AGE Cuisine Express

營業中

休息中

樓上工廈西餐Age Cuisine Express不只供應一般菜式，還有特色菜如風乾黃油雞及乾式熟成牛扒等，平日晚市有特別優惠。特濃黑松露野菌忌廉湯 黑松露野菌忌廉湯入口有不少菇菌碎，味道十分幽香濃郁。黑椒吞拿魚及黑松露西瓜伴雜菜沙律 西瓜與吞拿魚切成方型上下擺放，味道屬於比較清淡，配上黑醋雜菜沙律酸酸甜甜很清新開胃。慢煮半生M6和牛西冷配黑醋 蜜糖芥末醬 M6和牛西冷略帶油脂，以慢煮方法烹調，能夠鎖住肉汁，肉質柔軟嫩滑，蜜糖芥末醬香甜帶些微酸，突顯和牛美味。自家製意式芝士餅 自家製意式芝士餅切成四小件，容易分享。芝士餅質感柔軟細滑，可可粉份量適中，伴碟放上心思。咖啡 啡味味道香濃之餘又不會太苦澀，可以細意品嚐。

慶祝朋友生日，一齊去太古慶祝吃生日飯！AGE Cuisine Express是一間隱世工廈西餐廳，可以吃到含法國藍帶配方Dinner set，而且價錢合宜， 座位環境很寬敞舒適。蜜糖燒雞翼（6隻）$82外皮微微焦脆，甜甜的，帶著燒烤的香氣，肉質鮮嫩。法式燒焗乳豬仔伴意式燴瓜 $268第一次在西餐廳見到乳豬！外皮香脆，充滿油脂香氣。搭配薯角和蔬菜，很特別的組合。松露風乾火腿薄餅 $168（蕃茄醬，蒜片，水牛芝士，蘑菇，巴馬火腿片，芝麻菜沙律，黑松露醬）餅皮薄脆，清爽的番茄醬和火腿片，很足料！海膽、香煎帶子海鮮汁意大利粉伴香蔥蛋 dinner set $212麵條彈牙，掛著香濃的海鮮汁，香煎帶子很鮮甜。dinner set會附贈是日餐湯、凍奶茶dinner set 是日甜品自家製意式芝士餅慶祝生日點多了一份蛋糕，小小的，一口一個。環境寬敞，餐點選擇多，適合聚餐！

鰂魚涌工廈平民化西餐廳環境幾靚，好闊落舒服又唔會太吵，最啱打卡＋慢慢歎北京烤鴨薄餅🍕 $186大大塊pizza 12吋好足料fusion菜式幾特別，係西式做法但有中式靈魂鴨肉超嫩，加埋水牛芝士、大蒜、青椒、蕃茄乾，鹹香中帶啲甜，層次幾豐富^ω^燒帶子配墨魚汁扁意粉🍝 $158帶子煎得啱啱好，唔老，仲有啲焦香墨魚汁扁意粉係佢哋自家製，好掛汁海鮮味濃郁但唔腥，啖啖都夠晒惹味珍寶蟹脆蟹餅$88外面煎得香脆，入面蟹肉實淨又多汁，唔係啲麵粉多過蟹肉嗰隻配埋粟米莎莎，酸酸甜甜好開胃，成件事唔會膩佢哋仲有做到會同外賣，價錢平過出面好多，質素又唔輸蝕，真係幾抵食如果喺附近返工或者想搵個唔同風格嘅聚餐地方，AGE 值得一試！

網上見到呢間西餐廳幾多好評 就搵日上去試下菜式都幾豐富 而且上菜好有效率 餐廳名express果然冇改錯😆 揀左一個dinner set燒澳洲西冷牛扒伴胡椒燒汁五成熟嘅熟度剛好肉質juicy柔軟燒汁濃郁 同牛肉油脂交融仲有香脆好味嘅薯條 套餐餐湯同麵包都唔錯今日係忌廉湯 麵包都軟熟 法國膏蟹肉扁意粉配蟹膏忌廉汁扁意粉煮得彈牙醬汁有蟹鮮味 掛麵恰到好處配埋清爽蔬菜同芝士碎 層次豐富 套餐甜品擺盤幾靚 份量剛好 食完唔會太飽滯

好耐冇同媽媽撐枱腳 今日一齊去食西餐呢度裝修行米白文青風 光線同植物都令人好舒服食完坐耐d談下心都冇問題 燒烤風味薄餅醬多濃味又足料鐘意菠蘿pizza嘅可以一試菠蘿係畫龍點睛之筆🤣微酸爆汁 令味蕾好有新鮮感 牛肝菌蘑菇濃汁意大利飯鐘意呢個飯 食落好creamy上面配左蟲草花 估唔到咁樣配搭又幾好食蟲草花有咬口 加埋意大利飯一啖過 會有兩種口感層次 甜品嗌左個紐約芝士蛋糕質地細膩綿密芝士香氣濃郁 甜酸平衡份量一人一半啱啱好

