LE BREAD LAB (已結業)

1.草莓奶油捲(4件)入口即溶化的感覺！蛋糕超鬆軟，奶油不會過甜，size偏小，一啖就食曬！2.草莓牛奶用玻璃瓶裝，牛奶味香，不過草莓味就淡咗啲3.朱古力味草莓奶油捲(4件)朱古力奶油比原味硬啲 但都冇令我失望好想試埋其他口味，仲有芒果味、香蕉味，以及摩卡味！場內環境非常夢幻～ 紙盒呀、櫈啊、花啊~ 托盤啊～ 全部都係紛紅色！配上金色、銀色同白色，顯得更華麗！啱晒用嚟打卡！價錢方面唔貴 做散水餅都不失大體😍

相信很多人和我一樣，喜歡食甜品但又怕太甜 （雖然好諷刺但女人就是麻煩）！所以即使在選擇散水餅都很有要求，一般水果撻或者件裝蛋糕都非常heavy，但有韓國早前引入香港的Le Bread剛好提供了適合我口味的選擇～先說口味選擇，除了基本原味生果，最近有雜果口味，其他較甜的選擇有芒果、香蕉及mocha等。個人一向覺得草莓和奶油的配搭最匹配，所以毫無懸念選擇草莓至於口感方面，細緻軟滑的奶油有淡淡甜味而不膩，草莓要不是酸酸的那種，加上軟捲餅，可以一口接一口吃下去對於有興趣訂散水餅的朋友，現在他們都提供電話Whatsapp下單，滿$800亦有免費送貨優惠，非常方便可惜的是性價比不高，定價始終太貴

外表看起來真的好吸引，讓人食慾大增😯😯無可否認，蛋糕的確很軟身，cream也打得很滑，不過口感有點單一，畢竟每一層味道一樣，而且有點乾😣對於手掌大的大小要差不多$200，應該只會試一次💥—————Attractive packaging, and it really cheers people up with its colours👏🏻 the cake is soft and cream is smooth🌹 however, the $198 palm-size cake did not give me a wow when every layer tasted the same with no surprise at all; would only try once🧐

呢間令人少女心大爆發嘅蛋糕飲品店，就係位於美麗華3樓，全間店舖都係粉紅色，吸引一種嘅女士到訪。我叫咗一份招牌草莓奶油卷，同埋一支草莓牛奶，真係好靚好pink!!

◾️除夕快樂，祝大家鼠年進步，身體健康。今次要介紹嘅係位於尖沙咀嘅 LE BREAD LAB，全店以粉色少女風為主調，適合打卡人士。Happy Lunar New Year's Eve, wish you have a nice and healthy year of the rat. LE BREAD LAB is located in Tsim Sha Tsui, decorated with a pink tone for you to take a snapshot of the food.◽️草莓牛奶 (Strawberry Latte) $48三分一嘅草莓配上三分二嘅牛奶，惟感覺兩者冇混合一齊，草莓還草莓，牛奶還牛奶，而且草莓嘅味道好淡，只能品嚐到牛奶嘅味道。總結而言，此草莓鮮奶只供打卡。One-third of strawberry is mixed with two-third of milk. However, their taste does not mixed together. The flavour of strawberry is too mild, that

這裏的草莓蛋糕和芒果蛋糕都好吃，蛋糕鬆軟，奶油也不是便宜貨。（題外話：當日的男店員十分靚仔！！！）草莓牛奶好喝， 牛奶入面充滿著新鮮的碎粒草莓有口感，也不會太甜因為入面只是普通牛奶，但也不是超級好喝。價錢來說，只吃一次也夠了， 打卡的話可以不妨多來幾次！

全店都係粉紅色為主調Pink Pink Pink♥️環境闊落舒適最適合打卡＋食超好味蛋糕🤤。草莓鮮奶$48/280mL鮮奶＋粒粒新鮮草莓果肉透明樽裝清楚見到白色同粉色嘅漸層效果「好夢幻阿！🤭🥰」甜度適中，我地兩個都大讚好味！。紫薯牛奶(熱)$38個紫薯味真係超級香😮係可以用"濃"去形容！不過飲到最尾確實係甜咗少少。人氣甜點草莓奶油捲$68/4件蛋糕捲嘅外形好可愛💕(少女mode)好似捲起咗嘅超細版奄列士多啤梨係採用韓國當造士多啤梨我對呢個奶油捲第1個反應係：「哇！好軟綿綿！」🤭因為我係用手拎起佢黎食一摸落去，真係超級軟綿綿🤣(有啲似寶寶塊面珠仔😍)。食落都係哇哇聲😂「啲奶油超級滑！！！」唔會油膩，口感輕盈😍而且質地實在，唔係鬆泡泡👍🏻平時食其他奶油多數都好似食空氣咁😅但呢個就完全唔會有呢種感覺！。總結：之前一路都認為過份靚嘅cafe通常啲嘢食都一般般今日試過Le Bread Lab可以大大聲話你知真係值得一試🥰

想試好耐既韓國草苺奶油卷樣子很美，打咭一流........草苺普通啦，不過不失（可能不是時令...）奶油就比較好，不油不膩......餅皮有點鬆散......作為下午茶小吃是很好的選擇，散水餅也不錯我買左一盒後才知原來沒有膠袋的(要加一蚊😑⋯⋯真的呆了⋯⋯只好用它包的保鮮袋）.....所以全程只好用一個保鲜袋拿回家.....真的不明白為何買新鮮食物沒有膠袋用，很不方便應該只會幫襯一次......

