Dandy House (已結業)

穿過海山樓的大堂 一直沿地面通道走到盡頭就發現這間小小的西餐廳每天的午餐都有好幾款有意粉也有三文治跟餐有沙津或餐湯黑椒豬扒意粉黑椒味道夠 但豬扒偏硬有改善空間拿破倫意粉 看來像蕃茄味 卻偏甜意粉分量大大的一碟 顥得配菜有點少白汁魚柳忌廉味香 不太膩 魚柳好吃有心思的是餐飲當日的是綠茶多多益力多味濃 沒有偷工減料花茶是隨沖杯上茶葉的分量都落得大方還有輕輕的蜜糖味 心都變得暖暖的儘管港式 但值得一試一切心思都只是HKD49

睇到雜誌介紹咁抵食就同朋友去試下，位置係偏僻D，不過黎過一次就記得﹗好彩早到唔使等位就入得，遲少少都要等，下次再黎可以BOOK定位先﹗同朋友一人叫一個SET，頭盤有湯或者沙律，我地一人叫一款，再叫左燒汁牛肉炒長通粉、茄汁意式豬扒意粉﹗長通粉略嫌唔夠入味，不過D牛肉真係好得，燒汁味道岩岩好﹗試左少少朋友個豬扒意粉，味道都唔錯，個汁好開胃﹗食完之後我叫左杯熱桂花綠茶，好香桂花味﹗最中意佢個茶壺﹗ 朋友就叫左DOUBLE CHOCO，睇到都想飲，最衰喉嚨唔舒服.... 最後朋友想試埋甜品，於是叫左blueberry cheese cake，都唔錯幾好味﹗埋單每人$60，講真晚餐咁既價錢除左連鎖快餐店仲可以去邊度搵，CAFE黎計真好抵到爛啊﹗有機會一定再幫襯﹗P.S. 個晚見唔到上面食客講既四眼哥哥，SERVE我地個兩位姐姐都幾NICE，又夠主動﹗

服務好差, 未入去食已經一肚氣服務好差, 未入去食已經一肚氣今日睇·雜誌, 知有呢間新餐廳, 於是lunch就同老公—起試下由於是lunch hour, 所以比較多人, 去到indoor 没有位. 所以在外面坐低等.有一個四眼waiter, 話等大約十分鐘就可能有indoor位, 於是和老公耐心等待 ,十分鐘過後, indoor 有兩张二人枱走, 所以滿心歡喜走入去, 点知果個四眼仔waiter 話原來坐向我地对面兩個OL, 都係等indoor 位, 於是就放了她們入去, 心想fine, 重有兩個二人位. 但果個四眼waiter 話, 入面12:45 有人訂位, 所以我同老公就不能入去果一刻真係火都来有没有攪錯吖. 四眼哥仔, 你唔早講我地前面有人等indoor位,等我地以為係等第一個. 又唔早講有人reseverd 了入面. 如果你一早同我講, 我至少會考慮坐outdoor 或者走人唔食, 正一浪費時間.d嘢就算好食一流, 但老闆请d服務態度九流的waiter, 唔識招呼客人的waiter, 一樣倒米. 希望其他人去時唔好再遇到果個不知所謂的四眼哥哥, service 好差囉!!!!

知道有新店所以要嚟試雖然無訂位, 幸好侍應都讓我們進入環境很清雅有又可愛車仔模型 decoration ...叫咗 set 可選湯或沙津雜菜湯好清但d菜保得未夠火唔係吟冧OK OK ..主菜我選咗茄汁海鮮配紅米飯味道都係好清唔油膩感覺很健康食完送個蜜桃味餐飲我覺係呢度食有住家 feel無味精唔用肥牛油感覺超 fresh !