太古站附近覓食，係op搵到呢間西餐。餐廳環境乾淨又寧靜是日餐湯：椰菜花忌廉湯，質地綿滑，有細小椰菜花碎，配埋烘到微脆嘅芝麻餐包，簡單但好有心思！ 主菜香煎北海道帶子及燒八爪魚——刺身級帶子煎到外脆內嫩，仲有彈牙八爪魚塊，伴住甜爆嘅車厘茄同辣辣地嘅香料薯仔，鍾意鹹香口味可以選擇松露風乾火腿薄餅($168)12寸夠2-3人一起share。幾足料，番茄、蒜片、拉絲水牛芝士、蘑菇，再鋪滿黑松露醬同巴馬火腿，我鍾意配埋芝麻菜沙律一起食。聽講晚市有法國藍帶廚師主理嘅dinner set，下次一定要嚟試真啲！

食物ok 但凱撒沙律嘅麵包糠益嘅佢哋有換到，但係要等很久，之後只來咗啲菜！我係叫凱撒沙律加Parma Ham整體OK但係侍應態度好一般！因為等了很久！所以無心機影相！

✨太古中達大廈隱世西餐廳一間溫馨西餐廳 好多家庭一家幾口食今天就來盤點下這裡兩道令人難忘菜式.🍕麻辣香蒜蝦肉薄餅新奇配搭 薄餅從食材組合上就足夠吸引人 薄餅底鋪上麻辣蕃茄醬 獨特口味 既帶有蕃茄的酸甜 又有麻辣的刺激加入水牛芝士 增添濃郁奶香 義大利辣味腸同豬肉腸 義式香料濃香加 豬肉香.🦐蒜蓉蝦是這道薄餅的亮點之一，新鮮的蝦肉飽滿彈牙，蒜香巧妙地融入蝦肉之中，提升了蝦的鮮美。.🥩美國Prime級Dry Age牛扒（8oz）8oz 的份量十足 有雜菜 薯條Dry Age 處理方式 讓牛肉風味更加濃郁醇厚 牛扒煎至恰到好處 外層微微焦香 鎖住了內部的肉汁.一刀切下 鮮嫩的牛肉呈現眼前 粉紅色的肉質透露著它的多汁 五成剛好五成熟.旁邊搭配的雜菜清新爽口 為濃郁的牛肉味起到了很好的解膩作用薯條 金黃酥脆 外酥內軟 搭配牛扒的經典之選

🤍太古工廠的AGE Cuisine Express 餐廳🤍🌟煙三文魚牛油果醬蘋果沙律伴腰果仁：色彩繽紛，有沙律菜、配搭順滑牛油果、爽脆的蘋果、腰果，令整道沙律既清爽又富有嚼勁。🌟海膽香煎帶子海鮮意大利粉伴香蔥蛋醬：帶子煎至外脆內嫩，海膽的鮮甜融入意大利粉中，搭配香蔥蛋醬，為整道菜增添了濃郁的風味。🌟烤魷魚自家製墨魚汁意大利飯：墨魚汁的濃厚與魷魚的彈性相結合，意大利飯吸收了海鮮的鮮味，米粒滑順，口感不俗。

這個生日月真係大飽口福！兩位好朋友神神秘秘帶我去鰂魚涌東達中心11樓的「AGE Cuisine Express」食晚飯。首先點了是日晚餐「海膽，香煎帶子海鮮汁意大利粉伴香蔥蛋醬」鮮到爆炸，帶子外脆內嫩，意大利粉十分掛汁，啖啖都吃到海膽及醬汁，邪惡但停唔到口～ 配上是日餐湯及麵包，與甜品及飲品，套餐價$212。小食來一客6隻的「蜜糖雞翼」$66蜜糖雞翼甜香酥嫩，蜜糖焦脆，肉質多汁，甜鹹平衡，回味無窮！ 必試「松露風乾火腿薄餅」$168餡料十分豐富，有番茄，蒜片，水牛芝士，蘑菇，黑松露醬x巴馬火腿奢華組合，仲有埋芝麻菜沙律清新解膩，食到舔舔脷～壓軸出場「法式燒焗乳豬仔伴意式燴瓜」$268脆皮爆燈，法式乳豬皮脆脂香，意式燴瓜清甜軟滑，東西合璧，奢華不膩。最後仲有超水準的「自家製意式芝士餅」$66 收尾～ 飽到捧住個肚但超幸福！ 多謝你們記住我喜歡的食物，連我掛念的松露同海膽都安排上， 今年生日願望係… 同你繼續食遍世界！

