龍鳳冰室 (已結業)

一向對冰室茶餐廳情有獨鐘好中意食茶餐快餐類俾人感覺係頹餐嘅野食👍🏼每次去龍鳳都係order呢個爆辣肉鬆黑椒雞扒粟米蛋意粉唔好俾個名嚇親其實我覺得只係加左d辣粉連埋黑椒粒所以有種入口辣辣地嘅感覺但絕對唔係爆辣肉鬆加落塊雞扒到呢個combination其實幾新穎因為雞扒本身肉質多滑配埋個肉鬆有d對比食落似有少少脆加肉咁個人好buy呢個配搭不過就真係見人見智啦有d人或者會覺得肉鬆好痴喉嚨(PS 每蝶有兩塊雞扒 男人都會夠飽)最後講下個蛋雖然唔係主角但龍鳳嘅滑蛋真係好好食炒得夠滑又唔會太油不得不讚👍🏼

呢間餐廳同同事食過幾次，每次我都食唔晒一個餐龍鳳頂級豬扒飯/意粉 $62份量好大份，豬扒一塊煎，一塊炸，唔會太難咬同鞋口，炒蛋旁仲有啲茄汁蓉令到個飯冇咁dry，但係我一個人食左半個飯同一塊豬扒已經好飽🙈，侍應都問我洗唔洗打包拎走😂😂😂😂炭燒肉鬆雞扒飯/意粉 $58覺得呢個意粉比上面既豬扒更好，因為有我中意既肉鬆，如果多啲就更好😛😛😛雞扒都係有2塊，勁誇張😳，而且又大塊，我又係食一塊就飽🙈對於大食既人黎講，都算幾抵食既😂😂

因為要ot就行到落嚟食個夜晚，咁見龍鳳中午都好食就入去試下啦。原來夜晚有d平價特餐，價格唔過50蚊，仲包野飲添，所以揀左個肉燥雞扒跟熱檸茶，先48！灣仔數一數二咁平其實。不過相比其他餐特餐就比較細份，當然女仔食都未必食得哂，但男仔可能會唔夠！雞扒有一塊，幾厚身，惹味嘅，冇雪味而且！肉燥汁好多，小小咸咁啦，不過撈飯還可以！仲有好多粟米粒做topping!! 如果有番d菜就好d啦，而杯熱飲真係好細杯，一下子飲哂。

一個史上最酷熱的星期日，逼完動漫節出來覓食，最想就是找個地方坐坐飲杯冰凍飲品，途中遇到「龍鳳冰室」被它吸引著，見到門面的餐牌係食一些簡單快餐，心想只是想求其食個茶餐廳下午茶應該還可以吧，當坐下細看餐牌發現款式比一般茶餐廳還少，最後還是選了「神級XO沙嗲牛肉湯麵」及「神級XO牛坑腩撈麵」。抱著真想看看會有多「神級」的心態😅，結果.....我可以說我不會再被它騙第二次了😞，牛肉是切絲狀的，重牛味、有根、口感靭，沙嗲味道像「華園沙嗲牛肉條」那類加工食品的味道，麵條普通，不過$34跟飲品價錢很實惠。至於另一款「神級」食物，牛坑腩撈麵，本來配搭已經怪，但我對撈麵總是情有獨鍾🤤，可惜...我突然好想食自己煮的營多撈麵😭，牛腩不是配湯所以很乾，撈麵淡淡的沒有甚麼味道，整個麵沒有醬汁很乾，$46餐跟飲品，相對湯麵貴了些，重點不好吃。

呢間冰室嘅炒滑蛋真係唔錯，基本上好多餐都包炒滑蛋。就好似呢個龍鳳特餐，將滑蛋夾係菠蘿包入面一齊食，正不過略嫌菠蘿包唔夠外脆內軟。而秘制雞翼就好似滷水汁加瑞士汁咁，味道偏咸左D。奶茶都幾奶滑茶香，最鐘意港式奶茶龍鳳豬扒配左滑蛋，醬汁係蕃茄汁，好似食緊蛋包飯咁豬扒係一煎一炸，所以叫龍鳳豬扒我比較鐘意食煎果塊。雖然炸果塊都唔係炸得好乾身，有少少肉汁，但煎果塊比較滑。而且份量都幾足！

