Cafe 8

營業中

休息中

咖啡控又出動🤭🤪有種味覺享受叫「當咖啡遇上朱古力」。個chocolate cake 真係好香濃，一啖啡一啖cake ...無敵🤤🤤無敵在配合埋個境同d海風，呢一百蚊係絕對值回票價嘅。

如果想找作為一家影相打卡的咖啡色，這裡不會令您失望，但如果是抱住想品味的心情，小薯只能說，門口在旁邊。🤣🤣🤣🤣下午茶時間，飲料+蛋糕只需80元，都算是合乎咖啡店的價錢，且蛋糕每次來都有不同款式餐牌也沒有的，也容許客人直接選取，每一件餅尺寸份量都很足料，且甜度也很適合，不會令人感覺太甜。至於熱咖啡，很大碗。。。。🤧比旁邊的蛋糕碟更大，比凍飲更抵飲，但咖啡偏酸，且奶味不突出，形成奇妙的感覺，喝時頭上一大片問號😥。至於海鹽蛋糕。。。原本以為上的薄脆好透明好精瑩，但一入口原來皆是鹽，請想想全都是鹽的時候，這東西有多鹹🤦🤦🤦🤦🤦，把表面的刮走後，鹽份仍然滲到蛋糕內🙄

一間室內環境唔錯既社企，事實上入到去有的確有兩至三個學習障礙人士，佢地都好有禮貌，用心服務，感覺好舒服。沙律都好足料，但醬汁唔夠多，基本上7成既沙律菜都無醬汁味咖啡正常，有拉花，但外觀麻麻可惜既係只有室外先睇到海景，有d浪費

今次想介紹下喺碼頭旁邊嘅依家小cafe..我諗就算你係中環人都未必會認識呢一間社企Cafe⋯⋯佢其實係中環八號碼頭海事博物館頂樓。第一次去，佢嘅門口係有啲難搵。🙈🙊一入到去職員好熱心幫我搵位，又話俾我知佢哋一至五先有嘅lunch set menu.我嚟過幾次，試過唔同嘅嘢食，其實食物方面expectation 唔好太高. 以社企黎講，我覺得係超晒班。佢嘅lunch set有好多combination. 我多數都會要佢嘅沙律buffet，加一個main （ 其實都係pie or wrap ) ,再加一杯嘢飲。佢令我三個禮拜連續去咗三次既原因係佢嘅環境非常之舒服。藍色海洋風嘅裝修令到你好似去咗外國,暫時放低下返工緊張嘅心情。 喺中環食開lunch都知，啲餐廳成日好趕頭趕命。但係呢度一啲都冇呢個感覺，可以舒舒服服坐喺度，悠閒咁食個lunch，佢哋絕對唔會趕你走。如果嗰日心情沉重，我強烈建議你去呢間藍色小Cafe，食個lunch，呢度一定可以幫你轉換下心情。

今天，海事博物館免費入場。既然是免費，當然咪執輸，帶小米來參觀一下。原來手持博物館當日入場券，光顧樓上Cafe可享九折。反正時間尚早，就來一個早午餐。付款後，還需要等待職員製作食物。在等候期間，職員主動提供畫筆畫紙，好讓小米打發時間。自己則去看看甜品櫃和小商品。不過，店內有一大堆人在開會，十分嘈吵。       英式鬆餅 Scone 配Jam& Butter 　這個Scone先呈上！  視覺：細小的Scone，配一小碟的牛油果占。盛著牛油果占的碟子，就是酒樓辣椒醬那個醬料碟，直徑大約5-6cm。  手感：Scone不太熱，只能說是溫暖。整體較硬身乾身，中間芯位跟邊緣位置的硬度一樣。  口感＆味道：一如所料，Scone較乾身，很實在，即使塗滿果占都很乾身。就因為乾身，需要加點時間咀嚼。不過，嚐不到果占味道。　牛油和果占太少了！！！　如果增加牛油和果占的份量，讓二種配料完全覆蓋Scone，就更完美了！　英式鬆餅只是廿個大洋，不能要求太高。 Long Black　早上當然要來一杯咖啡。  Panini of the Day　Chorizo & Brie Cheese Panini辣肉腸芝士帕

