影片
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
-
網上訂座服務暫停
星期六都要返工係好Sad 搵時間比自己唞一唞，落咗德寶食個休閒lunch 如果想坐得舒服啲，通常都係揀呢間Cafe 因為夠光猛同埋有一份寧靜感同同事一人叫一個dish 互相share叫左個雞肉菠蘿蘑菇pizza同埋芝士蘑菇雞肉闊條麵Pizza兩人份量啱啱好，而且焗得幾脆。pizza上面嘅材料都好足夠好多舊菠蘿及雞肉。兩個女仔每人食三舊都好足夠。鹹淡味道啱啱好。因為同事話想食闊條麵，所以唔介意雞肉同蘑菇同款都照叫呢個dish 闊條麵係煙韌度好食嘅，而且上面嗰塊芝士都幾多。不過覺得闊條麵味道比較淡🤪
繼續閱讀
得寶有好多小店，搬咗咁耐之前一直想試，呢間Kuri Cafe次次經過都唔算多人，不過網上食評唔錯，趁住父親節決定一試店舖裝潢以木系風格，最吸引人嘅地方係佢店入面好多箭豬公仔，包括大大隻企喺門口可以打卡，店面寬敞，唔會同隔離坐得太近餐牌上選擇唔算太多，但價錢比較平，六、七十蚊起有交易。我哋點左蒜香蜆肉意粉、煙三文魚白汁意粉，爸爸想點嘅一口和牛焗飯似乎比較signature ，所以好早就無晒，轉食三重芝士肉醬意粉可能我哋食得比較重味，我覺得蒜香可以濃啲，爸爸亦話芝士唔夠濃，份量適中，整體不過不失，外貌選精緻，小店嚟講還是OK的
繼續閱讀
這次品嚐的三重芝士焗肉醬意大利麵，真是一道令人難以抗拒的美味。意大利麵的口感滑順，吸附了濃郁的肉醬，肉醬中混合了豐富的香料，讓每一口都充滿層次感。三種芝士的搭配更是畫龍點睛，融化後的芝士香氣撲鼻而來，咬下去時的拉絲效果更是讓人驚喜。整體的味道濃郁卻不油膩，令人一試成主顧。搭配的桂圓紅棗茶則為這頓美食增添了清新的風味。茶湯色澤透亮，桂圓的甘甜和紅棗的香氣交織，讓人感到舒適和放鬆。熱茶的溫暖感，與焗意大利麵的濃郁形成了完美的對比，既能消除油膩，又能平衡整體的口感。整體而言，這道餐點不僅滿足了味蕾，也讓人感受到家的溫暖，是一次愉快的用餐體驗。
繼續閱讀
-呢一間係刺蝟🦔主題嘅Cafe，我係食九龍灣店，入到得寶就見到有間餐廳以刺蝟做主題，晚市價錢都唔貴，焗飯雞肉數量正常、個芝士汁可以再濃多少少，意粉炒得啱啱好、雖然蟹肉唔多，但呢個價錢我都收貨，鮮奶咖啡又有好靚嘅🦔刺蝟拉花，好飲的，冰茶就爭少、比較淡味🙂-。香烤雞肉芝士焗飯 | $68。雜莓冰茶 | 跟餐價 $10。蒜香蟹肉意粉 | $68。熱鮮奶咖啡 | 跟餐價$12-👅【KURI Cafe】📍 九龍灣牛頭角道3號得寶商場地下T104A號舖📍大埔汀角路10號大元商場平台F10號舖🕑星期一至日 12:00 - 21:00
繼續閱讀
Weekend 晚市全間餐廳得一至兩枱人，食物其實係正常嘅，唔算好好食，但又唔係好差嗰啲，但服務係負分👎🏻👎🏻👎🏻👎🏻👎🏻叫咗兩個意粉，味道OK嘅，可能佢想扮al dente，又唔成功，變咗質地有啲乾，唔好食另外叫咗一個烤雞餐，開頭食覺得啲雞有肉汁幾好，但係原來係因為個心係生嘅，有啲血腥，不過可能有人鍾意啦喺呢個商場嚟講，呢個價錢又呢個質素，只可以話係合理，絕對唔係性價比高/好要提醒大家嘅係，呢度嘅服務態度真係差得極度恐怖，完全唔helpful，所有嘅人完全冇common sense，你問佢任何嘢，佢都係西面同黑面回應，好似爭佢錢咁，其實呢頭真係有好多唔同嘅選擇，冇必要過嚟呢邊受氣，嚟之前大家真係要諗清楚
繼續閱讀