Fast Taste (金碧閣) (已結業)

本身想去一間平時去開嘅餐廳食lunch ，但係太多人要排隊，見到隔離呢間少人啲，同埋又未試過，於是就入去試吓。佢有個lunch set，我就叫咗香脆魚柳漢堡，佢仲會送薯條，個餐都包左一杯飲品，我就叫咗金桔檸檬，同埋加多＄9可以要多個沙律，餐湯，同埋一款小食，我就要左雞翼。上食物嘅速度都幾快，金桔檸檬味道有啲淡，但可接受。雞翼就唔會太乾，味道都唔錯，唔會太鹹。至於主角魚柳漢堡，佢個包比較軟身，配合香脆嘅魚柳口感幾好，但係我就覺得味道有啲唔夠，可能因為我重口味。仲有啲薯條唔會太乾太硬，成個set都可以叫做平靚正，都值得一試。

今日放假,突然想吃漢堡包或意粉類食品 ,原本是到旁邊吃,等位到就坐,唔多對路...咩事就唔好提了😅結果走返出黎,就到這店吃結果都無選錯 味道唔錯,牛肉好味多汁👍叫左個"經典牛魔堡,公司漢堡"👍👍價錢合理🍔

有團購可以用38蚊買50既現金劵，點知中曬伏！最多人好評既係經典牛魔堡，所以即刻嗌左黎試，仲另外加錢加左煙肉！賣相Ok，食落，嘩，原來係貴版麥記既豬柳漢堡？真係唔係講笑，味道完完全全同豬柳漢堡，牛肉好乾冇肉汁仲有好多筋，生菜唔夠新鮮唔脆口，蕃茄亦唔夠新鮮食唔到蕃茄個味，芝士都算香濃。同出面食既牛肉burger真心差勁遠，菜同蕃茄既清新味道同爽脆口感，原本係用黎中和成個burger既膩同埋濃烈味道，但呢間店就整到錯曬，生菜同蕃茄完全發揮唔到個作用！如果係2，30蚊麥記價錢，我接受到，但你賣到咁貴，俾呢啲質素就真係好唔掂！薯格因為見到好多人讚，就叫左呢個。點知一樣好唔掂，咬落太硬，冇乜薯味仲好咸，薯格啲薯仔又少又幼，難食牛魔堡（呢個圖原本放上去，但㩒唔返佢上去😂😂）海鮮意粉海鮮？與其話你海鮮，不如話係辣味意粉，成個意粉得個辣字，除左辣，就係辣！上面啲海鮮又冇味……啲手造意粉為左營造佢有口感硬硬地既感覺，呢間店竟然將佢煮到半生熟，意粉都未煮熟，D意粉仲痴埋緊一舊舊就上菜俾人食……難食到食完都唔知自己食左D咩黑松露湯成餐最難食之中最好飲既湯，飲落唔錯，飲得出有落到大啡菇去煲，所以菇味都幾濃郁，

路過小店比佢裝修&張burger 相吸引入去老闆好有禮貌咁招呼。小店內既裝修睇得出花左唔少心思，特別no smoking個圖案真係好得意。見佢主sell burger, 咁就試下佢個dinner set , 叫左個菠蘿炸雞漢堡包，個炸雞外趣內嫩同菠蘿都好夾，薯格炸得好趣，好好味個長通粉真係唔係求其，茄汁、芝士、辣肉腸同個長通粉焗到乾身，好入味。個餐湯都唔錯，好香濃。食飽之後，飲杯柑桔柚子真係係咁乾又凍既天氣滋潤返下。真係好好整體係好好既鋪頭，價錢唔貴，CP值高！ 老闆仲好好人，成個環境都好relax。希望有機會試一下佢既lunch 啦

是晚，原本約左朋友出去晚膳的，但有人臨時有緊要事，所以要取消飯聚，所以就叫外子Fast Taste買外賣返黎食。其實Fast Taste我地已食過好幾次，食過深潛魚堡、橫行脆蟹堡、極上和牛堡，全部都唔錯。但講到最常食的，就係經典牛魔堡。今晚我同外子都係食經典牛魔堡＋薯格1份。牛堡Juicy美味，只是不及現場食，熱辣辣的美味，而薯格亦因為焗左一段時間，所以變淋身(但外子Like⋯)。雖然沒有特別的驚喜，但是保持水準之作。

