LeeLaksa

營業中

休息中

今日去左上環一間主打星加坡及馬來西亞菜既餐廳食飯，餐廳招牌好顯眼，離遠就能一眼見到。室內環境裝修好有星馬風情，地方大而且座位闊落。餐牌食物款色聚多，除左主打既喇沙之外亦有其他東南亞美食選擇。海南雞飯拼新加坡喇沙米線餐廳有提供海南雞飯同喇沙兩食，啱晒既想食海南雞又想食喇沙既朋友。海南雞無骨而且啖啖肉，肉質鮮嫩，份量仲要唔細，配埋油飯一齊食真係食唔停口！檳城蝦麵滲滲湯底香濃，有淡淡既椰香味，滲滲好爽身唔會太冧，入面好足料，有糖心蛋、蝦及豆卜，最鍾意係佢嘅湯底，好惹味！咖喱配手抓餅咖喱唔會好辣，手瓜餅好脆，入口鬆軟。仲好大塊，可以分到三至四塊芒果五色米紙卷甜香既芒果令淡口既米紙卷帶出清新既口感，裏面嘅瓜菜食落爽口，配以芒果醬一齊食，係一個非常開胃既小菜。美祿甜度適中，味道香濃，好有星馬風味。

想食星馬菜，想食海南雞飯，還想食喇沙，怎樣才能一次過滿足三個願望？還不容易，這一天，我就在這間 LeeLaska一次過滿足了這三個願望。這一天，與老婆仔有點事要去上環辦，來到午飯時間，決定來這間網上評價不俗的星馬菜餐廳吃個午餐。餐牌上的「李派海南雞飯拼新加坡喇沙米線」（$108）挺吸引的，便不作他想，點了這個雙拼做午餐。這午餐的確不錯，已去骨的海南雞皮肉嫩滑，油飯又十分好吃，雖然因為這套餐已有喇沙而沒有雞湯奉送，仍然讓我相當滿意。至於我的午餐的另一主角新加坡喇沙米線，雖然沒有老婆仔那碗原裝版那麼大碗，米線份量不多，但各款配料好像蝦、魷魚、豆腐卜、流心蛋等仍然一應俱全，而且喇沙湯也清甜而有椰香，與海南雞飯一樣，都是水準之作。老婆仔沒吃海南雞，只是點了一碗「新加坡喇沙米線」（$82）做午餐。她的米線是完整版，當然比我的小型版來得大碗，無論米線還是各款配料，都比我的多得多，以她的食量，已經絕對夠飽。因為是午市套的關係，兩杯飲品，不論冷熱，都是免費的，兩我倆就分別點了少甜版的「香茅橙茶」和「凍桔仔話梅水」做餐飲。兩杯凍飲味道都及格，清涼解渴。這間星馬餐廳，食物質素的確不錯，價錢又不算貴，難怪生

上環新馬菜，leelaksa就好唔錯啦，岩曬上環返工人士。門口已經好大個logo leelaksa, 呢度都好多人附近收工來食飯，環境舒適簡單，食物選項豐富。對於食新家坡馬拉菜，離不開海南雞飯，這裡的海南雞套餐，都可以配搭其他必食特色菜式。1. 李派海南雞飯拼白胡椒肉骨茶2. 李派海南雞飯拼喇沙這兩份海南雞飯都夠曬正宗，配的是黃薑飯，海南雞夠嫩滑，份量也多，另外喇沙係大大碗，，完全唔係細碗拼配，兩個人食都得，而肉骨茶就熱辣辣之餘飲完也熱辣辣，白胡椒夠辣，治感冒不錯喔。另外飲品就點了椰青同香茅青檸蜜，正常發揮，岩曬食新馬菜。

開acc以來未試過特登留comment投訴，因為知飲食業愈來愈難做， 做得差都未必係間餐廳自己想， 自己唔滿意最多當唔岩口味唔黎算， 但的間餐廳成功令我破例平時無黎開上環，難得黎到見operice 一致好評， 入左黎試一試叫左個喇沙$82 同炒貴刁$128lunch set喇沙不過不失， 可惜蝦肉係雪藏加白烚然後放上湯麵上， 純粹覺得係攝取蛋白質，無味道可言炒貴刁價錢貴喇沙一半，以為因為用料好的多的， 但成個炒貴刁只係死咸味， 碟底成盆油，執料極慳家， 成碟都無咩餸， 食左兩三啖已經食唔到落去同伙記反映碟貴刁太咸太油， 只係得到回應“咁你想點”， 我當伙記未必識處理顧客反映，所以話想同經理反映下意見姐經理過黎只係一輪咀自己係到講馬來既口味係偏重， 如果今次發覺唔岩食既，下次叫第樣， 重覆地講兩次，我地師傅無轉過，幾年來一直都係咁煮，然後我地未講完已經自己走左我絕對尊重餐廳堅持對自己煮出黎/當地菜口味上既執著， 有的種堅持先令餐廳有differentiation，令人食過之後，都會記得你既餐廳，你既口味唔係要求你要跟每個顧客既意見去改， 但當客人純粹俾番的feedback時， 麻煩拎番的

