影片
電話號碼
65118718
營業時間
今日營業
09:00 - 18:00
星期一至日
09:00 - 18:00
以上資料只供參考, 請與餐廳確認詳情
之前聽聞 Cozy 唔做，後來先知原來經過重新裝修設計 同換過晒啲傢俬後，而家已經重開返啦﹗先講門面同環境感覺都好企理，值得讚係全間Cafe 枱櫈Setting 擺放有預留足夠空間感，唔會放得好逼 一共上下兩層而且每枱客都好似有自己嘅小角落咁，大枱又有 ，舒服梳化位又有，完全唔會覺得好逼 坐得都好舒服 整體環境真係畀滿分，好舒服，特別係星期五嚟是日餐湯 自家製磨菇湯❤️🔥❤️🔥❤️🔥個人大推蘑菇湯🔥🔥🔥好好飲班尼迪蛋酸種包 $118*可以揀兩款配搭 ... 我揀咗：巴馬火腿班尼迪蛋煙三文魚牛油果醬是日午餐 海鮮意大利飯Risotto 整體賣相、材料都唔昔，青口非常大隻，而且都好鮮海鮮汁味道適中，非常開胃，燉飯嘅硬度都空制得幾好係可以一試嘅選擇聯乘法國佬烘焙店 - 朱古力酥朱古力酥係嚟自西貢一間好出名嘅烘焙店「法國佬烘焙」，咬落非常酥脆，入面朱古力都好燶，但如果稍稍再Refheat 少少，令到個包暖返少少，入面朱古力條可以熔熔地咁應該更好食飲品｜Cold Brew☕️ Matcha LAtte 🍵店員推介 呢度Cold Brew嘅咖啡豆浸出嚟帶威士忌香味，飲落真係好出 推介得好haha 好香 同埋口感都爽 好啱夏天消署飲﹗ Iced Matcha Latte 抹茶味都濃～配超微甜味，啱晒口味， 正常發揮﹗———————————————環境：🌕🌕🌕🌕🌕味道：🌕🌕🌕🌕🌗
繼續閱讀
西貢海鮮出名，其實都好多Cafe小店都好正，行入小小就見到呢間，簡單木調風仲要有兩層店員無特別安排坐位，可以隨便坐，呢度個感覺好free，每一個座位角落都好唔一樣，就算坐2樓採光度都極好～(〃´𓎟`〃)黎西貢食嘢就係要呢啲感覺！！是日餐湯-蘑菇濃湯$38認真超值，個濃郁程度完全係一碗蘑菇蓉，勁有口感，蘸麵包係Perfect match ( ¤̴̶̷̤́ ‧̫̮ ¤̴̶̷̤̀ )無花果沙律$98無花果本身甜又有果香同沙律好夾，仲有車厘茄，菲達芝士口感沙沙，沙律菜新鮮，無花果油醋酸酸開胃~巴馬火腿& 煙三文魚牛油果醬賓尼迪蛋$118酸種包烘到脆脆，麵包搽咗牛油果醬，嫩爆既水波蛋（流心）加埋煙三文魚，再淋埋關鍵荷蘭醬，豐富既配搭 ദ്ദി˶ｰ̀֊ｰ́ )✧安格斯芝士牛堡配薯條$138麵包疑似自家製（？）比起出面食開厚得多，唔會烘到過份乾硬，芝士溶曬，塊牛有厚度，切開始岩岩好仲有少少粉紅色柚子伯爵茶忌廉蛋糕$48蛋糕都幾大件，伯爵茶忌廉好清香，海綿蛋糕輕盈蓬鬆(•͈˽•͈) ，柚子部分極酸（爽～），一層層加埋味道好正士多啤梨沙冰$50士多啤梨味都比較天然，飲落唔似有加到士多啤梨糖漿，所以淡左小小，飲得出有乳酪味，係一杯健康沙冰（岩我小甜人士～）
繼續閱讀
難得入到西貢就緊係要做足功課啦，我地今日一起身就決定要揾間cafe chill chill☕️去嘆個brunch再周圍行下。我地黎到見到有poster話登記做會員就可以減$10，而且滿$100仲可以有免費咖啡一杯🆓有優惠又點可以錯過呢😎。入到黎真係同名一樣咁cozy，揀好位睇岩食咩就先去落order，之後就會有店員送餐，上面閣樓估唔到又幾大，同埋會靜啲，真係唔覺唔覺就會坐左一日☀️。🐒賓尼迪蛋酸種包💰$118👉🏻煙三文魚牛油果醬賓尼迪蛋👉🏻忌廉菠菜賓尼迪蛋🐒全日早餐(煙三文魚,炒蛋,香草肉腸,煙肉,大啡菇,乳酪,沙律菜,酸種包)💰$128👉🏻薯餅+$15 🐒法國佬烘焙店水果撻💰$40🐒少爺啤(ClassicAle)💰$54🐒柚子蜜雞翼💰$48🐒Americano(Hot)💰$38🐒Rose Latte(Hot)💰$47。食物方面選擇都好多，無論係想好似我地咁食brunch定想飽啲既main course都有😍不過特別既係佢地竟然有得食法國佬烘焙店既products，咁我就唔洗特登過去買，仲可以坐低慢慢食🪑而店員仲介紹左local少爺啤俾我，對於我呢啲唔識飲酒既朋友好friendly，佢係淡淡既麥味，飲落好順口而且仲好似帶有少少甜味添🍺。另外佢地除左pet-friendly之外，仲有provide pet menu添，就算帶埋毛孩黎同朋友吹水或者做野都唔怕會餓親佢地啦🦮
繼續閱讀
呢間位於西貢嘅Cafe真係Chill到爆❤️，無論你係想同朋友聚舊，定係自己一個慢慢享受，都係一個唔錯嘅選擇。🟡柚子蜜雞翼酸甜嘅柚子味同香脆嘅雞翼完美結合，一試就停唔到口！🟣煙三文魚牛油果賓尼迪蛋可以同時配巴馬火腿，各有各嘅風味，流心Benedict 做得好出色！🔵Double Cheese Burger穩陣之選，芝士香濃，牛肉夠Juicy。最特別嘅係佢哋嘅咖啡！我試咗佢哋嘅Barista’s choice，入面加咗少少米酒，飲落去有種意想不到嘅清新感，真係幾過癮🤩。最近佢哋仲推出咗會員制，成為會員即送HK$10現金劵，消費滿HK$100仲有免費咖啡送，呢啲優惠真係抵到爛👍🏻
繼續閱讀
一直都覺得西貢係一個好適合chill同hea嘅地方，今次嚟到Cozy Coffee，已經唔係第一次黎，不過每次黎都有驚喜！今次叫咗Cozy All Day Breakfast，材料好豐富，有我最鍾意嘅煙三文魚、炒蛋、香草肉腸、煙肉、大啡菇，同埋乳酪/沙律菜/酸種包，食完真係大滿足！個紫薯燕麥奶都好出色，奶好香滑，帶有淡淡嘅紫薯香，成個人都好relax!我老公就飲咗個「少爺啤」，同埋食Bacon Cheese Burger w/Fries，我偷食咗一啖，牛肉係入口即溶！食完正餐就食甜品，除咗法國佬烘焙店甜品，仲叫咗個士多啤梨牛角包窩夫，好香好脆！
繼續閱讀