龍城冰室

營業中

休息中

🐾 龍城冰室 (牛頭角) 🐾-柱候牛腩米$35✔️芝士流心西多士$22✔️-柱候牛腩米:啲牛腩淋到好林，湯底就係普通嘅魚湯，不過食呢啲都係一定要落辣椒油同埋醋先正😻😻😻😻-芝士流心西多士:入面得一片芝士同埋其實佢唔流心嘅😂😂我會鍾意返普通個隻西多士多啲🤣——————————————(非專業,完全跟據個人口味☺)食物:6/10環境:8/10服務:7/10人均消費:$50———————————————▪店舖名稱: 龍城冰室 (牛頭角) ▪店舖地址:🔸 牛頭角牛頭角道55號利基大廈地下C舖 -----------------------

在10月10日當晚，跟睇戲朋友走到九龍灣淘大 UA cinema 睇 <雙子任務：叠影危機>，並慶祝他生日！由於，他當日放假可早到，讓他先找出心水餐廳吧！他認為淘大商場無咩啱食！因為我不熟路，他約我在淘大商場附近路口等我，他帶我去一間近住馬路的 <龍城冰室>！我們兩人被安排到大方枱跟另外一對夫婦搭枱，反而，無安排到較後位置的大卡位！打開餐牌，大致上，晚餐幾十$ 已有交易，他真的錫住我銀包呢！ 況且，應該上得快，可配合我們飯後睇戲的 schedule 呀！兩樣美食同時間送上！招牌石鍋鮑魚蝦球炒飯 $72熱辣辣香噴噴的石鍋鮑魚蝦球炒飯，有多粒鮑魚仔及好幾隻蝦球，炒飯色澤均勻，還不會炒得太乾，鮑魚仔有彈性，蝦球食落爽口有鹹味！ 食到尾仍出煙，保溫度高！招牌海龍皇鐵板炒麵 $71他選擇的招牌海龍皇鐵板炒麵，賣相色彩繽紛，惹人垂涎欲滴呢！海鮮包括：蝦、蟹柳、青口、魷魚，還有花膠、冬菇...等，鮮味滿載，炒麵質感好似肉絲炒麵那種雙重口感，好正！

約了住附近的朋友吃個下午茶，他非常推薦龍城冰室，雖然九龍灣很多美味餐廳，但朋友說龍城的比較經濟，而且份量足夠，味道也不錯。既然他讚不絕口，我就即管試試啦 。下午茶時段人流也很多，我們在店外等了十多分鐘，然後店員為我們量體溫再安排座位。店內衛生防禦做到足，每張枱都有分間板。餐牌選擇算多， 各式各樣的都有，粥粉麵飯，任君選擇。我點了鐵板海鮮炒烏冬配料熱朱古力，我特別要求濃味一點。 份量果然夠大，海鮮配料一點也不吝嗇，哪裏像下午茶的份量呀？ 不過炒烏冬始終比較油膩， 沒關係，好吃就行了 至於杯朱古力，我沒有特別加糖，覺得都夠味道。雖然餐廳很多人，但不會覺得很迫，下次經過一定會再來呀~

呢間茶餐廳好大好多卡位坐得幾舒適,門口又有好多新鮮熱辣出爐麵包,坐下當然睇睇餐牌有乜好食啦,見到一個餐牌幾特別寫住孖寶,從冇諗過茶餐廳會有孖寶叫,孖寶是自選兩款小菜加兩個湯兩個白飯,老公話想食蒸魚~我就細細聲同佢講呢度蒸魚新唔新鮮呀,有個肥姨侍應生好熱情問我們想食什麼,於是老公就當然問蒸魚得唔得啦姨姨話一定新鮮,我們就叫了豉汁蒸倉魚生炒骨一中一西湯,生炒骨先到好香份量亦唔細味道係出奇的好食,出面脆卜卜入面唔會係用肥肉超正,真的好過好多小菜館,蒸魚都好新鮮蒸得剛剛好,我同老公講一定要再來試其他小炒