朋友係遠方番來，係openrice搵到尼1間Cafe, 評價唔錯，而且環境舒適，所以就決定相約係尼度聚一聚可惜天宮不造美，中午下大雨，戶外露天無開放到，不過場內環境都好好，而且服務非常細心。由於有小朋友同行，提供畫筆同畫紙俾佢油顏色。亦有小朋友餐具提供。食物方面都非常滿意，特別係波菜芝士撻。熱辣辣，唔會太咸，芝士味香濃，撻皮鬆脆有好香牛油味。而肉醬千層麵上，有一層厚厚拉絲，肉味香濃，食洛去，有不同層次的享受尼度亦有另一個吸引我的地方，就係有酒賣，有生啤，有香檳，白，紅酒，可以係一個下午既聚會，飲一點酒精助慶好愉快既一次聚餐，溫馨舒適，食物也非常稱心滿意，我會再光臨的❤️

所謂大隠隱於市，呢間位於中環海旁嘅Cafe應該都唔係好多人知道，我都係偶然一次發現到呢間餐廳，一試就已經愛上。我鍾意呢間餐廳嘅地點、環境同埋食物。先講講地點，佢位於中環海濱附近，正正就係喺海防博物館旁邊，一啲都唔難搵，行到攰或者去AIA玩完坐喺度飲杯野真係幾舒適。環境方面，佢裝修簡潔，而且好有特色，仲有佢嘅採光做得好好，無論坐邊個位置都可以感受得到陽光，仲可以望到中環巨型摩天輪。至於食物，我最欣賞嘅係佢個拖肥香蕉蛋糕，真係做到甜而不漏，連我唔係好鍾意食甜野嘅人都覺得佢好食👍🏼

中環都算多社企食肆呢個算係有d質素不過今次只係飲野唔知係咪聘用既人都係有d障礙。。送起餐上黎都唔可以期望太多2 杯熱飲。。等左半個鐘有多。。。實在難以接受值得一提既係。。當時已經係1點半，要食lunch 落order 果d已經無乜眼見亦都無人叫野食好喇。。。有野飲喇。。。點知。。。Mocha 同flat white 無分別果下先搞笑。。4x一杯。。我請願去連鎖店。。。平d得黎又快又好味

中環碼頭就去得多，但未試過碼頭上面都有間餐廳。今次去到環境10分優美的cafe 8, 有分戶外同室內,戶外可以望到海同碼頭嘅船出出入入,入面就環境清靜，唯一一個唔方便嘅地方就係要自己出去落單。 今次叫咗蘿中carrot cake , 係未食過嘅味道, 非常大件, 分量十足, 咬落去果然有好重嘅蘿蔔味同埋蔗糖嘅味道, 出邊用上frosting cream 所以冇朱古力嘅厚重感，蛋糕濕潤軟綿得來又有少少紅蘿白嘅爽身感，味道好特別，可以一試唔差但又未必會再叫呢個蛋糕，始終都係正路嘅芝士蛋糕比較啱口味。嘢飲方面叫咗一杯摩卡，不過不失，拉花精緻，咖啡香味沒有被奶香遮蓋，比例不錯！坐左一個下午都幾悠閒值得再來！

舉辦一個小型的聚會，於是訂了這個餐廳。第一次來著個餐廳，一進來非常驚訝，餐廳的環境非常漂亮。店長已經準備好我們的下午茶，蛋糕，咖啡都非常好，坐的環境也非常舒服。 特別是outdoor area, 吹著海風，在中環的鬧市難得有 一片淨土。 另外，這是一家社企，能幫助到很多有需要的人，體現香港社會的一種關懷。

中環上班族最煩惱的相信就是用餐問題~平嘅無乜選擇，貴嘅又唔一定好食哈哈食早餐嗰陣諗晏晝食乜食晏就差不多要諗定夜晚嗰餐😭可惜諗好哂都無用因為大家都有一個鍾意11:59先叫你做野嘅老細哈哈係囉，就係咁樣就遲咗出去食晏出到去 想食嘅都好多人排隊結果就去咗想食好耐，但因為有啲隔攝所以一路無去嘅社企餐廳Cafe 8🍴餐廳喺海事博物館上一層樓梯，因為無好明確嘅指示牌，所以有啲難搵😆入到去，見到全白色嘅裝潢，加上落地窗透入嚟嘅陽光，成個感覺好舒服☺️坐底之後等咗一陣先發覺原來要出去點餐哈哈今日唔太餓，不過因為想食甜品，所以都係嗌full set ABCD(即係前菜主菜甜品加飲品)前菜 - 湯嗯..又酸又辣，係一個好重香料味嘅是日餐湯餐飲 - 凍蜜糖咖啡 講真無乜蜜糖味，不過個啡底係好飲嘅(呢度唔會主動俾飲管的，如果有需要可以出cashier拎紙飲管或者自備☺️)主菜 - Chicken Avocado Wrap比想像中好食，牛油果略少，但咬落去一啲都唔乾，食到中間仲爆汁🙈⬆️爆到成枱都係汁甜品 - Lemon Tart我真係好鍾意食檸檬撻，呢度做得偏酸，啱哂我口味😍以下係友人嘅Caramel cream

