影片
營業時間
今日營業
08:00 - 20:00
星期一至日
08:00 - 20:00
以上資料只供參考, 請與餐廳確認詳情
話說，係旺角朗豪坊斜對面開咗間以紅色為主🔴，好搶眼嘅鋪頭，望真啲，原來係一間售賣醬肉包嘅包點外賣店。印象中係全港首間醬肉包主營店，暫時絕無僅有😍。呢度啲包現嗌現包現蒸，而且承諾絕不售賣隔夜包🥰！食材有幾新鮮？隔住玻璃可以睇得到！主打嘅醬肉包更加係傳統與創新嘅完美結合😍！究竟邊間店鋪引領香港包點嘅新潮流？店舖個名好易記，叫「881」。醬肉大包 $12/個招牌就係招牌，入面爆餡爆汁，豬肉🐖和冬菇🍄都食得出係新鮮嘅，最關鍵係個醬汁非常之香，💯推薦。雞蛋菜包 $8/個雞蛋菜包？！其實即係素包，餡料主要有椰菜🥬、雞蛋🥚、木耳、粉絲，雖然係冇肉，但係一樣非常豐富😋。紅豆沙包 $8/個紅豆味🫘香濃而不太甜，餡料同樣唔少。鮮肉小包 $30/籠雖然話係小包，其實都唔算好細個，一籠有六6️⃣個，份量餡料都幾多，兩個人食都得😂。「881」價錢親民，而且餡料豐富，即叫即蒸，完全和市面上嘅預製菜式唔同，真係唔可以錯過🥰。🦆881包子📍旺角 - 亞皆老街33號地下B號舖
繼續閱讀
🙋🏻♂️餓底探員去咗旺角調查呢間包點店，店舖係全港首家醬肉包主營店，主打售賣醬肉包，所有包點現包現蒸，皮薄餡大，承諾不賣隔夜包，食物質素有保證，結合傳統同創新，引領咗香港包點嘅新潮流🍄🟫醬肉大包 $12/個🙋🏻♂️表示個醬肉包入面包住香菇同豬肉，包子口感鬆軟，肉粒香軟大粒，加上鮮甜香菇，每一口都超滿足🌽玉米鮮肉小包｜🐖鮮肉小包 $30/籠🙋🏻♂️表示一籠小包有6個，玉米包入面有玉米同豬肉餡料，味道清甜，鮮肉包入面有馬蹄同豬肉，食落爽口有鮮味🥣小米粥 $10🥛豆漿 $10🙋🏻♂️表示小米粥味道清甜，口感濃稠，小米食落好有咬口，豆漿味道香甜，充滿濃厚大豆香味📈吃貨指數😋好味度 9/10🔙返啅度 9/10
繼續閱讀
專程遠道而來呢間鋪買左一個玉米鮮肉小包（6隻）餐配小米粥，一個醬肉大包餐（2個）配豆漿，加一個豆沙包，兩個滷蛋。包既麵皮係嗰種中式傳統"老麵“ ，比較煙韌又咬口，又比較有麵粉香，呢點好唔錯，所以我中意佢地既麵皮。但弊在肉餡既油味好難聞！衰過唐x包點既肉包味。唔知點解好多大陸品牌既野都係呢種油味，聞到都想嘔。所以兩款肉包我都只係咬左一啖就唔要了。唯有個豆沙包因爲無肉陣油味就食完，ok, 我覺得個豆沙餡可以甜返少少。如果呢度有花卷或饅頭就好了，咁第日我會只買花卷或饅頭，因爲佢地既包真係得麵皮好食，肉餡唔掂。所有野最好食反而係小米粥，唔錯。豆漿非常一般，大把其他鋪頭既豆漿好飲又有豆味過佢。今次最嬲既係我去現場買，臨走仲同店員再三確認係咪齊晒，店員好肯定地話齊晒，我返到屋企先發現佢地俾少兩個滷蛋，真係激氣。當時店内就得我一個人買野，又唔係忙，就得咁幾樣野都可以執漏，個職員都唔知有無帶腦返工既！
繼續閱讀
今次黎左全港首間醬油包主營店「881包子」，我揀左黎上環店🤩絕無僅有，佢地主打賣醬油包，比你享受傳統同創新既完美結合，引領香港包點新潮流！現場即叫即整，佢地承諾絕不賣隔夜包！保證一定新鮮🤩今次叫左以下野食😈🫓醬油大包 2個入面係醬肉同冬菇，兩樣都相當入味，醬肉係好新鮮，無雪藏味！包皮都好有口感😝🫓🌽鮮肉小包1籠(3個鮮肉小包+3個玉米鮮肉小包）鮮肉小包入面係有馬蹄既，完全唔鹹，仲唔係肥肉黎😛玉米鮮肉小包入面係用左新鮮玉米製作，玉米粒都好鮮甜，鮮肉都好新鮮，都係無雪藏味，真係唔借食到脂肪😝🍚小米粥粥煮得岩岩好，小米口感綿滑，每一啖都好有營養🤩🥛豆漿豆香味好濃郁，唔係出面果啲得個甜字，口感好滑，豆漿大推🥰🥰連外賣盒都幾有心思，可手拎😌😌881包子 (上環)📍上環永樂街6A號地舖
繼續閱讀
差評，只有一個員工落單出餐，出餐慢唔緊要但比錯餐無比餐具都算，要客人發現錯餐反映，反映完先換返岩個餐，但加錢買左隻蛋唔見袋有，問員工居然話係粥入面OK，唯有信佢啦，返屋企一睇，粥就係粥囉，蛋殼都唔見有塊...絕無下次！！！各位要買真係要睇清睇楚啊！如果唔係就比佢呃左錢仲要無野食本來都期待呢間野，依家食完覺得無咩特別，唔值得去買，經過都唔洗去買，完全唔覺得有咩好食囉，包既size唔大但價錢唔平，仲要比少野
繼續閱讀