影片
港鐵觀塘站 D4出口
繼續閱讀
開飯介紹
樓上文青cafe，田園風予人舒適休閒感覺。精心挑選世界各地食材製成各種不同西式料理，更備有素食菜式，貼心為素食者而設，價錢合理座位為寬敞，場地容納80人或以上，適合三五知己相聚或包場派對。
繼續閱讀
營業時間
*星期日18:00後接受訂座
星期一
全日休息
星期二至日
11:30 - 21:00
公眾假期
12:00 - 21:00
以上資料只供參考, 請與餐廳確認詳情
上個禮拜有朋友返香港敘舊，正煩惱緊觀塘區邊度搵間地方夠大，可以坐得耐啲同舒服，又有輕食提供嘅餐廳。最後朋友介紹咗呢間餐廳，一去到地方真係好寬敞，staff 服務態度又好，最重要係好多輕食嘅選擇，例如椰菜花飯，藜麥飯，其他意粉pizza海鮮都有，我點咗煎三文魚扒配薯菜好好味。下次約朋友喺觀塘都會揀呢間餐廳。☺️
繼續閱讀
本來無諗過去寫評，因為從未寫過，其實之前都幫襯過一次，不過自己唔會就只單一次感覺就認為係好，今次再去幫襯才會落筆點評，係真係發覺近年幫襯食店中難得又用心機、食物質素又夠新鮮，而且招呼態度又好有禮貌，唔係我胡亂吹捧，因為今次我地一行十人去幫襯的，而且大家都一同點讚才令我更加去寫呢篇食評。首先大家唔好用現在流行北上消費以作比較，兩地有著不同文化、消費模式等因素差異，所以我抱著以本地角度和客觀作以評測。上次佛誕日慣例想同媽媽去食素，但發現幫襯開那店已結業，費一論工夫才找到呢間有得素食，因媽媽已上年紀，唔可以行太多路，不過好在呢間店位置唔錯，出地鐵轉個彎就到電梯，上到去一出電梯就已經到達，非常方便，去之前已經訂好時間、人數，所以店員好快就引領我扡入座，先一讚係因媽媽行動比較慢，店員好親切扡扶老人家慢慢就坐，（後來才知道原來係店舖女經理）坐低休息一會，先來熱茶給媽媽品嚐，好等老人家舒服，後食品已到來，老人家口味大家都知，唔新鮮、食物唔夠熱等佢會唔食，但媽媽食過一口後，佢無出聲，慢慢一啖再一啖繼續，全程我同媽媽都一邊享受食物一邊歡談，（我唔特別介紹主打食品，因為各人口味不同，大家可以自己上去試不同菜色），我習慣遇到質素高，再加上服務態度好嘅食店會主動同註場經理點讚，希望作一點鼓勵，我指意店員可否叫經理過來，店員大為緊張，以為出了什麼問題，即時未等我開聲事由已十萬句對唔住，我笑口解釋，店員才由緊張變回微笑，再行去轉告經理過來，大家閒談一會，經理全程面帶微笑，沒有一絲不耐煩嘅表現，媽媽極少會學似我去主動稱讚食店，但今次佢竟然開口點讚，最令我諦笑皆飛是叫我問經理攞電話號碼，唔係下次邊有籍口约人，比佢老人家激壞。整體店舖環境唔錯，有一種文青和田園感覺，食物新鲜又夠熱，食得出唔係微波爐番熱食材，而且食品種類多選擇，價錢大衆化，高質食材合理價錢又唔係扁貴，加上店員態度親切又有禮貌，可以話係值得多次再去嘅隱世食店。下次有時間再介紹我地一行十人係呢間店舖嘅分享。
繼續閱讀
今日帶咗兩隻貓咪去探貓店長餐廳環境舒適，服務一流素菜好好食推介泰式椰香鮮茄會意大利飯😋小朋友好鍾意食pizza同埋可以帶寵物一齊食飯，好開心貓店長嗰個和皮皮好靚，好得意🫶
繼續閱讀
呢間cafe有齊肉食同素食餐牌，仲要加埋甜品，絕對可以滿足所有人既要求!我已經一個月食左兩次!餐點性價比極高!平均一百蚊左右就有齊前菜、湯、餐包、主食、飲品同甜品!食物都係熱辣辣上，食得出食物新鮮!味道當然無令我失望，好高汁啊!餐廳環境闊落，佈滿乾花，燈光柔和，加上經理溫柔有善仲笑容滿面!收工後等朋友黎，坐得好舒服、好放鬆!我地傾到餐廳落場過時都冇趕我地走~最後仲發現有兩隻貓BB~係經理知有人棄養，暫時接左佢地黎餐廳!勁有愛心~舒服、CP值極高既的地方，真係值得俾多D人認識!
繼續閱讀
一大班朋友想聚會，好多餐廳都限1.5 - 2小時入座，呢間餐廳好正，唔會有任何限制，食物質素高，環境又舒服，食物款式多，有基本嘅扒餐，海鮮外，竟然仲有素食餐，好全面，價錢合理，下次試下同老公去，撐下枱腳先！
繼續閱讀