INN - I’m Not Nothing

營業中

休息中

喺荔枝角返工經常都會同同事出去食lunch,近排經常幫襯一間西餐廳.食物質素好好.簡直當咗係飯堂一樣INN I,m Not Nothing餐廳位置喺荔枝角長沙灣道883號億利工業中心2樓.餐廳地方闊落，一到食晏時間就坐滿人，餐廳裝修浪漫為主，有幾個打卡位都幾吸引是日餐湯，南瓜忌廉湯，入口順滑，南瓜味香甜, 熱辣辣帶子扁意粉 148元兩粒大大粒嘅帶子煎到有少少焦香.入口味道鮮甜.味道有層次.意粉配上香濃嘅芝士.真係食到我舐舐脷.每一啖意粉都掛上醬汁同芝士嘅香味，意粉嘅軟硬度適中豬肉眼扒 148元豬肉眼扒size好大.外面煎到金黃色.入面嘅肉質仲係好嫩腍.好juicy ,豬肉味香濃.個醬汁同肉汁味道好夾.令到肉眼口感同味道層次更加豐富配菜有薯條，翠玉瓜，蘿蔔。食完真係夠曬飽

今日白色情人節，同老公一齊食好西，呢間見到好靚嘅裝修，打卡一流，就決定去浪漫一下。佢位於億利工業中心2樓，中午時份都幾多人，不過我地都吾洗等位，真開心，點左兩份lunch set,分別係燒美國豬肉眼扒伴牛肝菌忌廉汁同香煎北海道帶子龍蝦汁扁意粉。先講豬肉眼扒，上碟貌相好靚，好大舊，煎得很靚，好厚肉，心諗擔心會很un，點知好有肉汁一d都吾un，好好食。仲有其他配菜，有薯有瓜。而香煎北海道帶子龍蝦汁扁意粉，都很有驚喜，好creamy，龍蝦汁好好味，而帶子都煎得很香，外脆內嫩，有兩大粒，扁意粉軟硬適中，份量岩岩好，吾錯，好好食。個set包埋餐湯同飲品，餐湯是南瓜湯，飲品就嗌了兩杯凍檸茶，甜味適中，整體都好滿意。

Book 了3:30 pm ，但係因為睇醫生延誤了時間，但係遲到好過冇到，餐廳只得我一人，我一個人消費$188 ，竟然不能碌咭，其實得我一個人，工作人員根本就唔忙，一去到得我一個人就話我遲到，以後我一定唔會再幫襯，食物味道尚算OK，咖啡味道也OK，只是服務態度非常之一般，其實呢一啲小店，要人再來，一定係買服務，但係我覺得沒有服務態度可言，如果book咗位客人未到， 是打電話給客人，不應該一入門口就話客人遲到

喜歡法國宮廷風的朋友仔，應該都知道荔枝角的 🇫🇷 𝐈𝐍𝐍 - 𝐈,𝐦 𝐍𝐨𝐭 𝐍𝐨𝐭𝐡𝐢𝐧𝐠(⁎⁍̴̛ᴗ⁍̴̛⁎)吧/ 餐廳開業已久，在多區都有分店。食物質素不但高，環境又好打卡，所以好多香港女生都喜歡去哦～☆ 香煎虎蝦牛肝菌意大利飯🍚$𝟏𝟒𝟖水準依然高的意大利飯，粒粒彈牙又圓潤，每粒吸滿牛肝菌的味道，好好吃(≧▽≦)💕/☆ 煙三文魚水牛芝士香草醬扁意粉🍝$𝟏𝟒𝟖扁意粉也不錯，有濃濃的香草香，煙三文魚鮮嫩惹味哦～☆ 巴馬芝士黑松露薯條🍟$𝟕𝟖薯條炸得香脆，撒上巴馬芝士🧀，鹹香十足。☆ 芒果熱情果忌廉班戟🥞$𝟕𝟖最後必點餐廳的招牌𝐂𝐫𝐞𝐩𝐞!!! 軟糯有彈性，配上微酸微甜的芒果及熱情果醬，好吃哦～•

