Little Mario's Pizzeria (Life@KCC )

營業中

休息中

近排發現公司附近KCC地下，開左間手工pizza,所以就搵左一日，約朋友放工後一齊去食，地點好容易搵到，係葵興地鐵出口，行多一陣左右，就會到，朋友都話識路過黎，我直接係餐廳攞位等就可以入到餐廳環境好整潔，地方都好大，裝修風格休閒，感覺舒服自在洋蔥意式腸薄餅(9")$98因為係手工薄餅關係，所以pizza既餅底，同我出面食到既好唔同，餅底厚度適中，邊位仲好鬆化，好似食緊餅乾咁，但又唔會過硬，餡料係洋蔥加埋意式腸同蘑菇，味道比較中和，唔會太濃味莫扎里拉芝士條$65外皮炸得好香脆，咬落仲可以拉絲松露卡邦尼意粉$108松露味香濃，意粉食落唔會乾身朱古力咖啡$48朱古力味道會比較突出，飲落好香滑鮮奶咖啡$46拉花好令，係一隻海馬，咖啡味道唔苦，奶香味濃

老友話想食正宗意大利薄餅，葵涌葵昌路72-76號活@KCC地下G02號舖，餐廳裝修得很優雅，有紅磚的牆壁，大大玻璃窗前放紅運當頭的盆栽，更可 觀賞街景。餐廳主打意粉、薄餅和小食。我們點左帕爾馬火腿薄餅$168，火腿甘香加新鮮的德國芥菜和芝士，薄餅底脆脆地，很美味。蜜糖柚子雞翼，真不錯。蔬菜沙律🥗$82，蔬菜十分新鮮很清爽。朱古力$ 36，朱古力味香濃拉花圖案好靚。 西柚翡翠茶$48，味清香不太甜，很好👍

今日去左葵涌活@KCC 行街，BOOK左晚餐食Little Mario's Pizzeria，好友試過觀塘分店大讚食物質素!裝潢特別，播輕快音樂，感覺寫意。忌廉蘑菇雞螺絲粉 HK$88醬汁香濃又Creamy，充滿菇菌香味，螺絲粉煮得剛好，彈牙又有嚼勁，雞件嫩滑，細細粒易入口。意式蕃茄醬海鮮薄餅 HK$178有大量海鮮非常足料，有齊鮮蝦、青口、魷魚，鮮甜彈牙，加上香草別具風味。薄脆餅底格外香脆惹味。招牌熱朱古力HK$36入口綿密細滑，特別用上黑朱古力，啖啖濃郁朱古力味，甜而不膩!薄荷青檸梳打HK$52味道層次豐富，入口清爽，解渴一流。

前一日喺openrice訂左檯三位晚飯，去到一台客都冇但係assign左我地坐一呎乘一呎擺個pizza就擺唔到野飲嘅檯仲堅持話嗰張係三人檯，明明旁邊有大d嘅檯但係唔俾坐，再三問可唔可以坐張大d嘅檯然後waiter黑面晦氣好似我地欠左佢咁話：「你地想坐4個人嘅檯咪講囉，冇話唔可以嘅！」餐牌上有酒，但係order時佢話未有酒牌，唔緊要，但係我地越坐音樂開得越大聲，到左震耳欲聾嘅地步，我地覺得唔對路，最後決定埋單離開，難得疫情下出去食餐飯，真係一肚氣，應該唔會再去架喇

Little Mario's Pizzeria寬敞舒適，透明大玻璃採光度高，令室內環境光潔明亮。型格的紅磚牆設計，充滿歐陸風情，加上鮮花擺設，帶休閒的感覺。魔法蘑菇薄餅$88 (小 , 9吋)(四種蘑菇, 莫扎里拉芝士, 香草 , 奧勒岡香草)Pizza引用意大利無蛋麵粉，經過透明玻璃，觀摩到大廚親自手搓麵團，充滿正宗意大利風情。薄餅口感非一般，入口有濃郁的麵粉香，邊緣薄脆，表面鋪滿半溶芝士和蘑菇，入口煙煙韌韌，軟綿之間充滿芝士鹹香。肉醬意粉$88焗意粉煙韌彈牙，每條掛滿鮮茄汁，加上肉醬精華，每口伴隨著香濃肉味，酸甜開胃! 凍蜜糖青檸$42蜜糖青檸清爽解渴，充滿清新檸香，配上有機蜜糖點綴，沁出淡淡花果香氣。Latte鮮奶咖啡$36拿鐵表面有美麗的海馬拉花，十分精緻，奶的比重高，卻不減咖啡的香醇，質感奶滑柔順，呷一口治癒的滑滑奶泡，精神為之一振。