試左三樣野👌🏻1）草莓牛奶🍓2）草莓奶油捲🍓3）紫薯牛奶🍠三樣野都不過不失🙈唔算話好飲好食勝在可以影張相打下卡✔️因為食物賣相的確係幾靚！用黎做散水餅都睇得下又唔太貴👍🏻曾經有個同事買左一大堆草莓奶油捲做散水餅🤔公司d女同事非常受落！仲話好有愛～連男仔都話唔錯！可能大家對平時某啲散水餅感覺都唔係特別好食或者唔可以用黎打卡等等...多數都係黎黎去去既手作曲奇或者西餅😂順帶一提🗣好似某信用卡有折

今日約咗幾個朋友去佐敦食飯，但有一個朋友未收工要加班，所以我同另一個朋友近近地就去左尖沙咀美麗華行街。行行吓有啲肚餓就走左上去搵小食充飢。之前有一間韓國甜品店開咗好耐都嘗試，一直冇機會今日機會嚟啦！間鋪頭喺美麗華最頂果層，唔難搵，扶手電梯一上就見到。全間鋪頭粉紅色，好少女味，啱哂鍾意打卡嘅女仔連同朋友食個hightea，又或者靜靜地坐喺度等人hea下都得。我同朋友本來想試士多啤梨乳酪帶已經賣晒，最後叫咗一個士多啤梨奶茶share一齊飲。杯嘢飲係即叫即整，職員整好會入樽，個樽好靚，好似一個玻璃個奶樽咁。個奶茶顏色係比平時既奶茶更淡既淺啡色，飲落好香紅茶味，但士多啤梨就唔係好出，奶茶味道偏甜。如果叫士多啤梨牛奶，仲會有啲新鮮士多啤梨粒粒添。鋪頭除咗有士多啤梨飲品賣之外，仲有好多細細件嘅蛋糕仔，下午茶你食幾件蛋糕仔加杯嘢飲就啱晒啦。

今日要同老細整文件野，想搵個地方又冇乜人，估吾到佢又記起呢到喎岩唒～又可以食少少野又可以坐下都係一樣啦，餅皮硬，忌廉又唔滑，朱古力忌廉唔重味，好彩上邊有朱古力粒加重朱古力味呢個伯爵奶茶估唔到又幾好飲，伯爵茶味濃，奶味淡，又吾算好甜岩我口味👍🏻值得推介如果行街行得攰黎休息下都幾好哦如果有啲水果茶飲下就好啦

LE BREAD LAB,來自韓國的草莓奶油卷($168/12件）外層像一塊小pancake，其實是一層海綿蛋糕,中間夾著奶油和草莓🍓奶油香滑不太甜，草莓酸酸甜甜令到整個奶油卷多吃兩件也不怕膩😆 我覺得開Party 買一盒番去做飯後甜品幾適合架～

係韓國好多地方都有得食嘅奶油捲，依家香港都食到，成間店都係粉紅色，有位坐低食亦可以影相打卡最少要買四件，仲要四件都要係同一款味道，最新出嘅應該係藍莓味，我見芒果味朱古力味個樣都好似好吸引，但最後當然係買最受歡迎嘅草莓奶油捲啦我自己好鍾意食忌廉，所以份量啱啱好，但好難拎上手，因為pancake果塊野又濕又黏，吾爽身唔彈牙，士多啤梨酸，而忌廉好硬又吾滑，但甜度岩岩好，為咗食而黎就唔好啦～打卡影相還可以的

最近工作比較繁忙，公司為了慰勞同事，特別選購了下午茶到公司讓大家輕鬆一下。經過大家的商議，決定選擇LE BREAD LAB的奶油卷和牛奶。位置位於尖沙咀美麗華商場3樓，鄰近尖沙咀地鐵站。店面不算大，但裝修十分少女心，無論是店面環境還是食物都很適合拍照。是次選擇了四種味道的奶油卷，包括草莓奶油卷（$168/12件），草莓朱古力奶油卷（$168/12件），鮮芒果奶油卷（$168/12件）和巧克力奶油卷（$168/12件）。味道非常好吃，水果新鮮，份量也挺足的。奶油卷的奶油香滑，蛋糕鬆軟。不用$700就把30幾位同事的下午茶解決了，也算是讓大家從忙碌中偷一點閒。

同朋友行行下街見到呢間cafe就入左去坐。其實系比間鋪啲粉紅色吸引左，之後就見招牌士多啤梨奶油捲好靚好吸引就叫左4件試一試。咁當然要打一輪卡影下港女相先食喇哈哈味道方面唔太甜，但因為之後我地要去食飯，每人食兩件就有小小多。個捲系蛋糕同pancake既質地咁，有小小飽食完。