早左放工同同事黎食個下午茶，估唔到三點都見門口企滿人，原來排隊探熱先可以入座，啱嘅，大家都安心啲嘛。全場爆滿嘅關係，要坐到最後的枱，原來間餐廳咁深㗎。店員好快送上熱水，正好用黎洗洗餐具。點左兩份下午茶，餐飲要左凍利賓納同熱檸茶，哈哈，分左兩塊檸檬過去變凍檸賓。呢度個下午茶好搞笑，居然可以配燒賣牛肉球等，啱晒喎，可以食多幾款野。叫左福建炒飯，雖然細細碗，但好足料㗎，哈哈，加上個汁超好撈飯呀，飯底要係炒底黎，成碗都好合味，正呀。加配的燒賣不過不失，加啲辣椒油都好好味。朋友點了芝士西多士，即炸的熱辣辣。芝心雖然未到好澎湃，但都有芝士流出黎㗎。外脆內軟的西多，甜甜的糖漿加上鹹鹹地嘅芝士又好夾喎，一食停唔到口呢。噹噹噹~呢個係非一般菠蘿包，唔好睇佢個樣咁平凡，佢係有榴槤餡的！！同朋友都係榴槤控，見到梗係要叫黎試下，脆脆的菠蘿包面，加上又香又甜的榴槤餡好正呀，陣味都好勁添呀，不少食客回頭望，哈哈。食飽飽，約每人四十幾蚊。餐廳內，睇門口真係估唔到個舖咁大。

放工後來淘大花園附近既波鞋outlet shopping, 順便食埋個dinner 先走，見<龍城冰室>好旺場，便入去試下。羅宋湯: 湯夠熱，入面都有好多什菜，味道夠濃，不太辣。牛油豬仔飽: 跟扒餐可以加$8要豬仔飽，個飽都吾細，個皮微脆，入面軟身，飽上面塗左少少牛油，配羅宋湯不錯。鐵板板燒和風嫩牛柳焗薯: 牛柳比較薄身，不過煎得好香，而且牛柳肉質都算嫰，冇根吾鞋口，好淋身，配合埋微甜既日式燒汁，都幾惹味好食。焗薯: 焗薯焗到好綿好淋，配有少少沙律醬，如果可以再提供多d沙律醬會更加好味。照燒汁紅酒燒汁雜扒: 雜扒就豬扒，牛扒，雞扒，腸仔，煙肉都有，以港式什扒來講，肉質都不錯，牛扒同豬扒都吾韌，醃得幾惹味，係食肉獸至愛。熱奶茶同凍奶茶都正常。餐廳食物種類好多，除鐵板外，仲有常餐，粉麵飯，連中式小菜都有，價錢吾貴，實在不錯呀!!~難怪晚上都有吾少街坊客幫襯啦!!~

📸 瑞士雞翼撈公仔麵🍗 配牛乳炒蛋🍳📸 乾炒牛河 📸 煎蛋免治牛肉飯⠀⠀⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀⠀⠀⠀⠀🌅 中午時份好多人⛄️ 入去之前要量體溫🌡 多人到要搭枱💁🏼‍♂ 但💭

平時既茶餐廳嘅選擇好多，有好多個國家既菜式。而呢間龍城冰室，選擇仲多，意粉鐵板焗飯小炒咖哩等等既每個種類既菜式都有好多款唔同既選擇，例如中式小菜都有幾十款，真係乜嘢都有得食。唦嗲蝦球粉絲煲，幾足料，蝦球幾大隻，好爽口。入面除左粉絲仲有青紅椒同菠蘿，但味道就偏咸，太過濃味。帶子炒菜芯，69蚊，味道唔差，唔會太多油，但份量就唔算太多。同埋啲侍應姐姐好好人，服務態度幾好，好好傾，會主動買來介紹俾你知有咩好食。

平時係屋企煮飯都係整D簡簡單單既餸，因為時間唔多又廢是麻煩。如果係出面食，有時都想食番D家常小菜，清清淡淡又健康。晚市有小菜孖寶套餐，148蚊有兩個餸有飯有湯，都唔算貴，最好既係仲有好多菜式可以選擇。揀左中湯，係霸王花煲豬骨，味道唔錯，唔會係好重味精嗰種湯。豉汁蒸倉魚，條魚都唔細，魚既肉質都幾好唔會話蒸得太過火，清清地唔會好多油。仲叫左個紅豆冰，有超多紅豆，紅豆佔三分一杯。下次叫多d朋友去就可以試多幾個唔同既餸啦。

喺九龍灣淘大花園商場買完嘢嚟咗呢間港式茶餐廳食下午茶，入門口時諗住搵位坐，點知比個侍應係門口截住咗，原來佢要幫我量一下體温，後來發現佢要求每個客人入去之前都要係門口先量體溫，咁嘅規矩係而家非常時期都係好嘅，大家健康都係好緊要👍。叫左干炒牛河(三十九蚊)同埋熱奶茶☕️。干炒🐂河上枱時熱辣辣，同埋我發現碟上面冇乜油，唔會好似外面餐廳嘅干炒牛河炒到油淋淋咁，仲有就係呢度碟干炒牛河有好多牛肉片，呢個真係意外驚喜，因為冇諗過茶餐嘅碟頭嘢都落足材料同埋火喉十足😋。其實頭先入餐廳時喺門口玻璃櫃見到啲芝士撻幾靚仔，所以最後決定叫一件嚟食吓($11件)，上枱時只係微暖，如果熱辣辣就好了，不過好在入口好creamy。

