Bugis@叻沙・海南雞飯

營業中

休息中

食過一次Bugis的海南雞已經愛上， 今次帶埋屋企人一齊來吃， 一行八人我們每個人點一個餐， 原來這裏還有得加飯， 啱曬鍾意食飯嘅人。今次各點了幾款套餐～海南雞干撈麵$70， 海南雞叻沙摻摻$78， 新加坡海南雞飯$70， 麻辣雞海南飯$70， 雜錦大比拼$90， 酸辣鳳爪$40， 健康唐生菜$40。海南雞～味道依然好食， 肉質嫩滑， 份量足夠， 肥瘦適中。干撈麵～ 如果唔喜歡湯麵可以選擇撈麵， 撈麵彈牙惹味。叻沙摻摻～ 喇沙味道好香但又唔會辣，啱曬港人口味，摻摻係粗麵和米粉兩款， 增添口感。雜錦大比拼～ 有串燒，魚餅和炸蝦， 炸蝦鬆脆， 魚餅帶有香茅味， 雞串燒有肉汁， 唔會好乾。酸辣鳳爪～ 無骨酸辣鳳爪， 酸酸辣辣很開胃。健康唐生菜～ 唐生菜配上醬汁， 味道不會太鹹， 清清地，好味！每次食飯時間到鑽石山荷里活廣場都唔知食邊間， 自從發現了Bugis@叻沙・海南雞飯之後， 一想食海南雞就會來這裏。

今日約好耐冇見的朋友出嚟傾偈，同食下午茶，鑽石山荷里活係較好選擇，因交通方便哩度三點幾，有午餐，滋味時刻，但食品選擇唔多，只2張紙叫咗個迷你海鮮叻沙槮槮，羅漢果水叻沙份量細，但配料都有蝦，青口，魚蛋，半隻蛋湯底，入口有椰香味，蝦連殼，但好新鮮，肉質彈牙熱羅漢果水，入口唔熱唔凍，但飲落都幾清甜朋友揀左馬來咖哩雞米線，珍寶大雞脾拼雪糕，生薑龍眼茶，黑糖珍珠豆漿，眼見球雪糕好硬，但賣相唔錯，雞脾就唔係真係好大隻，薑茶的薑，好大片，朋友話唔算太辣

每次到鑽石山荷里活廣場睇戲之前都要諗下食乜嘢， 其實來來去去都係嗰幾間， 今次想介紹下Bugis， 餐廳以新加坡菜為主， 這裏的海南雞仲非常好味添！ 今次試下巴東牛肉飯$60， 然後一定要食海南雞喇沙$72， 再加一杯咸檸七$26。巴東牛肉飯～ 伴碟有花生，青瓜粒，魚仔， 飯面仲有一隻煎得好靚嘅太陽蛋， 巴東牛肉帶有微辣， 煮得很入味， 入口惹味無比送飯一流！海南雞喇沙～ 海南雞肉質嫩滑， 喇沙有魚蛋，滷水蛋和豆腐卜，正！咸檸七～ 解渴清熱。推介比喜歡吃海南雞嘅朋友， 仲要記得試下呢度嘅喇沙。

鑽石山廣場實太多餐廳花多眼亂下揀間坐得舒服既！😂其實因爲想食喇沙！晚餐價98（加一就107)包一個小食主菜跟特飲雖然味道沒有驚喜，不過不失由於本人不太食辣，但呢個喇沙岩岩好，不太辣，椰奶濃😋滲滲，有米線和麵2種口感魚旦尚算彈牙！飲品可選特飲又不用額外加錢！龍眼薑水！不太岩我口味，但試下冇壞P.S 餐廳3點至6點落場，清潔時間所以晚市6點開始，我們平日6點入座以為冇咩客，比較靜,原來係錯覺，7點3已經坐滿！