-凍既Honey lime採用天然蜜糖，飲落唔酸唔澀口，係好清新既甜蜜！-熱朱古力🍫呢杯Hot chocolate同出面飲到既好唔同，唔會一味得個甜字。原來係用左奧地利既黑朱古力。唔似一般會加奶精啊糖啊去增加甜度，反而係用牛奶🥛去調節甜味。仲有值得一提既係，杯朱古力上面拉花，下次再去唔知又會遇到咩高難度既圖案呢？咁有心機都唔捨得攪勻飲。-黑松露卡邦尼薄餅🍕用白汁做底既薄餅都比較少食，呢個仲加埋黑松露變得香同惹味。同埋加左兩隻雞蛋🍳有畫龍點晴既效果🍳沾啲蛋漿更加Creamy。主要好欣賞個餅底，口感軟韌兼容、厚薄適中，🖐🏾人手搓成既秘制餅底的確唔同☝🏾。-肉丸🍡食落似burger入面塊肉，加埋酸酸甜甜既茄汁混醬都唔錯。整體呢間pizza店用料上乘，又用心制作，而且店員服務態度又好，係真心覺得值得一試再試！

In the Kwai Chung area, I needed to pick up something nearby and met boyfriend as I got a little lost. As things were starting to close early in the area, we decided to just have an early dinner and came across Little Mario's Pizzeria. With the huge words "Authentic Italian". Yeah...we'll be the judge of that.The place is quite spacious and they even have a real pizza oven as well.Menu is in English and Chinese. They serve pizza (obviously) and pasta. And oddly, Indian curry? Had no idea that wa

係葵涌KCC商場地下有間很滴色的pizza店，今日行行下商場肚餓就到這家叫little mario’s pizzeria 食晚餐，估唔到真係好好味同好好體驗，真係要分享俾大家。首先由侍應的服務講起，侍應哥哥很斯文有禮，耐心講解每一道菜式及特色，好少薄餅店有此服務，感覺這家店老闆真係請岩人，或者是培訓得好好，好的服務真係會加分。我點了一杯熱朱古力，朋友點了杯冷飲菠蘿烏龍茶，又到了野飲介紹環節，杯熱朱古力仲可以做到拉花，好精美好精緻的拉花，下面是一朵玫瑰🌹上面是一隻天鵝🦢，真的不能小看這家薄餅店的水準，每個細節都做得這麼周到，這邊朱古力靚到我都不捨得飲，係咁打卡。仲有特別之處係唔好看小這杯朱古力，係用左唔記得係咩但好特別的朱古力來的，味道特別香，大家一定要試。另外菠蘿烏龍茶也是很特別的，上面的泡泡是人手打製的好有心思，冰冰涼涼好好飲，大家可以試下。野食方面我們還點了parma ham pizza和一個松露意粉🍝，野飲做得咁出色，野食都絕對有水準。pizza 的用料，厚芝士底但不漏，薄餅皮是外酥內軟雙層口感，加上大大塊Parma ham配上新鮮嘅沙拉菜，一啖咬落去塊pizza度是多重口夾雜，

同呀媽去執下中藥調理下 起葵興KCC經過見到有間Little Mario's Pizza 記得之前起觀塘食過佢既Pizza幾好味 於是就翻兜一下😛見上次食過辣肉腸Pizza唔錯 今日想食菠蘿😆食返個香港風味既夏威夷Pizza 同一般既一樣有火腿菠蘿 蒜蓉同Mozzarella 味道幾香甜 薄餅底都係一如概往咁幾好味 🥰今次👀先發覺原來佢係2018同2019年入選香港首十位既薄餅店黎 同埋Pizza原來係用到意大利無蛋麪粉 😛薄底食落好似無咁飽膩 食落係微煙韌 微微鹹香咁Pizza之外見下有沙律 🥗試下佢既火箭菜配南瓜沙律 佢個自家醬汁 menu有注明到係無人造香料 佢既醬汁係類似香草溝左橄欖油 鹹香開胃 火箭菜好夾南瓜 幾香甜 😋仲有麪包粒同南瓜籽幾香脆 食沙律都唔會太過單調 幾豐富😌👍🏻另外仲叫左杯抺茶牛奶Latte 聽講飲落都幾幼滑 抺茶味幾出 我就飲左杯西柚翡翠茶 西柚同茶味都好出 但兩者之間味道都好balance 飲落好refreshing 唔錯😆