呢一晚嚟咗呢度食晚餐！餐廳喺工廈入邊，但係都乾淨企理。坐得舒適。夜晚冇乜人！真係生意難做。我哋揀咗set dinner。上菜都好快。呢個牛牛係煮得幾好食。雖然樣子一般。龍蝦沙律。開頭睇唔到舊龍蝦！蔬菜都好新鮮。原來有甜品送的。整體嚟講人頭費二百零蚊，算做合理，味道和環境都合格。不過服務就有點茶餐廳格局，問叔叔攞多一套餐具，佢叫我自己去隔籬枱拎。明嘅，呢度唔係咩高級餐廳。但係感覺有啲奇怪！落單時候都係很茶餐廳feel。

聽說太古的工廈裏可以吃到含法國藍帶配方Dinner set，而且價錢又不貴，今晚一於和朋友們來晚飯。🍝蟹肉米意粉，鮮蟹肉蟹膏濃汁伴海膽：蟹膏濃汁同蟹肉米意粉好夾，再加上海膽嘅鮮美，好味！🥩慢煮醬燒日本豚五花肉及燒刺身級帶子伴魚籽醬薯仔沙律：日本豚五花肉經過慢煮，肉質軟嫩多汁，醬燒嘅味道入味，甜鹹適中。刺身級帶子口感爽脆，整體口感豐富，層次分明！🍕北京烤鴨 Pizza：北京烤鴨皮脆肉嫩，保留咗傳統嘅風味。餅底烤得好脆，創意之選！🍽️  烤魷魚，自家制墨魚汁意大利飯：自家制墨魚汁意大利飯香味濃，加上烤魷魚，香口惹味。

今晚和同事敘舊，我們一行四人到鰂魚涌這間餐廳吃晚餐。餐廳環境佈置簡約，窗明几淨，我們過了一個愉快的晚上。蟹肉米意粉濃郁的蟹糕醬汁包裹著米形意粉，鮮甜蟹肉與海膽很夾，口感綿密濃稠，層次豐富。  慢煮醬燒豚五花肉 & 刺身級帶子豚五花肉慢煮至柔嫩多汁，外層焦糖化醬香誘人；帶子外微脆內溏心，大推！北京烤鴨薄餅創意融合！薄脆餅底襯托甜醬鴨絲，水牛芝士拉絲濃郁，搭配醃製青瓜、番茄乾與洋蔥，酸甜解膩，東方烤鴨配意大利薄餅味道非常有趣好味。  烤魷魚墨魚汁意大利飯炭烤魷魚彈牙爽嫩，墨魚汁燉飯鮮味濃郁且米芯Al dente，每一口都充滿海洋的鹹香。

呢晚同朋友一齊嚟咗呢間喺太古站附近工業大廈裏邊嘅西餐餐廳食晚餐🤣$110「18個月巴馬火腿伴芝麻菜沙律」：芝麻菜 夠新鮮幾爽脆，又有少少不同顏色嘅椰菜花🥦例如 purple broccoli🤣；18個月嘅 意大利🇮🇹巴馬火腿肉質軟熟有啲鹹香😋$138「煙三文魚芝麻菜蕃茄汁意大利飯」：隻碟大大隻金金哋白白哋色幾靚🤩；意大利飯 硬硬哋唔太腍幾啱胃口🤣，加埋熟咗碎咗嘅三文魚同埋芝麻菜仲有蕃茄汁，口味大眾化🤣$174「香煎鰽魚魚柳 伴魚籽醬 香蔥蛋醬 薯蓉」：鰽魚魚肉幾滑，鰽魚魚皮煎到脆脆哋幾香口🤣，另外配菜有 紅蘿蔔、翠玉瓜、Brussel Sprouts 等🤣

今日同朋友去咗鰂魚涌一間西餐廳試吓佢哋嘅招牌菜，真係有驚喜！首先叫咗個**香煎北海道刺身級帶子配慢煮八爪魚**，一上碟已經聞到好香，帶子煎到外皮微微焦脆，但咬落去超嫩滑，仲有淡淡嘅海水鮮味，完全唔會過熟，正到爆！八爪魚煮到啱啱好，唔會韌，仲好彈牙，外面輕輕燒過，帶少少焦香，仲有啲香料馨仔嘅味道，好有層次感。伴碟嘅麵包同醬汁都好夾，整體好有地中海風味，鍾意食海鮮嘅朋友一定唔可以錯過！ 重頭戲係個**12寸麻辣香蒜蝦肉薄餅**，一上枱就聞到好濃郁嘅麻辣同蒜香！餅底薄脆，配料超足，有水牛芝士、義大利辣腸、蒜蓉蝦、豬肉腸、洋蔥、蘑菇同埋辣椒乾，每一啖都辣得好過癮，但唔會搶咗蝦同其他配料嘅鮮味。個麻辣蕃茄醬好特別，辣得嚟帶少少甜，食到停唔到口！如果鍾意食辣，呢個薄餅真係必試！