6:30pm返學前去覓食，發覺呢度仲有下午茶餐，吾算太餓就入去呢間。負責收銀同落單既伯伯很友善，比餐牌過來會話你知茶餐係後面。點左個招牌炒蛋餐肉麵加啡走（第一次學人叫啡走😂），$30可以醫肚真抵。啡走先到，好滑，感覺良好（8/10）招牌炒蛋餐肉麵，出品好靚，炒蛋放在餐肉上，另外有好多粟米粒，望落去跟餐牌相似湯底有甜甜既粟米味，吾係例牌既味精湯底，炒蛋夠滑，唯一敗筆係餐肉，太咸了，縱使煎得香脆也扣點分數，可能做三文治會適合一點。（6.5/10）

十二點係灣仔區食飯真係好難揾位，行來行去都係要等位⋯⋯去到依間龍鳳冰室好彩剛剛有位入了去發覺地方細都無所謂，數下數下真係可以坐到六十人真係同隔離好親密。看到一個龍鳳其中一個推介係招牌炒蛋同雞脾配飯。送到黎一看～話⋯⋯炸得咁勁架隻雞脾，而且所謂的辣就係在碟上面放辣椒醬攪咩呀⋯⋯雞脾，炸到無曬肉汁而且非常硬⋯⋯一面食飯就一面配辣椒油同粟米。而碟上面有一小杯醬汁雲耳有小小芝麻同酸酸的，而招牌滑蛋就一般⋯⋯成個午餐組合一塌糊塗。點些正常的款式會有信心的

因為在這裡附近上班的關係，龍鳳就成了我們經常吃午飯的地方，沒什麼，就是因為價格適中，味道還可以，服務周到和坐得還行。基本上每次我都是叫xo醬神級豬頸肉飯它的xo醬不會太咸，混到飯一起吃非常惹味！而神級是指其招牌炒蛋，的確是很滑和份量很足夠。豬頸肉分量也是蠻多的，其本上我都可以全部吃光 另外朋友喜歡吃它的特餐，通常都是配菠蘿包，如果是熱的會更好吃！上層不會太硬和甜，味道剛好 瑞士汁雞翼很入味，配上意粉真的很不錯

龍鳳冰室是集團式茶記，午市時段甚繁忙，既要搭枱，坐處亦十分擠迫。 一客龍鳳頂級豬扒配招牌炒蛋飯，豬扒有兩塊，一煎一炸，炸的一塊外層薄脆，效果不俗。至於煎豬扒，製作普通。炒蛋講求香滑，烹煮的心機與耐性決不可少，在午市講求速度的時段，大量製作實難以做到香滑效果。飯品以茄醬作汁，口味偏酸。凍檸茶茶底不俗。龍鳳冰室作為一間快餐茶記，大體上交出應有的水準，午市速食並無不可。

係附近參加seminar，午飯時間周圍都多人，見呢間好似裝修得幾有感覺就去試試。因為自己一個，所以雖然門口排滿人，都可以啱好直入有位。招牌應該都係炸嘢（？）炸髀炸雞扒炸雞翼，見餐牌都係呢d多。第一次食，就試招牌炸髀，應該冇伏？上到來，發現都幾大份，試試d汁，好鹹！！！！不過好在搭配返意粉同個髀，又尚算可以接受。但不得不提係個炸髀真系炸得太over了，好乾好硬，咬落鞋煞煞，真系有d失望⋯⋯而且已經炸到表面有黑色的「窿」，我覺得咁嘅水準做招牌，真系唔多得⋯⋯至於配菜炒飯，算滑；粟米，甜；涼拌木耳，其實我唔係好明白呢個組合點解會有涼拌木耳⋯⋯總體而言，只係for填肚，不過不失。

