Aloha (已搬遷) 新店位置

好耐之前好似係新假期見到推介 差唔多一年之後先有機會來到鰂魚涌 咁就試下囉去到差唔多平日1點幾 店舖都算多人 但至少order完之後仍有位坐 比起隔離果間foodbox韓國野要排隊 人氣好似有d唔同去櫃檯order 卻因為第一次有d茫然 店員開始用你用很快語速的英文交流 我揀左一半salad一半brown rice，topping雖然佢有講 但語速太快 唔明佢講咩 同埋覺得佢好似好趕時間就無繼續問 隨便指住兩款吞拿魚其實款式唔多！我記得新假期推介是話有8種魚生 但係我今日去 吞拿魚同三文魚分別得三種 感覺選擇唔算多，而且我食完都唔知我揀左邊兩款吞拿魚 餐牌都無中文 所以話 英文唔好既朋友唔好去？味道唔錯 酸酸甜甜 同暖暖既糙米飯，涼涼既salad一齊食好夾 我很中意不過份量就很難講 全部飯就會太多太單調 一半salad 一半飯份量就麻麻 雖然魚生份量係ok既 但總覺得唔夠滿足我食完1半左右 但我估我一定撐唔到下午五點 一定會餓或是饞😂😂btw尼間店值得一試 但80蚊一份最基本既（仲無加其他配料）其實係有d貴既 魚生飯周街都是，所以第一次試值得！第二次會考慮囉

半年前幫襯過幾次，覺得唔錯今日行徑就打算買外賣番屋企食1.餐牌唔同左，吞拿魚同三文魚種類少左一半，應該已經轉左手唔係我之前幫襯嗰時嘅老板2.之前三文魚同吞拿魚可以half/half咁揀，但而家只可以揀一種3. 佢問我個底跟咩，我問佢有咩跟，佢就話可以跟brown rice,sushi rice,藜麥，沙律，我就揀左三文魚配藜麥，收錢嗰時無端端變左$100(個餐牌寫住$85),跟住我咪問乜藜麥要加錢?有個肥女店員"嗯"左一聲就算，佢地喺我俾錢前已經將啲三文魚放左落啲藜麥度，即係我想reject都唔得，好!當我睇漏眼藜麥要加錢，跟住肥女店員問我要唔要加糖心蛋，見過鬼仲唔怕黑咩!我梗係問佢要加幾錢，佢話加$10,我話唔駛，跟住佢一臉"覺得你唔識貨"嘅樣同我講"我地啲糖心蛋好出名架…",而家唔係糖心蛋好唔好食嘅問題，係你要加錢嘅野通通無同人講要加錢/加幾錢，剩係問人地加唔加，作為店員我覺得要加錢嘅野要講囉，剩係問人揀咩/加唔加野，但又無講要加幾錢，已經唔係好唔好食嘅問題，係間舖頭老唔老實嘅問題囉

下雨天的Lunch,, 個人又飽飽濟濟,,來回office 在附近的食肆踱步,,,見呢間Aloha 開左好一陣子我都未試過,, 門面又好像是light food 的清新green & fresh 裝潢,, 同飯友走入去了解下咩野黎!!!老實講佢話sell 夏威夷風的魚生飯呢....我就感受唔到咩夏威夷味,, 但呢度mix 左source 的魚生粒,, 可配搭暖飯或salad 等配菜又的確讓人容易入口,, 但又清清腸胃幾refresh~呢度就show晒你可以揀的魚生料, salad 同配菜~main menu 就係得呢張紙架咋~ 先決定你想食tuna, salmon 或者其他魚生/素菜 作為"餸",, 揀定左再睇下配咩source最後決定你要全飯 (可選白/啡米飯), 半飯半salad, 定全salad~ 然後再按個人胃口睇下加唔加錢追加配菜~我叫左半啡(糙)米飯 / 半salad 配tuna~~~ 欣賞佢個tuna魚生啲source mix 得幾好味~ 有一半salad 都好襯,, 唔洗叫全飯咁full~飯友點了全salad 配salmon 魚生~~~ 佢覺得下次半飯半salad會好啲

One of my favorite Hawaiian food is the Ahi (tuna) poke. And I'm so happy to found it in HK now.Since it's open, I've tried 3 times. During their trial operation, actually you can make a choice of 2 different kinds. But now they seems to changed the menu they you can only choose one.There re 7-8 different choices with spicy or non-spicy. And different toppings.even rice,3 choices. The sashimi itself is very fresh. taste good. Price wise not too cheap but acceptable and reasonable as if it's too