住太古都住左好多年，從來未見過有咁新潮既CAFE 開0係附近雖然鰂魚涌中心地段有好多選擇，但價錢又貴，夜晚又唔開。。所以經過見到DANDY HOUSE個廣告..都好想試下!地點0係海山樓入面，講真住左２０年太古，都未行過入去真心講句，咁鬼偏僻，有ＧＵＴＳ開入去，勇氣可嘉，就係呢一份勇氣，已經好值得撐下場啦！星期五晚，得我同男朋友兩個食我點左咖哩汁雞扒長意粉，男友叫左拿破崙意粉見到只係＄４Ｘ一碟，覺得十分抵食呀，點知原來係ＳＥＴ黎添架仲有湯／沙律同凍飲。。。0係呢句食晚飯先超抵啦!!!!兩樣野都好食雞扒大塊，汁又夠多拿破崙意粉又好惹味除左長通粉外仲可以揀意粉或意大利飯下次會再黎試意大利飯!講真太古既食店多數係連鎖食店,真係食到唔知食乜好。。。有時真係寧願搭ＶＡＮ仔落筲箕灣食算喇。。眼見DONG2 屋0個D大排長龍...心諗.....我寧願行多兩步去支持下呢D 小店唔係全香港只係得返連鎖集團架咋....起碼我既星期五晚, 可以安安靜靜咁食餐好飯：）唔使排隊唔使同人迫!

因見到是新開業不久，剛巧不想煮飯，便一起出外用膳。佈置簡單整潔，我地每人點了一份DINNER SET可以選擇餐湯或沙律，我地各選1..湯是雜菜湯，我比較喜歡雜果沙律，清清地不是太甜.主菜點了薄牛紅米飯及鷄長通粉，飯就略嫌過軟，牛就OK，仲有我最鍾意的漏黃煎蛋鷄都好滑，好味﹗餐飲方面可叫是日果茶或傳統咖啡或茶，不另收費，但凍飲或特飲要另加$$我叫左玫瑰荔枝綠茶，好清香﹗可以再加$24有埋甜品，今次是藍莓CHEESECAKE或TIRAMISU，因每日不同，要睇下遇唔遇到啱心水喇﹗TIRAMISU好有酒香味，而且個餅底不是太諗，啱啱好﹗正﹗藍莓CHEESECAKE好有芝士香，但又唔係太膩，餅底又啱啱好，真係好有驚喜這間小舖，位置方面較為隔涉，如果唔係睇過之前D食評，都唔知位置﹗服務方面，好有禮貌，希望各方面D水準一路KEEP住喇﹗

餐廳位置比較隱蔽 係海山樓最入最盡頭如果唔係朋友帶路 都唔知最近開左間餐廳餐廳環境同周圍好唔同 始終新開裝修比較靚 感覺係一個休閒的CAFE老細擺左好多車仔同畫做裝飾擺設 加上音樂感覺輕鬆而野食方面喜出望外最中意食依個長通粉 個汁好入味依個南瓜汁做得非常好 平時唔食南瓜的我都愛上感覺唔似南瓜 反而似加左淡淡的橙味 送飯好開胃最後叫左併盤送酒 (依到有新鮮hoegaarden同stella 好似一杯大概50蚊)併盤好抵食 依個大併盤好似$90 推薦炸墨魚丸 真係有墨魚係入面落單果陣冇乜留意價錢 因為見佢碟碟野都係5,60蚊左右 包餐湯所以每人叫左碟SHARE食再飲下酒最後埋單一人~$170 (每人最少飲左二杯啤酒)以鰂魚涌食晚飯來講覺得非常抵晚飯加二杯酒加成晚吹水放工後不失一個又平又舒服的選擇

我知道鰂魚涌開咗呢間新cafe,所以同一班朋友試一試，結果好有驚喜！：）首先講下個環境，間cafe地點都唔算難搵，鰂魚涌站a出囗行5至10分鐘，裝修幾有style,好啱後生仔去！另外食物呢，我地人多去，每人都叫幾同set試下！1：咖喱雞扒意粉雞扒好軟好入味，份量比一般cafe多，有誠意之作！2：牛肉炒意粉呢個我最最最鍾意，個sauce甜甜地，牛肉同意粉分量都多，個feel有啲似西式嘅乾炒牛河！3：三色螺絲粉沙律朋友最愛，幾fresh又飽！4：carbonara夠creamy夠足量！5： 荔枝果茶，士多啤梨果茶Cafe哥哥推介佢地嘅果茶花茶，果然好正好fresh!強力推薦！最後，佢地服務好好，都似係後生仔創業，值得支持！