影片
電話號碼
92999860
附加資料
需要二天預先訂位
營業時間
今日營業
18:30 - 23:00
星期一至日
18:30 - 23:00
以上資料只供參考, 請與餐廳確認詳情
媽咪生日帶佢去左荃灣PLAZA88食私房菜😋餐廳晚餐好有特色，需要預先訂位，因為好爆場！餐廳提供獨立VIP房，私隱度高，又唔怕嘈到隔離。首先，餐廳比左餐前小食，即炸蝦片，仲要無限供應，夠脆夠香。由於我地有三位小朋友，佢哋亦有提供小朋友餐，雞湯魚蛋烏冬同瑞士汁雞翼，雞翼入味，甜鹹平衡得啱啱好。第一道菜 堂灼澳洲黑邊鮑魚象拔蚌！擺盤好有氣勢，有服務員幫手用金華火腿雞湯灼熟，灼得啱啱好，鮮嫩爽滑，口感一流。第二首菜 黑松露脆脆帶子盒，帶子鮮甜，配黑松露香氣，放係脆餅上面配搭得真係唔錯。第三道菜 三蔥炒大龍蝦，擺盤非常精美，增加食慾，龍蝦肉質彈牙，三蔥味道提升咗整體香氣。冷盤 口水西瓜，好特別嘅食法，口水汁加上西瓜，酸味中帶甜味，清新解膩，好適合夏天食、後勁再加上辣味，好創新嘅食法👍🏻之後 椒鹽汁琵琶蝦，擺盤好有氣勢！食落外脆內嫩，椒鹽味道濃郁。長腳蟹三食，上湯、蟹肉炒粉絲同椒鹽！好好味！各有特色，滿足哂唔同口味。龍王乾坤魚，起魚肉擺盤蒸、再將魚骨椒鹽，鮮味十足，而且賣相吸引，蒸得啱啱好，好滑、魚骨好香口！時令蔬菜係娃娃菜，包墨魚滑，新鮮爽口，保持住原味，而且擺盤好似花咁！秘製炸乳鴿皮脆肉嫩，香味撲鼻，小朋友食得好開心。特色海鮮麵海鮮豐富，炸過既麵條，再淋上汁料，配搭得好好味。甜品方面，楊枝甘露波波，每粒一口，外脆內包住楊枝甘露，波波口感有趣，好滿足。最後上時令水果拔絲時，仲幫我哋送上自購既蛋糕，同播放生日歌有生日牌，媽咪驚喜又開心，而且水果拔絲、成棵聖誕樹咁高，外脆內甜，誘惑滿分。餐廳服務好好，每食完一款菜就會換碟，所有食物擺盤非常精美，每次推出嚟我哋都哇哇聲，打卡一流，整體份量大，性價比高。店員話like同share佢哋嘅社交平台平日可以免加一服務費，仲免開瓶費、免切餅費，真係好抵！極力推薦大家嚟試試！之後嘅大節日第一時間考慮佢！
繼續閱讀
位於荃灣的「3A廚房」給人一種高雅舒適的用餐體驗。他們的菜單多樣豐富，每道菜都讓人驚艷不已。我特別推薦他們的堂灼鮑魚，鮮嫩多汁；泡沫帶子，清爽海味；以及黑松露芝麻汁龍蝦，濃厚的松露香氣令人難忘。不得不提的是他們的招牌菜「龍王乾坤魚」，口感絕佳，讓人回味無窮。另外，乳鴿烹調得恰到好處，金湯燴千絲清爽可口。菜脯炒飯入口香脆，時令拔絲則是完美的結尾。價格方面，每位650元的價格以私房菜來說不算便宜，但絕對物有所值。整體而言，「3A廚房」是一個值得再訪的餐廳，無論是用餐環境還是菜品質量都讓人滿意。強烈推薦給喜歡享受美食的朋友們！
繼續閱讀
話說呢間私房菜，之前朋友已經邀請過一齊食，不過上次唔得閒，今次再次邀請，終於有機會試到！餐廳嘅內裏環境骨緻，整體嘅感覺都好乾淨企理，成間餐廳分咗幾間大房，一間房嘅空間都可以好大，我哋今次一行八人，其實都坐得非常之舒適，好適合慶祝生日活動，成晚聽到隔離幾間房已經唱咗幾次生日歌。首先介紹吓個菜單先：🌟Set B2🌟1. 堂灼鮑魚2. 🛑椒鹽汁龍蝦腸粉底3. 手剁肉餅龍仔蒸蟹飯4. 橙味酒杯帶子5. 龍躉面珠燈鴛鴦剁椒🌶️6. 嫩滑肉汁乳鴿7. 金湯燴千絲8. 特色麵9. 時令拔絲🛑火焰叉燒一份$250首先佢會以鮑魚片刺身上枱，然後焯熟完個鮑魚，就會落芽菜煲湯湯俾大家飲，鮑魚爽口夠鮮味，然後就開始食主菜，我幾鍾意個椒鹽汁龍蝦腸粉底，龍蝦肉好彈牙爽口，腸粉沾滿晒成個椒鹽汁，唔會太鹹，不過有少少辣。另外，手剁肉餅龍仔蒸蟹飯都幾特別，飯嘅份量唔會太多，呢個菜式蟹蓋上嘅蟹膏，肉餅連汁又可以用白飯嚟配食，正！