今日要去西灣河練合唱團,放工當然首先要去醫肚啦,今日想食清d,係openrice望到呢間aloha就決定試下,佢係一間賣夏威夷式既魚生飯既餐廳六點幾去到無乜人,就去左買野食先,原來雖然佢得三文魚,吞拿魚,同蝦,但佢每款都有幾隻唔同既style,我就叫左個aloha special tuna同go greek salmon,個base除左普通日本壽司飯,仲可以揀糙米,沙律或者加8蚊既彩虹藜麥,不過我最後都係要番壽司飯就算~成間舖無乜人,有既都係take away,靜靜一個人食都幾舒服aloha special tuna有牛油果,芫荽,希臘乳酪撈吞拿魚,d魚無乜筋幾好,撈埋黎食無左淨係食刺身果d油膩感覺~~~至於個go greek salmon就係用希臘乳酪,青瓜同檸檬汁撈三文魚,食落都幾清新同埋開胃~除左呢兩樣野我仲加左個poke bomb,原來係腐皮包住舊飯同埋sober sake tuna,呢個tuna甜甜地幾得意,又有麻油同埋清酒既香味~~呢餐都幾滿足,個感覺仲好似幾健康咁(雖然我知應該唔係....XD)

ORGANIC QUINOA BOWL($100)They do hava few dine in seatings but I prefer ordering delivery. Not my first time ordering their takeout. At first, you get to choose the base which can be salad, sushi rice, brown, rice, or + $8 for quinoa. Then you may choose your desired toppings and sides. ToppingsSPICY YOYO SALMON + GO GREEK SALMON + WASABI SHRIMP + FLYING FISH ROEYou may add $5 for each topping, while the flying fish roe is actually complimentary. There are three complimentary toppings you may ch

一眼見鋪頭環境乾淨企理，走夏威夷fusion風格，先選一至兩款飯底，再選兩款配料（三文魚同吞拿魚），有幾種款色，我選了椰香吞拿魚加芥末三文魚，再加隻蛋添～淡淡的椰香味滲入左吞拿魚入面，一定用左好多時間醃浸；吞拿魚竟然無乜根，難得！三位魚有微微的辣味，對我呢類鍾意食辣又唔係好食得辣的人，揀各呢就對啦！三文魚都有鮮味，起碼唔會覺得係放左好耐，正！好大碗！好多刺身！盛惠78蚊，78蚊食個lunch，話貴唔貴，見仁見智。但如果我再經過，我都會入去食～

位於鰂魚涌的Aloha 專售夏威夷式的Fusion 魚生飯, 款式多任君選擇。點了yo yo三文魚配泰式辣吞拿魚, 配上自製醬料，更加突顯魚粒的鮮味。魚粒大小均勻，入口非常爽, 且吸收哂d醬汁精華,彷彿飛左去Hawaii 食全條魚生！老闆亦細心灑上䓤花, 芝麻秈黏粒同蟹籽,令魚的味道更鹹香。而食客可目前自行配搭薵司米,沙律菜,糙米或是靠著藜麥。 吃的時候感覺好特別, 首先是冰凍而綿軟的魚粒; 魚粒暖下來接著是噴出來的魚香; 接踵而來是咬落一條條clear cut 的魚肉, 魚肉汁慢慢必出來, 甘飴且不膩。夾埋一口飯緩緩吞下就 perfect !本人至愛始終係yo yo 三文魚,牛油果 lover 唔可以錯過。

放假約埋幾個朋友去某人屋企大戰四方城, 之前一定要先醫肚, 響附近搵間簡單快食既餐廳, 見呢間魚生飯, 格局清新簡單, 感覺良好.呢度係自由配搭唔同口味既魚生, 再加主食, 要左香糙米, 感覺健康D有夠咬口.吞拿魚就要左泰國風情, 有D青檸味, 夠泰夠清新. 另一款要左希臘之旅三文魚, 有乳酪配檸檬汁, 感覺清爽開胃, 配搭魚生確係唔錯. 另外魚生新鮮彈牙, 份量足.有氣礦泉水, 呢支野真係要好外國FEEL先有, 呢度+$10已經飲到, 非常好.

約咗人BBQ,lunch自然想食得輕盈d, 四圍行下諗緊食咩好，比呢間舖頭落地玻璃窗吸引，望下原來食刺身魚配飯，一碗碗咁幾得意，又試試先，入到去環境好優閒，舒服.睇睇有咩食，主打Tuna刺身，同三文魚刺身，刺身調配咗不同口味比你揀，可以自由配搭鐘意口味.唔想食得太飽，揀咗壽司飯加沙拉，一半一半，變得好清新，又食得健康d. 之後揀2款魚口味，揀咗清酒燒汁吞拿魚，同希臘之旅三文魚，吞拿魚有淡淡清酒香氣，燒汁唔太鹹，唔會蓋咗魚味，希臘之旅三文魚，係用乳酪，青瓜，檸檬汁調味，同魚好配合，帶出魚嘅鮮甜，另加嘅Poke Bomb, 店員即時幫你製作，原來係腐皮包住魚，面頭再加埋，飛魚籽，海苔芝麻，香蔥花，成個飯覺得清新，鮮味，健康，鐘意簡簡單單，顏色一流，輕食嘅係一個唔錯選擇，即時胃口大開.