一向對雞都情有獨鍾， 所以今晚揀咗呢度食個海南雞飯！之前有時都會幫襯呢到，因為呢度嘅海南雞飯算係呢區最好味嘅！另外，餐廳裝修都花心思，加入新加坡嘅元素，坐得又舒適！叫咗一個自選一人行餐($96)， 有小食、主菜同埋飲品。惹味沙爹雞肉串燒沙嗲汁味香濃，雞肉質地外脆內嫩，好味道！新加坡無骨海南雞飯雞脾肉嫩滑，但雞胸位比較鞋，而且雞味不太突出，要靠醬汁嚟加味。油飯充滿油香，顆粒分明。黑糖珍珠豆漿令人失望，珍珠無味而且好淋，而且豆漿淡而無味，都唔知喺度飲緊乜嘢。。。炸蝦餅乾撈油麵($64)炸蝦餅熱辣辣，爽口彈牙，不過同伴麵一齊食好似唔係好夾。 醬汁比較奇怪，唔鹹唔淡。服務態度良好，但食到一半啲侍應會不停地收嘢，好似想趕人走咁。。。總括嚟講，對比之前，呢餐飯有啲失望，而且不斷加價，性價比越嚟越低。

新加坡菜其中之一的海南雞飯是我喜愛吃，飯底有香料味和油香，無骨海南雞飯有成半隻雞，大大碟啖啖肉，超喜愛，配酸菜也非常出色又好味，我每次都食清光。餐湯也不錯👍，不太鹹，濕濕地食完飯吃就完美。

鑽石山荷里活廣場有很多食肆，午餐的時候人流也不算太多，可以慢慢選擇。但行到2樓，見到有間鋪頭坐滿了顧客，於是看看自己是否合口味。BUGIS @叻沙·海南雞飯 的午餐選擇也頗多，價錢合理於是入內試一試。選了一個巴東牛肉配小魚椰漿飯 以及一個 香茅豬頸肉叻沙摻摻，餐飲也頗多選擇，有羅漢果水、桔仔特飲、生薑龍眼茶、奶茶、咖啡等等。我叫的生薑龍眼茶 夠薑味又有龍眼肉的甜幾好飲。巴東牛肉跟我食開有啲唔同，比較多汁，但肉的質地唔錯，夠腍又入味。椰漿飯很香椰汁味，花生炸得非常香口，魚仔也好味，夾埋飯餸一起來吃非常好味。香茅豬頸肉叻沙摻摻 非常好味，湯底除了叻沙料還有椰香味，除了豬頸肉還有豆腐卜、魚蛋、雞蛋、芽菜等，非常惹味，我喜歡摻摻 的米粉加油麵，吸收了湯汁非常好吃，這頓是不錯的午餐。

很久沒去鑽石山了，商場也新增了很多餐廳，想吃酸酸辣辣的，又要適合小朋友，Bugis餐廳內部環境舒適，比較多梳化位，今次好彩有卡位 ，小朋友可以坐定定。推薦他們的麻辣海南雞飯，第二次食了，依舊好味，其實也不是太辣，夏日炎炎，吃點辣，刺激一下味蕾，也比較開胃。辣汁另有小碟上，拍照時忘了把它入鏡。今次的海南雞多了點脂肪，唯有先把太肥的部位除去...喜歡食雞皮的我，連同雞肉加雞皮，沾上適量的辣汁，配上黃薑飯，啖啖滋味，啖啖香口。伴碟小菜，有我最愛的鹽焗花生，脆脆的，而酸菜也很好伴飯，我把整個K.O.了。

1.海沙叻沙摻摻用咗兩種麵混合一齊 加咗麵條同米粉雙重口感 叻沙湯椰汁好香濃 帶少許辣味有點失望我比較喜歡辣味重一點 配合青口鮮蝦 煮得過老 肉質比較鞋身魚蛋同牛丸彈牙 再加上熟蛋豆卜吸引叻沙湯味道好香濃2.海南雞飯雞肉滑嘟嘟 雞皮薄唔會太多脂肪油飯唔會太油膩 配上三種配汁增加雞肉香味

