龍城冰室

營業中

休息中

第一次入呢間龍城幫襯, 本身只係想同老婆嚟試下係咪有合作個華田系列, 入到去叫餐都冇咩事. 點知想要杯水就出事.因為見坐嘅個張枱冇壺水又冇杯, 而隔住條嘅走廊其他枱就有, 於是就叫返落單個男侍應問可唔可以要兩杯水.我: 唔該可唔可以要兩杯水?男侍應指住第2張枱, 已經有少少"起鋼"feel: 個到咪有囉? 我: 個啲隔離枱我唔好意思拎, 有冇得俾一壺我自己斟?男侍應指住比較遠嘅地方講: 個到有呀! 你自己去拎啦! 我唔會幫你斟架!香港地冇服務咩都自助已經見怪不怪, 不過拎住啲佈部規條當自己係大帝就算係少見. 側面又再反映香港經濟唔算好差, 唔爭我一個半個客.

九龍灣街坊茶記，選擇好多，野食熱辣辣，有鑊氣。普通五十幾蚊食個飯，包配湯，唔洗加一。晚市套餐包野飲七十幾蚊左右，d 小菜都幾出色，兩小口食飯/ 一家人4/5個人都可以照顧到。不過繁忙時間通常都等得比較耐，好多外賣訂單。老公最鍾意食佢既福建炒飯，話有汁易餸飯。配料有用上雞肉，雜錦海鮮，翠玉瓜同蝦仁，調味適中，唔會太鹹。欣賞佢個炒飯底，蛋絲同飯粒粒分明，炒得好乾身，大大碟，好抵食。另外今日試左個XO醬海鮮粉絲煲，不過就普普通通。粉絲炒得太乾，冇咩XO 醬味，海鮮有兩塊魷魚一復青口，兩隻蝦同一塊魚塊（兩隻麻雀size），另外有啲椰菜鋪底。上菜以為熱辣辣，但係食落只係暖暖哋，煲熱煲唔熱。餐仲配一碗白飯，基本上都食唔到一半，因為食粉絲已經飽咗。茶餐廳基本上就唔期望有咩服務態度，只可以話暫時未有太差既體驗。同埋只收現金呢個做法都真係幾唔方便，如果可以增加其他付款方式就好了。

冰火菠蘿油 個包係凍嘅 牛油連溶都唔識溶仲衰過去麵包舖買 其實咁簡單嘅野 只要熱同keep到脆 都做唔到 不如執咗佢算啦！ 香港地道食物都做到咁！ 唔好學人開冰室 開間面包鋪就算啦！ 真係好差，其實真係咁難嘅整嘅，不如唔好賣，都唔知係侮辱緊個客，定侮辱緊自己個招牌！！個面係淋嘅！個牛油連少少溶都做唔到！要做到咁難食都幾難得！係有啲料到🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃🙃😘🙃🙃🙃🙃

為什麼香港人越來越多人北上消費，因為香港嘅飲食業越做越差早幾年一想起乾炒牛河，就會想起龍城冰室，因為好食過酒樓。今時不同往日，下午茶時段吃過炒牛河，以後都不會再去光顧，龍城冰室一向都是環境衛環境差，店內職員大哥大嬸服務態度差也不在乎，但是今日乾炒牛河不是即叫即炒，也不介意，味道很鹹沒有翻熱，為什麼這些白色爛膠碟還要放牛河，顧客用餐時容易受傷，實在令人很難受！這就證明龍城冰室無管理無制度，無心經營！

夜晚有宵夜餐牌，但冇比客睇，然後個女侍應假設個客知道有宵夜餐牌，話返個客自己唔問佢拎。態度惡劣，呢啲人唔應該係樓面出現。比貴左錢，仲要比人話，都唔知我服務佢，定佢服務我。

每次同朋友喺九龍灣打完波都唔知食咩好嘅時候，去咗龍城冰室去食佢個雙人餐。我就嗌咗個黑松露炒蛋同埋啫啫雞煲。首先講呀黑松露炒蛋，食得出佢個蛋落咗好多牛油，非常軟滑，食落仲有好大陣油香，而佢嘅黑松露味都好突出，對於我嚟講我係非常之鍾意呢一道菜。因為本身我就我鍾意食黑松露。所以呢個菜會做得非常之好。而啫啫雞煲反而就冇咁出色，調味適中，但唔夠熱。 份量唔係好多。 反而有啲失色。 整體嚟講就不過不失。配埋兩個飯其實都會飽嘅

係咁的…當日叫兩個下午茶( 焗豬扒飯) 來到嘅焗豬扒飯 及熱狗…🧐🤔焗豬扒飯啲豬扒 近骨位置🤨 係生嘅🧐…( 因為個焗豬扒飯係小朋友食)..佢生同熟嘅定意…識鬼咩 ~( 直至到我吃佢一件/攞去嗰舊連骨 嘅豬扒一咬落去..先知道係未熟. 「📸有相為證」.~ 吾連骨嘅 豬扒肉部份..小朋友都已經食曬😲) 奇怪豬扒飯啲豬扒唔係煎好 …🤔先焗㗎咩 煎塊豬扒.…都煎吾熟….就咁出比客😠…. 點搞呀😲… 個所謂熱狗王. 條腸唔熱嘅…😟 一味多芥辣同埋茄汁 原來 (混響就熱狗王嘅特色)😲環境我都可以接受(預左)因為下午四點鐘時段…唔係太多人吃下午茶 店員態度其實都係比較🤭🥱 懶散 (可能係收工啦)我舉咗手好耐先至有人.望一望幫我落單 呢啲我都可以接受(只希望啲 食落肚嘅嘢有水準) 估吾到 咁簡單嘅食物/ 好睇唔好食/😤( 自己返屋企吃好過)越做越衰. …香港飲食業…真係從此沒落？？😖😖😫

