台灣鼎王食到幾餐🥹🥹這大概就是鼎王劣評如潮的原因吧！（至少身邊朋友都不推薦）如果你真的很想去的話是可以接受，畢竟食物質素是可以的，不過價錢真的會令人卻步！

麻辣火鍋🔥spicy hot pot超愛❤️我可以吃勁辣x100000000晨早來食麻辣火鍋當早餐，咩事呀😁😁？！因為很久很久沒吃麻辣火鍋了!!!!!期待已久😍😍所以晨早和朋友老遠跑到這裏😁😁店子一開門，我們便到了，兩個人包場，感覺非常好😁～～～～～～～～～～～～～～～～～～～🥢湯底：一定揀鴛鴦鍋 （每位 $68）一邊麻辣 （中辣）一邊酸菜白肉 （中酸）⭐️⭐️⭐️⭐️麻辣湯底味道不錯，辣味幾香，鍾意😍😍但一點也不麻!!!!! 要夠麻，才吃得過癮！湯底附鴨血、豆腐，很入味，好好味！可隨意無限refill，正呀！酸菜白肉湯底味道較淡，完全不夠味；我們當它清湯來用。🥢火鍋材料：🥩手切封門柳180g（$368)⭐️⭐️⭐️⭐️⭐️激好！濃濃的牛味、有咬口，而且非常新鮮🥰🥰配麻辣湯底好好味！🐷滷大腸頭（150g，台灣直送，$98）⭐️⭐️⭐️⭐️⭐️好味呀😍😍 清洗得乾淨、沒有尿臊味，亦沒有肥膏，吃得安心；滷得又腍又入味，吃到停不到。一個人吃一份也不為過！🥣油條（台灣直送，$68）⭐️⭐️⭐️⭐️⭐️有點硬。要淥得有技巧、懂得拿捏時間，令它吸收湯的精華而不過腍又不會淥得時間太短而仍然很硬。失敗了3次之後總算成功，是好味又脆的😁😁🍳蛋

平安夜晚放早…想搵個地方安安靜靜舒服地食個平安夜飯…搵來對我來說都幾遠既康城店…因為尖沙咀店已訂滿😅第一次到康城…第一次到康城店…因為openrice book有折…自上次walk-in 尖沙咀店後之後兩次都未能成功book位…今次預早好多但只可以訂到康城店麻辣鴨血豆腐…係來鼎王目的🤣…由於自己唔食得辣所以叫了鴛鴦鍋…另一面係酸菜白肉…原本點了少酸…但後來添加的酸菜比較酸..所以食左一輪酸菜就放棄了..都係食番鴨血同豆腐好了…康城店限定招牌紅茶茶味香濃…但不會太濃烈..好合我個人口味萵筍….正常羊肉片…比牛抵食…味道正常花枝丸…台灣直送…個人覺得唔好食…牛舌…切得好薄好似牛肉片…味道一般豚肉片..好食坐位環境闊寬…員工有禮

鼎王在台灣一直是非常高人氣的麻辣火鍋推薦之一，這裡可以不用為選擇湯底口味而煩惱，因為只有麻辣鴨血鍋跟酸菜白肉鍋，一次吃到兩種口味才過癮！麻辣鴨血鍋主要是加入豬骨、蔬果、大豆芽、香料及藥材熬製，味道溫和，香氣十足，而且鴨血和豆腐都能無限免費添加；酸菜白肉鍋湯底酸中帶有點甘甜，非常適合搭配青菜類的食材去煮，兩種湯也滿好飲的。另外一提，餐廳只提供兩種醬料：麻辣沾醬+酸白菜沾醬麻辣沾醬屬於偏酸的醋酸醬，中和麻辣鍋的麻跟辣。酸白菜沾醬屬於偏豆乳醬，中和酸白菜的酸。 餐廳內空間乾淨舒適，工作人員服務客氣親切有禮。

第一次在 尖沙咀吃過 鴨血牛小排及丸類都好好吃 服務也很好有熱情 咁岩朋友在lohas附近便有想吃衝動接待處同事仍然親切禮貌 當我們完成點餐後鍋底及食物也很快送上 味道沒有太大變化第一次在lohas吃鼎王 客人不多 計算我們在內只有四至五台客人 但是感覺員工沒有以往的熱情 以我的記憶還以前會有鞠躬讓客人感到好顧客至上的一份感覺 如今只感受到冰冷的 店員都只在一旁聊天 添加茶和湯也要每次舉手才有此服務 價錢也不是一般火鍋的便宜 期望的體驗跟以往有點落差

由岩岩開到而家食左幾次，一次比一次差。頭兩次店員會主動加鍋底，仲好有禮貌，服務態度非常好，所以地點雖然有啲遠都會特登入黎幫襯。到咗今日，店員只係自己睇電話，吹水，玩，我哋個鍋有幾次得番三份一湯都無人黎加湯，次次都係要自己叫店員先加。以前夠時間前店員會主動提我哋，問需唔需要再加鍋底，今日每次都係要自己叫店員加鍋底，到最後一次叫店員加鍋底，店員回覆: 你哋已經夠鐘無得加。我睇番錶，再睇番安心岀行既時間紀錄，係喎過咗1分鐘。。。即係由我係門口安心岀行個下就已經開始計時？！埋單見到做緊openrice pay promotion，問店員係咪可以用，回覆: 都得既，不過佢每日得100個quota嫁咋喎，你試吓囉，自己跟返佢啲步驟做。服務態度差到咁真係唔會再黎！

咁岩喺附近做野，掃openrice睇Lohas新商場有咩食，發現有鼎王麻辣火鍋，當年好鍾意睇康熙來了記得小S有介紹過話川丸子超級超級好味，於是聽到鼎王嚟香港開分店嘅消息都好開心，咁岩喺附近食lunch就買左個麻辣鍋外賣食。落單等大概15分鐘有得拎，我去咗附近嘅fresh超市買野飲。拎到後行5分鐘我就打開嚟食，仲係好熱辣辣而且粉條同湯分開左唔會索太耐。唔知係咪外賣嘅關係，湯底係微辣溫和嘅辣好易入口，完全稱唔上香（我係落曬芫荽同蔥嘅，後來再落埋成盒醋），都係唔夠香，然後湯底包左鴨血、豆腐同我點嘅蜂巢豆腐又係失望唔夠入味。至於小S大力推薦嘅川丸子卻係好普通好平凡嘅肉丸仔，稱唔上好新鮮/彈牙/特別餡。牛肉又係好普通嘅牛肉，唔重牛味肉質唔爽彈粉條當然唔會有問題，可惜湯底普通都有索到咩味…..總括嚟講，我會想買盒老媽拌麵嘅鴨血寬粉返屋企煮，今次食鼎王係有啲失望，可能係期望過高。鼎王好細心將粉條同湯分開確保唔會索到過咗龍。包裝得好企理，醋、芫茜、蔥同分開袋裝，非常細心。坐喺舖頭門口等外賣時見到嘅風景，睇到一忽仔海景，都唔錯。午市時間門口好大個餐牌關於私家鍋。