629雞蛋仔

營業中

休息中

聽人講新蒲崗有間雞蛋仔好出名 一直想試 但係一係賣曬 一係就無開🥲 有日早咗放工就去試試❗️當日係平日大概五點 但係都好多人排隊🫣 眼見範圍都有另一間雞蛋仔 但係大家寧願繼續排都唔過去 可見629真係好受歡迎🤣 鋪頭既雞蛋仔同格仔餅都好多口味可以揀！橙皮、紫菜芝麻、紅茶、粟米等等 全部都好特別😆✨烏龍茶蛋蛋💲 26即叫即整 所以要預咗要啲時間～ 雞蛋仔好香脆 比較多氣孔 茶味好出 仲見到好多茶葉碎❗️唔太甜 所以好多公公婆婆都排隊食❤️

我們今晚要出去新蒲崗搵親戚食飯，所以提前出去新蒲崗行吓掃街，所以即刻上網搵搵食資料。同伴話想食格仔餅，所以搵路去幫襯網上推介咧間629厚的格式仔餅。 排咗約25分鐘+叫完再等15分鐘，4 0分鐘後終於拿到「芝士味格仔餅」，拿前仲叫咗走糖、走奶、只要牛油，重點係我叫芝士味，所以一心諗住會收到份「咸」味格仔餅，但係⋯我收到嗰份係「冇芝士味，仲帶有朱古力酸味嘅芝士味格仔餅」，有可能之前嗰份係整朱古力味格仔餅，到咗我嗰份冇清潔乾淨，導致我收到一份咁古怪嘅格仔餅！！！最後我只係食咗四啖就頂唔順，浪費了時間、浪費了金錢，浪費了一切XYZ🚷🚷🚷咧間629，名氣大過實際，超級失望❗️❗️🈹🈹❌❌ 本⋯人⋯絕⋯對⋯不⋯推⋯介 ❌❌

區內超級有名的😋他們的雞蛋仔真的是一絕！餡料裡面有紫薯和芋頭，而且餡料是原粒紫薯和芋頭，好有口感！一咬下去，那個味道真的是讓人欲罷不能！🥔🍠真的太好吃了！另外，他們還有一款烏龍茶味的格仔餅。這個格仔餅真的是厚實又香蛋味十足！每一口都能嚐到濃濃的香氣，讓人回味無窮！🍵🍳總的來說，629雞蛋仔是一家非常棒！他們的食物口味獨特，而且質量也非常高。如果你想嚐嚐不一樣的雞蛋仔，不妨來這裡試試看！你一定不會失望的！👍👍👍

好耐冇寫食評，今次忍唔住要寫。之前已經聽過人吹奏呢間舖，咁啱嚟開呢頭做嘢就試下。食之前已經睇晒食評，見到好多人話格仔餅好食，仲見到有人話店主態度不知所謂，點知今次真係聞名不如見面。去到見到排長龍，排咗一陣聽到店主問有冇人係要格仔餅，見條隊有幾個人行出咗去，我都跟住行出去啦。我同店主講我都係要格仔餅嘅，佢就話冇啦要等啦，我就禮貌問佢我係咪而家返返去條隊度繼續排，佢就叫我返去條隊，話等陣會再叫我。呢個時候已經感覺到佢講嘢好呼喝。終於排到我，佢問我係咪要格仔餅，我就話我想要一底錫蘭紅茶格仔餅。呢個時候，店主反咗一下白眼，隔離嘅女店員就話我叫嘅時候要講埋咩味。下？乜我之前有叫過咩？你頭先話等陣會叫我嘛，我覺得我依家先係正式落order喎。就算真係溝通問題，都唔使喺客人面前反白眼掛？我同佢講係佢頭先叫我繼續排隊，話一陣會叫我，店主就用質問嘅語氣問我咁而家要原味O唔OK呀。我話唔OK。但係後面太多人，我選擇咗唔同佢繼續嘈。我企埋一邊等，見到佢兩個喺入面望住我係咁講嘢，似係繼續鬧緊我。咁樣做人唔辛苦咩？睇食評嗰陣見到有人話佢哋會捐錢，店主做善事嘅時候不如反省吓自己有冇同理心先啦，我禮貌同你講嘢，又冇

食過返尋味，琴日食完今日再食😂今日真係好好彩，我叫完兩底格仔餅後面食客竟然order咗15底格仔餅，好彩我係佢之前否則冇得食🤣🤣原味格仔餅$25.0，格仔餅蛋香味濃，熱辣辣脆邊嘅格仔餅夾住牛油,花生醬,甜奶,黃糖，真係包羅萬有，超爆漿超邪惡💯