鑽石山荷李活廣場係我兒時回憶，記得中學時候，每當放學總會喜歡和朋友結伴一齊去荷李活廣場食飯同購物，好多餐廳都不停在變換。 行完街見有d餓，心血來潮突然想食海南雞飯，於是鎖定左一間Bugis 喇沙餐廳。 晚市見到都有set 餐選擇，簡左個麻辣海南雞飯套餐，有小食+ 野飲，價錢都算正常範圍內。佢個菜單裡面有好多唔同搭配，我簡左串燒小食（雞肉兩串）+ 麻辣口水雞+ 黑糖豆漿。 口水雞個麻辣汁係另外分開上的，變左多左個彈性比客，可以隨意決定辣份量係幾多，另外個辣汁真係好好味，唔算好辣但好入味，岩曬鍾意食辣的我。至於d雞都好滑又唔會見到血水，黃油飯都唔會太油膩，整體比我感覺都係好好。 當然最驚喜當然係佢個黑糖珍珠豆漿，無諗過黑糖珍珠同豆漿一齊可以咁夾，珍珠係好霖果d，如果鍾意食好煙嗯珍珠朋友未必會適合，至於黑糖又唔會好甜，成杯野攪均後飲，味道岩岩好，我覺得我下次再去e間餐廳，應該都係為左飲佢杯黑糖珍珠豆漿

第一次試這家新加坡餐廳，點的是海鮮喇沙套餐，有多款小食任㨂，我點了沙嗲豬頸肉串和凍青桔仔水，朋友則點了煎魚餅和熱龍眼茶。小食方面我覺得豬頸肉很不錯，兩大串，沒有欺場，味道也不錯，沙嗲不會太咸。至於魚餅就一般般，檸檬味較重，可能是東南亞食物的特色吧。至於喇沙方面，是有點辣的，不吃辣的不要點，很香喇沙味，但吃的時候就沒有像聞起來那麼吸引，可能是給辣味掩蓋了香味吧。雖說是海鮮喇沙，但只有青口和蝦，魚旦我不能當是海鮮吧，其他配料還有豆卜和雞蛋，如果加魷魚和蜆之類會較好，另外就是麵煮得太冧了，不過份量倒是很足的。至於凍青桔仔水我覺得還不錯，入口感覺清新。至於朋友的熱龍眼茶也應該不錯吧，眼見有好幾粒龍眼乾，不會給人很hea的感覺。整體來說中規中矩，麵質如可改善，湯的辣度調低或有無辣選擇會更好。

對於連鎖店，本來期望不大。在晚市排隊更加要排差唔多20分鐘一去到，朋友推介海南雞，同埋見到廚房不停地出海南雞，一個接一個，於是就試下。點知！海南雞真係好滑好好味！係無論咩位置都好滑好好味！價錢大約$110人頭，好建議食！

上次午飯嚟過， 感覺幾抵食。 今次下午茶時間， 又睇睇如何。去到門口， 依然要撳張飛仔等位， 不過好快一兩分鐘 就可以搭枱。 點了下午茶餐的海鮮喇沙及鮮蝦乾撈麵， 加兩杯凍的黑糖珍珠豆奶。海鮮喇沙(摻摻)十分鐘已經上枱， 一隻青口 + 兩隻蝦 + 兩件豆卜。 喇沙湯底好香椰奶味， 又唔辣， 又夠熱 ，最啱啲唔辣得嘅人食， 不過食完之後個口都幾確， 味精起了作用！過海鮮喇沙食完， 乾撈麵都仲沒有到， 向侍應生追了兩次， 終於由落單起計30分鐘先有得食！ 好在還是熱熱地的， 兩隻蝦 + 兩件豆卜， 麵底用油麵， 份量係喇沙嘅一倍！飲品都還可以。 整體用餐經驗一般， 等咗半個鐘頭真係扣曬分！

近年筆者較愛光顧咖啡店或其他非連鎖餐廳，總覺得商場內的餐廳食物質素大多差強人意，定價也不親民，但BUGIS的喇沙摻摻算是一個值得一試再試的例外。豬頸肉喇沙摻摻 (9/10): 嗽沙湯底香濃，椰奶的比例很高，光喝湯也值回票價，吸滿湯汁的豆卜也很好吃。油麵和米粉份量適中，豬頸肉略為薄身，以致口感偏軟，不夠彈牙，算是唯一的扣分位另外，午市會包一杯飲品，亦可加錢加配炒通菜等小食，質素與晚市無異，但價錢更相宜，推介大家午市光顧。

呢間餐廳已經成為我嘅最愛啦！食咗超過10次水準都係一樣咁好味！無骨海南雞飯有成半隻雞咁多，而且肉厚，嫩口，又唔會太肥，大大舊食落口好正，好多時嚟食都系雞脾肉配菜酸菜也非常出色，每次都食晒。反而唯一就係有返唔算好香同有啲乾身。但整個配搭起嚟，都系好正既。