今日放假約咗朋友去長沙灣行街,行完街喺附近搵啲嘢食,經過一間西餐廳門口裝修得好靚.好吸引即刻入去試下。INN i,m Not Nothing 地址喺荔枝角長沙灣道883號億利工業中心2樓203號舖。餐廳裝修得好有格調氣氛浪漫,位置空間感足夠望落去十分整潔。喺度食嘢感覺好放鬆。燒味國豬肉眼扒拌牛肝菌忌廉汁 148元,配是日餐湯及餐飲。南瓜湯味道香濃.入口香濃嘅南瓜味.味道濃鬱入口清香,飲完個湯特別開胃。主菜美國豬肉眼扒,埋相相當吸引.豬肉眼扒size好大,睇見到流口水。豬扒煎到啱啱好外皮金黃色.入面嘅肉質仲係好juicy好嫩滑,肉眼扒非常嫩腍.入口豬肉味香濃加上香料嘅配搭.令到豬肉味更加鮮甜,肉眼扒夠厚.口感好好。配菜有薯仔.瓜.蕃茄。鮮奶咖啡,心形拉花望落去靚仔.入口咖啡味香濃帶有少少鮮奶嘅香甜.入口順滑而甘香。

同朋友約係荔枝角區食飯，搵下openrice有咩好食，見到呢間工廈cafe做緊一個5 Courses二人餐，睇落環境唔錯，食評既相又幾靚，而且幾抵食，就即時預付套餐book左。有別於一般工廈樓上cafe，店面以歐陸風格設計，燈光氛圍都小浪漫。二人套餐都幾豐富，揀好晒options就好快上菜蟹⾁⿓蝦湯 由於龍蝦湯唔駛加錢，我地兩個都揀左龍蝦湯，雖然只係一個湯，但飲落好足料，味道好濃郁大蝦蛋沙律牛油果多士 頭盤黎講賣相都幾精緻，女仔食就有d難搞，事關比較大件，大蝦都幾新鮮，烤得剛好，同蛋沙律牛油果醬好夾燒⻄班⽛⼋⽖⿂墨汁意⼤利飯 整條八瓜魚腳，食落都幾腍滑，risotto 濃得黎唔膩口，可以加少少辣更正燒安格斯⻄冷⽜扒8安⼠ 牛扒一上檯非常吸引，預先幫客人切件，牛扒都幾厚身，我地要求medium，熟度剛好，肉質鮮嫩，食落好juicy餐茶同甜品係either one，我地揀左飲嘢，分別係白桃茶同牛油果奶昔，牛油果奶昔幾fresh，甜度適中，白桃茶都好香桃味整個用餐體驗都好滿意，食物質素及擺盤亦睇到餐廳有用心，下次有新menu會再試

提起長沙灣食飯，平時大家都會想起普通既工廠飯堂。但原來個邊都有浪漫靚靚西餐廳。今日介紹既就係D2place 隔離工廈既INN-I am not nothing。🔶牛油香煎帶子伴忌廉波菜配香脆酸種多士：帶子大大粒，又煎得好香，夾陣住陣陣牛油香味好食！忌廉菠菜唔係特別heavy，用黎配脆口多士一流！🔶香辣蒜香鯛魚柳意粉：意粉炒得幾乾身。雖然比想像中辣，但都好食！而魚柳真材實料，唔會加粉僭建，肉質都仲好嫩滑！🔶慢煮西班牙黑毛豬鞍架配香桃醬：豬鞍經過慢煮後，非常juicy。香桃醬好香果味，甜甜地同豬鞍非常夾！配菜亦都係即炸，抵讚！餐廳氣氛好好，好岩情侶一齊去約會！下次去D2place，又多一間新選擇！

