Le Rêveur at Flower Market

營業中

休息中

Le Rêveur at Flower Market，位於香港太子花園街244-246號惠寧閣地下B號舖。餐廳是一間法式西餐，店內環境簡潔。當晚我們選了四道菜晚餐，包括有開胃菜、餐湯、主菜和甜品。▫️蛋黃醬蟹肉香料酥炸球、青瓜 ~ 一啖一口，精緻香脆。▫️精選餐湯 ~ 餐湯配麵包，口感軟綿。▫️油封鴨腿，防風草兩食，覆盆子醬 ~ 外皮脆脆，鴨腿口感軟嫩。▫️西班牙伊比利亞橡果級黑毛豬帶骨豬鞍扒，防風草泥，水蜜桃汁 ~ 厚切口感，肉質豐富。▫️開心果原粒紅莓焦糖燉蛋 ~ 內餡軟滑。▫️法式橙酒班戟 ~ 酸酸甜甜，橙香美味。各款菜式當中最喜歡黑毛豬，推介可以一試。🏷️溫馨提示～ 整個用餐體驗均屬個人分享意見， 只作參考😊。

上星期六下晝同屋企人覆完診咁啱佢未食飯我自己食咗巧合地咁啱要去太子花墟橫掂係咁順手落太子呢間質素ok嘅餐廳食我媽就叫咗牛油果，我就叫咗個三文治連埋一杯咖啡兩人埋單人均大約150，雖然係小店都要支持入面環境我叫咗杯latte連埋panni個包都唔錯下次走芝士我屋企人叫嘅plus嗰日係因為過咗三點後，所以意粉連埋餐湯飲品冇得叫最後都係散叫，埋單大約每人150，總算係不過不失環境都算舒適又靚，不過可能係牛油果嗰啲嘢擔心生得滯始終都要改善下唯獨是意大利包整得相當入味，我又可以提早食晚飯幾好

今日去左呢間食野，叫左杯抹茶牛奶飲，黎到飲左一啖，冇抹茶味，又冇牛奶味，得個色，飲落好似溝左水，好淡，咁叫個侍應黎問下，睇下可唔可以換過杯，點知佢話佢係跟足公司份量去沖，一口就話係我個人主觀問題，之前一個投訴都冇喎，佢好肯定咁話自己落的份量係一定對，所以話唔會換，唔鐘意飲就下次唔好飲，之後我話下次唔會黎，佢話好呀，轉身就走，冇理我了香港飲食業真係多得呢d員工唔小，小店生意難做我都終於明點解，老闆祝你好運，我都講左我一定會負評你，但真心希望你改進下員工處理事情手法同埋態度！

15/3/2025📍Le Rêveur at Flower Market有朋友推介呢間餐廳 話呢度啲嘢食整體都幾唔錯 呢日星期六中午嚟到 試咗佢哋幾樣嘢食⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨Lunch set（$165）油封鴨腿充滿油香 肉質結實 唔會過乾 就咁食都夠味🤤但點埋酸酸地嘅覆盆子醬食 又多咗陣清新嘅感覺配菜有檸檬烤甘筍、防風草蓉、西蘭花 甘筍同西蘭花都有調過味 都係酸酸地好開胃 防風草蓉真係好特別 口感非常細膩 望落似薯蓉 但食落有啲似甘筍嘅蔬菜甜味🤣呢個set包咗餐湯同埋$36以下嘅野飲我哋揀咗香蒜薯仔湯 個湯蒜味好淡 口感幾杰身嘢飲揀咗熱latte 都唔錯✨烤和牛面頰意式三文治（$118）Panini烘得夠熱但唔夠脆 中間夾咗牛面頰肉、生菜、番茄、洋蔥、choron sauce 牛肉幾腍 肉味夠 但得薄薄一片 有啲唔夠喉睇相都feel 啲餡唔多🥹醬汁微酸 配埋蔬菜同牛肉食 係幾好食😋✨開心果巴斯克芝士蛋糕（$68）首先個價錢真係幾貴 所以我哋嘅expectation都好高 好彩佢嘅質素對得住個價錢 不過就細舊左啲開心果味好濃 面頭仲淋咗開心果醬同開心果粒 口感好豐富

今次都係同朋友慶祝生日，兩大一細喺OpenRice訂枱。特登打定電話去預訂蛋糕寫生日名。嗰時係三點叫咗一個午餐，一個三文治。坐低嗌完嘢食之後。侍應就話OpenRice訂座有最低消費每人$150，但係我其實冇喺OpenRice見到有寫，之後我就同佢講我另外仲有訂嘢。因為唔想喺我朋友面前講。但係嗰個男侍應嘅態度麻麻地一路都唔明我講咩。後尾先肯買去問另一個男人，所以今次感覺麻麻。後尾喺枱面見到有寫每人要叫一樣餐牌上嘅嘢。即係話喺OpenRice訂枱要求仲高過直接Walk in。