味道太赞了！是我在香港吃的味道最好的一次！12点过一点到了餐厅，没有人排队，很幸运。看到每个人桌上的饭都好有食欲，点了招牌肉松鸡头饭，饭和意面可以任选搭配，奶茶，冻柠檬茶，咖啡可以任选搭配。一开始，我选的冻奶茶，后来改成了柠檬茶，服务员态度很好的同意了。鸡肉太好吃了！我觉得比任何米其林推荐的都好。吃完出来，看到已经排了长长的队

今日黎到灣仔lunch，呢區都有好多野食揀，我又想食茶記，朋友就揀左呢間龍鳳冰室！見到店內相片，都有好多明星黎食野架～肉燥雞肉串意粉＄62份量都偏多，有滑蛋、粟米、肉燥同.....最重要既雞肉串！雞肉串醬汁偏甜，灑上芝麻，齒甲留香。XO滑蛋牛肉飯＄55見餐牌想有火辣辣標誌，滿心歡喜期待著。可惜，只有少量辣油，完全食唔出XO醬。牛肉其實係牛柳絲，有口感不過冇咩味。滑蛋就最OK！份量十足。其實我叫左少飯，但上檯仍然好大碗飯，最後真係食唔晒。

今天來灣仔合和中心辦事 辦完事後行往地鐵站途中 看到一間冰室 突然心思思 想飲紅豆冰龍鳳冰室 咋看名字總覺得有點熟悉 剛查看之下才發現原來有多間分店 難怪熟口熟面進去表示想外賣一杯紅豆冰 老闆告知他們沒有售賣普通紅豆冰 只有雪糕紅豆冰走雪糕價錢也是一樣由於昨晚小妹吃自助餐時謀殺了很多雪糕 心理作用作祟 毅然決定扮健康 一於照走雪糕此時老闆再加了一句 「唔係普通雪糕 Dreyer's雪糕啵 真係唔要雪糕？」小妹理智線瞬間斷裂 走雪糕? 無呀 我無講過 要 梗係要雪糕!等候期間 左顧右盼 發現這裡似乎有名菠蘿冰 早知道試試菠蘿冰了似乎還有出名瑞士雞翼 可惜小妹已吃飽 否則一定一戰雞翼 下次有機會來試試紅豆冰很快送上 紅豆量不少未攪混前味道偏淡 拌入雪糕後味道變得很濃郁 但亦不會太甜剛剛好 非常好入口 份量亦不算小後來再到冰室旁邊店舖買東西 店鋪老闆娘看見我拿著龍鳳冰室的紅豆冰亦問我為什麼不試試冰室的菠蘿冰 她說他們的菠蘿冰傳說是用新鮮菠蘿不過老闆娘多次強調是傳說 她也不甚清楚 都是街坊說的老闆娘很是可愛看來下次不能錯過菠蘿冰

同家人去完灣仔大樓做手續，行左去條小巷仔又接近食晏所以都快快行去記得好似龍鳳冰室係個藝人開於是都入去食座位又真係比較迫,唔係太舒服不過都係想食下,是否好食睇睇時間已經沒有早餐呀餐牌係有好多選擇,睇睇個頷價錢,原來下午茶都幾抵食意粉有2隻好入味既雞翼,2片三角形火腿意粉方面又真係少左0的我都唔叫大食,.但真係唔夠食叫左個特餐,其實大部分都要60蚊呢個最特別係多士同菠蘿包2選1當然食菠蘿包食落又唔油,都唔錯少少鬆化個皮熱檸荼就OK服務都係一般,快就係快,水準都係一般般好吃

想去茶餐廳食個下午茶，去左春園街附近搵食點知兩間都要等位，見呢間都幾多人幫襯，咁啱又有位就入去試一試啦。同朋友都叫左下午茶餐，一碗麵配飲料。沙嗲牛肉麵 - 牛肉用左牛柳，都有幾多條，肉質都淋唔靭。粟米好似用牛油炒過，所以幾香。麵嘅軟硬適中，湯底加埋沙嗲汁都算濃味。餐蛋麵 - 餐肉有一大片，蛋都炒得算滑。湯底就比較淡，我要攞朋友幾匙沙嗲湯底加番啲味。凍奶茶同凍檸茶都屬一般，主要都係茶味唔夠濃。另外個人覺得餐廳可以用番玻璃杯，可以環保啲。