今日放工就同男朋友喺荔枝角附近行吓，行到肚餓於是就睇下附近有啲咩好食。億利工業中心喺出名係唔同餐廳嘅集中地，今次我哋就揀咗一間西餐去試試。去到門口，就覺得好適合女仔黎打卡影相。門口裝修有歐陸風格，亦都擺放咗一啲乾花擺設，好有心思同幾靚。 入到去，空間都大，裝修繼續保持少女心同浪漫風，好啱一班三五知己或者情侶喺呢度聚下。我哋今次就嗌咗一份小食加兩份主菜同一份甜品。主食我哋嗌咗一份巴馬芝士黑松露薯條，薯條啱啱炸起，熱辣辣，好香口。薯條唔係平時嗰啲幼薯條係有返啲粗度嘅，食落口感提升咗。而薯條亦都鋪滿咗切碎嘅巴馬臣芝士，增加鹹香味。而配搭嘅黑松露醬嘅黑松露味亦都突出，配搭起嚟比到層次昇華。主菜就燒虎蝦牛肝菌黑松露意大利飯，意大利飯嘅質感適中，唔會太腍仍然保持到彈牙嘅口感。牛肝菌聞落去已經好香食落去好濃郁好creamy，加埋黑松露嘅點綴，唔錯。而虎蝦相當大隻，口感彈牙。另一度主菜就叫咗煙三文魚香草醬扁意粉，煙三文魚好足料，扁意粉食落口感保持到al dente。加埋香草醬同埋水牛芝士，成個配搭都好夾。甜品就叫咗香蕉榛子朱古力忌廉班戟，班戟皮薄得來有朱古力味，加埋軟滑嘅忌廉同埋香蕉，為成餐飯加咗個完

餐廳位置標示得不太清楚、找了很久才找到、上到去、環境都可以、職員的態度也很好、食物就一般般、都適合朋友談天、我們點了一個主菜跟兩個小食、還有一個甜品、價錢不算太貴、人均消費大約$200，但我就對於他的的是日餐湯有點失望！粟米湯、竟然全是粟米渣、廚師明顯無處理過、其餘食物就不過不失、松露薯條、我覺得個松露醬太甜、沒有太多松露的味道！可以再做得好點、而意粉味道就比較正常、反而甜品有點驚喜、不算太甜、外觀都吸引的、總體而言，我覺得餐廳可以再做多啲優惠吸引顧客、不過食物質素都要提高返！特別係餐湯的處理！

餐廳地點方便就腳，就喺一堆巴士站同地鐵出口隔離，而且只係上2層，唔似其他更就樓層餐廳要等好耐𨋢。入到去係另一個世界，裝修用心，有羅馬石柱，牆上投影住月亮花朵等嘅影片，燈光昏暗，氣氛良好，但略嫌餐枱圓形同埋比較細。欣賞廁所有屏風隔一隔，關顧食客感受🫶🏻食物款式不少，亦有提供晚餐，不過晚餐嘅配搭3位女士都唔啱，所以最後散叫。頭盤/小食：牛油香煎蟹餅伴檸檬忌廉脆多士(餐廳贈送)-檸檬多士第一次食，好特別；蟹餅香口，食到蟹肉絲。牛油香煎帶子伴忌廉菠菜配香脆酸種麵包多士-帶子口感爽，菠菜竟然係湯，而且好好味，幾配合 主食：燒安格斯西冷牛扒8安士半牛油燒波士頓龍蝦-扒7成熟，牛味濃，皮脆肉嫩，因為太暗，估唔到咁好食；龍蝦少少韌。和牛漢堡扒蕃茄意大利粉，不錯。甜品：藍莓紅豆抹茶忌廉班戟-班戟好薄，紅豆同抹茶好夾，食埋藍莓好Fresh；因為有朋友生日，餐廳有提供甜品寫字服務，寫得好靚，打卡一流🫶🏻。餐飲+餐湯：熱朱古力，有朱古力香，甜度適中。番茄湯，較浠身，味道適中。

同好友👯‍♂️去荔枝角名工廈吹水，book 左呢間西餐廳。環境優雅舒服、衛生良好。侍應姐姐服務態度非常好及有禮貌，佢提議我哋三個女士叫咗一個二人餐再加多一個主菜。我哋叫咗龍蝦湯及蕃茄忌廉湯，味道唔錯👍🏻。麵包🥖好食及脆口頭盆係沙律、甜甜地好好味及開胃🤤三文魚🍣新鮮Main course 2+1牛扒🥩👍🏻👍🏻👍🏻豬鞍味道好、萍果醬👍🏻👍🏻海鮮意粉晚餐訂座送咗個pancake 俾我哋⋯好好好好味😋🥰配俾我杯咖啡☕️，好滿足 😌餐廳細細地、空間也不錯👍🏻👍🏻