自從有次誤打誤撞地發現了中環碼頭上有間小清新的cafe: Cafe 8後，我便愛上了這個地方。 Cafe 8位於中環8號碼頭天台，以提供三文治及蛋糕等輕食為主。 餐廳設計以藍白為主，我最愛那可自然採光的落地大玻璃，可以看到戶外的摩天輪。除室內位置外，餐廳也有戶外空間，如果遇著好天氣，坐在外邊嘆咖啡應該也很寫意。食物方面，我們點了三文治餐 ($75) 有三文治餐；水果 ；甜品；飲品，好豐富! 當然份量是比較輕巧的，另外，也單點了香腸包 ($35) 給小火子。 這裡提供的水有清新的薄荷味，十分醒神。值得一提的是這是社企經營的餐廳，有些店員可能會與我們有點不同，但都十分勤快友善，記得要給他們多些鼓勵啊!Cafe 8地址: 中環8號碼頭天台開放時間：星期一至日上午10時至下午8時

當日為左影令相所以坐左外面位置，但一早已經講明係唔會有店員幫手拎食物比你，一切都係’’自己黎’’。叫左焗牛肉千層面８０元一個，ｃｈｅｓｓｅ　味好重，蕃茄味都好出，做得唔錯，不過食多幾啖就好膩。而另一個牛肉批７５元都，牛肉批雖然便宜點點，不過好食過千層面。latte 拉得幾令 ，不過唔好飲，好奶粉既感覺。綠茶latte都係一般叫左少少野就200多，好似唔多值，不過當食個景咁解。

星期日同男朋友行經中環海濱 八卦行左入海事博物館逛下 估唔到原來呢度有間cafe 咁就順便就食少少野啦星期日嘅中午都冇乜人 有室內及室外座位 由於天氣太熱 所以就坐左室内 餐廳以藍白色海洋風格為主調 感覺好悠閒好舒服第一次去社企餐廳 感覺真係好好 提一提大家，呢度嘅形式係需要自己去櫃枱落單 食物就會送上～<<Tai Tai 澳式牛肉批 $75>>Size比我想像中大 餡料好足肉味香濃 批皮酥香 而且又脆 如果個餡可以加d洋蔥會更好 咁就可以增加味道嘅層次另外呢個批會跟埋一個沙律 可以清爽同中和一下整體味道中規中矩 我認為環境比食物更優勝更有驚喜喺中環呢個咁繁忙嘅地方都可以搵到個咁優靜嘅地方 真係一個假日休閒嘅好地方

我揀地方食嘢，最鍾意睇埋佢環境！環境舒服，人都食得開心啲吖嘛！.上個星期，日日都超級熱☀️，但係襯咁好天，梗係要去一間，可以感受到咁靚天氣嘅餐廳，享受下啦！俾我搵到嘅呢間社企，Cafe 8，位於中環碼頭。先搵到「香港海事博物館」，然後沿着旁邊樓梯上一層，就會發現餐廳嘅入口！.正常行過碼頭嘅地面嗰層，係睇唔到佢嘅存在😂😂黎到呢度，完全感受到，用「平民價錢」就享受到「海洋風」嘅「高級渡假享受」！雖然人在香港，但感覺自己就好似去咗旅行一樣！完全滿足到我想渡假嘅需要，哈哈！好似我咁鍾意「海洋」、「藍白希臘小島」感覺嘅朋友一定要黎！嘢食方面，我會推介「雞肉牛油果卷」！因為佢真係整得好香，送來嘅時候仲係熱辣辣，牛油果控一定唔可以錯過🥑.另外仲叫咗個「牛油果士多啤梨沙律」，美中不足嘅係，呢碟嘅牛油果好硬希望下次嚟，佢會俾返啲熟啲嘅牛油果食客啦～.小總結：簡簡單單食一餐，享受下休閑嘅一日！感受下好天氣同舒適嘅環境唔駛搭飛機，個人都即刻放鬆曬～咁樣嘅假期永遠都唔會嫌多，哈哈！.Ps. 服務員大概有一半係本地殘疾人士，有一半係外籍人士，感覺中西交融，合作得好和諧而且佢哋嘅服務絕對唔俾一般餐廳嘅差！Pps.