來之前睇左好多評論有關個老闆,今日一見,我又覺得無咁差姐.佢講嘢係掘啲, cool d 姐.唔算係平時見到服務業嗰種腔調姐.Anyway,平日下晝兩點,叫咗一份原味格仔餅,叫咗少醬.即叫即整,我覺得咁樣好有誠意,好過之前去尖沙咀個間整定好多份,擺喺個櫃度,要嘅先淨返熱畀你.大約等5至10分鐘就得喇,我基本上係即刻食.本身以為會外面好脆好呢但係其實還好.但食到蛋香味,至於咬落去既口感係我鍾意食嗰種.由於佢比較厚身所以食到有層次咁.外面比較微脆軟身,內裏好鬆軟,食到最中間都濕潤,唔會好似出面嗰啲咁乾,個綿度有少少麻薯嘅感覺.我個人就覺得幾好食.不過真係唔應該嗌少醬,正常會好食好多,係我自己衰總結,我個人覺得係幾出色既格仔餅,如果外層可以再脆d更好,口感就最完美對我來講.

雞蛋仔排名入面一定要提到既 - 629雞蛋仔今日經過見無人排隊,即買返底食平時食開夾餅既我,唔知做咩落單會叫左雞蛋仔OK 我照食~等左5分鐘到就拎得雞蛋仔少脆 內餡唔算好甜 食食下仲有少少咸味吊返 總結都算好食既,但對比夾餅就差太遠!!!建議黎到都係食夾餅,因為真係可以話係全香港最正

今日放假突然之間很想吃粢飯， 就特意來吃「豆漿大王」， 順便朝聖這間「雞蛋仔」名店。 結果，四個字總結：嘥晒啲quota首先幫店主平反一下， 雖然佢個樣唔多友善，但係就無其他評論中講到咁惡劣，而且就算好多人排隊，都唔算極躁底。 忙碌製作中食物方面，平平無奇， 產品是比較厚， 所以有點特色？ 但對我來講，厚底絕對無為佢嘅食物味道同口感加分因為都有唔少人介紹佢個格仔餅，而且自己下星期又會入元朗食雞蛋仔， 所以今日就試佢個原味格仔餅。 承惠$30由於整格仔餅同雞蛋仔部機唔同， 而且多數人買雞蛋仔，所以排左大約10 分鐘， 就比老闆安排落左格仔餅柯打先， 其他人就繼續排隊買雞蛋仔， 我再等多6分鐘左右的製作時間，就有得食了。原味格仔餅＄２５的確係比坊間的厚，燶燶地的外表，剛剛食第一啖係脆 脆地的，但好快已經唔脆，應該係第３啖左就唔脆。係 多醬， 但多醬都無用，佢有搽牛油，但無牛油味，佢有落好多花生「醬」，應該係花生汁，因為好稀，無花生粒，無花生味。 再加上稀稀地的煉奶一個字甜。 仲要搞到一邊的格仔餅淋ｐａｔ　ｐａｔ．　至於呢個厚底格仔餅本體，厚但唔軟熟，內𥚃的粉漿有啲笠口，漿埋一ｐａｔｐａｔ　

#20231007 🤍📍 629雞蛋仔 @629eggwaffle 新蒲崗康強街28號康景商場地下28J號舖➖➖➖➖➖➖➖➖➖➖➖➖➖➖➖➖➖➖#烏龍茶格仔餅 $30💭 呢間野都真係幾難搵，🐽係個商場兜左幾個圈先搵到，都未見到間舖就見到長長既人龍，舖頭得兩個人即叫即整，要食就記得要預鬆啲時間喇⏳格仔餅真係超厚份量🧇拎上手啲花生醬同煉奶多到漏出尼，不過都食得出有淡淡既烏龍茶香味，🐽仲食到有啲茶葉乾😅幾特別，出面好少見，欣賞老闆會問要唔要切開，然後好貼心咁分兩個袋裝住，建議真係兩個人share食，因為一個人食會超飽😮‍💨.#新蒲崗美食 #🐷在新蒲崗 #🐷_食

呢間629成日經過，好多時有人排隊，見食評話老闆好串，所以禁耐都無幫襯，今日見肚餓就即管試下啦，我選擇好就行埋去買，見老闆個款係串串地，但我購買過程沒有不愉快經歷，老闆有問我，小姐格仔餅有咩醬唔要架，無傳說中禁差，另外有個女職員幫佢手。講番味道，原味格仔餅熱辣辣，大大件醬料豐富，可以再encore架，掛住食唔記得影相下次試吓雞蛋仔先，其實附近都有間雞蛋仔鋪，不過人流明顯少好多，相信呢間629係區內有質素既，每次經過都有人等緊，位置鄰近小巴站，都幾方便既。

