Canadian Pizza (V Walk)

營業中

休息中

窮人恩物之平價pizza🍕🤤路過見到呢間pizza店，繁忙時間都仲有少少位又好肚餓就入去試下，點知又幾有驚喜😙💙海鮮盛宴 pizza $42 （一份）呢度既pizza偏大份，因為食唔到咁大個所以散叫單份，但都講緊大過我塊面haha🤣🤣佢係薄批，但芝士量十足！芝士同批既比例大概1:1.5，啱曬鍾意芝士既朋友👍🏻😋g雖然叫海鮮盛宴，但只係得少量蝦同魷魚，不過呢個價錢黎講已經好抵食🥹🥹💙煙三文魚 pizza $42 （一份）呢個同樣係大大塊又好多芝士，雖然煙三文魚份量唔太多，但勝在唔洗擔心會太鹹，cp值滿分🥰🥰💙白汁海鮮義大利麵 $62呢個份量同樣好多，海鮮份量亦唔少，有幾隻蝦同魷魚，白汁調味都唔錯，但同pizza相比就無咁出色同抵食🫠🫠Overall黎講pizza抵食又好味，絕對係糧尾不二之選👍🏻🥹淨係散叫一份pizza都夠曬飽😂😂另外見到都有唔少野飲，大大杯都係20幾蚊，下次有機會試埋先🙃味道：8.5/10性價比：9/10📍Canadian Pizza (V Walk)深水埗深旺道28號V Walk2樓L2-142&143號舖📌人均消費: $51-100#hkfoodie #hkig #

呢間嘅Pizza大件就係人都知~今次經過買杯飲品嚟試吓!店員推薦霸氣系列(˶‾᷄ ⁻̫ ‾᷅˵)揀咗霸氣提子 $30真係用提子去打 見到入面有提子籽!!飲落唔會覺得加咗糖水(⁎⁍̴̛ᴗ⁍̴̛⁎)甚至乎覺得唔係太甜 （可能提子唔甜😹)係清新自然嘅味道!!都幾好飲有驚喜 $30冇expect過有咁嘅質素😹

見啲食評唔差, 諗住試吓....叫咗兩個pizza, 即焗外賣, 點知....其中一個有兩條頭髮, 重要係已連埋啲芝士一齊焗....其實有一兩條頭髮唔係大件事, 但我覺得呢點絕對可以改善. 希望店鋪管理層考慮, 做多少少,  員工必須要戴帽, 特別係出品部的, 呢點, 好多餐廳仔都做到, 更何況你係連鎖店, 點解無顧及呢個咁細問題.  犯低級錯誤.  至於出品, 料係多嘅, 但既然係薄批, 餅皮似乎厚咗少少.    

比想像中好食既Pizza🍕呢間Canadian Pizza店系南昌V Walk 2樓角落位，門面唔大。之前以為系得外賣，但原來隔離系有位堂食嘅。餐廳系半自助形式，餐具、水同調味料系自取，但餐呢系會有職員上。今次點左2-3人SetSet包左一個10’Pizza，意粉/雞翼，可樂/餐湯×2咁我就點左招牌Canadian、白汁三文魚意粉&餐湯。√忌廉粟米湯，幾濃郁下，比想像中creamy，奶味重。√Pizza有驚喜，好食又多料，似岩岩焗起，包系軟熟既唔會好硬。√白汁三文魚意粉都好多三文魚，唔會食完上面下面無料，但我覺得啲汁水左少少，不過都算唔錯，可以接受。整體算唔錯，食物有驚喜，用餐環境就一般。

南昌站附近唔多pizza餐廳，最近都要去到長沙灣幸福村某PIZZA店；偶然VWALK經過見到呢間Canadian Pizza(最近好似只做外賣),  見到大大塊又唔貴就即刻mark低有機會食佢；終於到咗晚餐唔知食咩嘅時候，收工經過買楷Pizza,佢會即時翻熱都唔需要等好耐～5分鐘，分分鐘快過等外賣飯盒；-------------既然佢係Canadian Pizza我當然試佢嘅生招牌-Canadian Pizza; 咬落足料，包皮厚度適中，就算係翻熱咗都keep到餅底水準，唔會過硬；另外見到carbonara口味有隻好吸引嘅蛋(o亻系)入面，好奇心驅使下我就嗌咗一件，食落係芝士加流心蛋嘅簡直滿足到視覺同味蕾享受； 同家人一人一件已經過足口癮之餘亦都夠填肚，42蚊又唔想食飯盒嘅話呢個都係唔錯選擇，有機會一定會再試其他口味

$42一大塊，餐廳會好好咁樣幫你整成兩件方便食，總括嚟講，其實都夠食。返熱咗嘅Pizza，啲芝士的確係更加好食，另一不足係個皮有啲硬，感覺唔夠新鮮（雖然我已經叫咗要款剛新出黎嘅款式）嗰日都好多人排隊，餐廳服務員做到冇停手，不過態度一樣好好，又熱情又有禮貌，近期好少見後生仔女咁有heart不過餐廳外觀設計，如果喺後面行入嚟，成日都誤以為拉咗集冇開門，但係其實只係設計，要真係行去前門先可以落單