星期日生日聚會，有朋友提議到太子近花墟附近的西餐廳。餐廳位置旺中帶靜及交通方便，而且最重要的是。。不限時交枱！！！對假日閙市的餐廳來講實在非常難得，值得加分！入到餐廳內，亦即時被內部裝修所吸引，由牆壁上花紋圖案，到天花板精緻燈飾，均配合得賞心悅目，能營造出感覺溫馨及放鬆的氣氛。枱與枱之間不算寬敞，但當晚客人較斯文自律，沒有大聲說話打擾到鄰枱，甚至在得知朋友生日時，會一起恭賀朋友唱生日歌，在人情交往日益淡薄的香港實屬少有。食物種類方面有開胃菜、湯、沙律、頭盤、主菜及甜品，可根據個人喜好配搭三至五道菜之套餐，價錢由三百至五百左右，價錢不算便宜，但食物有質素及份量充足。唯一略有遺憾之處是餐廳營業至晚上9點，如想再繼續跟朋友談心便要另覓地方。

在太子有間隱世法國菜餐廳，晚市行過見到入面得一枱二人客，唔係同事介紹話正我都未必會揀呢間餐廳。餐廳可以散叫或者三至五道菜的套餐，基本五道菜價錢為$408，包含開胃菜，餐湯或沙律，頭盤，主菜及甜品。跟朋友點左兩份五道菜套餐，其實以法國菜來說，這個價錢算是相宜！如果餐廳開在中環，大概可以索價$800。.開胃菜蛋黃醬蟹肉香料酥炸球，青瓜（一件）餐湯是日精選湯品 — 蕃茄湯法式龍蝦湯 +$30頭盤法式三文魚凍派，配三文魚幕斯餡，煙三文魚，三文魚魚籽巴斯克式蕃茜炒蜆主菜油封鴨腿，防風草兩食，覆盆子醬西班牙伊比利亞橡果級黑毛豬帶骨豬鞍扒，防風草泥，水蜜桃汁 +$40甜品紅棗桂花雪梨拿破崙集糖反烤蘋果撻開胃菜個蟹肉球外邊脆，入面啖啖蟹肉，不過唔係好食到蛋黃醬味，只係有香濃蟹味。龍蝦湯好飲是基本，番茄湯都酸甜有層次，好飲！唔知有無加茄膏，但至少有加不同番茄去做出這個層次。成日食三文魚但三文魚凍批就第一次，唔同口感既三文魚夾埋一齊幾特別。個炒蜆就好正，蜆肉肥美，味道好鮮，調味唔會太搶。主菜油封鴨切開係散開既鴨肉絲，本身都夠味，第一次食防風草，口感有點煙韌，同一般根類食物唔同。試左少少朋友個豬鞍扒，厚身肉

星期日天氣好熱，咁岩經過太子，比門面嘅貓貓圖案吸引左去望下之後發現好多植物咁好養目，決定入去坐下☺️店舖嘅擺設，偏向比較大自然既感覺，周圍都好多貓貓擺設，非常之可愛，好吸引🤣抹茶牛奶我坐左一邊單人窗邊位，叫左杯抹茶牛奶。雖然製作比較耐，但唔影響我心情，因為主要係想坐下休息下。抹茶牛奶佢係偏向重抹茶味多啲，比重會較多，所以有少少茶既苦澀味多過牛奶嘅香滑味。但係呢杯都真係好飲，亦都係我想飲嘅預期味道☺️我坐咗大約個幾鐘，都冇人趕我走，冇人騷擾，係非常之唔錯去同三五知己傾偈或者一個人打發時間嘅好地方😎

我是6:28分到場取位的，但因我們拿了兩個大袋，想要一張四人枱放東西，那個女職員堅持要我們坐二人枱，其他兩位男職員說可以坐四人枱的，當場只有一張四人及另一張三人枱訂位，即根本有地方給我們坐四人枱的！我們不是第一次幫襯，也不是消費平的地方，真的不應將我們逼在一起吃飯，很失望！這餐廳不會再來的，也明白大家返大陸消費的原因