平時無咩機會過海去長沙灣，今日因工作關係黎到長沙灣揾食，竟然揾到間有心做食物既小店。呢間fast taste 係元州街尾，見到鋪面出面貼左雜誌既食評，一條友食就入去一試無妨。鵝肝手打牛肉漢堡晚餐set鵝肝手打牛肉漢堡，個包有烘過，鵝肝算係煎得幾好，只係如果略加小小鹽會令到鵝肝既味更加突出。手打牛肉舊patty就正啦，seasoning到位，肉味夠，牛肉入面啲汁加埋一齊係口入面，精彩。你話比beef libxxty既話當然仲差啲，但係同burger窿既牛肉比？真係笑而不語。需知道現時既餐廳宣傳攻勢猛如虎，去到用餐時先發覺食物淡如水，去過更差既仲難食過自己屋企煮既。所以係呢個中伏既世代揾間用心做食物既餐廳算係幸運。

大熱天時同朋友行完山，覺得大家做左個壯舉，所以想夜晚放肆一下。同朋友都係burger愛好者，上網見到呢間成日比人讚，所以突登泥試下。地點其實唔太方便，一出長沙灣地鐵站要再行多十五分鍾左右啦。鋪頭唔大，可能始終地理位置既問題，星期六晚七點幾去都唔洗等位。經典牛魔堡（$55）🔹佢本身有一塊芝士，但再用芝士汁淋一淋。感覺好邪惡，但真係好正而且連塊牛肉都係好食。呢個價錢泥講，我真係比爆分佢另外叫左個薯格（$25）+芝士（$7）🔹果然加芝士是必須的用煎pan上，確保熱辣辣同埋d芝士冇甘快變到一舊野甘有機會既話，我一定會再去番呢間鋪頭

幾過上半天激烈嘅工作後,放工唔想就噤返屋企等食飯。係有小小肚餓嘅情況下,決定與工作嘅戰友搵個地方吹吹水,呻下辛酸野,順便食下野頂下肚餓。基於返工多過去街嘅原故,公司附近嘅餐廳都食到連餐牌同外賣電話都識背,因此唔想再食果班野。經一輪討論同搜尋後,決定試試呢間新得黎都開左成年嘅burger店。個人一直以黎都覺得burger唔飽又貴,唔認為比老麥貴幾倍的burger係好味好多,所以之前無論breakfast,lunch,定dinner都未食過呢間野。一入間舖果刻幾伏下,全店一個客都無,所以我地可以自由揀位坐。我見佢個lunch set由12nn供應到6pm,所以唔想諗食咩嘅情況下就叫左set A算一黎到個樣唔錯,呢個係豬扒煙肉蕃茄煎蛋的合成漢堡,份量十足,一啖係咬唔曬個飽。跟餐送薯條都夠新鮮,唔係hea野。個餐仲有杯野飲送,雖然得指定幾款，但我覺得都夠吸引同選擇。戰友就叫左比較classic嘅牛肉漢堡(好似叫牛魔堡)。由於唔想太港女mode嘅關係,無幫戰友個burger影相。佢地對個burger大力讚好,牛夠厚夠多汁,個sauce同個包好夾。下次有機一定要試我就偷偷食左戰友進加嘅小食~芝士薯

今日去左長沙灣揾朋友朋友就帶左我去左一間小店食漢堡包係長沙灣地鐵出大約行5-10分鐘 鰻魚芝心漢堡$76-係餐牌發現有最愛的鰻魚漢堡 當然要嗌佢原條鰻魚唔算特別肥美 但食落都好淋無乜骨上面有炒滑蛋同熱溶芝士 充滿芝士同蛋香下面仲有新鮮蕃茄 生菜同青瓜增加爽脆口感之餘又可以減少油膩感麵包食落都好軟熟 但如果烘埋就好了.公司漢堡$99-朋友嗌嘅公司漢堡份量好多 足足有2塊厚身的牛肉一塵係牛肉 另外一層係和牛雖然$99係有啲貴 但牛肉真係好厚身食落亦都好juicy 啖啖肉入面仲加左黑松露炒蛋充滿黑松露香 但朋友就話有點兒搶咗漢堡嘅味道呢個公司漢堡真係不得了 相信2個人share都可以😂..公司漢堡嘅橫切面 真係好厚身.極尚和牛堡$82.同公司漢堡大同小異只不過小左一塊牛和牛同樣juicy🤘🏿- -小食拼盤$68本身應該係有薯條薯格芝士條同洋蔥圈但係因為店員話冇晒薯條最後就將薯條轉埋做薯格拼盤係即叫即炸的不過攤凍左就變到好乾身 普普通通-

