影片
營業時間
今日營業
06:45 - 00:00
星期一至日
06:45 - 00:00
以上資料只供參考, 請與餐廳確認詳情
牛頭角龍城冰室 下午飯套餐羅宋湯味道普通帶微酸辣，蔬菜及牛肉味稍淡，有少少似中國嘅酸辣湯。酸菜魚鱸魚肉滑皮韌，酸辣開胃，川椒辣椒加埋一齊食好惹味，做得幾出色，酸菜味淡缺乏酸味，伴碟裝飾夠靚仔，但係一定要食得辣先至好落單。五香牛雜五香味濃鹹味足夠，牛腸口感強烈充滿濃郁油脂味，粉嫩軟腍。金錢牛肚炆得稍腍冇煙韌爽口感覺，牛蒡粉嫩軟綿綿甘香味十足，牛肺缺乏口感，整體五香味道豐富，牛雜汁撈飯相對較味鹹。焗芝士咖喱牛筋腩椰奶椰汁味香濃滑，咖喱香氣撲鼻，帶微微辣，雖然要等長啲時間烹調燒焗，但係上枱熱辣辣，薯仔索咗椰汁咖喱夠軟腍入口溶化口味一流，藉得一試嘅午飯套餐。鹽焗雞飯味道鹹香濃郁，雞肉軟腍腍有雞味冇柴皮，砂礓汁稍為過鹹，白飯軟硬度適中。紅豆冰甜味足夠，紅豆軟綿奶香味濃滑溜，紅豆量足夠，係一杯好出色嘅紅豆冰。餐廳好多顧客幫襯，我哋一行五人都俾咗一張U型大餐枱，進餐時寬敞舒適，裝修一般普通。杯碟碗筷清潔乾淨，店員非常忙碌，但都應對有禮貌。餐牌價錢比一般茶餐廳略高。
繼續閱讀
本人1月5號星期日晚上9:10左右，到九龍灣龍城冰室，我在入門口左手邊第二張枱，當時有一位女服務員在執枱，企了很久也沒執完，原因是那位服務員只顧着與收銀櫃的同事叫糖水食，又話要叫地茂館糖水，又話乜嘢糖水乜嘢糖水，其實有沒有理會顧客站着等她執枱！之後我叫了當天的鱸魚晚餐，已經點了中湯及凍檸茶少甜！過了一會，那個服務員告訴我。沒有鱸魚，要轉䱽魚，我問他什麼價錢，她說一樣價錢，那我便回覆可以！之後一直等，等到有其他客人坐在我對面，他的餐也到了，我還是沒有，然後我才知道那位女的服務員一直沒有幫我下單，我真的很不高興，之前還推薦朋友到這間茶餐廳，我以後也不會再來！我回去找櫃檯的女士問，剛才那個服務員叫什麼名字，和你一直談論吃糖水的那個？但他不願意說，又表示不知道現在市場競爭大，這樣的服務真是不行！
繼續閱讀
第一次入呢間龍城幫襯, 本身只係想同老婆嚟試下係咪有合作個華田系列, 入到去叫餐都冇咩事. 點知想要杯水就出事.因為見坐嘅個張枱冇壺水又冇杯, 而隔住條嘅走廊其他枱就有, 於是就叫返落單個男侍應問可唔可以要兩杯水.我: 唔該可唔可以要兩杯水?男侍應指住第2張枱, 已經有少少"起鋼"feel: 個到咪有囉? 我: 個啲隔離枱我唔好意思拎, 有冇得俾一壺我自己斟?男侍應指住比較遠嘅地方講: 個到有呀! 你自己去拎啦! 我唔會幫你斟架!香港地冇服務咩都自助已經見怪不怪, 不過拎住啲佈部規條當自己係大帝就算係少見. 側面又再反映香港經濟唔算好差, 唔爭我一個半個客.
繼續閱讀
九龍灣街坊茶記，選擇好多，野食熱辣辣，有鑊氣。普通五十幾蚊食個飯，包配湯，唔洗加一。晚市套餐包野飲七十幾蚊左右，d 小菜都幾出色，兩小口食飯/ 一家人4/5個人都可以照顧到。不過繁忙時間通常都等得比較耐，好多外賣訂單。老公最鍾意食佢既福建炒飯，話有汁易餸飯。配料有用上雞肉，雜錦海鮮，翠玉瓜同蝦仁，調味適中，唔會太鹹。欣賞佢個炒飯底，蛋絲同飯粒粒分明，炒得好乾身，大大碟，好抵食。另外今日試左個XO醬海鮮粉絲煲，不過就普普通通。粉絲炒得太乾，冇咩XO 醬味，海鮮有兩塊魷魚一復青口，兩隻蝦同一塊魚塊（兩隻麻雀size），另外有啲椰菜鋪底。上菜以為熱辣辣，但係食落只係暖暖哋，煲熱煲唔熱。餐仲配一碗白飯，基本上都食唔到一半，因為食粉絲已經飽咗。茶餐廳基本上就唔期望有咩服務態度，只可以話暫時未有太差既體驗。同埋只收現金呢個做法都真係幾唔方便，如果可以增加其他付款方式就好了。
繼續閱讀
冰火菠蘿油 個包係凍嘅 牛油連溶都唔識溶仲衰過去麵包舖買 其實咁簡單嘅野 只要熱同keep到脆 都做唔到 不如執咗佢算啦！ 香港地道食物都做到咁！ 唔好學人開冰室 開間面包鋪就算啦！ 真係好差，其實真係咁難嘅整嘅，不如唔好賣，都唔知係侮辱緊個客，定侮辱緊自己個招牌！！個面係淋嘅！個牛油連少少溶都做唔到！要做到咁難食都幾難得！係有啲料到🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃😘🙃🙃🙃🙃
繼續閱讀