喂～嚟到呢間cafe試吓佢哋嘅招牌菜啦！首先，依個阿根廷草飼牛西冷佢真係有驚喜添！外層煎到微焦，啖啖肉汁鮮美，啖啖正！綠胡椒奶油汁嘅融合做到恰到好處，辣得黎唔搶味，順滑得黎啱哂口感，真係得嘅唔得了。油封鴨腿味道豐富，皮脆肉嫩，食落去散發出陣陣草本香味，青金桔汁帶啲微酸，刷新返成個味蕾，Whooa～真係叫人一試鍾情！至於西班牙羊奶芝士烤提子多士，多士烤得啱啱好，脆香四溢，啲羊奶芝士味濃郁過頭啲，但係如果你鍾意重口味嘅話，可能會啱你心水！蟹肉脆波餅仔呢，外皮鬆脆，一口咬落去好過癮！蟹肉同蛋黃醬搭配起嚟順滑得黎，青瓜絲帶點爽口，整體嚟講清新爽口，食落幾舒服。哎吔，寫到呢度，口水都嚟嘅，洗洗睡啦，聽日見！😴😋🤤

生活快樂或者不快樂，好多時個人未必能控制到，但，快樂嘅心情，自己是可以營造的。💕能夠找到令自己快樂的事，也是一種非常幸福的感覺。例如有啲人去追星，有啲人做運動，有啲人飲飲食食，都係一種方法，最緊要個人生活開心。得閒找朋友去Cafe坐吓，一邊享受咖啡，一邊傾吓心事，其實都係一種非常療癒及舒壓嘅方法。今次喺花墟附近，突然間發現咗一間好靚嘅Cafe，打卡一流，裏面有好多打卡位。Hea吓Chill吓傾吓，真係人生一大樂事😍

和閨蜜行花墟，準備農曆新年用品，經過見到呢間靚靚cafe 就坐低食個甜品飲杯咖啡☕️睇吓自己嘅戰利品真係一件賞心樂事！Contemporary Pistachio Creme Brulee 開心果焦糖燉蛋自家製原粒開心果研磨果蓉＋原粒覆盆子＋焦糖燉蛋 好夾又甜而不膩，有種幸福的感覺。Mille Feuille with Jujube, Osmanthus and Asian Pear 紅棗桂花雪梨拿破崙 法式千層酥（拿破崙）＋自家製紅棗奶黃夾心＋桂花雪梨果醬 估唔到用紅棗做甜品會有呢個效果，有種養生嘅感覺！Apple Tarte Tatin 焦糖反烤蘋果撻焦糖蘋果甜撻，雲呢拿雪糕，焦糖汁 有傳統甜品嘅味，甜在心頭嘅感覺。咖啡☕️配甜品真係舒服

Bookmark咗呢間法式小餐館好耐今日終於有機會試～位於花園街附近非常方便附近小區比較靜 暫時未有太多打卡食客😝😝入到餐廳環境比想像中大～餐廳入邊有好多植物🌱🌿好舒服😌今日同朋友食咗set lunch✨🇫🇷慢慢傾偈chill下叫咗蕃茄濃湯、芫荽濃湯、油封鴨腿都好唔錯性價比好高✨最後叫多咗一個香橙crepe酸酸甜甜好好食🤤喺法國旅行返嚟成日掛住法國餐之後會再喺度試其他甜品 好多選擇又吸引😍

星期六喺附近搵餐廳食個午餐，行到嚟呢間小店，冇諗過喺旺區，可以遇到呢間令我覺得咁遠離繁囂嘅西餐廳。呢間餐廳好早開門，我哋11點左右已經可以入去，可選擇嘅食物有好多款，有多士，又allday Breakfast，又有意粉同扒，款式好多。佢嘅多士真係好好食，唔係一般西餐廳嘅典型款式， CP值高！同埋佢哋有咖啡雪糕Affogato，可以揀兩款味嘅咖啡，一款係生果味，另一款係堅果味，我揀咗生果味，好襯個雪糕球！我哋總共叫咗五款食物同飲品，全部都係高質！環境舒服、食物高質、侍應服務好，實在冇諗過喺旺區會遇上一間咁高質嘅餐廳！佢哋仲有提供免費輔導服務，比一啲需要長期照顧病患親人、或者屋企有人過身嘅人。可以預約一對一嘅面談，逢星期一喺餐廳進行。實在難得！

今日在open rice搜尋一下有咩好野食，搵下搵下，見到呢間店面裝飾好特別，再睇下野食同評語都唔差，所以就用open rice訂座了。叫了一個4人餐，由於未試過，所以款款都叫，除左因為怕辣，所以沒有選老幹媽。每一款食物上菜都非常之有驚喜，無論係食物品質、擺碟、新鮮度、味道10分滿分，我都俾9.5的分。別人一個評語，性價比高，我絕對非常同意！一定會再嚟呢度裝修都好靚和特別，而且服務態度都好好，好欣賞呢間餐廳