女朋友仔生日🎂搵咗間浪漫情調氣氛嘅餐廳約會一下❤️餐廳喺裕民坊頂樓，有室外室內環境，氣氛佈置唯美歐陸風，非常適合打卡📸，食物質素亦非常有驚喜！😍前菜🌟#燒西班牙八爪魚沙律🥗🐙鮮甜八爪魚腳配果醋沙律菜，八爪魚腳鮮甜多汁非常鮮嫩有咬口，令整份沙律提升層次！再加上食用花🌼🌸🌺，令整份沙律美感提升！主菜🌟#香煎銀鱈魚柳配露笋茸鮮魚忌廉汁🐠這份主菜超級驚喜😍！魚的外皮煎得非常香脆，但估唔到銀鱈魚柳可以咁鮮甜！佢個汁唔係一般忌廉汁，喺加入咗鮮魚精華落去，每一啖都非常滿足！主菜🌟牛油煎北海道帶子蟹膏意大利飯🦀刺身級帶子鮮味無比🌊廚師將蟹膏香菇🍄加入上湯熬製意大利飯，睇落平平無奇，但食落淡淡蟹膏鮮甜，非常出色！甜品🌟香蕉榛子朱古力忌廉班戟🥞香濃朱古力班戟一層一層疊起來，中間夾雜香蕉同朱古力醬，口感層次豐富，配埋忌廉香蕉🍌士多啤梨🍓，香甜可口！

去到荔枝角億利工業中心2樓試一試呢個出名嘅打咭餐廳，比起其他分店，裝修較普通，我地二人食一個餐餐湯煙三文魚蟹籽忌廉汁意粉 $128加配tiramisu $38輕食下午茶

今日同妹妹係工作室做野 做到一半就肚餓 去附近食啲野先返去繼續做😗揀左工廈入面既一間西餐廳 INN-I’m not noting 門口佈置都好靚 入面設計係西式宮廷風🕌 呢啲咁浪漫既地方竟然係妹妹過黎 唔係同老公過黎🤣🥩燒安格斯肉眼牛扒10安士伴紅酒燒汁我地揀左五成熟 煎得岩岩好 🐂牛肉既質感偏嫩 仲帶有啲油香味 肉汁都好夠 🍷醬汁都比較重紅酒味 點黎食可以令肉質更加香口 而配菜薯條炸得好酥脆 好好食🦐珍寶虎蝦墨汁意大利飯意大利飯屬於粒粒分明 偏硬身 唔係煮到爛晒果啲 🦑墨汁食落有鮮甜味 加上墨魚粒 洋蔥粒 菇粒 令整體更有咬口更有口感層次🍫凍朱古力朱古力味同奶味成正比 偏滑口 好好飲😋

今日工作來到荔枝角，同事帶我來到億利工業中心2樓的「Inn I'm not nothing」食晚飯，這間餐廳有幾間分店，出品有保證。餐廳光猛開揚，歐陸式的裝修令人感覺舒服，天花上掛了水晶吊燈更添華麗。套餐的選擇頗多。「慢煮西班牙黑毛豬鞍架伴香桃醬」$238皮膚要保濕，豬肉都要保濕。慢煮的烹調方式能令豬肉保存充足水份，肉質更鬆軟嫩滑，營養價值也很高。「和牛漢堡扒蕃茄意大利粉」$158和牛漢堡扒軟腍，充滿牛肉香，意粉軟硬適中，絕對美味。「Tiramisu」$58經典意大利甜品《Tiramisu》，面層是細滑的忌廉，底下是香濃的多糕，層次和口感都非常豐富，每一口都散發著淡淡的咖啡酒香。「Chocolate banana smoothie」$48大大杯朱古力加軟綿綿的忌廉，好睇又好飲。