G04

營業中

休息中

今日中午喺G04餐廳食午餐 我點咗個午餐 1號炒貴刁 份量夠晒大碟又好食 炒得好乾香 味道非常好 😋 蝦同火腿都唔會好干 加埋芽菜同蔥絲 整個味道平衡得好好檸檬茶方面就比較一般 冇乜特別 唔係好突出 🥤呢間餐廳一到午飯時間就大排長龍 所以最好早啲嚟 免得要等位 就算有位都要有心理準備要搭枱不過等完之後食物質素係值得期待嘅 員工服務態度都幾好 服務速度就好睇狀態，我試過去漏單等咗半個鐘都未有得食整體嚟講 呢次午餐體驗非常好 食物味道佳 服務態度好 值得推薦 👍

一早去食早餐，店員落單行都唔行過黎，剩係比眼色，原來係感冒，係咁呻鼻涕，無洗手直接出單拎野食🤮🤮🤮🤮🤮，掂都唔敢掂碗野，即時比錢走人，我同佢反應，連一句道歉都無，服務同衛生都垃圾級🤢🤢🤢🤢

我不時也會到這區工作，這餐廳由它開張到現在，服務態度越來越惡劣。今天午膳，由劃落單紙後無人理，個個侍應企晒水吧處，唯獨一個在抹餐具的阿姐，起初扮看我不到，後來可能見我舉著張落單紙好耐無人理，才放下手上的餐具，走來取了我張單。而幾個侍應仍然在水吧處唔知做咩～飯來了，送飯個侍應臉黑黑，最火的是，食完到埋單，等另個侍應走到收銀處，我禮貌唔該地遞張單及錢給他，怎知他一面冷漠的不接，要等他整個人入晒到收銀處站著，才接收我的單及錢，找凟時不是遞回給我，或是放在枱面，是把找凟半空跌在收銀枱上，感覺很奇怪更不是味兒。要知道顧客進內光顧不是要受氣的，知道這不是什麼高級餐廳，但以工廠區餐廳來說價錢亦不低吧，一個午餐$65，如不夠人手工作可向公司反映，而現在很多科技可以幫忙減輕工作的，請不要把工作情緒帶給顧客。而我亦不會再光顧這餐廳了。

昨天11/7，08：20叫餐，要等到08：45才有得食，咁嘅速度，冇下次一個三餸麵早餐(火腿、煎蛋、炸菜肉絲)，等咗25分鐘。唔怕遲到嘅，自己考慮。食物一般，追單都冇用，衹係一味叫你等。完全唔明，點解要等咁耐！同時間，有不少枱客都在追單。

我人生第一個食評比咗呢間95搭8嘅餐廳。我同9個朋友尼食嘢，坐最入嘅位，但係冷氣吹住我地，其實好凍好辛苦。但係我地問樓面可唔可以較細啲個冷氣，個女樓面態度極差，仲叫我地坐第二到。其實我地10個人已經坐低曬，較細小小個冷氣完全唔難，我都有返餐廳樓面，攞個遙控器較下就得，gum一gum個swing等部冷氣唔好吹住我地就得，樓面唔合作嘅態度令我地覺得好唔舒服。另外早餐份量少得可憐，我食C餐魚柳+炒蛋+牛油多士。但係魚柳得半個手掌咁大，茄汁都得10粒左右，炒蛋勁淺色溝好多水，多士得半塊。呢間Cafe簡直不知所謂。

many people here when lunch time, we gotta take out and there are 10% off for take out.Staffs were a bit rush, not too impolite tho. Wagyu bento included appetizer(fruit salad) , salad, a piece of dumpling😂and drink. No special flavour to be mentioned, slightly better than general cha chaan teng. This quality can be accepted when its 48/bento.

成日行過見呢間野，都有一試既心態，今日就坐言起行，入到去裝修新淨，都幾舒適，當時未到食飯時間，已經要我同人搭枱，我望一望，入面1／3坐位都未夠就搭枱，算，搭枱就搭枱，坐低隨便點個男人既浪漫支竹豆卜火腩飯，落完單呀姐就突然一野得埋黎話下次望筆筒寫枱號係張單度，態度極差。講返個飯，只能講死咸，無味，完全垃圾，咁既價錢真係唔值。最後一句 食既期間係咁塞塞塞人搭枱，搭到張枱的人肩拍肩，食完再望望個場，一半位都係吉，咁又何必要人搭搭搭呢，呢間野一句講晒，無下次，唔推薦

啱啱橫龍街G04新舖食完嗰個所謂嘅辣味牛肉拉麵+凍0茶，真係試出驚喜，首先凍檸茶冇茶味，要正常冇走甜都唔甜，之後介紹到所謂嘅辣味拉麵，個湯底係清水加辣油一啲湯味都冇，搞到所有配料都係淡而無味，真在太健康，Menu上面呢一個拉麵仲有大拇指添，到最後我放低成個面冇食比錢走咗!😡😡😡😡//////////////////////////////一言難盡嘅體驗