至於龍躉面珠燈鴛鴦剁椒，我哋當時就喺度諗究竟要有幾多條龍躉先可以有咁多個面珠燈俾我哋食呢？😂😂魚肉嘅口感好嫩滑，魚皮夠厚，最正嘅係佢放係底到索晒汁嘅粉絲，好入味！而且佢有分唔辣同辣，任君選擇。去到中間，有一個叫金湯燴千絲既小杯，其實係用南瓜湯配萵筍，可以清清味覺再繼續食！嫩滑肉汁乳鴿，都係多汁肉滑！海鮮特色麵係一個海鮮乾炒麵，麵汁會用一個玻璃壺另上，呢個略嫌海鮮味道太淡，但係份量十足。我哋額外仲加咗個火焰叉燒，一份$250，呢個叉燒係饅頭扁包配搭一齊食，幾欣賞佢有分半肥瘦同瘦嘅叉燒，都係令大家有得揀自己鍾意食嘅喜好。最後就係甜品時間，時令拔絲嘅外觀就十分吸引，亦好震撼眼球，因為拔絲拉到好高，梗係相機食先📸📸而內裏就收埋咗好多士多啤梨，再配搭絲嚟食，酸酸甜甜，有個完美嘅ending 🤪人均消費未加1，每位大概$650總括嚟講，感覺良好，成餐飯都食得好舒服，質素唔錯，會再去食！
繼續閱讀
睇社交媒體網站就有人吹到好勁好好味好靚咁，所以去試吓，扣分 :- 無咩招呼，侍應專業程度似大排檔姐姐。- 茶葉只得普洱。- 茶具只係玻璃水壺和水杯，大排檔格局。- 格局係商廈間房，廚房油煙味四散，一路都聞到陣油煙味，陣味也帶回家。- 上菜有點急，未食完就上，最多同一時間有四道菜同枱。- 食完回到家全部人都口渴到瞓唔到，味精重手咗啲掛。加分 :- 獨立房間，私隱度高，夠靜。第一道菜胡椒湯灼鮑魚，胡椒湯夠香夠味夠熱，鮑魚好薄嘅片，完全食唔出鮑魚或海鮮嘅味道，入面有兩隻蜆，食到蜆味。第二度菜，帶子棵，即係帶子湯餃，帶子餃正常無咩特別，南瓜湯夠熱夠味，但隻冬菇完全無調味，只係清水發嘅味道，嗰幾粒caviar 亦顯得寒酸。第三度肉餅蒸龍蝦蟹粉汁，肉餅無咩肉味有點鬆散無口感味度平淡，龍蝦欠調味食唔到龍蝦味，肉質霉霉哋，全碟嘅味道靠哂蟹粉汁。第四道菜，炒辣蟹，無咩特別，蟹味一般，蟹肉少少霉，與傳聞中嘅孟加拉蟹非常接近，蟹蓋咩都無，唔夠熱。第五道菜乳鴿，暫時最好味，夠熱夠味夠香夠juice第六道菜，龍躉面珠雙拼，剁椒蒸和豉汁蒸，其實即係魚頭砍件，夠熱夠味，正常味道無特別。第七度菜，花開富貴，擺明只係賣樣，係靚嘅，其實娃娃菜包住鯪魚滑，你哋會諗到係咩味道。第八道菜，欖菜葱油雞，都係賣相大於味道，可能葱油鹹香已經入哂腦，佢嘅葱油係甜甜哋，感覺怪怪哋唔多夾，家人話暫時話呢隻雞係全晚最九唔搭八。第九道菜，蒸米粉，無咩味淡淡的，嗰啲開邊蝦係凍嘅，雪櫃嘅凍，配魚蛋，眼睇到海鮮，但成碟嘢一啲海鮮味都無，亦無其他味，好似只有䜴油加糖咁嘅味。第十道菜，士多啤梨拔絲，應該有3呎高，夠睇頭，糖有玫瑰花香味。
繼續閱讀
先講讚嘅部份 「手剁肉餅籠仔蒸蟹飯」做得好🙌🏼 肉餅質地適中 肉有馬蹄粒加上肉蟹汁水令肉餅鮮味十足 榮獲當日MVP😋 乳鴿調味剛好 外皮香脆🤤 唯獨肉質輕微過熟🤫 另外菜式擺盤方面都好有排場✨ 每到上菜時大家都會「嘩~嘩~嘩~」「隻碟好長」「隻碟好大」「拔絲生果好似食神入邊嘅雙氧水加水晶膠」係十分刺激眼球👀 餐廳每枱都係獨立房間亦都免開瓶 好啱鍾意飲酒嘅朋友酒聚🍷🥂 講完讚又講吓可以改善嘅地方 「香草芥末脆脆大虎蝦 」 蝦肉彈牙亦濃蝦味 加埋脆米口感亦有所提升 但拌喺當中嘅生紫洋蔥太多太大塊🫨 咀嚼時口腔極度辛辣 都係生紫洋蔥嘅味道 完全破壞菜式平衡😕 「蟹粉粉絲焗蟹」極其濃味🦀 如果菜式名稱係「胡椒粉絲焗蟹」整件事就合理得多 胡椒味濃到加入嘅蟹粉完全冇味 會令人好奇為何要在蟹粉混集大量胡椒粉呢🤔 🔖 - 堂灼鮑魚 - 香草芥末脆脆大虎蝦 - 芝士龍蝦多士 - 手剁肉餅籠仔蒸蟹飯⭐️⭐️ - 蟹粉粉絲焗蟹 - 嫩滑肉汁乳鴿⭐️ - 椰子雞湯 - 金湯燴千絲 - 臘味飯 - 拔絲生果 $$$: ~HK$788 p.p.丨十道菜
繼續閱讀
您可能會有興趣的...