Happy Lemon (已結業)

"Happy Lemon"是我一直想試的fast drink stop, 因為感覺上比一般快餐飲品店衛生。（感覺上呀=P) 今晚走過﹐當然拉著老公要買啦=)首次試飲，不知口味是否適合，只點了最穩陣的：布丁奶茶：奶茶入口好香滑，茶味濃，奶味香。不太甜，布丁滑嘟嘟, 有蛋味，口感過癮！好好的combination~ 喝完喉嚨好潤．．還不夠喉呢～下次好想試綠茶紅豆布丁奶茶﹠芒果鮮橙優多沙冰。

前幾日同男朋友岩岩經開旺角中心(新之城地下), 見到開左新分店, 就試下啦! 我買左香芋鮮奶抹綠(芋頭+綠茶), 我男朋友要左香濃布丁可可, 夾埋$26。我果杯都真係飲到綠茶同芋頭味架! 兩隻味都唔係好突出, 但係又唔會太多奶或者冰, 唔錯! 男朋友都話佢果杯ok! 價錢的確係貴左少少, 不過勝在款式多而特別! 當你見到女人街賣緊d 糖水溝水整出黎既野飲都要加到六七蚊, 又要迫餐死先買到, 又要飲黎飲去都係果d一味係甜既果味綠茶、珍珠奶茶、荔枝玉露既時候, 就會明白點解happy lemon既野飲十幾蚊都仲會有人買!(順帶一提, 呢間野係同仙踪林同一個集團架! 相信佢既質素會比街邊魚蛋檔有保證!)

((左)) 原味布丁奶茶$11 (標準裝)：台灣流行飲法，在奶茶上加入自製布丁，入口不僅多了一層滑嘟嘟的口感，更多了一種蛋香，與奶茶味道很夾。((右)) 綠茶紅豆布丁奶茶$12 (規定是大杯裝的)：綠茶香~~~ 又有紅豆吃~~~ 加上有蛋香的布丁~~~ 好喝~~~ 不過jeni 說她較喜歡原味的。

飲品味道無保證,有時會甜D, 有時會淡D;有一次冰粒較多, 成杯奶茶似冰水! 都幾搵笨!!!員工調教飲品的手法十二分"原始"!有次光顧荃灣那分店,叫了杯細奶茶,員工可能不留神,整左杯大的,之後佢突然發覺自己攪錯左,於是見佢"驚驚青青"咁,拿出一隻SMALL SIZE 的杯, 然後當然係將杯大的倒落隻細杯度,倒得太滿時, 杯邊自然有少許滴漏啦,員工便在SINK 盆旁拿了一塊毛巾在杯上抹抹,之後再"全經人手"地拿杯蓋蓋好!我意思係, 上述程序不應讓顧客看個一清二楚吧!

昨日到mong kok行街，口渴就想到來這裡買杯飲品。要了一杯大的黑珍珠奶茶($11)，珍珠小小的，口感QQ的，很喜歡喔!奶茶也不太甜，不錯。不過原來就算是大杯裝，兩個人都很快就喝完的，哈哈。tsuen wan和mk新之城都有分店，3間都試過，覺得新之城的水準比較好，但不知道烤珍珠奶茶和黑珍珠奶茶有甚麼分別呢?

我到現時前後去過三次,第一次飲左黑珍珠奶茶,佢\地的珍珠細細粒好可愛!<br />而且口感好好,奶茶都好好味,第二次就飲玫瑰奶茶..味道好香不過我不喜歡那些玫瑰花瓣..這是我個人問題啦^0^<br />星期五時去要了一個香檳烏龍茶...烏龍茶的味道好強..香檳少少..這個組合好特別! 我打算去多點嘗試多一點他們的飲料..因為好好味^0^<br />而且服務生的禮貌也很好,不過我次次去,他們都好忙的!

下午經過此店就試埋佢杯芒果+橙+優格沙冰叫左杯大($15), 味道一般啦好重既益力多味, 反而芒果同橙就好似唔多夠味啦...不過整體上都幾好飲既加上佢地既飲品唔算太甜幾好幾好.

之前睇openrice食評講過此店既烤珍珠奶茶唔錯, 今天中午經過就去買一杯來試下...佢地既珍珠係平時店鋪既size既一半好細細粒, 不過唔錯夠煙un...加上奶茶又唔會太甜都唔錯...下次可以試埋佢地既沙冰.

今天點了烤珍珠奶茶茶味夠濃，不太甜最特別是特小的黑珍珠，size是正常粉圓的三分之一而巳，新口味不錯哦！

新開未試過，於是要了杯玫瑰香柚茶(少甜+加大)，店員都幾nice，個經理仲親自整，我飲嘅時候仲問我甜的程度是否適中。杯野飲落都幾清新，不過就甜左少少，下次要叫佢走甜先得。

今日試個芒果鮮橙優格雪芭,飲落其實係思樂冰咁,只有橙味,冇芒果味.講真冇乜特別,不過係賣新口味同噱頭而已!

HK Pork Chop 都執左一排，之前行過都見到呢間舖- Happy Lemon 知道係買珍珠奶茶/ 夏日飲品既野。今日在活吃了個好差既lunch。黎左呢度買野飲。要左店員推介既檸檬水晶薄荷蜜($11-)，杯野飲好適合夏天飲，好fresh 又解渴。飲到似青檸既味道，好清新，入面放左細塊既檸檬、加左少少薄荷蜜同椰果，果然係無介紹錯。同事要左黑珍珠奶茶($9-)、黑珍珠香烤奶茶($10-)，個黑珍珠奶茶與一般台式珠珠奶茶無爾，但幾香滑。而個黑珍珠香烤奶茶，一問之下，原來係先將茶葉炒香，再造奶茶，所以茶味特濃，有些少似印度拉茶般- 飲到好香的茶味。順帶一提，店員都幾好，有問必答，對自己店既產品有認識，還可以清楚解釋給顧客，不像其他地方，十問九不知，倒自己公司米。有個像經理的男士，話呢度係仙踪林集團成員。仲俾左d 單張我地睇。Happy Lemon 簡介：全球首創RBT Teapresso 鮮茶機，帶出全新喝茶文化，採用現代科技，利用高壓快速萃取原理，以不經人手的全自動方式，按照統一標準，於短時間內泡出一杯百分百新鮮、美味、健康及衛生的鮮茶。單張上推介左買款，大家可試試。1) 黑珍珠奶茶(