食早餐點太陽蛋，隻蛋既蛋白生勾勾鼻涕咁，好聲好氣講唔該叫阿姐拎番廚房煎多兩秒，阿姐就開始發癲，用極惡劣語氣話太陽蛋一定係咁生！唔肯翻煎！話廚房好忙唔得閒理你！由於佢態度極差，所以我大聲問佢到底換唔換，跟住收走碟蛋叫我食就食，唔食就算，成間餐廳都睇住佢發癲式罵我。及後有個態度好好既阿姐黎打圓場，叫我地換煎蛋，我唔想難為呢個阿姐，所以換左。問阿姐剛剛態度極惡劣既同事叫咩名，阿姐話佢係經理，阿姐唔敢得罪個惡同事，唔肯開名。呵呵，原來係經理！之前新聞話茶餐廳d阿姐好惡，我都唔信，今日總算見識見識。

（九龍灣）福建炒飯夠曬多汁👍🤣🤣呢個星期食幾次好味到我又食唔厭😝不是三色豆，係紅蘿蔔同翠肉瓜粒有蜆肉嘅。。同埋啲小海鮮$62 including iced tea

晚上10點去食野，叫左個海鮮菜煲，等左廿分鐘都冇上菜，問個職員想睇下係咪漏左單，佢入都唔入廚房就叫等下啦，多單呀，我等多五分鐘都冇黎咪cut單走人，都唔知佢有冇煮緊。跟住個煲突然出左黎，我都去左比錢緊係唔食啦，個呀姐話唔等得唔好叫啦，你咁嘥晒d食物。咁我見等到人地遲過我座底既炒粉面到晒我都冇，實覺得漏單嫁，呀姐又唔肯幫我睇下廚房，唔通繼續等咩。

行完山諗住就近搵嘢食，由落單開始已經無店員嚟，叫咗成5分鐘先有人行過嚟，仲要落錯單，聲大夾惡咁話翻你轉頭☺️明明餐牌寫住凍飲+$3，張單變咗+$9，問翻店員鬧翻你轉頭話落單嘅時候提咗你要加錢🙂絕對無下次，餓死都唔會入嚟🙄如果想貼錢買難受，歡迎幫襯呢間嘢😇

心血來潮嚟到呢家食肆，決定要嚟點酸辣刺激下味蕾。酸菜魚挑戰咗紅湯底，齋睇已經覺得過癮！湯頭嗌酸嗌正，魚肉細滑無腥，同酸菜嘅合拍，真係滿足到我嗰種微辣嘅渴望。隔籬桌嘅人都忍唔住望過嚟，概則唔簡單呀。隨便一豪撈，白飯都變咗酸菜香氣四溢嘅容器。今次食嗰家，真係讓我感到食物嘅美好。轉個頭，來小試牛刀嘅芝士西多士，外皮炸到脆口香脆，裡面嘅牛油芝味豐富，趁熱夾塊入口，簡直好過癮。好似踏入咗甜蜜嘅罪惡深淵，夠哂口感同層次。平民化嘅價錢，享受到嘅呢個滋味，真係絕妙！今次嘅食記，彷彿就係一場平凡中嘅小確幸。喺煩囂嘅生活裡面，有時真係需要咁嘅一餐，為自己充充電。🍽️✨🎉

放工食乜好～今日嚟到九龍灣搵嘢食 經過見到幾多人就入去試吓🤓店內裝修估唔到都幾靚👍🏻我哋食到一半已經截咗單 但係keep住都好多人想入嚟🌟乾炒牛河 $51牛肉大大塊 夠鑊氣 上枱熱辣辣 河粉分明之餘都唔會太油膩 啱晒我呢啲鍾意食炒河粉又唔鍾意食咁油嘅人🤩🌟龍城炒米粉 $51份量超多 兩個人食到夠 配料方面有叉燒 蛋 肉仲要有2隻爽口彈牙嘅大蝦🦐米粉炒得非常乾身🥰🌟涷檸茶+3好出色嘅凍檸茶 夠多冰 茶又唔會太澀同太濃🌟熱華田（free）阿華田味道就較淡 濃啲會更好🫣📍龍城冰室✨牛頭角牛頭角道55號利基大廈地下C號舖

我喺外賣平台叫外賣自取，揀咗即時拎，app上面寫咗要等20分鐘。我準時去到餐廳但係未見到我嘅外賣，我企喺餐廳入面等咗10分鐘都冇任何員工主動問我外賣號碼。之後我問咗其中一位員工幾時會有，佢話「焗意粉冇得吹㗎」，完全冇幫我睇吓有冇漏單，亦都冇同我講要等多幾耐就走咗去。再過多5分鐘，我問第二位員工，佢好唔耐煩咁用對講機問咗廚房，問完之後亦都冇俾任何答覆我。最後個外賣比原定時間遲咗20分鐘先比到我，佢哋一句唔好意思都冇講過，仲要同我講「咁你下次咪唔好幫襯囉」。呢間餐廳除咗員工態度好差之外，食物質素都唔好，我叫咗焗鮮茄豬扒意粉，啲意粉好多都燶晒，而且完全唔夠汁，好似白烚意粉咁。大家去食之前可以考慮清楚先。

唔係幾肚餓諗住嚟食少少嘢，嗌左個榴蓮菠蘿包同埋單點嘅凍奶茶，平時喺其他茶餐廳單點凍奶茶都係十幾蚊到，諗住都係茶餐廳呢間應該都係呢個價錢，落完單先睇到凍奶茶價值23蚊，個榴蓮菠蘿包一上嚟係完全唔熱，同常溫差無兩幾，個保溫櫃完全係擺設？