有時懶得煮飯就會嚟屋企附近嘅呢一間星馬菜餐廳食晚餐。大概七點幾左右嚟到，都幾多人，不過上菜速度都保持到。～～～Order咗幾樣嘢，包括有街頭雞鴨絲湯粉、李派海南雞飯拼喇沙和大蝦青木瓜沙律等等。～～～先說說街頭雞鴨絲湯粉，呢個湯粉唔係佢哋嘅主打，不過第一次食，覺得佢地湯頭都幾鮮甜，裡面有豐富鴨肉雞肉絲，搭配上細軟湯粉，淡淡洋蔥香，口感幾舒爽。～～～而李派海南雞飯拼喇沙就係我嘅favorite，好經典嘅組合，兩樣嘢都係佢哋嘅主打，叫呢一個就可以試晒兩樣，不過喇沙嘅size會比平時細。海南雞飯雞肉非常嫩滑，而家雞油飯亦是香味滿滿。喇沙辣度恰到好處，椰子香味十足，愛椰味重嘅朋友仔值得一試。～～～最後大蝦青木瓜沙律，就係行清爽開胃路線。大蝦爽彈，搭配上脆口青木瓜同花生碎🥜等等，清新可口，口感不錯。～～～LeeLaksa 上環皇后大道中302號地舖人均$180

LeeLaks地址：上環皇后大道中302號地舖G/F, 302 Queen's Road Central, Sheung Wan上環除了COFFEE SHOP 多, 想食星馬亞洲菜不多選擇, 門口在招牌店名大大個, 好顯眼一眼就望到‧個menu食物相影得好靚, 又多款式架食物都有。$118 先來個laksa , 湯好飲重椰香，有豆腐卜,蛋,魚片，蝦想食個菜, 點了個清爽架$78 牛油果雞絲沙律$68 鹹蛋黃燒雞翼有4隻, 是幾抵食，好多醬仲要是雞全翼斑蘭咖央多士 $28, 中間個厚牛油加抹了一層厚身, 味道香甜的斑蘭咖央醬, 麵包烘得香脆可口, 很好吃, 當作是甜品。

距離地鐵站5分鐘左右路程🌟怡寶芽菜🌟鍾意食芽菜既必點口感爽甜🌟馬來炒貴刁🌟同港式既炒河炒唔同架炒貴刁其實係炒粿條粿條係較河炒闊同厚身一上碟已經見到好深色惹味程度令人流晒口水食開重口味嘅會喜歡但平時食得清淡既人就建議其他款啦🌟李派海南雞飯拼喇沙🌟叫一道菜式食到兩款梗要叫喇沙麵身彈牙椰香味夠帶點微微辣一啲辣都唔識得嘅就唔好叫啦海南雞滑最鍾意食油飯每次出街都會點因為平時喺屋企整唔到坐得闊落閒日晚市都8成滿

今日我們4人行經過這間小店，發現都幾經濟唔會話太貴，因為下午茶有包一杯飲品，晚上單叫就無飲品，我地其中3杯叫了桔仔茶及一杯拉茶，而桔仔茶的價錢是$32一杯。而我地4人分別叫了海南雞飯，新加坡喇沙，馬來抄貴刁，咖央多士。

平時經過都好多人排隊，所以來試下係唔係甘好食。叫左肉骨茶拼海南雞，喇沙，串燒雞同埋蝦膏通菜。喇沙真係好味，唔辣，湯底有好濃嘅椰汁味，而且料都幾多，配左杯拉茶，味道偏甜。肉骨茶感覺同喺新加坡食嘅味道唔係好一樣，不過料都算足，海南雞分量還可以，配左杯話梅汁，味道清爽。串燒雞都幾大串，味道都唔錯。蝦膏通菜，呢個係最一般的，唔覺有蝦膏味，可以唔試或者試其他整法。

.LeeLaksa 位於上環嘅一間新加坡菜🥰舖位好顯眼，地理位置亦好好，餐廳附近有好多咪錶位，揸車黎都好方便👍🏻……….今日同屋企人行開上環，見到呢間新加坡菜過左中午時段都人頭湧湧😯就試下先!!!……….我地叫左2個lunch set，海南雞配肉骨茶，係我第一次食肉骨茶，原來幾好食，而且好足料，海南雞有3款醬汁，雞已去骨，食落啖啖肉，雞肉嫩滑喇沙湯米線唔辣，餐廳另上了辣醬，加左d風味，配上蝦、流心蛋、豆腐卜、魚蛋。沙嗲雞串燒，雞肉幾滑，沙嗲醬好香濃。我地叫左杯拉茶、南洋咖啡，好重奶味👍🏻……….充滿童年回憶嘅上環，已經轉變好大，而家已經變成好多遊客/本地人嘅旅遊勝地，細細已經係度嘅餐廳仲有幾間，下次再食埋先🤤……….另外餐廳提價嘅唔係普通牙籤，而係牙縫刷😯

