California Pizza Kitchen (已結業)

前兩星期先去過time square嗰間，真係唔多掂，食咗個五十幾蚊既牛油果大蝦卷，全碟得4條，仲要係2開4果隻，蝦就固然係細，將一隻蝦劏開一半做一條，裡面啲粉又硬，個水晶皮卷亦都硬過張紙；然後再嚟個海鮮意粉，啲所謂海鮮真係雪藏雜錦包裝既都大粒有味道過佢，再加埋三杯野飲，咁就二百幾蚊，實在難以令人釋懷...絕無下次....!!!

黎呢度當然要試下佢地的pizza啦！那次我地叫左個好簡單配料的pizza，芝士蕃茄pizza，真係可以食到pizza 的原味同埋餅底的質素。味道唔濃但有芝士香，好淸又唔漏的感覺，餅底是平時的厚派與薄派之間，值得一試！

又係兩個人係LCX盪完之後發覺有間食PIZZA的西餐廳埋走去試下囉攞起餐牌真係唔知食D什麼最後叫左個墨西哥香牛肉薄餅重叫左個生菜包Ｄ野食就唔係好特別但就要好好認真咁試下佢D醬汁因為如果唔係D醬汁點綴下真係完全唔值囉呢度有樣野比較特別係D汽水同檸檬茶叫一杯就可以REFILL一杯大約廿五蚊如果係一大班人把酒談歡嚟呢度都OK喎價錢一D都唔平真係去過試過就得囉

9月6號晚去左呢間餐廳食飯，兩個人…叫左一個original bba chicken pizza 同埋一碟jambalaya (唔係好記得點串喇)。食物既味道、賣相都好好。不過碟jambalaya 其實有少少辣，大家要留意下喇。而且仲發現左凍檸茶同汽水係會免費refill(雖然我無飲，不過覺得幾特別)。可惜侍應既態度就唔得喇，個個好似未訓醒既。最搞笑就係埋單既時候，佢整跌左我張credit card，濕左…繼而佢就當無事咁俾返我，講聲唔好意思/幫我抺返既意識都無。係香港呢個地方發覺要搵好野食唔難，但係要搵好服務既餐廳就真係幾難。

尋日帶亞媽同細妹食野,等佢地試我一向覺得係人間極品既薄pizza.訂時佢地已經講明7點食到8點半交,問題唔大.準時去到,點左chicken caesar salad, 一個Sicilian Pizza 同埋一客Carbonara Linguini. 個salad今次落多左醋,酸左D,但D croutons仍然好好味.個Pizza仍然好味.個pasta份量雖然唔多,但因為芝士味重的關係,好"漏",食少少已經好夠,我細妹仲話似食緊花生醬撈意粉添!食到8點,雖然都已經好飽,但一心想食甜品,個甜品menu影出黎個chocolate souffle cake with ice cream又好吸引,就諗住叫個Hot Fudge Chocolate Cake with Ice Cream啦,點知佢話賣哂,甜品只淨番Cheese Cake 同埋Ice Cream.我當堂好嬲.個menu有成十幾樣甜品,竟然8點咁早賣淨2款!!!我問個waiter點解,佢口窒窒咁話d甜品要新鮮所以係即日整,而午市多人幫襯所以賣哂.我問番佢點解明知日日午市有咁多人食甜品唔整多留番夜晚,佢話會幫我反映番俾上面知.唔想同佢拗,

其實間野幾多人, 又幾noisy, 不過d 野好食.推介tuna salad, 好清新.pizza 有個係好多牛油果係面個個好好食.i suggest go there at tea time. 個陣無咁多人又好service d

開左咁耐都未去過,因為知道要等好耐.今晚七點半去到都只係等一陣就有位.但係吸煙區.我想要非吸煙區.但小姐話隔離都無乜人食煙問我坐唔坐.我又怕要等好耐於是都坐啦.但...我發現原來香港真係好多人食煙.再加上d西方人更加喜歡又煙又酒.我決定以後都係堅持立場呢!食物方面想要apple pie又無.三文治又無.意大利芝士餅又無......點會咁多都無架??最後叫了一個白豆醬伴中東烤餅.但我覺得烤餅似係主角.白豆醬只係配角.因為烤餅都成五六塊.每塊有成半塊三文治方包咁大.而白豆醬只有一小碟.所以只有$38咁平囉.什麼雞肉波菜闊條麵,是用白汁的.$8X.份量也不小.味道可以吧.鴨肉PIZZA.沒有茄汁而是用海鮮醬的PIZZA.有新意幾得意.味道比較甜.沒有茄汁的酸味.但芝士味不濃.服務也可以啦.仕應生一開始都好主動問我要唔要介紹食物.我又問好多問題.佢就算唔知都好好笑容咁話唔係好清楚.下次我想試下個APPLE PIE同芝士雲吞.