閉關響屋企左一段時候，又忍唔住出嚟抖下氣，去附近食個Pizza🍕😋呢間開業不久嘅葵涌Little Mario’s Pizzeria，主打意大利手製薄餅，店內更由外籍廚師主理，所有薄餅即叫即製，絕不馬虎～火箭菜配南瓜沙律（$82），不得不讚呢個沙律幾高質，沙律菜好新鮮，南瓜好鮮甜，而且食落亦好crunchy，口感豐富，非常適合做開胃菜！今次試咗呢度嘅辣肉腸薄餅($96，9寸）餅底鬆脆，辣肉腸惹味，配上Mozzrella拉絲芝士，非常邪惡😈飲品方面，我哋叫咗一杯抹茶鮮奶🍵（$38）同埋菠蘿烏龍茶🍍（$52），前者拉花拉得用心，令人賞心悅目，加上所選用的茶葉優質，令整體茶味更突出；後者用手搖式沖製，形成上層厚厚既泡沫，口味清新解膩，好適合食完Pizza飲下用黎解滯👍🏻👍🏻

An traditional Italian pizza opened at Kwai Hing, Found it when I exit the MTR station exit B.However when I go to KCC building, and found that it’s not easy to reach. Since the main door is facing the road, I need to exit the building and go to the street for go inside. May be because of that, there are lack of customer.Staff recommended the chicken wing and small 9inch truffle pizza for us , the taste of wings are not bad but seems not hot enough, the handmade pizza dough is nice, but 9inch se

嗰日因為探嫲嫲,經過葵湧,所以去食呢間意大利嘅著名披薩店。當然最出名嘅係佢哋意大利地中海嘅pizza..媽咪食左意式肉腸pizza, 我食落個披薩都幾足料夠熱而且芝士係意大利真正嘅芝士,mozzarella,唔係一般嘅餐廳所識得到。而且佢哋嘅蘑菇出名好香,用italy同埋法國嘅入口,加上佢哋嘅pomodoro 番茄醬真係冇得彈。可以發揮到披薩嘅色香味俱全。我自己就叫咗個黑松露意粉。個醬汁真係好夠濃好好食。這黑松露本身成本好高。 😊

大學時期去過意大利做交流生，想當年一星期都會食到幾次Pizza。雖然成日食從來唔會厭倦，只因意大利嘅Pizza真係好好味。返到香港之後我一直好懷念果種獨有嘅意大利Pizza風味。香港好少食到正宗嘅意大利Pizza，今晚嚟到呢間自稱係全香港頭10間最好食嘅Pizza店，一試就知龍與鳳！可能由於新型肺炎肆虐，所以餐廳冇咩客人，我哋好似包左場咁..餐廳有提供消毒酒精紙巾比客人消毒餐具，非常貼心！先來一客prama ham火箭菜沙律($88)，火箭菜份量超多而且好新鮮，西班牙火腿充滿鹹香味，同新鮮爽脆嘅蔬菜一齊食味道好夾。主角意大利辣肉腸pizza($96) 這個份量啱啱好適合情侶分享黎食，芝士味道非常香濃，食嘅時候有拉絲嘅效果，記得一定要趁熱食！辣肉腸都幾厚切，食落口感唔錯。下次要叫大個先得，好食到停唔到口。飲品方面我哋點左凍抹茶牛奶同埋熱朱古力，兩杯飲品嘅奶味非常香濃，甜度適中，好有水準。

同朋友路過kcc附近口痕痕想食個中午餐見到有little mario’s pizzeria二話不說走入去醫下肚餐廳好貼心，附上消毒酒精紙比每個客人南瓜火箭菜沙律沙律菜好新鮮，南瓜好清甜，表面卜卜脆份量都好足夠，二人吃 very good松露卡邦尼Pizza一上枱熱辣辣，仲要好香松露味size for 中午兩個女仔剛剛好，每人兩件皮薄又夠脆，好喜歡呢d pizza口感Pizza 中間係半熟蛋，蛋是流心的！飲品叫左一杯凍朱古力同熱mocha熱mocha好香濃凍朱古力算大杯，不算太甜👍🏻

Little Mario's Pizzeria was one of the top 10 pizza restaurants in Hong Kong and we went to their Kwai Hing branch tonight. It was located at Kwai Cheong Road, just beside Kwai Hing MTR.Even though it was a small shop, they offered several flavours for their pizza. Besides that, they served appetizers, pasta, salads, curries, drinks and desserts.  Hot chocolate - It was creamy and smooth, with strong chocolate taste. It was sweet as well. Mint lime soda - It was gassy and refreshing, with mint l