放工同朋友經過呢間上環餐廳，店內嘅裝修好靚，價錢亦都相宜，就嚟試吓呢間新加坡菜，整體嚟講都唔錯！🟠馬來炒貴刁 $78依間嘅炒貴刁食落去會多少少甜味，顏色其實有啲似乾炒牛河！幾有特色，而且唔太辣，蝦同魷魚粒嘅份量都唔少，仲有青瓜一齊食，整體嚟講都唔錯！👍🏻🟡斑蘭咖央多士 $28食新加坡嘅食物，一定唔少得叫咖央多，呢個多士牛油夠晒多，都幾飽肚又大份！☑️🟢香芒大蝦米紙卷呢個卷夠晒多唔同類型嘅蔬菜，加埋醬汁一齊食好開胃！🟠雞絲鴨絲湯金邊粉份量都幾多，味道唔會太濃，唔食得辣嘅朋友可以一試！

我們今天吃了喇沙，海南雞飯、雞鴨粉和肉骨茶，說真的材料真的非常廉價、不夠新鮮，相當難吃，比food court還要差🥲誠然他的地理位置和裝修的外表，相當不錯，但請必須改善食物質素，很難接受雞沒有除去雪味、面都煮到糊糊的。請改善。

新加坡菜推薦🥢🥢🥢位於上環既leelaksa環境乾淨光猛 性價比不錯💯🌟檳城蝦麵🦐湯底好鮮甜帶蝦膏香味 兼帶點微辣配以摻摻(油麵,米粉）加上鮮蝦,豆卜同半熟蛋吸收哂湯嘅精華 夠哂惹味👍🏻🌟海南雞飯🐔雞肉好嫩滑 雞皮又爽滑 而且無骨 方便食油飯好香又唔會油膩仲有三款不同醬料 包括辣椒醬,薑蓉同醬油雞肉蘸完醬料後更加惹味😋🌟參峇醬燒豬頸肉🐷豬頸肉烤得外脆內嫩 肉質爽彈 配上惹味不膩口既參峇醬 好好味👍🏻🌟半熟蛋配咖央多士🥪咖央醬帶椰香配以牛油同脆多士甜而不膩 加埋半熟蛋 好有新加坡味道💯

每次經過見到佢入面嘅裝修好靚咁，覺得價錢都應該比較貴少少，所以一直都冇去試，但新年第一日開工就覺得應該開心啲，食豪啲，咁就去試吓，然後睇咗佢嘅餐牌先發現佢嘅下午茶真係好抵食，價錢又相宜，而且唔會因為係下午茶份量就好少每一份都絕對係正常午餐嘅份量，仲要有杯野飲，真係好扺新加坡喇沙 $62喇沙基本上可以話係依間餐廳嘅必點，基本上每枱都有點喇沙，咁我梗係唔可以執輸，梗係都點一份，一上枱就已經聞到超香嘅椰奶味，真係未食都已經流晒口水，味道雖然很濃郁，但係唔會覺得鹹，反而係會令你忍不到繼續食，因為濃郁嘅湯底，令每一啖麵都可以掛到湯，而且其他喇沙必有嘅配菜（例如蝦、蛋同豆卜）都吸收晒湯汁，每一啖都超級入味，唔會係嗰種煮好晒，然後等有人點就直接放上面，完全唔入味嗰種，好明顯係你點嘅時候先一齊煮，所以配料唔會煮到淋而且仲要係唔入味嗰種。所以嚟食，超級推薦食呢個！馬來炒貴刁 $78冇睇錯，佢真係炒貴刁！雖然顏色有啲似乾炒牛河，但係人哋原本嘅顏色真係咁樣（因為都係用醬油去炒），我哋平時見到嘅炒貴刁會係黃色，係因為香港嘅餐廳唔用醬油和辣椒醬去炒，反而係用咖喱醬（則係平時炒星洲炒米嗰隻酱）去炒，所以依間嘅炒貴

店舖位於皇后大道中，地點極方便，舖位大，遠距離都見到！✨李派海南雞飯配白胡椒肉骨茶海南雞雞件份量都幾多，嫩滑無骨，冇雪味👍🏻肉骨茶係我每次食新加坡菜都會order嘅，呢度嘅用料好足，有好多件豬肚和排骨，湯底重胡椒味，入口帶甘甜，好正😍飲完暖笠笠！✨蝦頭膏炒通菜同小朋友一齊食，就揀咗唔辣嘅蝦頭膏，用上幼身嘅通菜，爽滑無渣又惹味！✨斑蘭咖咉多士大大塊牛油🧈，見到真係好療癒，多士超級香脆，必食！