香港呢間CPK 同美國既CPK一樣(餐牌同食品)，雖然定左枱都要等一陣先可入坐，但人地唔會限時間要你走。香港既做法可能本地化左，都係閑日去好Ｄ。可能假日太多人，Ｄ員工做到冇哩表情，平日真係冇咁差架。我食唔晒件餅，叫個部長（高級嗰個）幫我包起佢帶走，佢幫我用保鮮盒包起俾我擰走，幾好人呀！不過服務唔好真係會令顧客食得唔開心，況且仲係遊客區，影響香港既形象架。

今日我生日,去到d waiter水都唔比杯,叫野又十世都唔黎.d 野食好普通又少.總之唔會再去.

見到咁多惡評，都驚驚地，但係Ｄfriend 又講好左去呢間，咁就算啦，即管打去定檯啦．點知星期日晚市，十人檯都要你個半鐘交檯．咁多人出來，梗係想坐吓傾吓計啦，唔通叫人野都唔講，坐低就係咁食，食完就好快Ｄ走咩，咁去大家樂好過啦．個receptionist仲懶懶嫻話，公司規矩，無論大檯細檯，都要個半鐘交檯．我都明白如果個個叫碟pizza　然後坐足三個鐘，間餐廳都幾慘，但係都要合理先得0架，起碼我覺得十個人個半鐘就唔太合理囉，我提議佢地個老細唔好做餐廳啦，開大排檔或者茶餐廳啦，咁你一晚turn 二十次檯都得呀！

食物不錯, 但環境一般, 員工態度簡直惡劣,得一個半鐘頭食都算喇,d 員工好似'唔休做'咁, 不知所謂

我遇到的情況跟他差不多, 不過好彩未坐定便決定走, 事源, 去年睇雜誌知道這裡有海景位, 打算同朋友在此慶祝生日, 於是訂檯要時要求海景位置, 當時待應已說無問題, 後來諗諗, 星期五一定很多顧客,為求穩陣, 於是訂了同是尖沙咀區的fat angelo作後備, 當晚去到, 說明book 了海景位, 但待應竟說安排唔到喎, 只可安排一張近門口給我們, 而且態度極不耐煩, 未等我們決定便先行走開, 最嬲係我好早去到, 整間店舖只有兩三檯客人, 唔明點解未full而且book左位都安排唔到, 好彩我book 了另一間作後備, 否則相信要就此屈服, 後尾改去fat angelo, 待應已事先知會九點要交檯, 但見我們沒示意埋單, 他們亦沒有趕客, 雖然外面有很多人輪候, 而且安排了一張位置較好的卡位給我們。相信這店要好好向對方學習, 什麼是以客為本, 此店我已列作黑名單, 不會再光顧, 食pizza可以有很多地方, pizza hut也不錯!

11/8 7pm同朋友一行4人到此食晚飯,book左位所以吾洗等.我地2男2女叫左牛油果雞肉pizza$88,田園雜菜沙律$68,生菜包$68,雞肉白酒闊麵$78.牛油果雞肉pizza---普通size,餅底吾算十分脆,但味道都ok!田園雜菜沙律---有火箭菜,羅文生菜.椰菜,仲有種吾知咩菜,dressing系balsamic vinegar,味道麻麻,似乎過油,且偏苦澀.生菜包---十分不俗!辣汁及肉碎相當惹味!雞肉白酒闊麵---呢個亦非常出色!酒味相當濃郁入味!唯份量略少.服務方面只屬一般但未至於差.埋單$330,我地有$50coupon,除開每人$70,可以一試!

老實講，第一次去，無論食物同服務都很好，令我想再次去。但第二次去就開始出事了，主要問題出在這餐廳想在晚市做兩輪生意，我和朋友約七時去到，reception的女侍應要我們八時交檯，我們多問兩句，個女侍應已表現得不太耐煩，向我們說話亦沒有眼望我們，我們當然亦唔會屈就自己幫襯啦！食物我們真的覺得好吃的，所以我們打算給多一次機會它，我朋友打電去book檯，估不到這餐廳仍然要求我們在八時半前要交檯，還坦白說明要做兩輪晚市添，你地話個老細係米有病丫，今時今日連自助餐都好少食兩輪啦！咁當然我們亦冇再去了。

最喜歡6時左右幫襯。貪佢未有太多人，天又未黑，可以望出HARBOUR。最喜歡凱撒沙律AND加州春卷。上次叫左Full portion加烤雞肉。嘩。。。好大碟。春卷幾得意。而pizza 都ok .