今日同亞頭出街見客, 我地一定會預番D時間出去HEA下, 所以就響客仔公司附近食埋飯先. 亞頭鍾意食日式野, 佢話食呢間魚生飯, 我見環境乾淨又光猛, 所以無意見.呢度係自由選擇配料, 係唔同口味既吞拿魚同三文魚, 唔會剩係得魚生味咁悶.我要左<日式壽司飯+田園沙律>做主食, 飯都幾多夠飽肚, 珍珠米一粒粒唔會一patpat, 另一邊係沙律, 食落索索聲, 好新鮮.配料魚生就要左<泰國風情吞拿魚+希臘之旅三文魚>, 吞拿魚夠肥美, 食落就係泰式青檸既味道, 好清新醒神, 而三文魚夠新鮮, 食落有乳酪, 檸檬汁味, 配埋青瓜, 呢個口味無咁濃, 鮮味更加突出.

單拖行過附近，就俾佢門面吸引。韓風又帶點夏威夷嘅風格設計，實在係好吸睛！型格又易記嘅餐廳名，ALOHA😻入到去先知，原來係款式唔多，好專一嘅魚生飯快餐店，但係味道同配搭，就真係好選擇！環境同創意先食嘅我，肯定要試下呢間。78蚊食個lunch，話貴唔貴，話平唔平。不過咁舒服嘅環境，試下無！妨。分四個 step 俾你 DIY 配搭，自由度好很高。step1係先揀主食，即係個飯，我就揀左有機麵，口味揀個辛辣韓風，同埋希臘之旅，主要魚生都係三文魚同呑拿魚。魚生好新鮮，好肥美，只係醬汁味同埋飯味可以再濃啲，味道實在好多款配搭，下次一定要試埋其他先得！整體嚟講，成間餐廳都好主打健康生活，啱哂一班 OL！溫馨提示，細食嘅女仔未必食得哂啲飯，因為份量都唔少，所以可以叫少飯。

有時坐響公司又日日食果D午餐都真係幾悶, 所以今日好彩幫公司出黎送文件, 可以乘機食下其他午餐. 做完正經野, 就響附近睇下有咩想食, 最後試下呢間魚生飯.要左個日式壽司飯配田園沙律+Aloha精選+泰國風情吞拿魚刺身$78, 加飲品$10.呢兜魚生飯份量大, Aloha精選入面有芫茜, 乳酪調味既吞拿魚刺身配埋牛油果, 牛油果好香, 配埋乳酪好健康. 泰風情就有D青檸味, 唔太酸好開胃. 吞拿魚刺身好新鮮, 入口夠香.

自選魚生飯，呢個方式好似幾新穎 今次食嗌左壽司飯，清酒燒汁呑拿魚，芥末三文魚，加左牛油果，加多支椰青水。首先個壽司飯係可以揀少飯定多飯，我就揀左少飯，但最後都係食到一半就已經好飽。壽司飯軟熟但醋味唔多 ; 店員話清酒燒汁係新出既，於是就試下，出到嚟真係冇揀錯，聞落有濃濃既麻油同燒汁味，已經香到令人好想食，呑拿魚既份量亦都好多，明明食左好多，但好似食極都有咁。另一part係芥末三文魚，好清新，芥末味唔太重，2款魚生撈埋飯食就正，剛剛好平衡到一咸一淡味道。另外，除左魚生仲會附加少許洋蔥的，總括嚟講，清酒燒汁味係絶對食得過

同朋友出街前去左食D野先就即興走去呢度食下.咁佢餐單就有唔同step咁比你楝料step 1: 香糙米step 2 : 吞拿魚 - 辛辣韓風 + 三文魚 - 辛辣乳魚step 3 : 飛魚籽 + 香蔥花step 4 : 椰青水細食既朋友, 可以叫少飯. 味道 佢話辛辣其實又唔係好辣既姐但調味料就唔錯, 清香.而魚生 亦都 大大粒 , 好鮮甜唔會入口即溶, 有合理既咬感咬口.而椰青水, 就清清地幾好似, 雖然便利店都好似有得買.但咁岩果日事前無買野飲又好口渴就買左黎飲.員工服務態度屬中上, 有問必答, 可能人少啦, 但幾快手. 美中不足就係,啲坐位就有點高, 因為無鐵條"浪"腳.我呢啲細細粒又腳短, 要搵一個岩既位置先唔會坐到腳麻.但裝修態度加食物, 又有音樂聽下.