收工有時都會黎食基本上次次都會叫經典牛魔堡 因為對比其他包黎講叫比較平個包係即叫即整既 所以熱辣辣^_^塊牛又厚 又香加埋啲溶左既芝士真係無得頂😭隨餐會有圖中所示既沙律 承惠55蚊如果係12N-6p 呢個時間黎食 加6蚊會有薯條或者薯格 都係即炸 脆卜卜如果女仔普通胃口 其實唔加野 淨叫包都食得飽不過要預備好紙巾 因為我比較輪準 會好易食到污joe 🤧地方環境唔大 但有啲地位置係出風位 直吹頭都幾唔舒服幾凍下 主要係bar台既食野位

之前我已經幫襯過這間舖兩次了，試過辣雞漢堡及羊漢堡，而每次都想食漢堡飽才會幫襯的，今日叫份魚柳飽午餐試吓，跟了一杯檸檬柑桔。先講魚柳飽，我是第一次食魚柳飽塊魚有腥味的，感覺難受,但除咗塊魚，個飽都算ok, 而薯條亦熱及好食的，而杯飲品亦好飲，凍飲是無落冰的情況下都好夠凍，甜度調較得相當好，唔會好甜,個餐除了塊魚有腥味外其他都好好味

又到lunch time la, 今日想食burger 就諗起依間餐廳la!!! 其實都留意左依間餐廳成個星期la, 日日都見佢lunch time 都好多人, 今日決定試一試佢!!! 但今日去到又唔洗等位woo, 可能預早左小小la!!! lunch set 上已經有burger, 諗都唔洗諗就order lu~~~佢既賣相幾靚, 份量都ok,  唔會太小, 味道都ok, 而且個餐跟飲品, around $50 到, 正常價low!!!佢地仲有意大利飯同意粉, 下次可能試下!

working overtime isn't as bad if your #bfflove is around for #munchies 😋 finding somewhere open til late for #burgers and #fried 😂 grow up with happy fat 😚😋supreme #wagyu burger $85 with scramble egg and truffle, tomato, lettuce and #cheese ::: the bun is a bit dried but the patty is quite thick and pinkish, overall the burger is impressive at this price with fresh toppings 😋strawberry BBQ sauce #porkribs $75 half serve::: right balance of sweetness and the ribs won't be overcooked 😶#trufflemus

經過見到新開，就入去試下。星期日下午5點幾，唔洗等位，只有兩枱客。原本想試漢堡包，但夜d去食飯就叫左炸魚薯條同BBQ 雞翼，仲有兩杯飲品，食左$140，價錢ok.首先BBQ雞翼黎到味道ok,$30有4隻亦算抵食，之後炸魚薯條黎到，但對呢個炸魚薯條真係好失望，薯條普通唔算好食，點知個炸魚仲唔好食，個炸魚好油，一拎起條炸魚仲要炸皮痴住左張紙😤，魚肉好腥，第一次食到咁唔好食嘅炸魚薯條。雖然$60唔算太貴，但唔會再試。

同朋友傾完野，落街睇下仲有咩食，見個friends 話想食burger,就帶佢地泥我之前同佢地講過我樓下有間叫fast taste既burger 幾好食ga!!!!我地4個叫左好多野食，但因為佢地太肚餓，唔比我相機食先，所以我只系影左我同男朋友果份，推介比各位去食既人，佢個蘑菇湯真系好好飲!!!仲食到細細粒既蘑菇碎唔知系咪自己切既呢???!!!兩個朋友都叫左呢個蘑菇湯，佢地都話好好飲!佢地仲話忌廉藍青口，同大蜆都好好味4個人食價錢都ok arrr