影片
港鐵觀塘站 B2 出口, 步行約10分鐘
繼續閱讀
付款方式
以上資料只供參考, 請與餐廳確認詳情
上面做嘢，lunch time 唸著落去買個快飯，見到呢間嘢啲鰻魚炒飯評價不錯，點知又係中伏….成盒鰻魚炒飯都搵唔到有鰻魚，係淨係鰻魚汁炒飯⋯⋯成惠$40。果然一分錢 一分貨。都唔計價錢，大家辛苦工作，lunch 都冇時間食飯，一個咁嘅飯真係令我心情更差。其實如果佢係正常一個炒飯，你咩都冇我都可以接受。鰻魚炒飯冇鰻魚真係有啲過份。難道真係菠蘿包冇菠蘿，鰻魚飯冇鰻魚？想問下大家，鰻魚炒飯冇鰻魚算唔算係違反商品說明條例？
繼續閱讀
食過好多健康飯盒, 好多一係好難食, 一係就好貴。試過呢間kiosk啲飯盒就返唔到轉頭，$4x可以買到個泡菜豬肉蒟蒻麵（又高蛋白質又高纖同時又低卡路里），又可以買到個雞肉椰菜花沙津（雞肉唔柴，醬又識分開裝，抵讚！）兩樣都又平又好食，仲要好健康，岩哂減緊肥減緊碳水嘅我！喺觀塘工業區好多時平價午餐就只有碟頭飯可以揀，難得呢度有健康飯盒買簡直係清泉。可惜我唔係成日喺呢頭，希望快啲開多間分店喺銅鑼灣，或者快啲推出外賣生意
繼續閱讀
好不爽 買咗個牛油果煙肉捲(avocado bacon wrap) 買到返去冇煙肉 個wrap得蛋沙律&&小小牛油果😩以為自己攞錯咗但double check咗個label係冇拎錯🤨 very disappointed will never try again
繼續閱讀
觀塘區LUNCH Hour ，如果budget $40-50想食咗個沙律，真係比較難。🥸🥸🥸不過今日去宏利中心交form，順便喺一樓嗰度買外賣。一樓嗰度好多嘢食選擇，三四間餐廳可以堂食，另外仲有好多間專做外賣既店。今日突然想食沙律🥗，就發現咗呢間鋪仔😳😳😳佢係只做外賣，有一邊凍櫃係沙律，冷麵等，另一邊暖就有熱食。都幾多人買架我揀咗呢個沙律只係$42, 女仔來講都夠飽嘅。不過味道就普通左dd, 同埋雞扒係甜嘅，唔太啱我口味😂😂😂
繼續閱讀
因為見同事成日食呢間嘅 lunch box🍱,我都去試吓食呢個嘅lunch box。舖頭細細，有一個職員負責收錢管理，舖頭主打啲健康嘅便當（有午餐），有好多唔同嘅沙律🥗丶湯或者啲特色嘅健康飲品🥤，會按季節改menu。我就揀咗個鰻魚炒飯紅棗桂圓茶。鰻魚炒飯紅棗桂圓茶 ($~60)鰻魚炒飯🥘熱度都夠，不過可能因為係健康便袋關係，味道比較淡口，但係佢都會有唔少嘅鰻魚粒粒配上芝麻同埋蘿蔔🥕。不過，我嫌佢嘅炒飯比較濕身，唔夠乾爽，可能因為佢覺得焗得太耐😢。紅棗桂圓茶好足料，透明膠瓶入面可以見一粒粒大桂圓同唔少紅棗。佢係比較甜身嘅，但夠味，養身。😜
繼續閱讀
您可能會有興趣的...