認同Anderson Leung所寫的⋯⋯不知所謂的態度試過斜對都有間雞蛋仔，朋友推薦呢間雞蛋仔，咪試吓囉，黎到見到多人排隊，咁就照跟住排，因為排隊嘅人阻礙視線睇唔到付款方式，然後我好有禮貌舉埋手問："請問收唔收八達通?” 佢竟然答話：「支票都收！」，我冇比任何反應佢，但是心中覺得不知所謂。之後排隊問嘢嘅客，都俾佢省餐懵，食個雞蛋仔啫，唔係要咁受氣咁委屈呀嘛...。況且質素一般，不似所謂嘅人氣預期。即食都覺得唔脆，腍啤啤，仲買咗兩底雞蛋仔，幾乎想抌咗落垃圾桶，極度失望。眼見斜對面間都係人氣舖頭冇人買，先至走去嗰邊有人氣有人排隊嘅舖頭買，點知換來咁嘅結果態度又差質素又差。冇參考到食評就真係賴嘢😤

原味蛋蛋（20元）店鋪有點隱蔽，因為他們的招牌被遮住了。老闆沒有想像中不友善，可能我是較少人光顧的時段去，約2時多。去時，只有2-3個人正在等雞蛋仔或格仔餅，所以我也不是等了非常久。拿到後，雞蛋仔有很多小孔。之後已經盡快食，但也不是很脆，比較軟綿，像蛋糕，完全沒有其他食評或網上其他影片如此高的評價。無論如何，我食不到太多雞蛋味，有點普通，完全被其他雞蛋仔店比下去。之後應該不會再來此店試其他東西。

呢間雞蛋仔格仔餅，專門店喺新蒲崗超級出名，今日終於有機會時，星期六晏晝嚟到都要排隊，佢係喺街邊，唔係商場入面，大概等咗10分鐘就有得食，keep住有街坊排隊買。小店非常得意，好有個人特色同埋態度，記住佢呢兩個月星期日係唔開門，賣晒都會收舖。🍴芝士格仔餅 $30 (8/10)非常之厚，有2.5節手指咁厚，咬落去非常香脆，同時又有微微煙韌口感，但唔係蛋糕嗰種，芝士好鹹香，食落都有蛋香味，有埋花生醬煉奶砂糖，正常唔算好多醬，感覺係啱啱好，可以share食，因為都幾大份，未到超級好食，一定要嚟食，但經過可以試吓價錢唔同質素都OK。推薦指數: 8/10芝士係OK嘅，見到好多茶味都唔係好濃，想食蛋味可以叫原味，因為見到好多街坊都買，老闆個態度係有少少串，做個乖乖顧客就冇事🤣🤣

#新蒲崗美食 之前嚟過幾次都買唔到 今次終於食到啦🤩🤩想講佢絕對絕對絕對值得食呀😍係食咗唔會覺得浪費quota嘅好味😚雖然都有一小條人龍🤏但其實可能都係等5分鐘左右就拎得佢有好多唔同味道揀 有啲幾特別嘅味道好似錫蘭紅茶 烏龍茶同埋糖漬橙皮 當然唔少得啲大家都鍾意嘅朱古力花生同oreo味啦🤓🤓我哋見佢咁遠近馳名 就一於買原味雞蛋仔試佢真章 然後真係驚天地 泣鬼神咁好食😭一咬入口外脆內軟不在話下 重要富有濃濃蛋香味😭😭嗰種好食係你真係要買個返嚟試下（利申冇收錢賣廣告）不過提提大家 要盡快食咗佢呀 如果唔係凍咗就浪費咗佢咁好食嫁啦😉佢除咗雞蛋仔重有格仔餅 大家都可以試完話我個味道如何呀📍629雞蛋仔新蒲崗康強街28號康景商場地下28J號舖#香港美食 #街頭小食 #hkfoodie #foodie #foodstagram #香港 #新蒲崗 #hkig #hkfood #eat #food #新蒲崗食極唔肥 #新蒲崗美食推介 #雞蛋仔 #格仔餅 #629 #629雞蛋仔

629雞蛋仔💚錫蘭紅茶蛋蛋雞蛋仔 $26人均消費: $26 (1人)-雞蛋仔即叫即整 所以要啲時間⏱️真係好熱辣辣🔥好香茶味 淡淡紅茶味道 同雞蛋仔好夾🫖做到雞蛋仔外脆內軟 好多氣孔😝食落去口感幾好🤤不過有啲雞蛋仔 入邊七八成有蛋漿🥚有啲就啱啱 好一半一半🥰·以上食評 純粹根據個人口味而寫所以帶返頭盔先👷🏽 -29/4/2023 ate覺得態度冇想像中咁差🤣不過欣賞老闆對整雞蛋仔嘅執着🫡-有興趣嘅朋友仔 可以試吓👇🏽629雞蛋仔 (新蒲崗)💚新蒲崗康強街28號康景商場地下28J舖· 好味程度：🌕🌕🌕🌕🌑抵食程度：🌕🌕🌗🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌑🌑·#od新蒲崗覓食之旅 #od食掃街 #od食香港嘢·希望大家身體健康 開心快樂💛