如果唔係今日落大雨，其他外送平台都要延遲的話，真係冇乜機會嘗試呢間「隱世」茶餐廳。首先佢哋肯用WhatsApp落單已經非常之方便，而且買得唔多都可以有外送服務（咁當然我哋間公司同佢有啲近，亦係主要原因啦。）講返食物，佢哋完全顛倒我對一般茶餐廳嘅印象，飯一啲都唔硬，雖然唔似係日本嗰種軟軟既米。而且主菜份量都非常之足夠，濕炒牛河，每塊牛肉都非常大，唔會靭，夠肉味！當然牛腩都唔例外，見到件件都好大嚿！好食之餘又有口感，價錢都只係一般茶餐廳嘅價位，可謂性價比非常非常之高！

今日去到荃灣工廠區，第一次黎，打算食完中午飯再見客，選擇不多求其入咗去一間裝潢感覺還可以的餐廳。 又一間餐廳其實好耐之前，就有朋友介紹我去尖沙咀的分店食，個時試過啲出品的確係唔錯，今日誤打誤撞入番黎，就想試番當年朋友推薦的野雞撈出前一丁。 老實講，當年的味道係唔錯的。起碼我在第二度未食過呢個味。 但係今次再試嘅時候一放上枱，我已經心知不妙。 一望落去，多咗一啲唔知點解會喺度出現嘅魚肉燒賣，而麵底望落去感覺好淋。麵上面有啲炸雞 、木魚碎、青瓜絲同沙律醬 ，感覺同我當年食嘅完全唔一樣，或者可能佢哋唔係同一款菜啦。 一如我所料，麵底食落去好淋，而炸雞好厚粉。老實講都幾失望，冇諗過有機會再嚟食返竟然係咁嘅味道。 喺附近冇乜餐廳選擇嘅底下 ，下次我依然會返嚟，但係應該就唔會再叫呢款餸，會選擇叫下其他嘢。 睇下係我唔識叫嘢，還是係佢啲出品真係差咗。

就近原則，工作完走入來醫肚。坐落工廠區，應該大家都當飯堂了。我是經過這邊工作，所以是第一次嘗試。由於唔想食中式碟頭飯，而且第一次，還是選擇我最喜愛的以及我覺得最安全的「鰻魚蛋絲飯」。 然而蛋絲有點老，熟得滯。不過鰻魚還可以，切開應該係想顯得份量多一些。蛋方面是全熟烚蛋，無希望😂 默默地食左啲蛋白就算。沙律菜正常，但唔知點解醬係辣的？😅工廠區本來就無太大期望有美食，大家都是找醫肚的飯堂，不過。。。有少少強差人意咁囉。

疫情下夜晚又禁堂食🥲想見下朋友都難🤯唯有襯Lunch時間約下見一面啦👭好彩同個frd間公司都算近 只係相隔一條街 所以我地就決定係附近搵間餐廳坐低食嘢，要爭取呢一個鐘既時間🕐我同朋友各自都嗌左個鯖魚便當🍱因為呢間餐廳個格局一行入黎只係一間普通茶餐廳🍴但無諗過佢既日式便當都整得有板有眼 絕對唔會係hea您啲野食一上枱 有前菜煎餃🥟兩隻，雞蛋雜菜沙律🥗仲有一個我第一眼睇以為係布甸既茶碗蒸😋不過佢係用玻璃樽 其實佢既份量都唔少 幾豐富，有個Corner位比您無限添飲佢既中湯/麵豉湯，仲要價錢貼地 岩曬係附近返工既打工仔🥸

好鐘意去呢間食焗飯 而且下午茶 仲可以叫 「半份」我真心鐘意～ 有好多時想食, 但係又唔係太肚餓我就一定去呢間食🤩🤩今日又食返焗意粉$34 仲送熱飲, 算好抵啦～ 又好食 上面嗰層芝士, 個侍應行緊過嚟⋯ 我已經覺得好香熱辣辣焗飯, 真係好啱而家凍冰冰食 🤪😜

聽講荃灣有間抵食日本菜，於是前幾日出開荃灣就特登去試下。我揀左蒲燒鰻魚便當，50蚊就食到鰻魚便當仲有蒸水蛋同沙律前菜，所以...真係不能要求太多，之不過鰻魚份量實在同圖片不相乎得太厲害，主食同小菜味道係OK嘅，但我寧願價錢Set貴少少但加返多D鰻魚。服務員喝人探熱同唔太理人，可能呢排生意難做掛...

鰻魚便當 $50鰻魚飯其實都唔會錯㗎啦～自己本身都好鍾意便當呢啲一小碟一小碟～加上佢真係豐富～所有set都有茶碗蒸同小食，出面仲有得中西湯自由斟！不過呢排疫症期間都無cover，我就無斟了。