Ben哥米線 (搵食市集) (已結業)

米線質數不平均 今次硬到食唔到收銀姐姐極度極差 其實做得咁唔開心 點解要做前線 比氣客受 就算藥膳湯底味道是特別的 亦不會再食了 老闆不正視問題 是你在大圍旺區仍生意淡薄的原因

之前一直係美孚既ben哥食開我最愛既酸辣蕃茄湯底，真係其他地方食唔到呢個味道。但要去到美孚食碗米線真係要好大動力…直至琴日search開openrice發現原來大圍開左分店太開心喇即刻夜晚出左去買外賣返屋企食都係叫返我既例牌：酸辣蕃茄米線+紫菜+炸醬+辣腩肉一貫水準，好味！蕃茄係有一粒粒既新鮮蕃茄，唔係用茄膏咁簡單炸醬好入味，腩肉都好正架。配埋索晒湯既紫菜我老公就鍾意食佢地既藥膳湯配墨魚頭，十分正氣聽聞沙爹都好食，下次試試先。

如果佢唔係在大圍開左分店，我都唔知幾時可以食到返佢個莞茜湯米線。話說上2星期 先同同事講，佢個莞茜湯好好味，不過好耐無食，佢就開左間在附近了~Encore左莞茜湯米線，今次配左不同配菜，包括豬耳，炸醬，腩肉(入味)，酸菜，墨魚咀，蘿蔔(分量多)。分量作為女生，真係食到好飽，屋企人第一次食，覺得個湯好好味。我就由於在其他分店食過，覺得佢味道係唔錯，個湯甜甜地，唔會覺得咸/口渴，但味道同莞茜的份量同以前係有些唔同。不過，我成2年無食過 可能其他分店都唔同左口味囉。Anyway ，我都依然推薦的。

今日嚟到大圍、入咗去過搵食市集、喺大圍火車站旁邊。入到去個搵食市集、見到有間食米線嘅Ben哥米線、嗌咗個Ben哥米線配沙嗲湯底、沙嗲湯底勁濃、魚腐有趙口、裏面嘅配料例如豬大腸、腩片、肉碎、又大碗、比起啲連鎖米線好好多。佢哋嘅小食豬耳、墨魚咀、都好正！見到佢哋係幾區都有分店、下次都係幫襯呢間Ben哥米線好過去幫襯嗰兩間大型連鎖米線。同太太食完、我哋兩個都極力推介給大家、不妨一試、下次有好嘢再同大家分享

第一次幫襯Ben哥米線，真係有驚喜！我叫咗招牌嘅藥饍麻辣湯底配響鈴、娃娃菜同蘿蔔！第一次食唔敢叫太辣，試個小辣先，湯底味道夠濃得嚟又唔會好鹹，啲配料又正正可以吸收晒湯底嘅精華唯一一個美中不足地方，就係個匙更太細唔可以大大啖米線連湯一齊食，但其他嘢整體都好滿意！下次嚟會試埋佢另一個招牌沙嗲湯底，希望唔會令我失望啦！順帶一提，宵夜時段（9點後）仲有減$10優惠，連埋嘢飲埋單$50都唔使！大圍友真係要試吓啦

平時我都係番到屋企先叫熊貓外送，今日一改作風，心思思想叫碗米線攞走，係地鐵上已急不及待睇下有邊間，終於搵到咗我一向喜歡的Ben哥。我真係Ben 哥嘅忠實fans，因為佢嘅米線正，尤其係佢嘅墨魚頭，腩肉，豬腸，豬紅，貢丸，蘿蔔，等等都係保持一流嘅水準。老闆人好好，見我風雨中沒帶遮去幫襯，重即刻送咗一盒小豬耳俾我食。辣辣地但又真係好好味喎😋 啱啱食完心情愉快就即刻喺開飯呢度俾番個食評先！(利申：我不是打手）

成日食X仔米線食到冇乜新意, 想試下其他舖頭既米線, 路過呢間BEN 哥米線, 就試一試佢, 第一次黎, 問老闆推介咩湯底, 佢話鍾意濃湯就蕃茄同沙嗲湯, 我就非常鍾意沙嗲湯嘅, 仲要係濃湯, 一於叫沙嗲湯, 老闆話加小小辣仲好食, 就照佢意思啦。餸我就叫左 豬軟骨、炸醬、墨魚頭。由於冇乜期望會特別好食, 所以冇事前影相, 飲左幾口湯, 沙嗲湯底十分濃郁, 好有沙嗲味, 如果鍾意食沙嗲牛肉麵的朋友真係要一試!! 豬軟骨十分軟, 不會一夾就散；炸醬, 不過不失, 正常水準, 由於炸醬上菜已經落左碗面入邊, 試不到太多, 下次我會叫另上；墨魚頭, 正!! 爽!! 有咬口!! 大粒!! P.S. 本身冇諗過咁好食, 所以冇影左相先食, 但佢個湯底真係好正, 所以飲左幾淡先影。希望推薦比大家試下, 一定要試下個沙嗲湯底加小辣! 我會再去試下其他湯底。

宵夜時間叫左個沙嗲豬骨湯米線，加埋響鈴、牛丸同金菇。個響鈴一上枱就俾我食咗，所以無浸淋到，時間啱啱好，最欣賞個沙嗲湯底超濃郁，米線同金菇吸晒湯汁，真係超好味！包埋飲品再減$10，算係幾抵食👍🏻

之前都食過幾次牛頭角分店，路過大圍見有，所以入來試一試。叫左”Ben哥米線”蕃茄湯底唔辣，蕃茄湯底無令人失望，值得再試！但米線比較淋，就要考慮個人喜好。當中既魚腐,魚皮餃,豬紅相對出色，夠入味。而小食方面，因為我平時唔食辣既，所以淨試左少少，幾爽口，個辣度都食到。整體感覺：食物質素與其他分店相近，加上咁岩夜晚有唔同優惠，幾抵食。唯一唔同，依度係food court形式，就算係度堂食都係用外賣盒同餐具。