而家疫情嚴峻，人人都減少出街食飯為妙。今日同屋企人真係忍唔住，都要落街食飯散下步。媽咪話打邊爐又話有機會傳染肺炎，又話唔好食。咁岩屋企樓下間龍城冰室野食多款式，近近地就佢啦！我地食夾餸飯套餐～叫左幾個餸一齊食。蒜蓉煎蟶子～蟶子大隻又厚肉，粉絲索哂豉油同蟶子嘅汁，鮮甜好味，撈飯一流！川辣鮮海中蝦～蝦肉結實條，調味超香口，超級開胃豉汁蒸倉魚～魚肉鮮甜，無腥味，熟度剛剛好！豉椒同豉油簡直係絕配，送飯一流！

次次由港鐵站行去淘大花園都會見到好顯眼既餐廳牌，今次咁啱嚟開九龍灣終於有機會入去食個dinner。餐牌有好多選擇，中式西式甚至馬來西亞都有。朋友叫咗鐵板餐 - 蒜蓉羊架拼香草腸配蒜蓉汁 ($103) 送熱飲 (熱檸水) +明火例湯，今日有節瓜章魚煲豬骨湯同羅宋湯，豬骨湯味道清淡，唔會太重味精味。羊架煎得啱啱好，大概七成熟，食落去有少少羶味不過可以接受，肉質鮮嫩又juicy，好易入口。腸仔就正正常常，欣賞菜嘅份量多，感覺上健康啲xd而我叫咗馬來咖喱 - 咖喱斑扒飯 ($61)。呢款咖喱唔會太辣，魚質亦好嫩滑，份量都比想像中多，撈飯一流！見到餐廳最近都做緊啲優惠， 幫襯$180以上就可以用$48食到高質小菜。總括而言係一間性價比高嘅餐廳，選擇多價錢又合理，一定會再嚟幫襯！

#tastytommy良心食店 (雖然之前有指員工批評示威者 但老闆係黃 有派飯劵支援手足💛)當全世界排緊龍門冰室既時候 我就食左龍城冰室🤪 大家差唔多名 又係黃店 無所謂啦!芝士汁焗海鮮飯 $55香噴噴既焗飯好吸引🤤 海鮮有兩隻青口 帶子 魚柳等等 味道同份量都正正常常👌🏻 如果芝士汁再香濃d就更加正! 另一碟焗飯要左菠菜汁都唔錯😋芝士流心西多士 $22裏面只有薄薄一片芝士 唔流心 味道亦一般唔算好香😌滷水豆腐雞翼+肉燥飯 $36好頹既下午茶餐🙈 滷水豆腐 仲有瘦弱雞翼+肉糜撈飯 媲美canteen劣食

經常 放工 嚟呢度食宵夜， 今晚同老婆食咗個 宵夜餐31號肉醬意粉轉飯， 有位好高嘅哥仔幫我落單， 點知食物呢到冇轉到飯畀咗個意粉， 冇問題咁我叫返個位waiter過嚟幫我 換番， 佢一句話冇得換31號係冇得轉飯，我同佢講我每個禮拜都嚟食宵夜我成日嗌呢個點會冇得轉，佢都係話冇，算數，食緊嘅圖中嗰位男waiter仲喺附近係咁講粗口， 聽到都冇曬胃口 ，我食完埋單同個阿姐講，阿姐話點會冇得轉飯，ok決定咗上openrice寫。 以後唔會再去呢間冇禮貌冇service嘅地方食飯。

年初一早上收通宵，與戰友相約早餐，開門的是連鎖餐廳或茶餐廳，選了呢間茶餐廳，不用等位，門面大，有麵包部，入內地方幾大，以卡位為主，座位唔迫，早餐是茶餐廳早餐，店員極速幫我哋落單，真的5分鐘都不用，食物飲品都到齊！餐具在餐枱櫃桶內！雪菜肉絲米粉（$33）雪菜都幾多，微鹹唔老，肉絲我無食，米粉幾滑，湯底幾濃，鹹香好味煎蛋多士（跟餐）煎雙蛋，蛋白幾嫩滑，蛋黃撈湯食，多士烘過放到淋咗，雖然面唔脆，麵包都鬆軟唔乾！ok熱檸茶（跟餐）茶底濃而唔澀！幾好同事食：歐陸早餐（魚柳）（$37）歐陸早餐（豬扒）（$37）熱檸水（跟餐）燒賣拼牛肉球（$10）燒賣（$7）食物正常，店員勤快，勤快到一食完某一樣食物就會來收走（當然每次都有問過先收走）所以幾騷擾！初一有15%附加服務費用